بشروني ياهل الهيلا بشروني

[عبدالله الـعتيبي]

بعد التحيه

ماوضعت موضوعي هنا الا لان قسم المحاولات الشعريه اخذ مليون سنه ولا احد رد

تكفون ياربعي افيدوني

كل ماسويت ابيات يقولون مكسوره وانا اشوفها موزونه

وش الحل

فيه لحن سهل او شنو؟؟؟؟؟؟؟؟

[سعد المسـعودي]

المشاركة الأصلية كتبت بواسطة عبدالله الـعتيبي

بعد التحيه

ماوضعت موضوعي هنا الا لان قسم المحاولات الشعريه اخذ مليون سنه ولا احد رد

تكفون ياربعي افيدوني

كل ماسويت ابيات يقولون مكسوره وانا اشوفها موزونه

وش الحل

فيه لحن سهل او شنو؟؟؟؟؟؟؟؟

أرحب ياعبدالله العتيبي ...
وأبشر بعزك ... وأناأخوك ...

مع أن كل ماأستشفيته من خلف سطور الموضوع ..
إنك تتكلم ... محاولات في مجال المحاوره ...
فلا أعلم هل ماأستشفيته صحيح أو لا ..
لذلك .. لـو كان مرفق بهذا الموضوع ..
كم بيت ... من ماكتبت ..
لإجل .. يتم التداخل من عبر بوابتها ...
لإدارة دفة طاولة الحوار ..
من أجل إن تعم الفائده ..

ولك سمو أحترامي

التوقيع

[عبدالله الـعتيبي]

الله يوفقك قول امين

وياليت تتواصل معي وانا اخوك ولا تقطعني بوصالك ابي الفايده تكفى

مو شرط بالمحاورة

في كل المجالات نظم ومحاورة

وكل مالحنت اشوفها موزونه غيري يشوفونها غير موزونه

تفضل بيتين

عجزت اقاوم اهمومي طول الاعوام=عجزت اقطع طريقن مسلك مساره
مغير تنقص سعاده وتزيد الالام=ولاجيت اخط القصيد ضاق العباره

تكفى يالمسعودي وانا اخوك ولو ضقت مني شوي

[فيصل مطر]

يا عبدالله واناخوك العبد ماياخذ بيده من مواهب الله شي وبالنسبه لشعر. اثنين يخطونك فيه دايم .

احدهم صادق. والاخر حاقد؟ولاكن خلك دايمن مع ثقتك حول نفسك لايغر الي يصفق لك ولايحطمك الي

يخطيبك. هاذا اولا

ثانيا.انافهمت منك باختصارتقول كل ماقول بيت قالو مكسور وهاذايعني تعلم نظم القافيه والظم فراسه

وليس موهبه تقدر تعلمه وليش لا

وكونه مكسور اولا مايحتاج تسال عنه احد اكثر من انك تغنيه وتلحنه وايذاوجدت انه ينتغنا وينتلحن

واناخوك خلاص هاذا هو المطلوب وكذاب الي يقول لك مسكور دام انه ينتغنا

يعني اول ماتفكر تقول اكيد تفكر تغني لحن وتبني عليه وماركب عليه فهو. راكب وصح من حيث القافيه

ارجو من الله اني قدر افيدك بشي ياخو وبالتوفيق انشالله

تحياتي

التوقيع

صاحبي عوده ليان أليا ثنيته=مودمين كنه الداب يتلوى مودمين طول عمري ما لقيته=مالقيته في عيال آدم وحوى والجديل الي عليه الياء رميته=قام يسترسل طويله ويتطوى (فيصل مطر)

[عبدالله الـعتيبي]

فيصل انا ألحنها تطلع بلساني موزونه

والغير يقولون مكسورة ومن ضمنها منتدى الهيلا

ولي كذا ابيات لو تدخل الاحصائيات حقتي

تكفون يالربع لاتتركوني

انا احب الشعر اكتب وكل شي بس المشكله الوزن

[فهد رشيد الزلامي]

حياك الله ياعبدالله

واضح انك تحب الشعر وعندك الموهبه ولكن يالغالي ربما تفتقد لأحد أهم ركائز
المقدره الشعريه وهي الوزن ... وربما صياغة الفكره الشعريه.

طبعا هذا الكلام على أساس البيتين اللي كتبتها فوق وأبي احاول اساعدك وأوضح لك بعض
التعديلات اللي أنا أشوف إنها تخدم البيتين ... ويمكن غيري يشوفها بدون داعي.

مثلا .... عجزت أقاوم همومي طول الأعوامي

لاحظ زيادة حرف الياء جعلت الشطر الأول مستقيم الوزن... وأتمنى مثل ماقالوا الإخوان تلحن
الشطر السابق قبل وبعد وتكتشف الفرق.

أما الشطر الثاني .... عجزت أقطع طريقن مسلك مساره

لو تلاحظ آخر ثلاث كلمات نفس المعنى وهذا خطأ في الصياغه الفكريه وأيضا الوزن مختلف تماما
عن الشطر الأول وهذا تعديل بسيط:

عجزت أقاوم همومي طول الأعوامي=وعجزت أحدد مساري وأتجه يمه

أما البيت الثاني تنطبق عليه نفس الملاحظات ... خلل في وزن الشطر الأول ... وخطأ في صياغة الفكره في الشطر الثاني.... وهذا تعديل بسيط :

النقص في فرحتي والزود بالآمي=شكواي لله وكلن يشتكي همه

ختاما يا الغالي ... من الممكن أن أكون غلطان ولكن حبيت أفيدك بما لدي من معلومات قد يراها البعض صحيحه والبعض يراها خاطئه ... ولكن هي ليست معلومات من شاعر أو ناقد وإنما محاولات شخص يحب الشعر .... تقبل مروري بصدر رحب وعذرا على الإطاله... تحياتي

[عبدالله الـعتيبي]

بيض الله وجهك وانا اخوك وماقصرت

أفدتني بما لا أعلم

بالتوفيق