ترانا ماتربينا على تنبيشة الأكفان=نذم الحي في وجهه وللي ات غفرانه

[نايف بن عرويل]

بسم الله الرحمن الرحيم

(( الهيلا))
كما اردتم انتم ان تسمونها هي اهداء لكم اتمنى ان تقبلوها مني

http://file9.9q9q.net/Download/13476...-----.3GP.html

إلامن صاح صياح الضحى ثم شخصت الأعيان =وراغ الحلم والفارس رقص للموت شيطانه
احد جسرٍ على الهيجاء واحد عوّد عقب مابان=وأحد من خلقته عاله على ربعه وجيرانه
وأنا اللي لاحضرت اثبت وانا نايف على الميدان=وأحط الروح في خانه وأحط العز في خانه
وأرجح خانة العزه يالين ارجح الميزان =كذا طبع الشجاع اللي على ماكان جدانه
يقول الفطن لاتقدم واقول سلالة الفرسـان=أنا اللي دايمآ روحه على الهيات شفقانه
أعوّد عقب ماشفت الجموع وبيرق السلطان=حشى لله ماتذكر على نايف وديوانه
أقوم بحملي لحالي واقوّم ربعي العتبان=ليا جت للنهار اللي يثوّر فيه دخانه
لواهيم البحور اللي تلّم بجوفها الحيتان=مشاهيب النجوم اللي تدك الرجم واركانه
مقابيس الوغاء واهل القناء حماية الذيدان=قديم افعالهم تنحت لعرش المجد تيجانه
قبيله من يصافيها حشى لله ماينهان=هذا قول الشريف اللي يقول الحق بلسانه
وترانا ماتربينا على تنبيشة الأكفان=نذم الحي في وجهه وللي مات غفرانه
وإذا ساق الجهل واحد وقفنا ضده بشامان=ولاخنّا ولاحنّا لعهد الله خوّانه
ولا يثر كلام اللي يشكك فالولاء غلطان=وأنا وشلون اوضحها لناسٍ صدق عميانه
ترى ماتلحق الشكّه ياكود السذج الرديان=وزحّل القوم معروفٍ وسيعٍ دايم بطانه
ولاناء للوطن ثابت ولايحتاج له برهان=مثل من ينشد القمراء واقول أبكّ القمر عانه
وسبع انعام في كل القبايل مايجي نقصان =عسى من قصّر بحق القبايل ينتقص شأنه
وأنا كوّنت لي حزبٍ يعاكس وجهة الشيطان=نصره الله في حربه وذلّ اليوم عدوانه
إليّ فالمجتمع صحبه وإلّي فالمجتمع خلاّن=ليامن وقفوا تجلى إهموم القلب وأحزانه
حضرت ولاحضرت إلى على مهره وبنت حصان=لصوت الحرب شفقانه وهيمانه وطربانه
ليامن مرتّك كنك تسمّع ثورة البركان=وإلامن دبّرت غطى غبار القاع سنفانه
تسابق صوتها مدري تسابق هدةّ العقبان=ولكن الأكيد انه يغث الفارس اعنانه
وأنا ماأبدل البيرق بدل بيرق مثل ما كان=وإذا بدلّت ماادور مكانٍ ترخص اثمانه
تحت بيرق هل العوجا حضرنا ناقلين اسنان=وعقبّ شاربٍ يرجع وهو ماخضب سنانه
تحت حكم الملوك اللي لهم من ماضي الأزمان=على وجه الزمن شكره وتقديره وعرفانه
سيوف الحق صاطين الفعول ومنبع الأحسان=هل المجد التليد اللي يعجز الكون كتمانه
حضرنا يوم ذكّرنا بسيرة قائد الشجعان=أميرن تأقف الدنيا مع افعاله وقيفانه
سخيّ يوم تلفي له جموع المملكه ضيفان=يقلط حايل وحايل على حايل لضيفانه
شجاعٍ يوم وكلّه على حد البلد عدوان=محاهم ماترك منهم سواء من سلم اكفانه
حكيمٍ صاملٍ وافيِ كريمٍ وابلٍ هتان=عطاه اغنى جيوب اللي من الأيام فقرانه
نجلّ مجد السدارى اللي لهم و سط الجزيره شأن=عضود موحّد الدوله خوال الفهد واخوانه
لذكر محمد الأحمد تغنى بالقصيد اشجان=وتهداله كذا دانه ورى دانه ورى دانه
عسى الله يرحمه واللي بقى من عهده إليا الآن=قصيد وذكرٍ ينومس محبينه وسلفانه
على ذكره تجمعنا جذبنا نادر الألحان=جمعنا الشعر لولوه وياقوته ومرجانه
ولكن باقي ٍ حاجة واخاف تزعل الشيبان=ولكن هاجس افكاري كتب بالصدق عنوانه
وجوب الطير لاعرّد ودب الضعف فالجنحان=تحطه طلع وتريّح ملايكته على شانه

[يزن الهيلوم]

	يامال السلامه يالغالي صح السانك وبقيت ذخرا للهيلا ياشاعرها البار

[غازي بن فلاح الربيعان]

صح السااااااااااااااااااااااانك يالحر الابي

[عبدالرحمن الهيلوم]

	((((( ص ح ال س ا ن ك ي ا ن ا ي ف ))))) شاعرنا الغالي بيض الله وجهك اخرست الخس و2000خس والحمد لله اننا كسبنا الطيب والنوماس والاسم الذي يتغني به الركبان

[وافي الخماش]

بيض الله وجهك ..


وخش هنا يالغالي ..

http://www.otaibah.net/m/showthread....d=1#post677657

[عيضه الثبيتي]

ابن عرويل


صح لسااااااااااااااانك



لين ترضى


وابيض وجه

التوقيع

البارحه كان اللقاء مابينا كله حلو=احلا من السكر وكلّك يابعد عمري حلا!! من يوم ماقلتي ياروحي يابعد عمري:(الو)=وأنا بخير وعافيه قدام لا اقلّك :(هلا) للتواصـــ عيضه الثبيتي ــــل ezah_6@hotmail.com (ديواني) http://www.otaibah.net/m/showthread....131#post925131

[ابراهيم الزراقي]

نايف عرويل صح لسانك يالصارم اشهد بالله انك مبدع وشاعر جزل
بيض الله وجهك عزالله انك شرفت ربعك وشرفت اهل الشعر في كل مكان تقبل يابو عرويل مروري واعجابي القديم الي تجدد يوم قريت قصيدتك الفاتنه

[ناصر العصيمي]

صح لسانك يالغالي

وتقبل مروري

[البريماني]

صح الله الساانك يالذيب

اشهد بالله انك عقااااب عقااااب

[مانع العتيبي$]

صح السانك مليار يانايف

قصيدة مليانه كل بيت عن قصيدة

تصدق انك شاعري المفضل من زماااااااااااااااااان

والحين زدت الطين بله ههههههههههههههههه

بس تكفى خلك متواصل معنا ولاتقطع ترى ادمنا على قصايدك وابداعك ياذيبااااان