ربح السبيعي .. (( الذيب يسرق من القطيع))

[مشعل الحافي]

...
.

بيض الله وجيهكم


,,,



وصحت السنتكم على الامتاع والابداع


,,,

,,,,

لاهنتوا

.

[أبو نجر النفيعي]

المحاوره عقب التنسيق..



ابو نجر النفيعي

هلا مرحبا يا ربح بين الرياجيل=تراحيب شيخٍ جوه عشرة رجالي
ولا يالسبيعي قوم لا يبرد الحيل=وبيض الليالي عكس سود الليالي

ربح السبيعي

يدوم البقاء يابن الرجال المشاكيل=عدد من وقف عرفه بوقت الزوالي
هات العلم واحسب لليال المقابيـل=ومن لاحسـب للمقبلـه مايبالـي

ابو نجر النفيعي

غزوكم رجالٍ تتعب الجيش والخيل=واشوفك تجاهل علم يا همّلالي !!
بلادي بلاد الدين واكره سرائيـل=وعلمي هذا ماهو بقيلٍ وقالـي !!

ربح السبيعي

ليا من غزيتو قدمكم جمعاً امهيـل=رجال الوفاء ترسي بوقت القتالـي
بلادك بلاد الديـن مافيـه تظليـل=لاكن انت مدري كيف وضعك بتالي

ابو نجر النفيعي

تبون الحقيقه يا عرب جاكم السيل=وشال الخيام اللي تحتها الضلالي !!
نقيع السحابه عقب هـل المخاييـل=تدل ان شلفا ذياب غير الهلالي !!

ربح السبيعي

لاجت للحقيقه يافتى يمك الميل=كلاماً بلا شكه ودون احتمالـي
تبين الحقيه ثم تخفاء الاباطيـل=ويبقاء العلاء طبعاً لراع المعالي

ابو نجر النفيعي

علاك الحمل من بدّت الخلق ياشعيل=ولا كن يم الغـارب الحمـل مالـي
ركبتو سنام الثور وابليس بالفيـل=ورحتو سوا يالين ضيّعـت مالـي

ربح السبيعي

يشيل الحمول شعيل ويوفي الكيل=ولاعالو العيـال ياهيـه عالـي
هذاك انت وانا عارفين المداخيل=ولاندخل الاسوق صافي وغالي

ابو نجر النفيعي

ترا ما نكبك الا الحلـم يـا حليحيـل=ترا السحب يم الشرق وانته شمالي !!
تهاويـل يـا دنيـا المعنّـا تهاويـل=جرالك من الايـام مـالا جرالـي !!

ربح السبيعي

اقول الحقيقه وانت تعلـم بماقيـل=وبالحق تشهد لي زحول الرجالي
تهزابنا وقت الرخاء ياسماعيـل=ويوم انحشرت اتقول تكفاء ياخالي

انتهى

التوقيع

.....

[مشعل الحزيمي]

صح ألسانك ولسانه والله يعطيكم العافيه علي اللعبه الطيبه هذي







اخوكم
مشعل الحزيمي

[ربح السبيعي]

مشكور يابونجر على هالتنسيق الطيب



الرجم النايف


وجهك ابيض يالقرم



وصح بدنك وشاكرين لك تعليقك الطيب



مشعل الحزيمي


هلابك واسعدنا متابعتك لنا

[رجـم النـايـف المطيري]

صح لسانك يالسبيعي

ولسانك يالنفيعي

وياليتني لاحقا على اول اللعب على شان امسك صف النفعه

من غير قصور بالسبيعي

[أبو نجر النفيعي]

المشاركة الأصلية كتبت بواسطة خلف بن مرزوق

...
..

شعراء عمالقة

ومحاااورة راااائعة

صح لسانك يبو نجر

وصح لسانك ياربح السبيعي

مودتي


.

..
هلا وغلا يابو مرزوق

وصح ابدنك يالغالي

ولاهنت..

[أبو نجر النفيعي]

المشاركة الأصلية كتبت بواسطة مرزوق العتيبي

...
.

بيض الله وجيهكم
وصحت السنتكم على الامتاع والابداع .
..
تقديري واحترامي
....

وجهك ابيض يابو محمد

وصح ابدنك وانت الابداع والامتاع يالغالي

لاهنت

[أبو نجر النفيعي]

المشاركة الأصلية كتبت بواسطة سعود العصيمي

الشاعرين


الكبيرين

ربح السبيعي


وفيصل النفيعي


صحت السنتكم


محاورة رائعة


لكما مودتي وتقديري

ابو طايل

صح ابدنك ولاهنت يالغالي
والابداع وجودك

مودتي