مرثية في شيخ قبيلة المغايره الشيخ / ضيف الله بن صالح بن مذكر بن حمد المغيري

[خيال الشمال]

مرثية في شيخ قبيلة المغايره الشيخ / ضيف الله بن صالح بن مذكر بن حمد المغيري

مرحوم جعلك ياأبو نواف بجنان
في جنة الفردوس ياأبن الحمـايـل

عساك بالجنات ياذيب سرحـــان
يــارب أغــــفرله كـثير الجمــايـل

يارب أرحم عز من جاة بلشــان
الشيخ ضيف الله كــريم الخصايـل

عساة مايقــرب جحــايم ونيران
وعسى على قبرة تهــل المخــايـل

ياعل قبرة نور من نور الأيمان
الي بوجهه عـــز من جاة ســـايـل

عساه بالجـنات ميزور الحـزان
ويـارب أغفرلـــه عـريب السـلايـل

ياعل أبو نواف في حفظ رحمان
مغـفور ذنب الشيـخ عز الدخــايـل

يارب أرحم صاحب القدر وأحسان
جعلـة بخـير ولا يشوف المــلايـل

نواف وخوانة بعز (ن) ورفعان
نواف ذخـر الي بة الحـمـل مـايـل

نواف من مطنخ صناديد عتبان
أبن ضيف الله عاشــقآ للفضــايـل

نواف تاج المجد مافية جحدان
فية الشــهامة والكــرم والتفـايـل

نواف عز الي من الهم حيران
نواف فعــلة ماحصتــة السجـايـل

نواف شيخ وله ثمانين برهان
نــواف دايــم مايــجـــي لــرذايـل

وجميع عتيبة مابهم كل نقصان
أحبهــم وأنـا مـن أولاد وايــــــــل

وختامها جعل الفقيدة بغفــران
صلو على المخــتار بآخـر مثايــل


الشاعر / حماد مناور العنزي

[ألعتيبي فالح]

صح لسان الشاعر حماد العنزي ... ما يستغرب الوفاء من الويلان ونعم بهم والله يديم المحبه

والله يرحم الشيخ ضيف الله ويسكنه فسيح جناته

[ابن صنهوت]

الله يرحم ضيف الله فقيده ابن حمد

[ابن مغير]

الله يرحم ابن حمد عزالله انه فقيده ولاهنت يابن وايل على هالقصيده وصح لسانك واعتلا شانك ولاعليكم زود ولاهوب غريبه الطيب منكم

[قلب الديب المورقي]

صح لسانك
وانا لله وانا اليه راجعون
نسئل الله له الرحمة والمغفرة

وتعازينا للقبيلة كافة في فقد هذا الرجل

[بن طمحي]

الله يرحمه وبيض الله وجهك

[فلاح بن عايض اليامي]

الله يرحم الفقيد ويغفر له ويلهم اهله الصبر والسلوان
وصح لسان الشاعر

[عريدي والراس عالي]

رحم الله الشيخ ضيف الله واسكنه فسيح جناته