ياثبيت المجد

[فايز بن سرحان الثبيتي]

قصيده كتبتها بمناسبة الاحتفال بزواج الاخ والشاعر / محمد بن عبدالله بن زياد الثبيتي

منعتني ظروفي من حضور الحفل ولكن القصيده كانت هناك "

مالكم فالطويله <<<<<


تفضلواااا

ياشوارد فكري الليله الماقف صعيب = غيبتي ذنب وحضورك عساها مغفرة
ان بديتي كل راس ماهو راسك يغيب = لو ينوش العود الازرق سنام المبخرة
كني المطلوب وانتي تسدين الطليب = في مقام مابقى شي دونه نذخره
المقام مروحي والهقاوي ماتخيب = وانت يابن زياد لاهلك وربعك مفخره
بيت عرف من سلايل ثبيت وساس طيب = والشعر حنا جباله وشطه وبحره
المقام مروحي والوفا ماهو غريب = حلة للضيف ماجوبها ماتقصره
تنطحه بالبن والهيل وامات العصيب = والحجاج الطلق سلم الوجيه المسفره
المقام مروحي يومها حظ ونصيب = فاللقى ياسعد من كنتم حزام ظهره
عزوتي في مدحهم عد قافي مايشيب = بيت من سموا ثبيت العريقه مصدره
ياثبيت المجد ربعي هل الراي الصليب =مجدكم لا زالت امة محمد تذكره
ماجحد تاريخكم شيخ واستاذ واديب = غير جاهل حده الواقع وسد نحره
ياثبيت الساس ربعي عمى عين الحريب = فالحجاز الكم على الطيب والعز شجره
شجرة مدت وفيت على نجد العذيب = وكل غصن ماله ظلال مافيه ثمره
ياثبيت الفعل ربعي مروضة الصعيب = كل غاوي عن طريقه تجيبون خبره
كنكم قمة جبل والقصيده صوت ذيب = شاش راسي كل ما لج صوت الحنجره
والقباييل كلها مابها شك وريب = كل صقر فالمواقيف فعله يظهره
والختام ازكى صلاة على طه الحبيب = عد نو لاح وسم الحيا تحت مطره

التوقيع

إذا شئت أن تحيا سليما من الأذى=وحظك موفور وعرضك صين لسانك لا تذكر به عورة امرىء=فكلك عورات وللناس السن وعينك إن أبدت إليك معايبا = فصنهاوقل يا عين للناس أعين وعاشر بمعروف وسامح من اعتدى=وفارق ولكن بالتى هى أحسن