تغطية حفل أبن حتيرش أحتفاء بمقدم ضيوفه الكرام شيوخ الأساعده والذي أقيم بمحافظة بقعاء

[بندر سعد]

بسم الله الرحمن الرحيم

السلام عليكم ورحمة الله وبركاته

أشرقت شمس هذا الأربعاء بزيارة كوكبه من شيوخ الأساعده

من أهالي الزلفي والأسياح واساعدة ساجر وعين ابن فهيد ومن الرياض إلى

محافظة بقعاء الغالية وذلك بدعوة من الشيخ / سعيدان الحمود الحتيرش

الذي اقام لهم محفلاً ضخماً وفاخراً وهذا ليس بغريب على سلايل الأجواد

حيث أقام لهم غداء فاخراً احتفاءً بهذه المناسبة في منزله الواقع في بقعاء الشرقية

وفي أثناء طريقهم قام الضيوف بزيارات لبعض دواووين أهالي بقعاء

حيث زاروا ديوانية أبناء المرحوم / سعود الخميس حيث أستقبلهم

أبناء المرحوم بكل حفاوة وترحيب

ومن ثم إنتقل الضيوف إلى ديوانية الأستاذ/ عبيد عبدالرحمن العبيد

وأستقبلهم هو وأبناء عمومته بكل حفاوة وترحيب

ثم إنتقل الضيوف إلى ديوانية الأستاذ/ سويلم حمود السويلم

وأستقبلهم هو وأعمامه بكل حفاوة وترحيب

ثم إنتقل الضيوف إلى ديوانية أبناء المرحوم / سليمان العبيد الحتيرش

وأستقبلهم سلمان وجراح وطارق وعبدالله أبناء سليمان الحتيرش بكل حفاوة وترحيب

ثم إنتقل الضيوف إلى ديوانية الأستاذ / فهيد عبدالله الحتيرش

وأستقبلهم بكل حفاوة وترحيب

ثم إنتقل الضيوف إلى ديوانية الأستاذ / مانع محمد الحتيرش

وأستقبلهم بكل حفاوة وترحيب

ثم إنتقل الضيوف إلى ديوانية الأستاذ / سعد حماد الحتيرش

وأستقبلهم بكل حفاوة وترحيب

وبعد ذلك وصل الضيوف إلى المخيم الذي اقامه الشيخ سعيدان الحتيرش

إحتفاء بمقدمهم وأستقبل ضيوفه الكرام بكل حفاوة وترحاب

تخلل ذلك تداول الحديث الودي بين الضيوف ومضيفيهم

كما ألقيت بعض القصائد إبتهاجاً بهذه المناسبة

حيث القى أحد الضيوف قصيدة ترحيبية أمام الحضور

ومن ثم ألقى الشاعر / نايف العبيد العتيبي قصيدة ترحيبية بالضيوف

ومنها ....

يامـرحـبـا مـلـيـون مـامـالـت أغـصــان= ومـاتـرعـد الـقـبـلـه ويــــرزم سـحـابــه
أهــلاً هــلا بضـيـوف خـالــي سـعـيـدان=الــلـــي يــشّـــرع للـمـسـايـيـر بـــابـــه
ابـن الحتـيـرش مــن سلاطـيـن عتـبـان=جـــدّه سـعــد راع الـسـطــر والـنـجـابـه
شـايـع لجـالـه مــن قـديـمـات الأزمـــان=فــي قصـرتـه عــدّه زبــن لـيـث غـابــه
واهـدالــه الهـيـقـا بسـاتـيـن وحـصــان=عــســى الله يـطـيّــب ثــــراه وتــرابـــه

وقال أيضاً

ونعم(ن) بأهل بقعاء شباب(ن) وشيبان=لـلــضــد نــــــد ولـلـنـشـامــا حــبــابــه

والآن أترككم مع صور من الحفل

[غازي البقعاوي]

ونعم باساعدة بقعاء
ونعم بالحتيرش احفاد راعي الصغيره فهم اهل كرم في ديرة الكرم
ويكفي بريك راعي بقعاء الاسعدي
الذي ذكره عدوان الهربيد في شيخة شمر (قصيدة عصماءذكر فيها 40 شخصيه)
من مشاهير الكرم الذين يتمتعون بثلاث خصال او اكثر
وهي الشعر والكرم والشيخه والفروسيه


واعيان الاساعده اهل الاسياح والزلفي
هم سفراء عتيبه بالكرم ومكارم الاخلاق
ويستاهلون ذلك وازود
مشكور يابندر على هالاخبار الساره


وهذه قصيدة ساحر الشعر نايف العبيد الاسعدي كامله

يامـرحـبـا مـلـيـون مـامـالـت أغـصــان=ومـاتـرعـد الـقـبـلـه ويــــرزم سـحـابــه
أهــلاً هــلا بضـيـوف خـالــي سـعـيـدان=الــلـــي يــشّـــرع للـمـسـايـيـر بـــابـــه
ابـن الحتـيـرش مــن سلاطـيـن عتـبـان =جـــدّه سـعــد راع الـسـطــر والـنـجـابـه
شـايـع لجـالـه مــن قـديـمـات الأزمـــان=فــي قصـرتـه عــدّه زبــن لـيـث غـابــه
واهـدالــه الهـيـقـا بسـاتـيـن وحـصــان=عــســى الله يـطـيّــب ثــــراه وتــرابـــه
نعـم(ن) ياولـد حمـود يـاذيـب سـرحـان=ذيـب(ن) ولـد ذيـب(ن) سلايـل اعتـابـه
قـنـيـانـك اتــجــدّه لـعـانــي وضـيــفــان=وحــيــرك امــفــوّه للهجــافــا شـعـابــه
اتــبّــرك الـقــعــدان وتــحـــط طـلــيــان=وتـبـهّــر الـفـنـجـال طــيــب ورحــابـــه
مـاهـي غريـبـه لنـجـب الـحـر شـيـهـان=والــذيـــب لاعــقّـــب يـعــقّــب ذيــابـــه
ونعميـن باخوانـك لـك احــزام واعــوان=تِـكـرم جـنـاب الضـيـف تـكـفـل زهـابــه
زيــد وعقـيـل ومعـهـم فهـيـد شـجـعـان=فـعـايـل(ن) مـاهــي هــــروج وكـتـابــه
ولايهـون أبويـوسـف سـلايـل اكحـيـلان=خـالــي مــبــارك بـالـنـوايـب عـصـابــه
قايـد لــوى لامــن غـشـى الـجـو دخــاّن=يـمـنـى ولـــي الـعـهـد يـــوم الـحـرابــه
يفخـر بـه الجيـش السعـودي وسلـطـان=يـفــزع لـيـامـن الـزمــن عـــض نــابــه
ونعم(ن) بأهل بقعاء شباب(ن) وشيبان=لـلــضــد نــــــد ولـلـنـشـامــا حــبــابــه
وانتم ضيـوف الخـال وانتـم لنـا أخـوان=الـزلـفــي والأســيــاح ربــــع وقــرابــه
يقـولـه ابــن عبـيـد يــوم الشـعـر حــان=مـثـايــل(ن) حــنّــت عـلـيـهـا الـربـابــه
الـيـا زهـمـت الشـعـر فــي حِلّـتـه بـــان=والـلــي تمنـيـتـه مـــن الـشـعـر جـابــه
شاعر ولـي فـي الفخـر مصـرع وبيبـان=يشـهـد لـنـا راعـــي سـمـيـراء وطـابــه
عمّـي خـلـف شـيـخ العشـيـرة ابليـهـان=عـلـى الـشـرف والـعــز سـيّــر اركـابــه
ابــن الحمـيـدي راجــح العـقـل مـيــزان=مــن لابــة(ن) تـســوى ثمـانـيـن لابـــه
وجـدي ابريـك اللـي علـى الطايلـه بــان=الـلــي جـمــع زيـــن الـنـبـا والـمـهـابـه
وختـامـهـا يـغـفــر لــنــا رب رحــمــان=اللـي علـى الطـاغـي شـديـد(ن) عـذابـه

التوقيع

قصيدتي ( برقا وروق عينان في راس ) http://www.otaibah.net/m/showthread.php?t=49814 شيلة مهنا روق وبرقا شيلة سعود الدلبحي لقصيدة الشاعر الكبير غازي بن عون الرويس لمتابعتي بتويتر Albagawi Ghazi@غازي جزاع العتيبي

[*الغويري*]

حياك الله يابوحسام


بيض الله وجهك ووجيه الحتيرش والاساعده

والله ان فعلكم ينومس وعلومكم ترفع الراس وعساكم عالقوه يالعزوه


تقبل تحياتي وبلغ سلامي

[فهد النفيعي]

ونعم في عيال العم الاساعده والف نعم


والله يجمعهم ولايفرقهم

[عبدالله المسعودي]

ونعم والله ماهي غريبه على الاساعده

اهل طيب وكرم وعلوم طيبه

لاهنت يابندر

[فهد براك الاسعدي]

والله والنعم مليون بالاساعدة علومكم تشرف وترفع الراس

بندر سعد
تسلم يمناك على نقل ضيفت سعيدان إبن حتيرش للأساعدة عيال العم بالزلفي والاسياح وعين إبن فهيد والرياض.

&&


غازي البقعاوي

يعطيك العافية على الاضافة وبريك الاسعدي غني عن التعريف
وفد ذكر كما قلت انت ضمن اربعين شاعر ذكروا وهم من كبار الشخصيات بالجزيرة العربية ومن عرضهم عنتر بن شداد وابن رشيد وحكام من
ال سعود
كما اشكرك أخي غازي على إضافة باقي القصيدة للشاعر
ابن العم
نايف العبيد الاسعدي العتيبي.




تحيتي,.

[الرومي]

ونعم بالاساعدة .

تغطية اكثر من رائعة .

التوقيع

migeed33@hotmail.com

[@ـايل]

اي والله ونعم في بني عمنا الاساعده اهل طيب وكرم ونخوه ...

بيض الله وجهك يابندر سعد على هذه التغطيه الطيبه ...والله يعافيك..

التوقيع

شكر خآص للأخ العزيز (سمي جدي) ,,, للتواصل,,, hail-osaimi@hotmail.com الفيس بوك : هايل العصيمي انستقرام : hailosaimi تويتر : AlHooL@

[بندر سعد]

غازي البقعاوي شاكرين مرورك العطر الذي اضاف الي الموضوع اطلالة جميلة

[القادم بقوة]

كفو يا عزوتي يا الاد روق
ونعم والله بعتيبة كلهم اهل علوم طيبة

مشكور على التغطية