مــــــلحـــــمة عتيبه لشاعر الكبير / كديميس العصيمي

[خالدالروقي]

الله ياغافـر خطـايـا عبـيـده
ياحاجـزٍ مابيـن بحـره وقاعـه
ارجوك باالدنيـا حيـاة ٍ سعيـده
وبالآخره رحمتك يـوم المراعـه
إذا حصد راعي الحساب الحصيده
وتفقد المحصول راعي الزراعـه
اعمالنا من غيـر عفـوك زهيـده
انته رجاء الإنسان حين انصراعه
وان كان كلٍ قـام يفخـر بصيـده
يوم ان كل ٍ مـن حريبـه متاعـه
سر ياقلـم سجـل مشـد النشيـده
نبي نجدد مامضى عـن ضياعـه
عليك تصريـح الخبـر وتحديـده
وانـا عليّـه صنعتـه واختراعـه
سجلـي ابيـاتٍ نظـافٍ وكيـده
بكتاب عن نقد اللواعيـب راعـه
حاول يصيرالبيـت جملـه مفيـده
حتى يليق لمـن قـراه استماعـه
ابرسلـه لا بـان جـده وجـيـده
ليا منبع الحكمه وبحـر الشجاعـه
اسندت لأبن حميد صدر القصيـده
ويصدر عليها الحكم بعد اطلاعـه
سلطان ابن جهجاه شيـخ البديـده
حلال صعبـات الأمـور ابراعـه
شيخ ٍمحابيـل العـداء ماتصيـده
ولوهاجمه وقته بحربٍ مااطاعـه
ولو شاف غاراته وسمـع تهديـده
ومخالط ٍ بعـض النوايـا لكاعـه
بثنا المحافـل والعيـون الحديـده
ماهوب في صعب المواقف رعاعه
وان جا نهارٍ فيه صايـد وصيـده
هوقايد الهيـلا نهـار الصعاعـه
هو قايد اليـوم الكبيـر وعميـده
ليا صار بالميدان شريـه وباعـه
امارتـه ماهيـب بدعـه جديـده
بالجود والأمجـاد ياطـول باعـه
له راية ٍ بيضـاء عتيـق ٍ عتيـده
وعمودها فيه الرها بـا رتفاعـه
رايـه يسلمهـا الكبيـر لحفـيـده
نعم الوديع ونعـم ذيـك الوداعـه
تركي سمع في وسط نجدٍ بجيـده
ولا احدٍ يجيها الا يسوق الرتاعـه
من دونها قـومٍ عصـاة ٍ عنيـده
واميرهم ماهوب سهـل انصياعـه
وكتب مكاتيبـه وطـرش بريـده
وساس الأمور بكل حلـم ووقاعـه
وحاول بشتى الطرق يقنع ضديـده
لكن عـن رايـه ياكـود اقتناعـه
وبعد انغلق باب المساعي الحميـده
شب الشعار وشاف راي الجماعـه
وقالولـه ارسلـك بيـان بجريـده
رد النقـا لاهـل النقـا بالاذاعـه
ان كان يبغى الحرب حنـا نريـده
وفينا ليا حمي الوطيس استطاعـه
لابد مانرفع يـده عـن رصيـده
وش عاد لو حصن حماه بدفاعـه
وشن الهجوم وصار تركي عقيـده
وصمم على حرب الحريب ونزاعه
وتواجهـوا والله فعـل مايـريـده
واحد ٍ كسب واحدٍ خسر له بضاعه
تركي كسب دار ٍ عريض ٍ مديـده
وخصمه كتب للدار حامض وداعه
وا فعال ابن هندي بنجـد ٍ مجيـده
ان صارللحرب الضروس اندلاعه
محمد لايا حكـت حديـده حديـده
مافيه عن وجه الحريب انهزاعـه
شيخ ٍ يجندل في المعـارك قنيـده
فعله زرع بقلوب الاجناب راعـه
جدعة قبيله فـي اللقـى ماتكيـده
بالسيف من سرج الجواد انجظاعه
امـا قطـع يمنـاه ولا وريــده
ولا بحـد السيـف يبتـر خناعـه
وليا عمد جمع ٍ هدم منـه حيـده
وليا انهزم خصمه يعـاف اتباعـه
علـط الأسنـه باللقـى ماتصيـده
تقـول معطيـه الكريـم المناعـه
يا ما ذبح يوم الرحى مـن فقيـده
وخمسين من خيل الطنايا قلاعـه
محـذِ اليديـن الفارغـه مايفيـده
من القيوم يحذي مفلسين الجماعـه
يريد صعبـات الأمـور وتريـده
ليا صدعن صعب الأمور الزعاعه
ولأبن بجاد بنجد سيـره رشيـده
رمزالمهابـه والتقـى والقنـاعـه
شيخ ٍ نشر بيـن العبـاد العقيـده
واعلن منار الدين واشرق شعاعـه
ومن شذ عن درب الجماعه يعيـده
بالوعض والا بالسـلاح ارتداعـه
كم شيخ قوم ٍ حـط بيديـه قيـده
حتى استقام الشيخ بعـد امتناعـه
وقاد السرب لإ خضاع من لايفيده
عن الوعظ والإرشاد فيه انقطاعـه
يالله عسى روحه بعفـوك شهيـده
حيثه عمل بكتاب ربـه واطاعـه
ولهـم قبيلـه كـل فـن ٍ تجيـده
فالحـرب لاعـم البـلاد اتساعـه
بالسيف والرمح الردينـي طريـده
وهدف ٍ يشيلن الهدف بالسراعـه
وشلف ٍ على قب ٍ عراض ٍ حديده
قبل يجي عصر الفضا والصناعـه
عاشت بنجد سنين جـرد ٍ عديـده
وجيرانهـا ناوينهـا بالقطـاعـه
محفوفة ٍ من كل صـوب ٍ بمكيـده
وقوم ٍ لهم في كل يـوم ارتباعـه
من احزاب من كثر العدد مستفيده
هذا يهاجمهـا والآخـر ارداعـه
مـر ٍجمـع عبـده ومـرٍ عبيـده
مرٍ هل العارض تميـم وخزاعـه
ومرٍجمع علـوى وعلـوى نكيـده
وبريه هم واخواننـا بالرضاعـه
لكـن ردت كـل جمـع ٍ بكيـده
وكل ٍ تبرى من حليفـه واضاعـه
قامت ترد الصاع صـاع وتزيـده
كل ٍ تكيل الـه المنايـا بصاعـه
واقفوا لهم مع كـل فـج ٍ سريـده
السالم اللي راح يسحـب كراعـه
وارست قواعدهـا بنجـدٍ وطيـده
وتخيـرت مثنـاة نجـد ورفاعـه
برقا وروق الهم مواقـف فريـده
وفيهم على جمع الحريب اندفاعـه
مثل العضيد اللي يسانـد عضيـده
والجمع دايـم عزتـه باجتماعـه
يلجاء لهم من كان حملـه يكيـده
من الخوف والا في ليالي المجاعه
برقا هل الروز الثقيـل الوحيـده
ليا بنى حـرب القبايـل شراعـه
اليا واجه الموعـود راع الوعيـده
وتعانقت حدب السيـوف بشناعـه
يا ما نحوا بسيوفهـم مـن بديـده
عن نجد يوم انه تقانـب اسباعـه
دقلاتهـم جمـع المعـادي تبيـده
ليا حاربوا جمـع ٍ يتـم انقشاعـه
مثل الخيال اللي مزونـه سديـده
سيله يطـم المنخفـض والرفاعـه
واولاد روق اللي خطاهـم بعيـده
اللـي لهـم كزالمجـوخ ولاعـه
قطاعة الفرجه ليـا جـت شديـده
يوم ان كل ٍ نجدتـه مـن ذراعـه
من اللي خذا طرش الحفيف وعبيده
وهفه وتفـه مـن شفـاتٍ لقاعـه
وليا بدا زحـف الحديـد لحديـده
عا داتهم كسب النصر وانتزاعـه
وقعة طـلال ام العلـوم الأكيـده
بالكتب سجلهـا جهـاز الطباعـه
يوم ان ابن فيصل نواهـم بكيـده
وسحب مطير ومن يحب الطماعه
وبعد انتهى دور السبـر والقعيـده
وقالوا هل الرايات للخيـل فاعـه
لبسوا دروع ٍ محكمـات ٍ جويـده
وسلوا سيوف ٍ مطعمه سم ساعـه
وردوا شديد البـاس عمـا يريـده
واقفا يحث مع الخريمـه رباعـه
وليا ولوا خلوا للأعـداء شريـده
ويشهد على ميدان معتق ضلاعـه
شيمة عرب حتى المحارب تفيـده
ليا ذل تترك له طريـق انجلاعـه
هذا بيان ومصـدره مـن جريـده
جريدة الأخبـار ساعـه بساعـه
بأقـلام لا عجلـه ولاهـي بليـده
مأمونة الاطراف عن كـل تاعـه
لا تنقص الواقـع ولاهـي تزيـده
كل ٍعلاماتـه علـى مااستطاعـه
عديت بعض اللي نويـت تعديـده
وكشفت عن وجه المجلـد قناعـه
وانهيت بالصفحه مطاف النشيـده
وصلوا على صاحب مقام الشفاعه [/poem][/align][/poem][/poem]

آخر تعديل خالدالروقي يوم 18-May-2008 في 04:31 PM.

[وافي الخماش]

صح لسان كديميس ومشكور على النقل ..

[/عبد العزيز الجذع/]

الله الله الله...


صح لسان الشاعر الكبير : كديميس العصيمي....



لاهنت يالروقي....

[الهيـ(صبي)ـلا]

صح لسان الشاعر كديميس


ويعطيك ألف عافيه على النقل

[ضاامي وفااا]

صح لسان الاسطورة زعيم الشعر كديميس بن صالح وبيض الله وجهك

[محمد العتيبي]

بيض الله وجهك ياخالدالروقي ..
وسلمت يداك يالغالي ..

وصح لسان الشاعر المرعب : كديميس بن صالح ..
على هذي الملحمه ...
...

التوقيع

للتواصل عبر twitter تويتر al_bargawy@

[قادح شرار]

صح لسان العصيمي على هالملحمة الرائعة .

[نايف بن ملحق الثعلي]

خالد الروقي بيض الله وجهك
وصح لسان الشاعر كديميس العصيمي

التوقيع

ما هوب لازم توقيع00

[اخو شطنى]

كغو ياكديميس شاعر فحل من شعار عتيبه الكبار
تقبل مروري

[بجاد علي]

فعلاً هذه ملحمه

شكراً