اشعار ومحاورات قديمه لشعراء عتيبه اهل الحجاز (الثبته-- النفعه)

[الامير حريبيش]

المشاركة الأصلية كتبت بواسطة علي الثبيتي

يازينك زيناه يالامير وزين علومك
بيض الله وجهك يباض يبدي كل ريع

لاهنت علي مرورك ياولد ثابت لاخلا ولاعدم

[الامير حريبيش]

المشاركة الأصلية كتبت بواسطة فهااد

الله يعطيك العافيه يالامير

امتعتنا بقراءة هذه المحاورات القويه والجزله والنادره .

لاهنت علي مرورك يافهاد لاخلا ولاعدم

[(مہودع دنہيأهہ)]

ويدوم غاليك ياحبيّبي. وصبحك الله بالخير يالامير

والسلام عليكم ورحمة الله وبركاته.


واما عن الشيخ غازي المنصوري
فوالله مدري لأكن اللي انا أعرفه وانا أخوك إن شيوخ المناصير لهم علاقه قديمه مع الأشراف إلا وقت سقوط حكمهم وإشتهر منهم أكثر من شيخ بصطوته وكان لهم فعل مع الشريف في هذاك الوقت ومن هذولي الشيوخ الشيخ (غازي المنصوري)اللي أكلمك عنه انا مثل ما سمعت من الشياب.وهو من اللي شارك في حرب تربه مع الشريف ضد الملك عبدالعزيز رحمة الله عليهم جميع.وأيضاً أخبر له شطر من مراد سمعته من جدي بين الشيخ تركي بن هليل والشيخ غازي المنصوري.والمراد كان بيت من إبن هليل ورد الوصيفر عليه.وذكر فيه بن هليل إسم الشيخ غازي.



والشطر اللي اخبره لغازي.


انا ما أستديت.......ولا زورت بدريه



وله ذكر في قصايد قديمه قد سمعتها من العواده الله يخليهم إلنا.وإبا أحاول وإن قدرت اجيبها جبتها.

عاد مدري والله اللي أنت ذكرته هو نفسه هذه اللي انا أقصده ولا فيه إثنين من شيوخ المناصير إسمهم غازي؟




واما بالنسبه لشيخ ثواب رحمة الله عليهم هو وجميع موتى المسلمين.

فياليت لو ما عليك أمر تكتب قبل سنه بالتحديد يعني كه(قبل خمسين سنه قبل ثلاثين سنه)لأن الحساب جايتني منه عقده ولا أعرفله هههههههههههههه





واما بالنسبه لبديوي فعز الله إن جدك صاادق (الله يخليهم إلكم)لأني أخبر قبل كم سنه فالعيد جلست عند الشيبان فالصيوان وقامو يعلمونا بقصيد لبديوي ماقد سمعناه و لا تلقاه فالكتب ولا فالنت وإمكن حتى اللي حافضينه ينعدون على الاصابع وهذه كله بسب قلة التدوين الحجاز وبسبه ضاع نص موروثهم.


وياليت والله لو تحاول أنت وفريقك السري هههههههههههههههههههههه (قسم مخابرات رادينها العيال)هههههههههههههههههههههههه وتجيبونها كامله الله لايهينكم ويقويكم.


والله ونعم فيك وفي جداانك وفالجعده كلهم.



تقبل مروري:ونتتضر جديدك



أخووووووك

[نافع]

الامير حريبيش والله ان سوالفك لها مذاق خاص وبعدين بين صدقها وصدق مصادرها كثر الله من امثالك
اتحفتنا بتراث ثمين وبصراحة الشيخ ثواب بن طنف شاعر من الطراز الاول بدون قصور في من ذكرت

[الامير حريبيش]

المشاركة الأصلية كتبت بواسطة (مہودع دنہيأهہ)

ويدوم غاليك ياحبيّبي. وصبحك الله بالخير يالامير

والسلام عليكم ورحمة الله وبركاته.


واما عن الشيخ غازي المنصوري
فوالله مدري لأكن اللي انا أعرفه وانا أخوك إن شيوخ المناصير لهم علاقه قديمه مع الأشراف إلا وقت سقوط حكمهم وإشتهر منهم أكثر من شيخ بصطوته وكان لهم فعل مع الشريف في هذاك الوقت ومن هذولي الشيوخ الشيخ (غازي المنصوري)اللي أكلمك عنه انا مثل ما سمعت من الشياب.وهو من اللي شارك في حرب تربه مع الشريف ضد الملك عبدالعزيز رحمة الله عليهم جميع.وأيضاً أخبر له شطر من مراد سمعته من جدي بين الشيخ تركي بن هليل والشيخ غازي المنصوري.والمراد كان بيت من إبن هليل ورد الوصيفر عليه.وذكر فيه بن هليل إسم الشيخ غازي.



والشطر اللي اخبره لغازي.


انا ما أستديت.......ولا زورت بدريه



وله ذكر في قصايد قديمه قد سمعتها من العواده الله يخليهم إلنا.وإبا أحاول وإن قدرت اجيبها جبتها.

عاد مدري والله اللي أنت ذكرته هو نفسه هذه اللي انا أقصده ولا فيه إثنين من شيوخ المناصير إسمهم غازي؟




واما بالنسبه لشيخ ثواب رحمة الله عليهم هو وجميع موتى المسلمين.

فياليت لو ما عليك أمر تكتب قبل سنه بالتحديد يعني كه(قبل خمسين سنه قبل ثلاثين سنه)لأن الحساب جايتني منه عقده ولا أعرفله هههههههههههههه





واما بالنسبه لبديوي فعز الله إن جدك صاادق (الله يخليهم إلكم)لأني أخبر قبل كم سنه فالعيد جلست عند الشيبان فالصيوان وقامو يعلمونا بقصيد لبديوي ماقد سمعناه و لا تلقاه فالكتب ولا فالنت وإمكن حتى اللي حافضينه ينعدون على الاصابع وهذه كله بسب قلة التدوين الحجاز وبسبه ضاع نص موروثهم.


وياليت والله لو تحاول أنت وفريقك السري هههههههههههههههههههههه (قسم مخابرات رادينها العيال)هههههههههههههههههههههههه وتجيبونها كامله الله لايهينكم ويقويكم.


والله ونعم فيك وفي جداانك وفالجعده كلهم.



تقبل مروري:ونتتضر جديدك



أخووووووك

هلا فيك اخوي مودع دنيأه

نعم الصفران اللي لهم فعل كثيرين منهم سند الاوصيفر ورجالله بن مسند الاوصيفر وهذا له اسم في وثيقه صلح مع الشيخ حريبيش بن شرير الجعيد وحمود الاوصيفر كذلك من الصفران اللي لهم فعل وغازي الاوصيفر اللي تتكلم عنه

واتمني منك تجيب معلومات عن غازي الاوصيفر ومحاوراته من الشياب اذا قدرت الشياب عندهم معلومات لاتقدر بثمن بس يبيلهم واحد يعرف كيف يسحب منهم المعلومات

اما الشيخ ثواب بن طنف فقد وافاه الاجل قبل خمس سنوات من الان وعمرره تجاوز التسعين وزياده


اما فريقي السري راح يزيد نشاطه بعد رمظان وراح اوافيكم بالجديد عن عتبان الحجاز

[الامير حريبيش]

المشاركة الأصلية كتبت بواسطة نافع

الامير حريبيش والله ان سوالفك لها مذاق خاص وبعدين بين صدقها وصدق مصادرها كثر الله من امثالك
اتحفتنا بتراث ثمين وبصراحة الشيخ ثواب بن طنف شاعر من الطراز الاول بدون قصور في من ذكرت

لاهنت علي مرورك اخوي نافع ومشكور علي الكلام الزين اما من ناحية مصداقية السوالف مهم المصداقيه في سوالف التاريخ لانها امانه والتاريخ طعمه انه يكون صدق والواحد يجتهد ولكن انت تعرف الروايات الشفهيه تختلف صيغة روايتها من شخص لاخر من نفس الرواه كبار السن مما يسبب بعض الاختلافات والمشاكل اللي لا تخفى عليك

[سرحان الشيباني]

ابن حريبيش دائما تمتعنا بمواضيعك الشيقه رحم الله شعرائنا

[الامير حريبيش]

لاهنت علي مرورك العطر يابن مشيب لاخلا ولاعدم ياولد العم

[(مہودع دنہيأهہ)]

الشيخ تركي بن هليل:

.ولا يا حيزن حازي خِيّاله قام عصريّه.......على ديرتك يا (غازي) خِيّال وفيه برديّه.

وفهذاك الوقت كانت فيه حرب بين خامس المناصير من الثبته مع أحد القبايل المجاوره وإنتصرو فيها المناصير.


فرد عليه الشيخ غازي المنصوري:

.طفانا لنمبة القازي بعدها ماتت الضيّه......وانا ماستديت بال...... ولا زاورت مدريّه

وهنا يرد الشيخ غازي المنصوري.ويقول إنّا إنتصرنا فالحرب ويتوعد شخص من قبيله أخرى غير القبيله الأوله.و(مدريّه)المذكوره حرمه من أحد القبايل المجاوره من قبيلة عتيبه كانت تمرخ وتعالج يعني دكتوره شعبيه زي ما يقولون وكانو يرحون لها بعض البدو ضاري يتعالجون عندها.وكانت إذا جاها مريض تقول أنت أذبح تيس لونه أسود وأنت سوى كذا يعني تقدر تقول لها علاقه بالجن وكانو بعض البداوين يعضومها بسب الجهل اللي في هذاك الوقت





وأيضاَ لدي إضافه أخرى وهي حدايه للشاعر الكبير.سلمان بن عيد الدراجي الثبيتي.



وداعت الله بعد تمت الطوف....وليّا نـصـيـتـونـا هـلا هـلا


انا فلاد ثبيت سم الجوف.....مثل السحاب إليا تهلا هلا


ومناسبتها:جاء واحد من الجعده عند الشيخ تركي بن هليل وجلس عنده فقام تركي بن هليل وقال للجعيد.وهو ناقد عليه.عان إبن أخيكم ماكسيتوه ولا طهرتوه.لأن ضاري ما يطهرون الورع لين يجون خواله.ووقتها الجعده ما دور إن جاهم بناخي.ويوم دراء الجعيد بالعلم فز ليعال عمه الجعده وعلهم ولم الدبش وحضرو عند عوانيهم الغروب من الثبته ولبسو بناخيهم الجوخ مثل عوايد القبايل ضاري.وقال واحد من شعار الجعده حدايه.وماني حاقض منها إلا هذي.

يقول الشاعر الجعيد:


ياليتني فالراض يوم العلم جاني..والله لاوايق بالراي الصليب.

........................


من خوف لا يلحق عوانينا كدر.


وهذه اللي أذكره منها وإن شاء الله أجيبها كامله في أقرب وقت ممكن.ويوم جو يعودون الجعده لديرتهم قال سلمان الحدايه اللي فوق.



وأختم مروري هذه ببيتين غزليه لشاعر الهوى حسن الحصان:

بديت اليوم موحي حس الأوناس....وحسن كل نهار أوحيه اليوم موحيه


وحسه يوم لجلج مثل الأجراس.....وحسه في سمي مدري يولايه



وأكرر شكري وتقبل مروري.



أخووووووووووك

[الامير حريبيش]

لاهنت علي الاضافات المثريه للموضوع يامودع دنيأه و وربعنا وربعكم اعلومهم كلها طيبه الله يرحمهم ويرحم اموات المسلمين والمسلمات