قصيدة ( الشيخ محمد بن تركي الهيضل ) في ولي العهد

[فهد العازمي العتيبي]

الشيخ محمد بن تركي بن عبدالمحسن الهيضل


يالله تحفظ المملكة بامن وامان

وتعزها بحكم الملوك الحكيمين

والمملكة في عزها خير الأوطان

في ظل أبو متعب له الشعب راضين

حامي الوطن من شر طامع وشيطان

واخوانه أعوانه على الحق وافين

وسلطان خير وباسمه الخير سلطان

سلطان أبو خالد كريم الكريمين

يا مرحبا حييت يا طير حوران

اهلا هلا بك يا حبيب الملايين

قلوب شعبك رحبت بك والأعيان

كبارن وصغارن بسموك محيين

يا مرحبا بك عد ما صلوا بالأركان

وإعداد ماحجوا وطافوا ملبين

والعود الازرق بكل حي وميدان

والمسك والعنبر وورد ورياحين

في عودتك وقف لك الشعب فرحان

ويرفع يدينه مع صلاة المصلين

الله يطول عمرك بخير واحسان

ويدوم عزك سيدي أعوام وسنين

ونجد ترحب في عضيدك كحيلان

عضيدك الوافي على العسر واللين

سلمان نجد وعز أهل نجد سلمان

أمير نجد و فيه اهلها مهلين

أبو فهد ليا شب للحرب نيران

وأخو فهد ليا صار فالعلم علمين

خمسة وخمسين لها المجد عنوان

وتشهد فعوله وأرجحت له موازين

وحنا عيال أهل الوفا وفعلهم بان

والمخلصين في خدمته والوفيين

واحفاد من ساروا على الخيل فرسان

في طاعة الله ولأمامهم مطيعين

وتاريخنا مشرف بحقايق فعلها كان

وبصدق الولا الموروث من عهد ماضين


محمد بن تركي بن عبدالمحسن الهيضل


http://www.alriyadh.com/2009/12/29/article485212.html