قصيدة الشاعر حسن بن محمد الدهماني

[الدهماني]

السلام عليكم ورحمة الله وبركاتة

هذه قصيدة الشاعر حسن بن محمد الدهماني

قالها لشيخ قبيلة المناصير مادحا له تارة ومعاتبا تارة والمناصير هم قبيلة

من قبائل بني سعد , ويذكر ان الدهامين والمناصير من جد واحد وهو

عامر
---------------------------
سر يانديبي وتنصا بالخير شيخ المناصير
ابوفهد عزوتي راع العلوم اللي نقية
تمشي على جمس احمر محتزيه للمشاوير
توه جديد يشوق النفس وعزومه قويه
اليا انطلق مع مساره ماتحقه كنه الطير
ماهي بعيده الهدا عنا يصلها في شويه
جنب عن الدايري لن كان عرقلكم السير
بعد الظهر روح ورد الخبر تالي عشية
تلقاه بين رجال مذكورين بالخير
مافيه مانع واو حيرك شرب الشاذليه
قله ترانا سمعنا بالعيال اللي مطاهير
وانا اعرف انك سديد الرأي ماترضى الخطية
وشلون طهرتهم قدام ماترسل معاذير
وهذه سلوم العرب ماهي بسنه جاهليه
ان كان درو بها فراج ومحمد وش يسير
ياخوفي الكل منهم شال في نفسه زريه
يقولون عبولهم بشتين من وبر المغاتير
واثنين من وارد البلجك للعاني هدية
واللي بعدها يبي يدرون اهل دلهي وكشمير
يمكن يجيهم خبر ولا يروح مراسيله
واخاف منهم عليك يغكرون الجو تعكير
احذر تهاون بهم فيه عيال بوارديه
تجيك منهم قوافل في البحر تملا البوابير
ياشيخ ماودنا تفرح عليك الشا متية
رح لبن شداد احجز زل واخيام ومواطير
وتكلفه يحجز الطباخ لك والقهوجيه
احوالكم طيبه مانتم في الدنيا معاسير
وحنا من عيال عامر من رياجيل الحمية
حلفت لنجيب وزعتنا واجيب الصف والزير
واعلم اللي من العربان ماعنده درية
رحب بهم وانصب المخيام فالحمظه على البير
ودق المعاريض لين يروح للبارود فيه
وابتل وجيب الغنم والبل واقطرها مقاطير
والا البقر مالها عند العواني قابلية
وان سيروا في قبايلنا يبي يلقون تقدير
لا بد من وجبتين اما هنا والا هنية
وان عذروا وابتلوا فالحج مقبل ماش تقصير
وان رحلوا ديارهم لاعاد تلحقهم رزية
مدام سويتها يابو فهد من غير تفكير
تحمل اللي حصل وارجوك لاتزعل عليه
واختم كلامي بذكر الله تهليل وتكبير
وصلاة ربي على سيد البشر خير البرية