قصيدة في الامير/ هذال بن فهيد للشاعر المعروف/ مخلد القثامي

[ابو فراس]

بديت ذكر الله على كل الأحـــوال :::::::::::::::::: وذكر الرسول مختمٍ به كلامـي
ســـبحان هاديني على بدع الأمثال:::::::::::::::::: ومفهمٍ خلقه بخـــــط القلامـي
وخلاف ذا ياراكبٍ فوق مرســــال::::::::::::::::::: عمليةٍ من قاطعات المظامـــــي
أنص الأمير وطقها عند هــــــذال::::::::::::::::::: لعل عــــــــودٍ عقبه للرحـامي
وسلم على شــــيخٍ من الميل زعال :::::::::::::::::: وخص الحرار النادره بالكلامـي
تلقا يقلط لك من البن فنجـــــــال :::::::::::::::::: فيه البهار ومخلطات الاسـامي
من مكرماتٍ نارها تشعل إشـــعال :::::::::::::::::: مايهتني صبابهن بالمنامـــــــي
في ربعهٍ يبدي لها كل عيــــــــال :::::::::::::::::: مدهال سمحين الوجيه الكرامي
تلقى اشـــقرٍ عنه الشياهين تنجال :::::::::::::::::: وكره شواهيق الهضاب القطامي
حـــــرٍ تحدر من طويلات الاقذال :::::::::::::::::: يدير هاجوسٍ بعيــــــد المرامي
شيخاً يتل الخيل سمحات الاقبال :::::::::::::::::: والجيش من حوله جرادٍ تهامي
وان شــاف غرات العدا جاه ولوال :::::::::::::::::: رفرف بجنحانه ورقرق وحامـي
كم شـــيخ قومٍ حوله عقب الامهال :::::::::::::::::: وبيضه عليه تنوح نوح الحمامي
يانجد لاترهب ترا الـــحرب ماطال :::::::::::::::::: ترا شراع الحرب ماسـاع قامي
يا نــجد والله ما نبيعك بالابــــدال :::::::::::::::::: يامدهل الشقحا ردوم السنامي

[ابن مشيب]

مشكور ياخوي المتنبيss على هذة الابيات الرائعة للقثامي في الشيخ هذال رحمهم الله جميعاً.


تقبل تحياتي.

[ابو فراس]

الشكر لله يابن مشيب والقصيده اطول مما ذكرت واللي يعرف منها شي يجود علينا به ياعتيبه,,,,,,,,,,,,,,,,,,,,,,,,,,,

واشهد الله على حب اخو هملا

[لــيــل]

لله درك يالمتنبي


الرواه نسوا او تجاهلوا تاريخ اخو هملا وبطولاته وهاانت تجمع لنا بعضا منها..

[مطلق الشيباني]

مشكووور يالمتنبي على هالقصيده الجزله

وهذا ليس بجديد على اخو هملا وشيوخ عتابه كلها

تقبل تحيات اخوك :- مطلق الشيباني ..................

[ابو فراس]

العفو ايه الاخوه الكرام

وتقبلوا تحياتي

[الخنفري]

قصيده مخلد القثامي في الشيخ اخو هملا
ياراكب حمرا تبوج اشهب اللال .. تهوي كما يهوي فريد الادامي
عملية في مشيها ترمل ارمال .. عملية من قاطعات المضامي
اليا عطت دو الخلا تهذل اهذال .. اهذال ذيب محتديه الظلامي
اسلم وسلم لي علي الشيخ هذال .. سلم علي الحر العديم القطامي
ياراكبه مني الى جيت هذال .. لعل عود عقبه للرحامي
في مجلسه تلقا من البن فنجال .. وهيل يكثر بالدلال الحشامي
مع حكرة فيها من السمن زلال .. ولها من الحيل الجلايل يدامي
حر تزلزل من طويلات الاقذال .. نلطم به العدوان شرق وشامي
كم راس شيخ زوله عمد لازال .. لاجا لزافات الجموع ادحامي
شيخ يتل الخيل زينات الاذيال .. يبري لها عبد كبير الهوامي
خيل زهاها اللبس والجوخ والشال .. وربع يروون الحداب الحيامي
نبيه للراس المصعفق اليا مال .. لا سيقة العطفه نهار الزحامي
اما لنسل مضيم وافين الافعال .. ولا لعلوى اهل الجموع الزوامي
ان شاف نشر عداه نوه بالاجمال .. رفرف بجنحانه وكسر وحامي
كم هجمة يقطع عليها اشهب اللال.. هجمة حريب دونه الليل زامي
قلط شبوره واول الفى مامال .. رااحوا عجال وعودوا باغتنامي
واصبح يعزلها مبندق وخيال .. والنشر الادني قنعوه العسامي
وله اليا يبسن الارياق محوال .. بالمارتين اللي تصيب المرامي
ويانجد والله ما نبيعك بالابدال .. يامرتع الشقحا ردوم السنامي
يانجد ياما راح فيك من الاجيال .. وياما غدي بك من رجال وجهامي
يانجد لاترهب من الحرب لو طال .. ترى شراع الحرب ما ساع قامي
ابشر بجيش وخيل وسلاح ورجال .. صفر وحمر مثل لون التهامي
يا ما قطعنا فيك من راس خيال .. لا ثار عج مغبرات العسامي
باكر الى علك من المزن همال .. وشفت الزهر كاس الخشوم العدامي
اما تحدرنا من العرض وشمال .. والا علينا للطلايع ملامي
مثل النهار اللي غطا هضبة الضال .. فيه الدويش وفيه ولد الامامي
ولدوا على خشم القهب شيلها مال .. ناخذ عمار مجربين الاسامي
يابو جهز ياعز من ضده الجال .. امشي على الرجلين مثل النظامي
وسلامتكم
ولد االامامي .. عبدالرحمن بن فيصل بن تركي بن عبدالله بن سعود
الدويش ..سلطان الدويش

[ابو فراس]

الله يسلمك يالخنفري

وماقصرت على هالجهد

اكملت القصيده وبيض الله وجهك

[مختصر المسافات]

لاهنت يالمتنبي .... وبيض الله وجهك .

وكذلك الخنفري لاهان وبيض الله وجهه .

وتسلمون ياعيال العم .

.

[ابو فراس]

ووجهك ابيض يامختصر المسافات

وشكرا لمرورك