قصيدة (الصعلكه )للشاعر / محمد عبدالرحمن المورقي

[فهيد الايدا المورقي]

لولا البطالة ماعرفنا الصعلكه فالمجتمع
لكن عرفت حظوظ خلق الله يبيّن دورها
ليّه ثلاث سنين , والحصّاد ضيّع ما جمع
ليته درى بالحجه اللي غادي ٍ دستورها
الحق تايه في بحر ستين و الطامع طمع
فالناقه اللي درّها يزمي على مصرورها
اللي سمع والا تجاهلها ولا كنّه سمع
اصبح عميّ القوم للميراد تتبع عورها
في ذمتي معاد باقي غير تجريح الدمع
متى على الله تقِبل الدنيا ويظهر نورها
درب الرجا محجوب والحاجب سنا برقه لمع
في غيهب الدنيا وزخرفها وزين امورها
صارت بعيني:- سبتها, واثنينها, مثل الجمع
ماهو بكيفي لكن الكلمة قصر حنجورها
الشكوى لله ما لقينا غير منهاج القمع
فالعله اللي طوّلتْ ماحلّها دكتورها
عجزت لآآصل غايتي مادام مبداها رمع
ما يدري ان صدور بعض الناس مثل قبورها
ياما تعنينا على الطالات وشعلنا شمع
لين انطفت مابين واردها وبين صدورها

التوقيع

حسابي في تويتر faheed_1234

[الصارم 511]

بارك الله بك , شكراً أخي الكريم

[محمد العتيبي]

الله الله الله



صح الله لسااااان الشاعر المبدع / محمد عبدالرحمن الايداء المورقي



قصيده رائعه جدا استمتعت بقرائتها ..




لاهنت على النقل الجزل يالايداء

التوقيع

للتواصل عبر twitter تويتر al_bargawy@

[خالد بن مورق]

بيض الله وجهك على النقل

[فهيد الايدا المورقي]

الصارم لاهنت على المرور الكريم


تحيتي

[عبدالله الجـــذع]

الله الله


صح لسان الشاعر محمد

ولاهنت يابو عبدالرحمن


محبك

التوقيع

قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) . . قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم ! فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه ) . موقع يضم جميع القراء هنا

[فهيد الايدا المورقي]

محمد العتيبي اشكر مرورك الكريم


تحيتي