الجادل الي حبها يشعل اشعال

[مطر المرشدي]

يابو علي فزعتك يانسل الابطال
ياراعي الفزعه عريب الجدودي
جيتك من الدنيا وانا ضايق البال
والصبر عندي ما بقاله وجودي
كله سبب من حط فالقلب غربال
وعكر صفى جوي وغث الكبودي
الجادل الي حبها يشعل اشعال
راحت وزادت في ضمير ي لهودي
راحت وخلتني على شين الاحوال
ومن الزعل طقيت عود(ن) بعودي
لاجيت اوصف زينها اوصافها محال
يصعب على مثلي وعسر(ن)مكودي
لاشك ماله لون واوصاف واشكال
نادر وفي طبعه وزينه يزودي
يابوعلي عندي مثل ضمن الامثال
قيس الملوح شاف موته ردودي
صادف زمان(ن)كله اهوال فاهوال
ومن الشراب العذب ماله عدودي
ومن عقب ليلى عقله اضنه اختال
كلام عريف(ن) مايبغى شهودي
يابوعلي عقلي ترى صابه اهبال
بيني وبينه نار وحبل معقودي
وانا شكيت الضيم والضيم لازال
وراحت حياتي في نزول وصعودي
.
.

للشاعر سلطان بن دبيس المرشدي

موجهه الى الشاعر يوسف علي البديري

آخر تعديل مطر المرشدي يوم 16-Sep-2009 في 08:39 PM.

[ابن صنهوت]

صح السانك قصيده وافيه لاهنت ,,,,,


ولكن اعد النضر لوزن هذا البيت


يابوعلي عقلي ترى صابه اهبال
بيني وبينه نار وحبل معقودي

[صادق الاحساس]

يابن دبيس وافيه وانت لاهنت=كملتها ورسلتها لابن الاجـــواد
اجـدتـهـا يـاهيـه لـنـك تـمكنت=وانا اخبرأنك على الطيب معتاد

[مطر المرشدي]

رد الشاعر يوسف بن علي البد يري المطيري


يالمرشدي افديك بالحال والمال
والي تبي بأذن الولي مايكودي
قولن يبرهن يالسنافي بالافعال
ماهو كلام السرسري الهبودي
لوكان تالي الوقت ياطيب الفال
كثر الشكاوي بيحت لي سدودي
من قال له بيتين اضعاف واهزال
جانيبها ويقول هات الردودي
والى انت ذرب وجزل وبيوتك جزال
شرواك جعله دايمن فالوجودي
اشفق على شعرك واغنيه موال
ياعاشق الترفه حبيب العنودي
تشكي عذاب الحب والحب قتال
هذي ضحايا الحب وسط اللحودي
اصبر وياتي للعسيرات حلال
لو كنت ضايق من وجيه الجنودي