طامع بريمه واشوف شداد ريمه * وذالسنه مامن شداد ولا مسامه

[أبو نجر النفيعي]

السلام عليكم ورحمة الله وبركاته





اسعد الله اوقاتكم بكل خير







..

يالهجوس اللي على قلبي مقيمه = أظهري والحمد لله ع السلامه
لك ثلاث سنين يا مال الهضيمه = ما بديتك خوف من حكي وملامه
لين من همك خفوقي زاد ضيمه = وصدري من اللي بدا هشّت عظامه
الفرج لك والمواري مستديمه = فالجفن شامه وفالخافق علامه
واوجودي وجد رجل(ن) فيه شيمه = يعشق الطيّب وقدره من مقامه
لا لفاه الضّيف نطّحه العزيمه = وكل ضيف(ن) له مواجيب وكرامه
وكان ضيفه ما جلس .. طلق حريمه = وكام ما تممه .. ما ثنّى كلامه
يوم دبّ الشيب خانته العزيمه = وضامته دنيا العنا والوقت ضامه
لاش منشود(ن) ولا له اي قيمه = عقب طيبه مآحد(ن) ساق اهتمامه
ما جداه الا المراسيم القديمه = وما جداه الا التوجّد في مرامه
وكل جاحد طيب جعله للحريمه = وان جلس مجلسه في ريع الندامه
ذا وجوده يالرياجيل الفهيمه = مثل وجدي يوم شفت ام اللثامه
بكرة(ن) منهو قناها .. له غنيمه = خف دم وزين وصف وطول قامه
كم فارس دونها ذاق الهزيمه = وكم هامه ارتخت من تحت هامه
ساقها الوالي بتقدير وحشيمه = عقب ما قلبي تلاعب به هيامه
والوصل من بيننا ربي مديمه = وقلبي المغرم عرف منهو غرامه
واقتنعت ان ما يعقب السيل ديمه = لين شفت انفتحت ابواب العسامه
وراح مع منهو غدا عقبي غريمه = وبالجفا والغدر تطعني سهامه
طامع بريمه واشوف شداد ريمه = وذالسنه مامن شداد ولا مسامه
وصرت ابا الدمام وآقف في رحيمه = ومن يسلّم ضيقتي تردع سلامه
وكل وادي قمت اهوجس به واهيمه = كن فكري غاشيه فرعه غمامه
وعقبها عاودت في طرقه قديمه = ( سهر ليل .. وضيقه .. وخالد سلامه )

واتمنى ان تحوز على القليل من اعجابكم ..

أخوكم

التوقيع

.....

[علي الثبيتي]

كيف ماتحوز على ااعجابنا وشاعرها فيصل

صح لسااااااااااااااانك مليون

التوقيع

ماني بلا روقي ولا برقاوي = انا ثبيتي جد روق وبرقا

[عبدالمجيد النفيعي]

واوجـــودي وجــــد رجــــل(ن) فــيــه شـيـمــه=يـعــشــق الـطــيّــب وقـــــدره مـــــن مــقــامــه
لا لـــفــــاه الــضّــيـــف نــطّــحـــه الـعــزيــمــه=وكـــل ضـيــف(ن) لــــه مـواجـيــب وكــرامــه
وكـان ضيفـه مـا جـلـس .. طـلـق حريـمـه=وكـــام مــــا تـمـمــه .. مــــا ثــنّــى كــلامــه
يـــــــوم دبّ الــشــيـــب خــانــتـــه الـعــزيــمــه=وضـامـتــه دنــيــا الـعـنــا والــوقــت ضــامــه
لاش مــنــشـــود(ن) ولا لـــــــه اي قــيـــمـــه=عـقـب طيـبـه مـآحــد(ن) ســـاق اهتـمـامـه
مــــــــا جــــــــداه الا الــمــراســيــم الــقــديــمــه=ومـــــا جــــــداه الا الــتــوجّــد فــــــي مـــرامـــه

أولا ثلاث أبيات مذكوره ، هاذي فيك بدون توجد والتكملة هي الي فيها التوجد ، الله يكون بعونك وصح الله لسانك

التوقيع

تذكر قول الرسول صلى الله عليه وسلم :-"المسلم من سلم المسلمون من لسانه ويده" أتشرف بزيارتكم لمتصفحي في شهر رمضان : مــهــاذيــب ، على هذا الرابط أضغط هنا

آخر تعديل عبدالمجيد النفيعي يوم 03-Jul-2011 في 04:19 PM.

[أخو جوزا]

صح لســـــــــــــــــــــانك يابونجر

[برررق الحيا]

تحيات الجزالة والغزارة والقوة والمعنى

وهذا النظم الذي لا يخرجه إلا شاعر تمكن من الشعر جزالة وقوة ومعنى وسبك وحبك

هنا تكون القوافي والتمعن بالشاعر الجزل وألفاظه ومعانيه ومعانته والتصوير

وكأن القارىء المتذوق قد انتقل إلى جو القصيدة وعايش ماسطره شاعرها باتقان وتمكن

صح السانك ابونجر وأنت شاعر حق له أن يتبختر في مثل هذه الشامخة ويتباهى بجزالته وشاعريته

وتوجد لا يتوجده ولا ينظمه إلا شاعر بمعنى شاعر

حقيقة لأول مرة أقرأ لك قصيدة ولكن الشعر بعينه والمتعة الشعرية رايتها في قافيتك ولا يهونون الشعار هنا

شكرا لك وأكرمك الله على ما قدمته لنا

تحياتي اخوك برق الحيا

آخر تعديل برررق الحيا يوم 03-Jul-2011 في 04:37 PM.

[سعد بن مطلق المقاطي]

صح لسااااااااااااااااااااانك يابونجر

التوقيع

ديــــــــــــــــواني

[أبو فيصل الدلبحي]

الله اكبر الله اكبر


صح لسانك يالجزل على هالطيبه

[عـقـــــــــــاب]

صح لسانك يابو نجر والظاهر ان حياتك كلها تحدي ومكافح

وكل ماتنفرج الظاهر الظاهر انك تحسد نفسك وتعود في

تفاكير واوهام من جديد والحين الله يعينك على فراق اللي توده

واما القصيده اخذت الاعجاب كله مابقى الظاهر هههههههههه

تقبل مروري ياذيبان

[بن رفااع]

صح لسانكــ

[أبو نجر النفيعي]

المشاركة الأصلية كتبت بواسطة علي الثبيتي

كيف ماتحوز على ااعجابنا وشاعرها فيصل

صح لسااااااااااااااانك مليون

..

صح بدنك يالغالي
وشهادتك وسام على صدري



اخوك