رثاء في ابناء هاجد بن حمدي العضياني رحمهم الله جميعاً - الهيـــــــــــــلا *** منتدى قبيلة عتيبة

سههم العضيان · 30-Sep-2010, 08:34 PM

هذه قصيدة والدي الشاعر عبدالكريم محمد بن هاجد حفظه الله

القلب جدّ بحزن ومن قبله احزون=والعين تشكي حالها من جهدهـا
وانا لحالي هلت أدموعي امـزون=بعد ذكرت اللي مضى من سعدها
ياونتي ونـت مقيّـد ومسجـون=بعـد فعلّـه فعلـةٍ ماجحـدهـا
قام وذبح له واحدٍ منـه مغبـون=في لحظةٍ شيطانها مـن شهدهـا
ثم عيوا أخصامه عن الحق يعفون=بعـد وجاهـاتٍ كثيـر ٍ مددهـا
وقام يتحرى السيف متى يقصون=متى تفارق هامته عـن جسدهـا
دنياك يامغـرور فيهـا ومفتـون=لابـد ماتسقيـك مّـرٍ بيـدهـا
غابت نجوم ٍ عاليه من سما الكون=لاغاب نجم.. الأخر أمّر وادهـا
راحو بني هاجد ولافيهم اطعـون=الا أنهم فالطيـب زادوا عددهـا
فيهم شجاع لهيبته تركد اجنـون=لاطمعوا العيّـال أبويـه هجدهـا
كم دلّه الضايق وكم فك مسجـون=وكم كرمةٍ لو قل مالـه وجدهـا
وفيهم كريم النفس ودلاله افنـون=هذاك أبـو خالـد يهلـي بعدهـا
سمح الجناب ولايجي قلبه اضنون=أبيض طوي ماخالطنّـه سودهـا
وفيهم عزيز لبيته الناس ينصـون=هداج تيما اللـي كثيـرٍ وردهـا
سمو على فيحان ياللـي تسمـون=حاز المكـارم كلهـا واعتمدهـا
وفيهم تقّي وكاسب ٍ نعـم مليـون=كن الزعامه تنتسب لـه وحدهـا
فياح كله خيـر ياللـي تعـزون=عزو عتيبه فقدهـا فـي ولدهـا
يالله يامنجي خليلـك وذا النـون=تنجيهم امن النار ولاهب وقدهـا
مامات من عقّب على مايقولـون=عسى البقى فاللي بقى من بددهـا