محمد غآزي آلنخيش صبح صبح :)

[أبو نجر النفيعي]

../~

آلسلآم عليكم ورحمة الله وبركآته

يآ سلآم الله سلآم أهل آلموآقيف آلجميله = عد برآقٍ يلوح وعدّ وبّآل آلسحآبه
كآن أبو غآزي وسيع العرف رجّآلٍ دليله = مآ ترك بعض العرب تلبس ثيآبٍ من ثيآبه

التوقيع

.....

[محمد النخيش]

عليكم السلام ورحمة الله وبركاته

مرحبا بالغايب الحاظر عدد وبل المخيله=من هجوس اللي يعن الخيل في وقت الحرابه
ياولد مفلح تعين في الخفيفه والثقيله=كلبوهن ياوسيع العرف مافيهن تشابه

التوقيع

اطلـق سـراح الفكـر وابـعـد مجـالـه حتى تصيد الشرد وتطـوع الشـرد واتعب على الكلمه وشعر الجزاله واللـي يجمـل للعـرب تسـرده سـرد فالشعر يبقـى شعـر راع الاصالـه اللـي بشعـره منـفـرد بالـجـزل فــرد تويتر: alnkhish@

[أبو نجر النفيعي]

الله الله

والله أنّي ملزم أخبّر بك شيوخ آلقبيله = قبل لآ ذيب الخلآ لآمن سريت يحدّ نآبه
يآولد غآزي تمعّن بالقصيره والطويله = كيف حطّيت السؤآل الأول بدرب الآجآبه

[خالد عواض الذيابي]

ما شاء الله مبدعين



متاااااااابع

[أبو نجر النفيعي]

مرحبا ومسهلا يالغالي


منور

[خالد عواض الذيابي]

بوجودكم منورين

[محمد النخيش]

ماتمنيتك تغيب وترجع بحاجه قليله =وص منهم مايعرفون القرايه والكتابه
لاتظن الهيل يافيصل سوات الجنزبيله=جاتك الجابه بجابه قلت ماجابه بجابه

[خالد عواض الذيابي]

الليل يابو نجر

ننتظر ردك




متاااااااااابع

آخر تعديل خالد عواض الذيابي يوم 21-Sep-2010 في 10:06 AM.

[محمد النخيش]

ارحب يامستشار الروقه ارحب


وجودك نور الصفحه يعلم الله


لاهنت لاهنت على التواجد

[أبو نجر النفيعي]

الله اكبر الله اكبر

هب وآنآ فيصل ابو نجر خيآل الكحيله = مآجهل من ضحك سن ومن مرآوغت آلذيآبه
والله أن البحر مآ تغطآه يآ هيه النثيله = باب يآتي من جهته آلريح صكّه وش تبآبه ؟