قصيده في مدح الروسان من عتيبه

[أبو طالع العتيبي]

بسم الله الرحمن الرحيم

كثر التجارب للرجاجيل برهان




قصيده في مدح قبيلة الروسان من عتيبه




للشاعر الكبير : سهل بن نايف الكسر المرشدي





كثـر التجـارب للرجاجيـل برهـان
اذا كان جيت النـاس داخـل ديرهـا
وانا عرفـت مـن المخاليـق عربـان
ولابـه قبيلـه غيـر جانـي خبرهـا
والقى واحصلي بالأجنـاب صحبـان
والمرجله صعبـه ولا حـد ٍ حكرهـا
وسارت بي الاقدام في بعض الازمان
للابـه الـي مـن عرفهـا شكرهـا
قوما ٍ ليا قيل اسمهـا قلـت روسـان
زحول الرجال اللي قديم س فخرهـا
يجـون للضيفـان ملفـى ومـزبـان
ليـا ركبـت غبـر السنيـن بدهرهـا
ابيوتهم يـوم القسـى تقـل ضلعـان
مثـل الحيـود اللـي كبـار صبرهـا
مايذبحـون الا مـن القـود قـعـدان
وصحونهم يشبـع بهـا مـن نحرهـا
واهل الدلال الي على النـار رسـلان
ليا مـن راع الجـود قـام وسطرهـا
اخشومهـا تشـدي مخاليـب عقبـان
ودايم على الشعلـه وزايـد سعرهـا
يفرح بها اللي من خواء الراس خرمان
اللي شكى الطرقـه وزايـد سفرهـا
كرمان وايضا في المحاضير شجعـان
ليـا طمـر راع الجـواد بضهرهـا
قوم ٍ تـروي بالملاقـا شبـا الـزان
صيارمن محد ٍ وقـف فـي نحرهـا
ليا قام بيـن الجـو والحـزم دخـان
يرمـون لمجيـع الحنـادي نسـرهـا
حلو قـرارت نجـد بعنـان وسنـان
قطعانهـم ترعـى مسـارب خطرهـا
هم الدويلـه واطيـب الاسـم تبيـان
عرفو وكل النـاس تعـرف شهرهـا
اهل مصـده بالعـرب شانهـم شـأن
تعقد خصال الطيـب فـي موتمرهـا
واخص ابو مطلق سعود بن صدعـان
اللـي يـروم الكـايـدات وقـدرهـا
سمح النبـا راع المكـارم والاحسـان
الي الشجاعه مـن جـدوده ذخرهـا
ليا هس مع درب الـردا كـل جابـان
نفسه على طيـب المكـارم حصرهـا
من ماكر الشجعان خطـلان الايمـان
بحور الشجاعه مـن شبابـه عبرهـا
لا والله اخطـو كـان سمـوه بلهـان
تنشر له البضـا وانـا مـن نشرهـا
ماقلت في زاكيـن الانسـاب بهتـان
اعلـوم ٍ اكيـده والرجـال تخبرهـا
صافين للصاحـب وللضـد عوجـان
كم مـن عـدو ٍ هازهـا ثـم نفرهـا
ضروس الرجال مهديت كـل فسقـان
بـاد ٍ علـى كـل القبايـل قمـرهـا
ركـن ٍ مـن الهيـلا ثقيليـن الاوزان
تعلو علـى شيـوخ القبايـل جبرهـا
تمتـد مـن جـده ليـا جـو ساقـان
اهل المهـار اللـي تلامـع شهرهـا
متيهت في الخـوف والقفـر قطعـان
يرع دبشهـم فـي المخيفـه زهرهـا
من نجد ازاحو طيب الاسـم وطبـان
مـن نجـد شـد وديرتـه ماذكرهـا
قفـو مـن الديـره قبايـل وسلـفـان
ليـن النعيـريـه بعيـنـه نظـرهـا
وعقب المطيري شددو شيـخ قحطـان
اجنـب ورا جاحـد وداره خسرهـا
علما ٍ ليـا قلتـه لقيـت الـه وكـدان
مانـي براعـي كلمـتـن مافقـرهـا
تشهـد لهـم كـل الخلايـق بماكـان
وتشهد بطون الكتب وللـي سطرهـا
اخذو ديار ٍ شاسعـه مشـع ذرعـان
وضافي ٍ على كل القبايـل ضررهـا
يرعون من وادي الدواسـر لبـرزان
ولا دورو عنـد القبـايـل قصـرهـا
وليا جاهم اللـي باغيـن ردة الشـأن
عام ٍ على شهريـن حسبـت جورهـا
اطيـب قبلـه والـهـم الله عــوان
الحـظ طيـب والله اللـي نصـرهـا
اقولـه مانـي بسـايـل وخـجـلان
والكلمـه ليـا قلتـهـا ماختصـرهـا
مدحـت انـا الهيـلا سـر وعـلان
وقليلتـن فـي حقهـا مـا عتبـرهـا
لوكان اعبي من هـذ الشعـر ديـوان
افعالهـم بالـعـد مـاحـد ٍ قـدرهـا
قدت المثايل قـود هجـن ٍ بالارسـان
واخذت من صافـي المثايـل دررهـا
بديت من طيـب المثـل كـل شفيـان
والنفـس تتشفـق لهازيـج اثـرهـا
مدح النـوادر يـودع البـال طربـان
والنفس عن بعـض المديـح نعجرهـا
المدح في الروسان ماوهب خسـران
جزل البيوت اللـي لسانـي قطرهـا
ولا قلتهـا والله والـي مقصـد ٍ ثـان
السالفـه مـرة وتشـرح سـرارهـا
عسا الهضاب اللي جنوبـي جمـران
يضفي من الرحمـه عليهـا مطرهـا
وبل ٍ من الوسمي يصيـر الـه ودان
وعقب الدهر تطلع نوامـي شجرهـا
حتى الدجاج الربـد هـو والكـراوان
تلقى علـة بعـض المفالـي جررهـا
واللي معه طير ٍ على الطلـع شفقـان
يبلـج عـنـه لاشافـهـا ماوفـرهـا
الريش يصبـح فـي معاثيـه شـذان
حـر ٍ ليـا نـاش الدجاجـه عقرهـا
حتى يزين المشي في هاك الاوطـان
دار ٍ عمرهـا الله واهلهـا عمـرهـا
هذا وكان القـول جـا فيـه نقصـان
ولا غلطنـا يـوم اعــدد سيـرهـا
تـم الكـلام وزبـدة العلـم نيـشـان
هذا وعـن طـول الكـلام اقتصرهـا
وصلو على سيد البشر نسـل عدنـان
محمـد المخـتـار سـيـد بشـرهـا

[!! . مــآجـد . !!]

والله وسبع انعام بالروسان ولا تسدهم بعد ..

صح لسان المرشدي وسلمت يمينك يابوطالع

لك تحيتي