مولات فلاح المورقي((مستقبل عتيبه)) مع ابراهيم الشيخي .. جديد..

[ابراهيم الزراقي]

كما وعدتم .......... هذه مولات للشاعر فلاح المورقي في حفل الحروب في محافظة عسفااان مع الشاعر ابراهيم الشيخي اقيمت يوم الخميس الماضي 30\4\1428اتمنى ان تعجبكم واكيد بتعجبكم لانها مولات مستقبل عتيبه

الموال الاول
الكويتي لجمهوره مخلي كويـتــــــــــــه
وانت حق الجماهير اخبرك مانسيتــــه
شاعر ومعتبر فالمرجله ذاع صـــيتــــه
واثر من طاوله سقم الليالي غدابه

بدا الموال والناس صفولك طوابيــــر****وكلن له جماهير جنبه في بلاده
انا ماني كما الزير انا ذخر المناعيـر****ولو ماني بقايد منصب للقيــــاده

http://www.m5zn.com/Download-7.php?name=b114b8c2fe.mp4

************************************************** **********************************
الموال الثاني
انت طيب وحنا الطيب دايم نــــــــــــرده
وملفي المورقي معروف جدي وجــــده
ماقفه ماقفي والوعد في دار جـــــــــده
اثر من طاوله سقم الليالي غدابه

انا خابرك منته سليم من المقــــــــــادير****لاكن اسمع هل المعرفه والا العواده
ليا من جيت ابثبت سواة طويق والنــــير****ولاني لاقي الا العوافي والسعــــــاده

http://www.m5zn.com/Download-7.php?name=8dedc5b282.mp4

************************************************** *********************************



الموال الثالث

ماني بفخر لــلروقه فقط مع عتـــــــابه
ابك انا يفتـخر بي كل عزوة شبــــــــابه
مع شعوب الكويت اهل الوفا والمهابه
واثر من طاوله سقم اليالي غدابه

ليا من شبت النار قلنا خير ياطير*****ترى الله رحمته يافتى تغشى عباده

http://www.m5zn.com/Download-7.php?name=ab9e1d4d33.mp4

************************************************** ***********************************
الموال الرابع

قم ياولد زهران والليل تــــــوه
بين الرجال اهل الوفا والمروه
كلن من الشعار يشتب ضــــوه
جعل العوض في مقبلات الليالي

الليل دوب انتحى للحرب حراب****قم يابراهيم اخذ فالحرب صوله
الخلفه الي لها تسعين حــــلاب****ماشفت فيها الحليب الي تقوله

http://www.m5zn.com/Download-7.php?name=efed52e3b1.mp4

************************************************** *************************************

الموال الخامس
بعد ماقال الشيخي في مامعنى مواله حنا ليا وقفتا حنا العز واليا قعدنا بتنتهي المحاوره رد عليه فلاح

اليا وقفتوا ظنكم ماتخيـــــــــــب
واليا قعدتوا حظنا دوم طيـــــــب
تكفى يابن عتقان مدري حبيـــب

اكرب حزامك وانا حاسب لك احساب****شاعر ولك في بلاد الشعر جوله
من يوم ماشفت غالب جنب غـــــلاب****احترت فالي خذا كاس البـــطوله

http://www.m5zn.com/Download-7.php?name=d6b9d5ed5e.mp4



هذا وتقبلوا تحيات اخوكم||| ابراهيم خلف الزراقي||| والله الله بالردود

آخر تعديل ابراهيم الزراقي يوم 19-May-2007 في 10:46 PM.

[ذيب الشمري]

مشكوور



وش يعني في هذا البيت

تكفى يابن عتقان مدري حبيـــب ........

[ذيب الشمري]

أخووي إبراهيم الملفات حجمها كبير ..

12 ميغااا

استخدم برنامج ....


Xilisoft 3GP Video Converter 3

وحول صيغه MP4 الى MP3 .....

وهذا يوفر لك حجم أوفر .....

[ابراهيم الزراقي]

مشكور ياذيب الشمري على مرورك

تكفى يابن عتقان مدري حبيب

يعني هو يقول اليا قعدنا بتنتهي المحاوره وفلاح قال الي يشوفك يقول ابن عتقان مدري حبيب يعني منت مهم في الحاوره واااااااااااااااااااااااااااااضح ياذيب


وبعدين وش برامج والله ماني فاهم ترى توي عليمي دوب اعرف ذي وضح اكثر الله يعطيك العافيه

[الـــقـــرم]

أبـــراهــيــم الــزراقــي ..

أبـــك عــلــي بــالــحرام انــك مـــطـــنـــوووووووووووووووووووووووخ

مــا قــصــرت يــالــذيــب كــل مــحــاورات فـلاح جــايـبـهـا لـنـا

وفــلاح يــســتــاهـل مـن يـتـابـعـه , بــيــوتــه جــزلــه وواضـحـة ..

و كــــفــــو يــنــطــح كــفــح يــا شــنــب ،، ولا تــحــرمــنــا مـن جــديـدك
....................

تــحــيــاتــي // الــقــرم ..,

[ابراهيم الزراقي]

ابك علي الحرام انك سيد المطانيخ

مشكووووووووووووور من كل قلبي على مرورك وهذا فلاح اذا ماجبنا مولاته حنا ياربعه من بيجيبها

[خلف الزراقي]

ابراهيم الزراقي تسلم يالذيب والله يعطيك العافيه ومشكور على نقل مولات فلاح المورقي والله انه مستقبل عتيبه مثل ماقلت ويستاهل المتابعه من الكل والله يوفقه ويعطيه العافيه


بس سؤال ..انت ابراهيم ولد الشيخ خلف بن صالح الزراقي والا غيره ياخوي ذوي زراق واجد ماشاءالله وإسم خلف فيهم كثير... الرجاء الاهتمام بالموضوع ضروري

[فالح الكرنافـ]

مشكور على المقطعـ الرائعهـ

وبيضـ اللهـ وجهكـ

واللهـ يعطيكـ العافيهـ

[سلطان بن جهجاه الروقي]

مشكور يابراهيم الزراقي على المقاطع وعزالله انك شيخ ولد شيخ والله يوفقك ويعطيك العافيه وصح لساان الشاعر فلاح المورقي وعزالله انه مستقبل عتيبه وياليت توافينا بجديده والله يعينك عاد لاكن انت تكفلت وشد حيلك وبسراحه كل مادخلت موقع لقيتك منزله مقاطع ماشاءالله عليك عندك سرعة تنقل هههههههه على العموم تسلم مره ثانيه لاكن عندي سؤال...

مالسر في تخصصك في نقل مولات فلاح المورقي؟؟؟؟

[رشيد النقريني]

مشكور اخوي ابرااهيم الزراقي على هذا النقل الجميل لشاعر مثل فلاح المورقي

وأنت متخصص في نقل مولات هذا الشاعر الموهوب

بس وشرايك تخبرنا بالسر في نقل مولات فلاح المورقي خصيصاً هههههههههههه



وتقبل تحياتي ومروري