تركي 2000 يعترف باستاذية حبيب العازمي(محاوره )

[مدسم الشوارب]

السلام عليكم ورحمة الله وبركاتة

اترككم مع المحاوره واتمنى لكم وقتاً ممتعاً:


تركي:
ياحبيب وش يذريك في اليوم المخيف...من يهبد الارض فوقه يطير غبارها
احمد الله واشكره ثم عوّد في عفيف...وانتبه قدام بدلتك أقص أزرارها
حبيب:
أتذرى في حزامي وفالسيف الرهيف...وأنطح العدوان وأدقها فأزوارها
لاتحرى بارق الصيف وأنته فالخريف...حفرة الشيطان طاحت على حفارها
تركي:
يالطيف أثرك تبارز بسيفك يالطيف...يالله أستر فوق الاجواد ياستارها
المظر هتان والبرق جاين له رفيف...فوق راسك من مزونٍ تهل أمطارها
حبيب:
سيفي اللي ماأنثلم من على وقت الشريف....يقطع أرقاب المجنن ويلعن عارها
يالله انك لاتفرق وليفٍ عن وليف...ناقة الاجواد عيت ترام حوارها
تركي:
فعلك اللي تذكره يمكن انه فالعطيف...كيف تبنيها وفوقك تهد جدارها
أحمد الله راعي الكور ماني بالريف... ياحبيب خذ نصيحه ودرو غارها
حبيب:
أنت ياللي دحدرت بك ودقت فالرصيف...راكبٍ بيمينها وحذفتك يسارها
لو سلم راع المعاميل من دعوة حنيف...كان ماأحدٍ كاشفٍ بنها وبهارها

وهنا يعترف تركي الميزاني باستاذية حبيب العازمي وقدرته الشعريه الفائقه وهذا مما يحسب للشاعر تركي الميزاني ويدل على تمتعه بموهبه شعريه ناضجه يسيرها في الطريق الصحيح
تركي:
لو أبا أوصفك يالعازمي مالك وصيف...حنظله والحنظله ماتكب أمرارها
العلاقه خاربه بين باريس وجنيف...ياعسى سكانها ماتطول أعمارها
حبيب:
انت ياتركي تبى الراي مير الراي كيف...كيف طلعت الجنازه وأنا قبارها
اليهودي لو يخون العهد يلقى حليف...واليهوديه طبيعه تغازل جارها
تركي:
تحسب انك تاتصيف وترقد فالمصيف...مادريت ان النشامى طوال أشبارها

[سفير الهشاشيل]

مشكور ولاكن المحاورة هذه قريب في ثرب

[ابن نميان]

مدسم الشوارب نقل موفق وشكرا ؟


تقبل مودتي ابن نميان ؟

التوقيع

’,’ ,’,’*,لاَ إِلهْ إَلاَ اللهَ , آللهُ أَكْبَر , (ولا ) حَولَ ( ولا ) قُوةَ ( إلاَ ) بالله ,*’,’, [ رَبْنَا لاَ تُؤَخِذنَا إِنّ نَسِينَا أَو أَخَطْأَنا ]

[مدسم الشوارب]

المشاركة الأصلية كتبت بواسطة سفير الهشاشيل

مشكور ولاكن المحاورة هذه قريب في ثرب
وتركي بارز مايبي استاذية حبيب وارجوك لاتسبب المنازعات اعقل يالشيبااااني
وحبيب شاعر قوي لاكن تركي طلع على شعار اساتذة المثال شليويح والضمني
والجبرتي والرياااحي وخليف دووواس(النجم القبلة الذرية)
اخوكم ومغليكم000000000 سفير الهشاشيل

أسمع ياسفير الهشاشيل
أنا ماقلت إلا الصحيح وحبيب العازمي إستاذ لتركي وإمثاله

[مدسم الشوارب]

أخوي
أبن نميان
والعفريت
مشكورين على المرور

[سفير الهشاشيل]

(هلا والله بالجميع على الردود الطيبة والحقيقة حقيقة وجهة نظر ماتزعل اى واحد مطيري ***ولا عتيبي وهذ اكيد ياصحابنا عتابة))

ولكن انتم جيبوا الحق الصحيح دايم تسبون تركي وتقولي انتم يامطير ماتجيبون الصدق!!!!!!

عجب العجاب انتم تجحدون الحق وتقلون يامطير انتم تجحدون @@@@


لحد يزعل الصدق مايزعل الرجال ))))))))))))))))))
اخوكم )(سفير الهشاشيل)

[فرناس]

والله حرم نظلم حبيب وننشر محاوراته مع واحد بيوته حادرتن وديان

بالله عليكم شوفو بيوت حبيب ورد تركي عليه بالله عليك هذا ينقض بيوت حبيب ولا يجيبها شاميات عاميات

والمشكلة بعض الناس مثل الاخ سفير الهشاشيل يطبل ويزمر ولادري هو من عرف بس يجامل ولا مثل الاطرش فالزفة ومع الخيل ياشقر

يالربع الشعر خصوص المحاورة مهوب لعبة كل من قدر ينظم بيتين يردبها على الشاعر الي قدامه صار شاعر

شعر المحاورة فتل ونقظ

مثل هالمحاورة حبيب يجيب بيوت تحتاج نقظ وتركي بيوته يحدربها الشعبان

نزلوا محاورات تستاهل حتى نستفيد

والله يخلف تعبك يامدسم الشوارب ولا قصرت

[متعب العصيمي]

اخوي مدسم الشواارب

لاهنت على المحاوره
والله يخلف تعبك يامدسم الشوارب ولا قصرت

[خالد اوصاهب]

السلام عليكم ورحمة الله وبركاته

اولا / اشكرك يامدسم الشوارب على موضوعك ........ وابو فيصل شاعر له وضع ومكانه غير شعرا العرب باكملهم ولا يقارن به كائن من كان



ثانيا / سفير....... من كلامك يبدوا انك لاتعرف شعر القلطه ( المحاورة ) ولا تفقه فيه شي
انت الظاهر ماعرفت المحاورة الا بمقاطع الجوالات المسجله


اخيرا ارجو انك ماتزعل وانك تحترم نفسك
وتعرض عن الموضوع لانه لا يقبل النقاش

ولك جزيل الشكر ....

[العفريت]

شكرا لكل الاخوان على التفاعل
سفير الهشاشيل يقول انتم يالعتبان ما تقولون الحق طيب اسمع كلمة الحق واجري على الله
حبيب العازمي شاعر محاوره لم ياتي مثله لاقبل ولا بعد وبشهادة كبار الشعراء ومن ابرزهم شليويح المطيري <في مجلة المختلف > طيب ليش مايشيد بتركي لوانه شاعر مثل ماتقول
طيب تركي عجرم من اشاد به فقط الورعان اللي يرقصون على الحانه المسروقه من الفنانات
سفير الهشاشيل راجع مشاركتي الاولى وجاب عليها بكل صراحة وامانه هذا طلب رجال من رجال