يالهيلا انتبهوا من شركة الجوال

[ماجد العصيمي]

السلام عليكم ورحمة الله وبركاته

كيف الاحوال وشلون التصويت معكم

وشلون تصويتكم من موبايلي ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

وشلون تصويتكم من الجوال ؟؟؟؟؟؟

في يوم الاحد الماضي تم الكشف عن لعبه قذره قامت بها شركة الجوال

وهي حجب التصويت عن سهم عتيبه بهدف اسقاطه في البرنامج

وتم التحقيق معهم يوم الاثنين لتقصي الحقائق والحمد لله تم اعادة

ارسال جميع الرسائل التي حجبت

المره هذي عدت لكن للحيطه والحذر نأمل التصويت من موبايلي اضمن

وللتأكيد على ارسال الرساله سيتم ارسال رسالة شكر لك عند تصويتك

اذا لم تأتيك اعرف ان في الامر ان

[واحد من جماهير الجلاوي]

كلامك صحيح انا حصلت معي اكثرمن مره

[جمال النفيعي]

يعطيك العافية على التنبيه

اتمنى من الاخوان اخذ الحذر

[ماجد العصيمي]

شاكر لكم على المرور واتمنى تعلمون اللي مايدخل نت علشان ينتبه لهذه النقطه

[(البرقـاوي)]

جزاك الله خير على التنبيه

والله ماعندنا غير الجوال وش نسوي

لاهنت

التوقيع

خ ـالد الـ ش ـيباني

[عمر الدغيلبي]

حسبنا الله ونعم الوكيل

وش تبينا نسوي ؟

حنا نصوت باللي نقدر عليه

والجلاوي يستاهل التأهل

وان كان له فيها نصيب بياخذها من ورى خشوم الجوال وموبايلي

التوقيع

في منتدى الهيلا زحول الرياجيل = بيت القبيله و النشاما إرواقه يزينه حرصه لزين التماثيل = ويجمله نبذ العلوم الدقاقه

[/عبد العزيز الجذع/]

مشكووور على التنبيه..

الا متى هذا السفيه الدويش ما يترك حركاته؟؟؟

اللي ما عنده الا الجوال دور اي واحد تعرفه معه موبايلي وصوت من جواله وعطه مبلغ التصويت<<<<مسوي ذكي..

[عتيبـــــ ولد ــــــــة]

الا متى هذا السفيه الدويش ما يترك حركاته؟؟؟

العرق وأنا أخوك ..

[ابو نادر المفرجي]

كيف لو قابل سهم الهيلاء فيحان القعياني والا غازي الميموني والا فلاح البرازي صدقوني سوف يتم حجب اي رساله دعم للجلاوي من الجوال !!!

[تركي البدراني]

لا والله هذا الكلام غير صحيح بتاتا ......
أنا أعرف شخص قريب جدا جدا جدا شغال بالجوال وبقسم الرسائل .....
ويعرف كل صغيرة وكبيرة بهذا الموضوع.....
وقد وضح الموضوع حسب الآتي:

أولا: لازم تعرف إن شركة الاتصالات لا يستطيعون معرفة محتوى الرسائل اطلاقا وهل المرسل إليه عتيبي أو مطيري أو اي احد ثاني.
والشخص اللي يستطيع معرفة ذلك هو الوسيط بين شركة الاتصالات وبين القناة.

ثانيا: نظرة شركة الجوال.... أو .. الوسيط .... او القناة التلفزيونية هي نظرة تجارية بحته .... والله لا همهم ان هذا عتيبي او لا .....

ثالثا: الوسيط مع شركة الاتصالات وشركة موبايلي هو نفس الوسيط وصاحب الشركة الوسيطه هو "حضري" يعني لا الى هولاء ولا الى هولاء.

رابعا : المشكلة التي حصلت كانت بسبب كثرة الرسائل التي سببت تزاحم على قنوات الاتصال والتي تم رفع عددها لتستوعب هذا الحجم الكبير من الرسائل.

خامسا :: وهذي من عندي .... وحطوها زين على بالكم القنوات الفضائية والبرامج والعالم كلهم والله ما يناظرون لنا الا أننا شعب عنده فلوووس ما يدري وين يوديها فيحاولون يسحبونها بأي طريقة ......واكبر دليل ان كل البرامج والمسابقات القائمة حاليا تعتمد على الرسائل النصية ومركزين على الشعب السعودي ......... صحيح ان صوت منك ما يكلفك شيء ... ولكن هم يشوفونها بطريقة ثانية : وهي صوت منك ومن الثاني ومن الثالث ممكن يوصل مليون صووووت .... ومكسبهم في المليون صوووت مليوني ريال ....وهو مكسب ما يحلمون فيه .. في قناة راس مالها ما يتعدى خمسمية الف.....

والله على ما اقول شهيد ....