نآصر محمد الدغيلبي .. ورثآء في عمه ..

[علي الدغيلبي]

بسم الله الرحمن الرحيم



الحمد لله و الصلاة و السلام على اشرف خلق الله محمد ابن عبدالله



.. لله .. مأعطى و .. لله .. مأخذ ..

وكلنا راضين بقضاء .. الله .. وقدره


وهذه قصيده للشاعر / ناصر محمد حمدان الدغيلبي .. يرثي فيها عمه ..



.. المرحوم له .. بإذن الله سبحانه وتعالى



عبدالرحمن الدغيلبي

( ابو مشعل )

الله من عينٍ سهرها قلقها=فكت مع الأحزان والنوح طاقة
أربع ليالٍ والكرى ما طرقها=بيح فراق القرم ماها وراقه
هلت عبايرها ولا هاد أرقها=فرقا الحبايب مالها فيه طاقه
غصبٍ عليها فيضت من زهقها=تبكي فراق اللي كسرني فراقه
حرٍ يروم النايفة ويعشقها=له في سنام المجد مجد ورفاقه
عزيز نفسٍ فزعته ما أدرقها =مبادئ النخوة عشقها عشاقه
وهاج شمسه غاب عنا شفقها=واظلم سما الأوطان واعتم زراقه
اقفت به أيام الدهر في شنقها=فقيدةٍ نشفق لشوفه إشفاقه
عنه الطواري وش يقطع رمقها=مدام له في كل جزلٍ علاقة
بتطوي الأيام صفحة ورقها=وتسير قدم بجلها والدقاقه
وانا ما فرقها مع اللي فرقها=حزن الفراق مشددٍ بي وثاقة
النادر اللي جزل الأرياء نطقها =الموت يا مشعل عن العين ساقه
اقفى وحر الدمع غرق حدقها=تبكيه قرب وطيب راس وصداقه
مكتوب والأقدار ما أحدٍ فهقها=من رد سهم الموت عند انطلاقه
يجزاه كافل خلقه اللي خلقها =بجنته يوم الحشر واصطفاقه
وأنا يصبر روحي اللي حرقها=فرقا شجاعٍ للمعادين عاقه
وليت الأذن عن بعض الأخبار صقها=ولا تسمع بعلمٍ مريرٍ مذاقه