انساب قبيلة العضيان احد فخوذ قبيلة عتيبه

[ذيب روق]

والله ونعم بالعضيان ربعنا اهل عمهوج .

[طلال الروقي]

فارس المجهلي
ابشر باللي يكتب لك التقسيم الصح لعيال عمك بس عطني شوي وقت لانه بصراحة كل المواضيع اللي تتحدث عن العضيان في المنتديات مع كثرتها ما اعجبتني وكلها منسوخة من بعضها من النت يكتبها ناس من برا العضيان ويلخبطون فيها

آخر تعديل طلال الروقي يوم 14-Sep-2007 في 05:43 PM.

[النايع]

يا قاضي يا قاضينا ياللي بالحق ترضينا

بارك الله فيك

والعضيان من عتيبة بإختصار ست أفخاذ:

1- الفداعسة
2- المتايهة
3- الثعالية
4- المحاقنة
5- الجعادين
6- السحلة

وبحكم إني أحد أبناء المزاحمة فقد نظمت في العضيان بيت او بيتين اقول

آلاد عاضي كوكب النور بالدجى = كرام السبال وطيبهم ممدود
مقدم بني مزحم وعمهوج سيفهم = سيفٍ على روس العدا مجرود
ما يطمع الاجناب بوشٍ يبونه = ليا لاح فوق ارقابها العمود
متيهي وفدعوسي وثعلي ومحقني = وسحيل واللي بالريال تجود
يا نعم لا جاء للجعادين طاري = في ريف ولا بالسنين السود

[طلال الروقي]

النايع يالله حية وكل سنة وانته طيب
بشر عساك لقيتلك وظيفة بدال وظيفتك اللي راحت والله اني قريت قصتك وحزنت
وابك تسيييييف تضيع الوظيفة انت مشكلتك لازم يدرسونها في مجلس الشورى ههههههه
المهم فارس المجهلي وبقية الشباب يبون تفصيلات اكثر وحصل شوي لخبطة يبولهم واحد يسويلهم جدول كامل التفاصيل ويسويها في صحيفة تعلق في المنتدى انا ابسويها اذا فضيت بس ماعلاك امر لاتنسا تحط مشاركتك هذي في موضوعي الجديد
أخوك (طلال الروقي ) <<<عضو جديد

آخر تعديل طلال الروقي يوم 15-Sep-2007 في 02:23 AM.

[النايع]

كل عام وانت بخير

يا اخي انا مواطن سعودي ومن حقي اعيش مع اهلي وناسي مهوب اموت

وبانتظار موضوعك الجديد

اخوك النايع

آخر تعديل النايع يوم 15-Sep-2007 في 03:24 AM.

[بوفيحان]

المشاركة الأصلية كتبت بواسطة النايع

والعضيان من عتيبة بإختصار ست أفخاذ:

1- الفداعسة
2- المتايهة
3- الثعالية
4- المحاقنة
5- الجعادين
6- السحلة

قمت تخبط بنسب العضيان وتفند الأفخاذ علي هواك !

الدماسين والسحله سواء والمحاقنه ينتمون للثعاليه أظف الي ذلك القمايصه والبياشا ينتمون للفداعسه والمشانيط ينتمون للمتايهة

[يعني كذا]

كان مالك بلش اشتر لك بلش ياحب الناس للقافه