لحظه 0000 استمعوا ماذا قال اليامي في العتبان !!!

[مصدر رفيع المستوى]

محسن بن فلاح آل فطيح اليــــــامي
شاعر متمكن يعتبر من ابرز شعراء الجيل الحالي وتعتبر قصائده من اجمل القصائد لما تحتويه من جزاله وقوة معاني وكلمات 00
هذه قصيدته في احد زملاءه من عتيبه عندما ذهب من جده ملبيا دعوته لحضور حفل الزواج في منطقة الجمش بتاريخ 3 / 8 / 1428 هـ والتي القاها في الحفل :

مشيت من جده صلاة الصبح مع ذاك الطريق = اللّي يودّي للدّيار اللي عزيزٍ شانها
لولا خويّ الجنب مارحنا ولا جينا نويق = سلام يأهل الديره العطره ويا سكانها
خوينا فأفراح ولاّ اتراح والله ما يضيق = لو إنّها بالمال خزنتها يفَكّ أعنانها
وقومٍ ماتعرف واجب الخوه عساها للحريق = شجره ولو يسقونها الماء ماثمرن أغصانها
في سوق عكفان الشوارب ذكر أهلها ما يليق = لا رحمت الخوّه ولا بعثت مع رديانها
ولاّ كما سرابْ دوٍ خـــــــــــاليٍ يبرق بريق = على صحاريٍ قاحله مايرتوي عطشانها
والحر الأشقر لي قفض ريشه وناكر يستهيق = يقطع ديارٍ ماتعد وتنحصى وديانها
ألين ياقع في كراء ولاّ يوقّع في طويق = عن سهلةٍ أطيورها منتوفةٍ جنحانها
هذا وأنا كلي شرف بزيارة رجالٍ تضيق = صفحات تاريخ العرب بالمدح في جدانها
اعتيبه الهيلا سوات الضلع والبحر العميق = الاّ محيطاتٍ تهوج وتصطفق جيلانها
رويوا فخر واسقوك ياشعر النبط ورد ورحيق = مواقف عتيبه على لهجة عتيبه عانها
من دونهم مافيه شي يردّني ولاّ يعيق = سلام يأهل الجمش والحضار من عتبانها
وسلام يا (نايف دعيج الدلبحي ) يأوفى صديق = دعوتك وصلتنا وحضّرنا على عنوانها
ياراعي الفعل الوثيق وراعي الساس العريق = ربعك عزايمها تهدّ الصخْر من ضلعانها
عتبان والعتبان سكرانة مراجل ما تفيق = لطّامة العايل وتذبح للضيوف إسمانها
يثنون عند الضيف بالواجب وترتد الوسيق = كم قوم وطيتها وقامن يقرعن أشنانها
إليا أعتلوا قحص الرمك ما يمدي النايم يفيق = ألاّ وخيله بينهم تقتادها بأرسانها
وإن حلّت الديره رستْ مثل الجبل هاك المويق = كم ديرةٍ لمّت بأهلها وإذبحت سلطانها
الله يذكرْهم بخير وخاطري حق وحقيق = مستطربٍ للمدح في قومٍ حمت حدانها
من عالي الحرّه لخشم النير وسواج العتيق = شبت منايرها ودكّت للعداء ميدانها
للمرجله سرنا وساروا وإجتمعنا فالطريق = وصارت معَرْفتنا تطول وينبني بنيانها
عاداتنا يايام نعتير الخوي أخوٍ شقيق = لو هو من أقصى الناس وأوطانه من أقصى اوطانها
ما جيت أعد أفعالنا من باب هرمز للمضيق = باشات الأسطنبول دسناها على بيبانها
وهذا ودامت فرحتك يالنايف الحر الطليق = وياعلّ همّال السحايب لي هما ودانها
يسقي وطنكم ياعتيبه ياهل المجد الوثيق= قومٍ تعز أوطانها ما تداس أوطانها
من أسفل قرارة نجد للحره ليا وادي العقيق = لي ردّف الطايف إليا أقصى حدّ من حدّانها
غيثٍ بروقه تصطفق يشرق على الديره شريق = لين الفياض تعل من ماها على ريضانها
واعداد من لبس الحرام وطاف بالبيت العتيق = صلّوا على طاها شفيع أمته من نيرانها

وننتظر منكم الرد على القصيـــــــــــــــــــيده
وشكرا لكم

آخر تعديل مصدر رفيع المستوى يوم 01-Oct-2007 في 09:40 AM.

[داهية عتيبة]

مشيت من جده صلاة الصبح مع ذاك الطريق=اللّي يودّي للدّيار اللي عزيزٍ شانها
لولا خويّ الجنب مارحنا ولا جينا نويق=سلام يأهل الديره العطره ويا سكانها
خوينا فأفراح ولاّ اتراح والله ما يضيق=لو إنّها بالمال خزنتها يفَكّ أعنانها
وقومٍ ماتعرف واجب الخوه عساها للحريق=شجره ولو يسقونها الماء ماثمرن أغصانها
ولاّ كما سرابْ دوٍ خـــــــــــاليٍ يبرق بريق=على صحاريٍ قاحله مايرتوي عطشانها
والحر الأشقر لي قفض ريشه وناكر يستهيق=يقطع ديارٍ ماتعد وتنحصى وديانها
ألين ياقع في كراء ولاّ يوقّع في طويق=عن سهلةٍ أطيورها منتوفةٍ جنحانها
هذا وأنا كلي شرف بزيارة رجالٍ تضيق=صفحات تاريخ العرب بالمدح في جدانها
اعتيبه الهيلا سوات الضلع والبحر العميق=الاّ محيطاتٍ تهوج وتصطفق جيلانها
رويوا فخر واسقوك ياشعر النبط ورد ورحيق=مواقف عتيبه على لهجة عتيبه عانها
من دونهم مافيه شي يردّني ولاّ يعيق=سلام يأهل الجمش والحضار من عتبانها
وسلام يا (نايف دعيج الدلبحي ) يأوفى صديق=دعوتك وصلتنا وحضّرنا على عنوانها
ياراعي الفعل الوثيق وراعي الساس العريق=ربعك عزايمها تهدّ الصخْر من ضلعانها
عتبان والعتبان سكرانة مراجل ما تفيق=لطّامة العايل وتذبح للضيوف إسمانها
يثنون عند الضيف بالواجب وترتد الوسيق=كم قوم وطيتها وقامن يقرعن أشنانها
إليا أعتلوا قحص الرمك ما يمدي النايم يفيق=ألاّ وخيله بينهم تقتادها بأرسانها
وإن حلّت الديره رستْ مثل الجبل هاك المويق=كم ديرةٍ لمّت بأهلها وإذبحت ساطانها
الله يذكرْهم بخير وخاطري حق وحقيق=مستطربٍ للمدح في قومٍ حمت حدانها
من عالي الحرّه لخشم النير وسواج العتيق=شبت منايرها ودكّت للعداء ميدانها
للمرجله سرنا وساروا وإجتمعنا فالطريق=وصارت معَرْفتنا تطول وينبني بنيانها
عاداتنا يايام نعتير الخوي أخوٍ شقيق=لو هو من أقصى الناس وأوطانه من أقصى اوطانها
ما جيت أعد أفعالنا من باب هرمز للمضيق=باشات الأسطنبول دسناها على بيبانها
وهذا ودامت فرحتك يالنايف الحر الطليق=وياعلّ همّال السحايب لي هما ودانها
يسقي وطنكم ياعتيبه ياهل المجد الوثيق=قومٍ تعز أوطانها ما تداس أوطانها
من أسفل قرارة نجد للحره ليا وادي العقيق=لي ردّف الطايف إليا أقصى حدّ من حدّانها
غيثٍ بروقه تصطفق يشرق على الديره شريق=لين الفياض تعل من ماها على ريضانها
واعداد من لبس الحرام وطاف بالبيت العتيق=صلّوا على طاها شفيع أمته من نيرانها

صح لسان الشاعر

وتسلم يمناك

لاهنت طال عمرك


تقبل تحياتي

[مصدر رفيع المستوى]

بيض الله وجهك ياداهية عتيبه على المجهود والمرور 0000

[صقرالحره]

صح لسان اليامي وبيض الله وجهك اخوي الغالي

لاهنت

[حمد العطاوي]

بيض الله وجهك داهيه اسم على مسمى وانا اخوك كفووووووووووووووووووووووووووووووووووووو

[مصدر رفيع المستوى]

شكرا على مروركم الكريم000000 وبيض الله وجيهكم

وردني للتو ابيات جميله ردا على قصيدة اليامي تجاريها في المعنى والقافيه
والابيات من الشاعر/ تركي بن فيحان بن دعيج العتيبي


يامرحبا ياصاحب الوجه الطليق - - - - - - يا موجب الخوه ومعلي شانــها
عداد ما لانت عصونٍ بالمـضيق - - - - - - وعداد ما في نجد من ضلعانـها
وعداد ما يخلص رفيق مع رفيق - - - - - - وإعداد ما في يـام من شجعانـها
يا مرحبا يابن القروم اللي تلــيق - - - - - - لهم تراحــيب الوفـــا بالوانــــها
صبيان يام اللي لهم مجد عـريق - - - - - - وإن شبت الهيجاء رجح ميزانها
اهل سيوف تودع الجاهل يفــيق - - - - - - وتريــعة للحـــق في ميدانــــها
ترحيبةٍ أغلى من احجار العقيق - - - - - - وازكا من العنبر ومن ريحانها
من لابةٍ تطرب ليا جاها الصـديق - - - - - - خصٍ لياجا عانينٍ من شانـــها
ربعي هل العادات والفعل العتيق - - - - - - عتيبة الهيلا عمى عدوانــــــها




بيض الله وجهه وننتظر المزيد

آخر تعديل مصدر رفيع المستوى يوم 20-Sep-2007 في 11:32 PM.

[سعود الجعفري العنزي]

بيض الله
وجيهكم
يارفيع المستوى



و ياداهية عتيبه

على المجهود

[مصدر رفيع المستوى]

هلا ياراع النوق
تشرفنا
وشكرا لك

[فهد العطاوي2007]

صح لسان الشاعر

[فهد النفيعي]

نقول لليامي ماعليك زود
ورحم الله شيبانن على الطيب ربوك