العمــــــدة
يا معجب الجرح طبه مع طبيب القلوب=اللي يشخص لك اسبابه ويستأصله
والبكرة اللي سليمة من جميع العيوب=مدري لو أنّا نثور لجلها قنبله
معجب العتيبي
للقوس باريه لو زوّد عليه الشذوب=والخبز للي يسو (ي) الخبز لو ياكله
لاصار من دونها ناسٍ تسد الوجوب=ريّح ضميرك وغيرك بالذكا عامله
العمــــــدة
درج خطاويك والبس للمقابيل ثوب=لا تاخذ الناس باللجة وبالبلبله
حلالي اللي رثعتوا فيه بعد الغروب=وراه طلاب حق جاء يسوق اجمله
معجب العتيبي
ماعنك مجناب لين انك ياعمده تتوب=والثانيه عادة اللي عاش في مهزله
لولا الحيا قلت يا اهل العرف هذا كذوب=والناس تشهد وراع العرق مايجهله
العمــــــدة
لولاي احشم واشيم كان اشن الحروب=حتى يجي للبسيطة تحتكم زلزله
وايل مــع مطار وعتيبه وحتى الحروب=تشهد على الحق واللي في ضميرك قله
معجب العتيبي
اليا نويت النوايا لاتضيق الدروب=وقدامك اهل الفعول اللي تجي مذهله
يازبد يازبد ياجامد مصيرك تذوب=وميزان عدلك يجيه الوقت ويعدله
العمــــــدة
السيف شامان نشهر سلته فالخطوب=وابليس مربوط لهالحين بالسلسله
يا كوفي عنان لا تعدي شمال وجنوب=اما اظهر اللص واخلص منه والا اكفله
معجب العتيبي
ما احدٍ على الشر يالعمده عجولٍ طروب=وليا بغيت القشر لمّح لنا وازهله
لايدخل اهل البلاوي والغثا والنشوب=من بيننا ثم يصير الامر في علعله
« آخـــر الـــمـــشـــاركــــات »
14-Nov-2009, 07:14 AM
العرض العادي
