=بعض من قصايد الشاعر متعب بن ضيف الله بن مثعي الغربي العتيبي رحمه الله
[img]
[/img]
=وهذي قصيده موجهه للشاعر سلطان بن وسام الهاجري
قالو شرا من غاليـات المثاميـن=
=قطم الخشوم الي تبـوج الفيافـي
افجح من الـي يقربـن البعيديـن =
=وعقبه اليا جربت غيـره تعافـي
كنه يقول اليا نهمتـه تبـا ويـن =
=مثل العديم الي ليـا قـال يافـي
منوت غريبن مامعه غير ضلعين =
=وقلبه من اللوعات يرجف ارجافي
ماكنه الا من احساب المساجيـن =
=الي همومه يـا ردنـه اردافـي
الزيـن لـو نـه يحـد بملاييـن =
=مـادام تاجـد قيمتـه لا تفافـي
لولا نعاتيت الرياجيـل شرهيـن=
=ماصار فرقن فالعرب واختلافـي
يامرحبابك في قلـوب الموديـن =
=قبل السلام وقبل كيف المصافـي
من عقبها كيف فناجيلـه الصيـن =
=والعود الازرق والشحم له قوافي
اقلوبنا واصدورنا لـك دواويـن =
=وعين افراشلك وعيـن الحافـي
لو ماعنيت النـا نجيـك امتعنيـن =
=هـاذي عوايدنـا نعـز السنافـي
تشفق على ناس لشرواك شفقيـن=
=هذا كلامـي واليميـن اعترافـي
غالي ومن روس الرجال المسمين =
=يوم اليدين من المراجل احفافـي
هواجر في ماقف الضيق صلفيـن =
=يوم المواقـف يبسـن الاشافـي
هذا وحنا النـا سلـوم وقوانيـن =
=نعرف بها من بين سبع اللوافـي
ذباحت الحايل اكعـام المعاديـن =
=ريف الركاب اليا لفنـا اهجافـي
وسلم ودم ياميز الزيـن والشيـن =
=عساك دايـم طيبـن و متعافـي
=ورد عليه الشاعر سلطان بن وسام الهاجري
قالو شراله خمـس ميـه وستيـن =
=مسكين قلت اللي على البال كافـي
ما دامني في انظار الاقزام مسكين=
=هـذا دليـل انـي عزيـز وافـي
نعم شريت البنز الاخضر بتسعيـن=
=سمتـه وتليتـه بتسعيـن صافـي
ابيه إلى منه غـدى الليـل ثلثيـن =
=واقفت مدابيـح النجـوم المقافـي
انخاه والدمعه تحت محجر العيـن =
=نخوه دريك ٍ ناخي ٍ لـه سنافـي
غيرت له زيتـه وفللـت بنزيـن =
=واستنشق البنزين عقـب الوقافـي
كنه يصعط من صعوط المجانيـن=
=يرسي إلى جا في الطريق انعطافي
و قفى كما طير كفـخ بالجناحيـن =
=نور الحساء قدمي و سلوى خلافي
منصاه في نجد العذيـه عزيزيـن =
=هل موقف ٍ يوم الحرايب يشافـي
الاد روق مرجحيـن المـوازيـن =
=شطرن ركب من قاف غيري لقافي
ترعابهم في الخوف سود العرانين=
=ويبدي شحمها عقب ماهي عجافي
غربيه بأصـل الصداقـه وفييـن =
=ونا لهم مع طـول الايـام وافـي
قلته وانا من عزوتن تنزع الديـن =
=ستر العـذارا لا رمـن بالغذافـي
هواجر ٍ وصل القبيلـه قحاطيـن =
=مرويه حدب السيـوف الرهافـي
وختامهـا بالمستكـا والرياحيـن =
=اخذت من نـده وعطـرت قافـي
=ردالشاعر/متعب الغربي رحمه الله على الشاعر/ منديل بن حقطان بن وثيله رحمه الله .
=ويقول فيها
.
ماساق نسناس الهوى ريح الأزهار=
=وماروجعت بلحونها الراعبيه
مني هلا يامروح القاف مختار=
=من هاجس صافي وروح زكيه
أبدي بها في اعلى حجا سر واجهار=
=واسوقها للشيخ سوق المطيه
ابن حقطان الدوسري محتم الشار=
=يستاهل التقدير والمقدريه
ابن الشيوخ اللي يدوسون الأخطار=
=يوم الغلا دوب القنا والعبيه
والرمح اللي حزت الضيق بتار=
=وكروش بنت كروش والنافعيه
يوم الفزوع لها قعيده وسبار=
=قدام عرف سكود والجابريه
هم مقدم الرجبان في كل محظار=
=في السلم والاسلام والجاهليه
منزلهم أثبت من طميه وسنجار=
=هذا ولاتخفى على الناس شيه
أنجى بني عمه من النار والغار=
=واقفابهم من حر نار لظيه
قالوا ظمين وقال مافيه معذار=
=أنا لهم يامكبرين القضيه
يوم انجلا همه وبان له مظهار=
=والى الأداء يشدى لهضبة طميه
قال أفلحوا ماكن به صاير صار=
=خبل يبي من كل رجال ميه
أهل الفعول اللي يشوقن الأنظار=
=وهني منهم فزعته واهنيه
مايعرفون الموت قصاف الأعمار=
=يردون حوض الموت ورد الظميه
لاصاح صياح الضحى والدخن ثار=
=والعين شافت شوفت المكريه
يسطون لاصاب الردي ذل ونهار=
=واسند وذب العبله الجرهديه
دواسر عنهم تنبيك الأخبار=
=أهل الصخى وأهل الفعول النقيه
وافين للوافين شر للاشرار=
=مايقبلون من المناقيد شيه
نعم بهم وسط المجالس ليا دار=
=ذكر القبايل في الرخا والقصيه
يابن وثيله ماعن الواقع إنكار=
=ماينكرون اللي ذممهم بريه
المرجله ذخر لوافين الأشبار=
=ماهيب برعه يازبون الونيه
لكن هذا الوقت بيح بالأسرار=
=ومعقبن في ثومة القلب كيه
خلك كما اللي شايف الغبن صبار=
=ولاكما اللي تاه في المهميه
اليوم تلقى الطير مع غير صقار=
=ويسرح اللي مايحفظ الرعيه
وتلقى الحصن يامسندي عند حمار=
=ومن سقت له حسنه جزاها بسيه
لاكن لاتبلش وتنشب وتحتار=
=مايبلش إلا من بلش له بعيه
وختامها صلوا على سيد الأبرار=
=المصطفى القايم بطاعة وليه
=وهذي قصيدة مرسلة من سعد بن جدلان الأكلبي الى الشاعر متعب الغربي رحمة الله
تجهـز وعـزم بالسفـر ياحديـد العيـن =
=على الموتر إلي ينعش القلب فالمشـوار
ماطب المناطق ينقـل أهمـول بساطيـن =
=ولاسوقوبه سوق حـج" وسـوق أشـرار
مضرا" على قطع الفيافي مـع الساطيـن =
=وهو مانقلب زيتـه ولا أهتزبـه مسمـار
على لوحته مكتـوب مملـوك جباريـن =
=وهوما تسلم طارتـه كـود مـع جبـار
لامنك عطيته ثالثـا" بعـد تـرس اثنيـن =
=تناهـض تقـل حربيـة" هزهـا الطيـار
تقابـس قـزوزه باللهب لانـس البنزيـن =
=تقول المقبس لانقطع من خشـوم قصـار
ولاضحى الضحى ليكم من المنطقه ماشين=
=وتلفون في أم سليـم مـع تالـي النهـار
ولاجيت ساجرمن شمـالا" تلـف يميـن =
=ولاجيت ساجر من جنوبـا" تلـف يسـار
وبدل ماتنشـد قبلـك البيـت قـد العيـن =
=بيوت الشيوخ إلـي تباشربهـا الخطـار
بيوت آل مثعي كلهم في الطلـب وافيـن=
=ولادنى سديد وكلهم فـي اللـزوم خيـار
ولوتنشـدون بكـل لاقطـار معروفيـن =
=وعلم الحياء والطيب تبدي بـه الاذكـار
وسلم على متعب وقل كـل شـيء زيـن=
=لكنـا نبـي جيتـك ياوافـي الأشـبـار
رقبناك في الموعد وباقـي عليكـم ديـن =
=ترى موعد الاحرار دينا" على الاحـرار
=وهذا بيت من قصيدة الشاعر متعب الغربي موجهه لشاعر مطلق الطايعي
يا مطلق الطايعي عيّت تفيد العلوم=
=كم واحدٍ حاول العقدة ولا حلّها
=وهذ رد الشاعر مطلق الطايعي
اتلوم وقتك ولا تلاّم ياللي تلوم=
=الوقت سيفٍ علينا سلّته سلّها
لو يشبع البطن زاد وتشبع العين نوم=
=ما تشبع النفس والعليا تخيلّها
دنياك ياللي على الدنيا تشن الهجوم=
=دنياك مخلوقتن لك ومخلوقن لها
العالم أحد وأحد والوقت يوم ويوم=
=دنياً دنيّة تملّلنا وبنملّها
يا متعب الغربي البيدا تبيد العزوم=
=اللي يحمّل حمولته يتحملّها
ما ينّجم راس رجّالٍ يعرف النجوم=
=اللي يعرف النجوم اليمّة يدلّها
منادقن بالحكي ومنادقن بالخشوم=
=عاشت عليه أكثر العربان وافطن لها
هذا زمان الرخوم الله يعز القروم=
=اللي تزيّن لمزيونٍ تزيّن لها
مضيّعين المذاهب مخلفين السلوم=
=ريال عن دينها وريال عن دلّها
قدّامك تصير رَبع وخلفك تصير قوم=
=لا جمّل الله حال اللي يجاملّها
توفّر الكذب لكن الصحيح امعدوم=
=والكذب ما قوّم الساعة قبل حلّها
=الشاعر/متعب الغربي رحمه الله
اللي لـه النفـس ولهانـه ومشتاقـه=
=ما نسمع الهرج فيه ولا نبـي غيـره
أغلي وليفـي غـلا سلطـان للناقـه=
=وأشفق لهااشفق من السامرعلى طيره
عين أبو خالد لصاف الريش عشاقـه=
=لاجـاز لـه مـا يهمنـه دنانـيـره
قـدام لا ينقلـه و يشـد مسبـاقـه=
=اليا نضر للوحـش يعطيـك تقريـره
فطيـوره عيـوب فعالـه ولحـاقـه=
=كل أشقـراً نـادراً تعـرف مواكيـره
أن وقع الخرب عاقه وانعـزم عاقـه=
=الله يفكـه مـن الحسـاد ويجـيـره
وسلطان لاشاف زينه وجـه عملاقـه=
=قام يتنشد عن اهـل الـذود ويديـره
ياعنـك ماهمـب صـداده ونساقـه=
=يفـرح بهـم واحـد قلـة محافيـره
ناجبهمـسعـود بافعالـه وباخـلاقـه=
=والجاه والمال مـا يذخـر مذاخيـره
=وهذي مرثيه الشاعر متعب الغربي في والده الشيخ ضيف الله بن مثعي الغربي رحمه الله
=لتحمل
« آخـــر الـــمـــشـــاركــــات »
12-May-2009, 08:36 AM
الشاعر متعب بن ضيف الله بن مثعي الغربي رحمه الله
العرض العادي
