دهينات الفخر والمرجلة والعز والهيبه

[محمد الصفياني]

قصيدة الشاعر ناصر النفيعي والتي القاها في حفل قبيلة المساعيد من النفعة في افتتاح مخيمهم العامر على هامش مهرجان ملتقى قبيلة عتيبة وذلك ليلة الخميس 12 / 10 / 1428 هــ




سلام الله عليكم يابني عمي ذوي مسعود
سلام ٍ مااختلف لونه ومضمونه وترتيبه

يخص ولايعم ابحال مضمونه عيال العود
دهينات الفخر والمرجلة والعز والهيبه

ويعم ولايخص ابحال كل اللي حضر موجود
سلام الله على اللي حاضرين مزاين عتيبة

من اهجوس الضمير اللي يزورنّه وفود اوفود
وتقفي به وتقبل به وتقبل به وتقفي به

احولها على الغبة واعرضها على الجلمود
واسريها بعيد الدار الاقصى لين تمسي به

مهيّضني ولع برق الخيال اللي سناه ايقود
وسال الحزم واطرافه وسال الضلع وشعيبه

اليا منه دعانا طيّب الصيت وسليل الجود
نجي له من بعيد الدار ركابه ونجّيبه

تجمعنا على وضح النقاء فالمحفل المشهود
على سبل الوفاء والرجل مايترك مواجيبه

انا شاعر وامثّل لي قبيلة حدها محدود
اليّ رزفه واليّ وقفه واليّ ميقاف واثني به

واليّ هقوة واليّ سطوة واليّ نية واليّ مقصود
واليّ قاف ٍ ليا هبّت هبوب الشوق اغني به

يقول الشاعر الشعر الحقيقي منهله مارود
وانا اقول القصيد العذب ماجفّت مشاريبه

واقول ان الفتى يمشي سلف ربعه عريب جدود
واقول الضلع مااحد ٍ يجهل ابحصنيه وذيبه

واقول البقبقه والنقنقه مامن وراها فود
واقول الشر واليوم العبوس الله يبطي به

واقول ان الكلام اللي بليا ذوق سمر اكبود
والا ياللي تجيبه روح عني لاتجيني به

انا مااداني البلاس واصحاب القلوب السود
احد يضحك بسن الله واحد بسنون تركيبه

وانا مااداني الخرتيت والرعديد والمقرود
وانا مااداني البلام والنمام والغيبة

وانا مااداني الهامل ولا اعامل ضعيف زنود
ومقطوع العراوي يالعله ينقطع صيبه

واقول المرجلة ماهي لسمحات الخدود الخود
واعلم من غفى فالنوم والجاثوم ساري به

تبا رجل ٍ يحل المعضلة لو حبلها معقود
يحل بكفه اصعيبه ويفتل كفه اصعيبه

واذا قر القرير بخير وسهود الامور مهود
تكفيني فعول الشيخ مقعد يوم اماري به

اخو غزوا عقيد القوم لهبّت هبوب النود
بحد السيف الاملح والقناء بانت مضاريبه

عسى مقعد بجنات الخلود امين يامعبود
عسى الله يرحمه ويشد فالفردوس اطانيبه

ترى لا زال حيّا ً لو كلا عظمه عمود الدود
لو ان الجسم مات الاسم ماماتت مشاهيبه

سطر مجد وسناء نجد وسنام المذهب المجرود
والا يالطيّب اللي نستمد الطيب من طيبه

ذخر نايف واخو نايف محمد والامير سعود
ليا جت للحقائق مابها شكة ولا ريبه

نعم ياروسنا ، ناموسنا وانتم كبار حيود
ذرانا واومرانا مابها صدة وتجنيبه

ونعم فالشيخ فرحان الدهينة نعم يدبل زود
وكل شيوخنا والنعم فالشبّان والشيبه

وعسى ربي يعز المملكة والعاهل ابن سعود
ويحفظنا وياقنا ومن شرّا عواقيبه

[مسعودي عتيبي]

ماقصرت ياولد العم على هالقصيدة




وهل القصيدة السابقة لشاعر ناصر علوش

[محمد الصفياني]

مسعودي عتيبي

سلمت سلمت والقصيدة نعم للشاعر ناصر علوش النفيعي

[ابن البجاديه]

نعم هم الفخر والعز وانا قد كان لي موقف مع الشيخ سعود بن فرحان بن مقعد الدهينه ذلك الرجل الذي كان مضرب الامثال بالنسبة لي بعد ان وقف معي وقفة ابن العم عندما وجدني بحاجة من يقف معي في احدى الضروف القاسية وانا بصراحه لم اطلب منه المساعده ولكن من طيب معدن ذلك الرجل تدخل في موضوعي وتيسرت اموري على يده وقد قلت فيه ياسعود ياراعي الطبوع الجميله دربك خضر ماقد وطابه ولد لاش شفنا معاريفك سوات المسيله واطلقتهن مثل التماتيك رشاش يومني شفت الدرب مافيه حيله وبعض العرب عني يتغاضى وينحاش مثل المطر لاجاك ثم سال سيله هذاك ابن فرحان لاقلتها كاش انشهد ان سعود يسوى قبيله في جوه الراكد وفالوقت لاطاش ومقعد فخر ويا اعتزازن نشيله مع وجهن ابيض بارقن كنه الشاش تحياتي للجميع

[محمد المسعودي العتيبي]

أسأل عزوجل أن يهدي الدهينات وجميع امراء عتيبه وأن ينفع بهم الإسلام والمسلمين وأن يجعلهم من انصر دينه ............................بارك الله فيك اخوي محمد الصفياني

[فهدالمسعودي]

الف شكر

واخو غزوى معروف بين القبايل

بيض الله وجهيكم

[العطاااااوي]

صح لسانه


وبيض الله وجهه

[محمد الصفياني]

ابن البجادية

الطيب يستاهل المدح والثنا

وسعود فرحان من بيت اصل وطيب

[محمد الصفياني]

محمد المسعودي

شكرا لك

[محمد الصفياني]

فهد المسعودي

الله يعافيك ويسلمك