اختيار تصميم الجوال
|
|
|
« آخـــر الـــمـــشـــاركــــات » |
أدوات الموضوع | انواع عرض الموضوع |
|
28-Jun-2007, 03:44 AM | رقم المشاركة : 11 | |||
|
حياك الله يابوفايح , وانا اتفق فيمن قال ان المحاورة لاتتكلم عن الجلاوي لامن بعيد ولامن قريب , واكبر دليل ان الزلامي كان متواجد والقرقاح متواجد ذلك الليل , ولو كان الهدف الجلاوي وماحصل له , لكن رد القرقاح انك يالزلامي ترى بعينك ماذا حصل.
وبخصوص هذه القضية , لم يتعرض الجلاوي لا لضرب ولم يرفع سلاحه على احد كما يروج لهُ البعض. فقد سمعنا من عدة جهات , ان الجلاوي عندما حاول الاعتداء عليه مجموعة من الشباب , قام بإخراج سلاحه الناري واشهره في وجوههم وفروا من امامه , وهذه اشاعة لاتختلف عن التي قبلها. ومن مصادر شخصية مقربةٍ جداً من الجلاوي وممن حضر ذلك الحفل , ان القضية ومافيها , ان بعد خروج الشعراء من مخيم الاحتفال كانوا الجماهير يطلقون الهتفات بالمديح والثناء على الشعراء , وكان للشاعر سلطان الجلاوي نصيب الاسد من التفاف الجمهور والثناء عليه , وكانوا رجال الامن المتواجدين , يلاحظون هذا التجمهر عند مخرج المخيم , فحضرو للموقع , وكانوا يحاولون تفريق الجمهور , وكان التجمهر حول الجلاوي هو الاكبر , فقاموا وطلبوا من الجلاوي الركوب معهم , حتى ينفض هذا الازدحام ويتفرق الجمهور , وقاموا بدورهم بتوصيله إلى سيارته , ولم يتعرض لهُ احد , ولم يتعرض لاحد. احببت ان ادلوا بدلوي على موضوعك يابوفايح , والله لايهينك تحياتي |
|||
|
|
28-Jun-2007, 03:56 AM | رقم المشاركة : 12 | |||||||
|
اقتباس:
اقتباس:
|
|||||||
|
|
28-Jun-2007, 04:16 AM | رقم المشاركة : 13 | ||||
|
اقتباس:
تحياتي |
||||
|
|
28-Jun-2007, 12:47 PM | رقم المشاركة : 14 | |||
|
سلام
ابك الجلاوي ماالمسووه قحطان ولا سوو شي ياارجال لو سوو شي كاان شفنااه على وجهه ولا على جسمه ولا عالاقل تصووير له لاكن الساالفه ومافيها ان سلطاان حاشرهم ذااك اليوم حشر هو وابن نعيم وبعد الحفل ماانتهىى جوك قحاطين يتفلتوون من الرخاامه على رجال واحد بس كاان فيه عسكر وكلن شااف المحااوره بحضوور العساكر يوم فرقوو بينهم وبين الجلاوي وصف عتيبه اللي معه والزلامي كان يقصد ذا الساالفه بس معااتباا القرقااج ليه يتفلتوون عليه ويبوون يضربوونه وهو ضيف عليكم سلووم العرب حتى لو الضيف اخطاا طلعووه وسرووه من بيتكم مو يطقونه ههههههههههههههههههههه اما بخصووص الطقاقه ذا قصته قصه مررااات يقول انطق ومراات يقوولون لا بس انا بصراحه اتمنى انه لا عشاان ماايغسلوون يدينهم اللي طقوه سبع مراات واولهم بالترااب |
|||
|
|
28-Jun-2007, 06:40 PM | رقم المشاركة : 15 | |||
|
سمله الرحمن
وابكم ردي صفحة كامله وين راح صار نقوط وكلمتين تقول النقاش الودي والهدئ هو النافع ومطلب الجميع وش وديه وابكم معاد فيها ودي وماودي ...الموت خلفي والبحر قدامي خلونا نهرج ونبين الحقايق مثل الناس ويكفينا فخر انا اذا ردينا على احد نبين وجيهنا وصورنا الحقيقة وغارنا لاجو يبون يردون دسو وجيههم مثل الحريم ولا العورة وانتم بكرمة |
|||
|
|
29-Jun-2007, 03:28 AM | رقم المشاركة : 16 | |||
|
ياحووول
صارت موضه الحين بعدما انضرب تركي آل عجرم ودهم يطلعون شي عن ابو صاهد ياسفير علوى هذا سلطان الجلاوي الشيباني تعرف وشو الشيباني ؟؟؟ يعني اسمه لحاله يروع كيف يقدرون يقربون منه ؟؟ والله ليبطون يقربون من ابو صاهد والله يحفظ لنا ابو صاهد من كل شر ويوفقه يارب |
|||
|
|
29-Jun-2007, 04:04 AM | رقم المشاركة : 18 | ||||
|
اقتباس:
هههههههههههههههههه الله يرجك رجاً مبرحاً كفيت ووفيت |
||||
|
|
01-Jul-2007, 01:50 AM | رقم المشاركة : 19 | |||
|
السلام عليكم مسيتم بالخير جميعاً ..
بأختصار قحطاني وأحظر للمزاين .. وباعلمكم يا عتيبة يا جيرانا يا حبايبنا يا اخويانا يا لبى قلبكم .. السالفة ومافيها خذوها مني ( والله يرحم ابن هندي ) يالربع الحفل ضخم والتنظيم ضخم لكن ان الشعار يجون ويروحون من بين الجماهير الغفيره .. والجماهير فيها القحطاني و العتيبي والمطيري والايطالي ( قوية شوي !! ) والمشكلة تكمن في تنرفز الأمن الغير طبيعي حيث انهم يحسبون كل شاعر اجتمعوا يشوفونه الجمهور انهم بيضربونه !! وهذا اللي سبب حزازت بين البزران من الجماهير وصار بعظهم يمدح وبعظهم يسب .. اقسم بالله هذه السالفة قدام عيني يوم طلع ابن عتقان السلمي الله يذكره بالخير كانت المحاورة مع واحد حبابي وكانت المحاورة فيها حرارة خاصة من الحبابي ولكن عندما انتهت اتجه الحبابي اليه وسلم عليه ثم طلع ابن عتقان وانا من الجمهور اللي معه كان الجمهور يحيط به ولو مديت ايدي له لمسته !! واللي يقول له صح لسانك واللي يقول ماقصرت ولاهنت وانا اقول بيض الله وجهك ثم مايمدينا نطلع والله ذا اللي صار يالربع .. قام الأمن كنه شايفنا ماسكينه نصلخه و طوقوا عليه ووجيهم متعفسه و حالتهم حالة ووخر ياولد ووسع ياولد ومايصير كذا يحمسون انفسهم الأغبياء !! ثم قال واحد من الأمن حسبي الله عليه قال : > كيف تضربون ضيفكم ؟؟؟ والله نويت اظربه ذاك الغبي .. وقلنا لعنبو غيرك حنا نمشي معه ونوادعه انت شفتنا لمسناه ؟؟؟؟ المهم تخيلوا انتم احد يقولكم كذا ويكرر عليكم اكيد الواحد بيرتفع ضغطه جا ورانا واحد مدري هو مندبلة كبده من ذا الامن ويبي يرجهم مدري هو ورع و يبي يهايط قال الوعد عند اللفة ثم قهرنا وكلنا لتفتنا ندور راعي الصوت ونقول هذا مسكين هذا ظعيف واللي يقول هذا يمزح المهم يوم ركب سيارته الشاعر وحوله بعض ربعه والأمن ( هم سبب المشاكل ) .. وقام واحد وانطلق من بيننا ولد عمره في العشرينات و طلع من بين العسكر من شيء في خاطره !! وجاء على الباب الأيمن اللي فيه الشاعر وقاله تمس على خير والله انا ما مشينا معك الا بنوادعك لا يطري عليك شيْ وهم يخمونه الأمن ويبعدونه وبصراحة ارتحت انا لهذا الموقف خصوصاً ان الشاعر قال والله اني خابركم ولا لحقني شك بكم و قد سمعته قال في نهاية المحاورة لواحد يثني عليه " انا منكم ياقحطان " واظنه يعني يعتبر نفسه منا وفينا من أخلاقه الله يذكره بالخير ,, يعني الزبدة .. سبب اللبس في قضية محاورة الجلاوي وغيرها حسب خبرتي .. 1 : كثرة الجماهير وكان هناك عتبان أصلاً غير القحاطين مع التنظيم الغير صالح لهذه الأمور حيث انه يمكن يجي واحد خلوني اكون صريح واحد مهوب في الخدمة مؤقتا ً ويسبب مشكلة ويمكن يتفاضخ مع واحد مثله .. 2: رجال الأمن المتنرفزين يخلقون مشكلة من لامشكلة بصراحة رفعوا الظغط بعضهم طبعاً .. اما محصلة مشاركتي كلها > كل شاعر جا المحاورة في المزاين ما ظربه احد ابد ابدا .. وأسألوا الشاعر نفسه يعطيكم العلم الي يجمد على الشارب .. ولا هوب مدح فينا لكن والله ماأتخيل يسويها واحد منا بالعكس مع أنها زحمة وعالم هااااايلة لكن لو احد قال كلمة بس كلمة مهيب طيبة سيكون الخطر عليه اكثر من الخطر على الظيف .. على العموم انتم ربعنا وابخص بنا .. وسوالف المبزرة خلها مع المبزرة وانا قريت واحد يقول من الرخامة ضربوا واحد عتيبي وتجمعوا عليه انا اقول ومن الرخامة اني أرد عليك يا سفيه وسلامتكم تحياتي لكم كل واحد منكم على حدة حيث اني جديد على المنتدى وداخل عرض أخوكم الجحدري القحطاني آخر تعديل معد يكرب يوم 01-Jul-2007 في 01:58 AM.
|
|||
|
|
01-Jul-2007, 06:51 AM | رقم المشاركة : 20 | |||
|
^^^^^^^^
اسمع العلم يااسفيه خخخخخخخخخخ ولا خل العااقل منكم يشرح لك انا يوم قلت كلامي ذاا بعد مااسمعت من ناس حااضرين المحاوره وشفت المقطع اللي منزلينه هناا يووم اخره يقوول يااشباب عيب عيب ذولا ضيووف علينا حملو المقطع واسمعووه بانفسكم واخر شي رح شف منتدااكم وش كااتبين بالله كلهم يتفااخرون ههههههههههه المشكله يتفاخرون يقوولون جته قرصه اذن |
|||
|
العلامات المرجعية |
يتصفح الموضوع حالياً : 1 (0 عضو و 1 ضيف) | |
|
|