مستور العصيمي وحبيب العازمي والميزاني أحداث دراماتيكيه !!!

[ابو فايح]

سأكتب الموضوع في نقاط وأترك لكم التعليق


** من المؤسف أن نذهب لنسمع شعرا ونجد العكس .


** حفلة هذيل بحضور مستور وحبيب وعبدالله الميزاني وأخوه محمد وعمر الخالدي وسعود العميري .


** حضور مستور العصيمي بعانيه للمعرس بصفة العلاقه بينه وبين أهل الحفل وأيضا بما يعرف (بالحداه ) مع أبناء عتيبه .

** حضور حبيب العازمي لحفلات هذيل بعد غياب حول 12 سنه تقديرا لصاحب الحفل.

** بدأ الحفل بطاروق بين العميري ومستور ولم أحضره .

** طاروق أخر بين الخالدي وحبيب لم أحضره ولم أتمنى في هذا الحفل إلا هو .

** حضرت مع بداية الطاروق الثالث بين الميزاني ومستور والبادي أعتقد أنه الميزاني وجئت على بيتين لمستور يقول

أنته سوات الحضرمي في جوف دكانه = بضاعتك كلبوها أشكال وألواني

رد الميزاني بيت لا أحفظه ولكن فيه

أن العصمه مالهم خانه ومستعد أرجع التياواني ياباني


رد مستور ومنه
إن كنت مبلي الله لا يبلاني


** كان مستور العصيمي يجهز بيته الأخر فتكلم معه العميري والخالدي على الكراسي وأعتقد يطلبون من مستور التغيير


** قام مستور وطلب الخالدي بالبيت الاول وبينما هو بجانب المكرفون يستعد للبيت الثاني
جاء الميزاني واخذ الميكرفون جانبا وقال يا مستور هذه حركات قديمه وان كان ما تثمن فيه غيرك يثمن
مستور ينظر له بإستغراب ويضحك ثم إتجه للكراسي وجلس .

** قال الميزاني بيت واحد منه
( يا حبيب ترى خلف السواري سواري )

** حصلت شوشره فالحفله ووقف الجمهور وتحدث شعراء هذيل وأهل الحفل مع مستور يعتذرون منه ويحاولون تهدئة الامر فجاء المنقذ حبيب من داخل القاعه وكان غير موجود على الكراسي مع الشعراء .

** تكلموا معه أهل الحفل ومباشره قام بالتغيير

** بدأ طاروق ساخن بين حبيب والميزاني حول الموقف الذي حدث يلوم الميزاني ويقول يكفيك ابيات قليله مع هرم شعري مثل مستور العصيمي

من ضمنه بدأ حبيب يقول

( يا ابن غازي يا عبدالله يكفيك من البحر قرطوع )

الميزاني

( مستعد أخلق من ظلوعك مية مشروع )

حبيب

( الله يغفر لمن سماك عبدالله )

حبيب
( الجمل بخفه ينتق الجربوع )

الميزاني

أبا أشهد شهادة حق للروقه ... وطوع = حبيب شاعر العتبان واما الغير لا والله

حبيب

شهادة من شاعر يقود جموع = ........

وذهب لمستور يضحك كثيرا ويشير لبعض الحضور ويقول وش أسوي

** غير الطاروق عمر الخالدي وأخذ حبيب العازمي يتكلم مع الميزاني حوالي عشر دقائق بجانب الميكرفون .

** خرج الميزاني من الحفل مباشره حوالي الساعه 1 وربع وتكلم معه صاحب الحفل خلف الصف ثم خرج من ابواب القاعه .



** طاروق الخالدي ومستور كان حول الموقف ومن ضمن أبياته

مستور

عنتر يخاف ليا لقى له ثور = من يأمن الثور .... يقه
إن كان جاء فالامور امور = أشناب بتروح محلوقه

** ثم جاء أخو عبدالله الميزاني محمد ولعب مع حبيب وكان خارج من الجمهور ولم يكن له وجود ابدا خلال الموقف السابق

طلب حبيب وقال الله يحفظ العازمي للمحافل لوقت طويل وكأنه غير راضي عن اخوه عبدالله

وأيضا يقول حبيب في نفس الطاروق ويشكر مستور العصيمي على تفهمه للوضع وقطع الامر

الليله أمسى العازمي بين المنادي والمجيب = مشكور يا مستور والحيه قطعت ذنيبها

رد اخ عبدالله برد غريب

مستور دكتور المريض اللي ما حصل له طبيب = واللي سرى بالخرمسيه ... يسري بها

** ثم طاروق بين العميري وحبيب حول الموقف ايضا من أبياته

العميري

أثر ابو فيصل سياسي والسياسه قوه = دوب صارت مشكله ورموزها محلوله

حبيب

السياسه عند ابو فيصل ومعها مروه = كان ودك بالامن والخير خلك حوله

حبيب

شوش الإرسال قلتوا يا مهندس سوه = استوى الإرسال قلتوا نمرته مشغوله

** جاء صاحب الحفل بعد نهاية الطاروق وطلب من مستور موال رباعي

مستور وحبيب والعميري والخالدي

مستور والعميري دار الحديث عن ساهر ومخالافاته
وحبيب والخالدي عن الاحداث السياسيه الراهنه .

[عيد بن مرضي]

الله يعيين

اللوم على راع الحفل المفروض يدور الشاعر العاقل اللي يحترم المحفل واهله

"" واللي له عاده سموه ابو العوايد ""

الله المستعان

ومشكووووووووووور يابو فايح على التغطيه

[ثنيان المطيري]

بالعكس حفله مافيها سوار الذهب ماهي بزينه

[سلمان المرشدي]

ماقصرت ياخي لكن والله ما حمضتنا بالعلوم تجيب طاروق ثم توقف ياليت تدور المحاوره كلها

بعدين عبدالله الميزاني شاعر علم وهذي المفروض ماتجي من ابو غازي لكن اقول حبيب عرف يتصرف انا اشهدنه سياسي صدق والعود العود بعدين الهمجيه هاذي المفروض يخلونها لمتطفلين الشعر والله يعين صاحب الحفل

[ماجد العصيمي]

يابو فايح



في الحجاز معقل الشعر



بجيكم في حفله والعب قاف ومن ثاني بيت بتهاوش مع خصمي



وبكذا اكون اشتهرت ووصلت للناس بسرعة البرق



واذا اشتهرت وشفت الاضواء والاعلام خفت ولا عطتني وجه اتهاوش مره ثانيه



وكذا ولا كذا الدراهم في الحساب وانا طالع الساعه 12



( غير جبال ولا تغير طبيعه )

[بطـران العتيبي]

عبدالله الميزاني لابد من ان يتعالج تصرفاته غريبه وشعره يهم في وادي مافيه احد والمشكله من اللي يطبلون له ولا يفقهون في شعر المحاوره شي ..

[ابو نايــف]

والله لو عندي حفله ما اعزم الميزاني لو يجي ببلاش

ولو اشوفه في حفلتي لأمسكه الباب

[الكاايد]

يقول ان كان ماتثمن !! الله يشفيه

والله يرحم زمانك يابو تركي .. لو على وقتك والله ما احد يبرم الجابه


ابو فايح لاهنت يالقرم

[ماجد الحبردي]

يااخوان لاتشرهون عليه ............................صاحب الحفل ليش يجيب ابو الطلاسم يااخي فيه اشعر واكفا منه خله يروح في داهيه
مستور ابو تركي جبلنا ولاهان ولا همنا راع العلوم الرديه

[محمد الذيابـــي]

يفترض ان هناك تفاهم بين الشاعر وخصمه يعني يستأذن منه لو بغى يغير الطاروق


الميزاني شاعر كبير لكن تصرفه غريب

التوقيع

التوقيع محمد الذيابـــي