ماهـي غريبـه لافقدنـا الزعامـه ..بس المصيبه نفخر بحرب حطيـن

[عبدالله هادي ناشي الفليت.]

السلام عليكم



كيف الحااااال..


ان شاءالله بخيــر..



قصيده لشاعر

محمد عواد المطرفي العنزي (رجمه الله)



************************************************** **
ياعم ... يالعيـاااار .. يابـو دلامـه..
ليتك تعيش تشاهـد أوضاعنـا الحيـن

تضحـك علينـا ليـن يـوم القيامـه
صاحيـن ... لكـن عدنـا مستلجيـن

نركض ورى الدنيا ركيـض النعامـه
وعند الشدايد ندفـن الـراس بالطيـن

لاقلت مسلـم .. قيـل يعنـي أسامـه
منهو أسامه لجل يوصف بـه الديـن

هـم مـادرو بأنّـا وصلنـا الرخامـه
أخبارنـا صـارت سخافـة عناويـن

( التوت .. يغتال الكرز في منامـه )
( صياف شن الحرب مع تركي الفين )

( باسكال تسرق لحن .. راغب علامه)
فاصـل غنائـي ... آه ياليـل ياعيـن

نعـود للموجـز ... نقـول بختامـه
هذا خبر عاجـل لفا مـن فلسطيـن

الدوخـي يعلـن للهلال انضمامـه ..
عفواً .... خبرنا صار مو من فلسطين!!

شكراً .. لكل واحد عطانـا اهتمامـه
نعود معكـم لأغنيـة .. ليـل ياعيـن

شفتو شكثر هالغرب يخطـيء كلامـه
شفتـو شكثـر حنـا غدينـا سخيفيـن

شفتو شكثر قاسـي علينـا اتهامـه ..
يحسبنا كل ليلـه سهـارى مصليـن!!

مايدري انّـا حـول (فاتـن حمامـه)
نوصف جمال عيونهـا .. والفساتيـن

ولاهي غريبه .. قبلنا أهـل العمامـه
شيابنـا بغمـزة ( سميـره ) موليـن

أريـام .. أم الغنـج .. والإبتسـامـه
صـارت قضيـه مشغلـه هالملاييـن

تدرون عاد ... المشكله مـو اسامـه
ولاهـو اعجـاب العـرب بالمغنيـن

المشكلـه أكبـر وأكثـر .. ضخامـه
المشكلـه ... حنـا بليـا مضامـيـن

أرخص ماعند اليعربـي .. إحترامـه
قلي شلون أعطيـك الاثبـات هاللحيـن

عطه ( الطراق ) .. يقول حب وكرامه
ثنّ (الطراق ) .. يقول أهلين وسهليـن

وتقول لي ( بغـداد ) راحـت ندامـه
ياخيّ جاني علمهـا عـام ( تسعيـن )

ماهـي غريبـه لافقدنـا الزعامـه ..
بس المصيبه نفخر بحرب .. حطيـن

بعنا الكرامـه .. وأشترينـا السلامـه
نبي نفوز بشي .. فزنـا بـولا شيـن

هم وهمونا أن السـلام ( الحمامـه )
صرنا حمايم .. بس صـارو شياهيـن

يكـاد هالإنسـان يفـجـر أمـامَـه
من كثر مايسأل .. متى نوفي الديـن؟!

تظهـر علامـه .. وأتّخفـى علامـه
ملايكـه تقفـي .. وتقبـل شياطـيـن

ومن قال لك توه ... زمـان القيامـه
قله : طريق الشام .. سـووه سيديـن

آخر تعديل عبدالله هادي ناشي الفليت. يوم 13-Apr-2010 في 02:15 AM.

[بجاد النفيعي]

ارررررررحب يابن العم .. الله لا يهينك على نقل القصيدة الرائعة

تقبل مروري ..

[عبدالله هادي ناشي الفليت.]

ابــقه يابجااااد..


ومشكووور على المروووووور..

[سعود الجلاوي]

الله الله
صح لسانهـ والله يرحمهـ

وتسلم على النقل لاهنت

[عبدالله هادي ناشي الفليت.]

مشكووووووورين على المررررررررررور

[خالدالبلوي"الكثير"]

رحم الله المطرفي

[عبدالله هادي ناشي الفليت.]

مشكووور على المروووووور..

[فايز بن سرحان الثبيتي]

محمد عواد المطرفي العنزي




رحمه الله وصف الحال كما هو "


بيض الله وجهك يا عبدالله الفليت "



على النقل المميز

التوقيع

إذا شئت أن تحيا سليما من الأذى=وحظك موفور وعرضك صين لسانك لا تذكر به عورة امرىء=فكلك عورات وللناس السن وعينك إن أبدت إليك معايبا = فصنهاوقل يا عين للناس أعين وعاشر بمعروف وسامح من اعتدى=وفارق ولكن بالتى هى أحسن

[رمح عفيف]

مممممممممممممممشكور

[عبدالله هادي ناشي الفليت.]

مشكورين على المرور ..