قصة الشايب وبنته نووووووووووف

[النووي]

السلام عليكم ورحمة الله وبركاته

هذا شايب من شيوخ ربعه وابوه كان شيخ وفارس

ودارتبه الايام وحكم عليه القدر بأذن الله سبحانه وتعالى

وماتو عياله كلهم ولم يبقي له الا بنت وحده سوف ياتي ذكر اسمها في القصيده

وبعد ماماتو عياله وكبر في السن ووصل سنه الى مايقارب 97 سنه صار مايقدر على

الحل والترحال معهم فما كان من ربعه الا ان رحلو وتركوه في مكانهم الذي رحلو منه

وكان له معرفه في احد الهجر التي كان في قوته وصحته يذهب اليه وكان تاجر ولمى

عرف بالسالفه ذهب اليه واخذه وانزله في الهجره واخذ يرعاه وهو شيخ ولد شيخ

ولكن هذا اللي حصل ولو ربعه ماهم في رخى وأمان واللحمد لله على ذلك لمى

تركوه في هذا الحال اللي هو عليه ولكن هذا اللي حصل


وقد تمثل أحد الشعراء بعد سماعه للقصه بهذه الابيات

عزي لراس(ن) مابقاء تحته اكتـوف = لوكان من جـور الزمـن ماشكالـي
راس الحصان اللي بذل كل معـروف = وجـازوه بالنكـران بـاول وتالـي
يوم انكسر صفو على راسه وقـوف = زانتلهـم كسـرة كريـم السبـالـي
صارو عليه مع الزمن شلف وسيوف = نسـو جمايـل محتميـن التـوالـي
يوم انهم بين المجاعـات والخـوف = صبيان فـي بيتـه وعنـد الحلالـي
رعيان من رعيان يابـلال وكـروف = عيـال العفـون معكريـن الزلالـي
وجيه الحمير اللي تطارد على الشوف = عبـادة وجيـه النسـاء والريالـي
رجالهم عن كسبة الطيب مصـروف = دايـم مدنـع كـنـه ام الحـلالـي
رصبانته تقطـر كديشـه وملقـوف = معسـر كـلام ولاهـرج مايبـالـي
جسمه من النعمه غداء كرش وردوف =هزيـل خيشـه جاذبينـه اهـزالـي
ولد الردي لو يلبس البشت معـروف =عينه كما عين الجحش والصخالـي
بطني ماهوب اجراب لرخوم وضعوف =تنكـرت للضلـع نسـل الجبـالـي
يابلال والله ماشكـى هـم وظـروف =عزي لحاله عقـب مـوت العيالـي
في وسطهم طايح بالا زند وكفـوف = كنه غريب(ن) عـن مرابيـه جالـي
قامت تشمتبه زلايـب هـل الجـوف = مـن عقـب ماكانـت بيتـه تلالـي
شلة رخوم(ن) مالها عندي صفـوف =لا من بني عمـي ولا مـن خوالـي
الله يبعد شوفهم عن نظر(( نـوف)) = بنت الحصان اللي من العيب خالـي
اللي لها عقـل الثقيليـن مشعـوف = قلولهـا انـي ماوفيـت بمقـالـي
مايوفي ابوها من ابيوتـي اولـوف =لكن هـذا بعـض شـي(ن) طرالـي
وان قالو العتبـان منتـه بمكلـوف = قلـت اتركونـي ياعتيبـه لحـالـي

وسلامتكم



وتقبلو تحياتي

آخر تعديل النووي يوم 26-Mar-2010 في 11:58 AM.

[محمدالنفيلي الحربي]

الله يعين على الدنيا

[محمد الحميدي]

لاهنت على القصة والقصيدة

مشكووووووور وتقبل مروري

التوقيع

[ولد المزاحمة]

لاهنت على النقل وماقصر الشاعر

[دهيماان الدعجاني]

الله يبارك فيك .... ومشكور على القصه والقصيده وارجوووو طرح اسم قال القصيده ان ووجد اسمه.... تقبل تحياتي










تقبل تحياتي .. اخوك دهيماان الدعجاني

[منصورر( الابرق)]

مشكور يالنووي على النقل

[ابو نادر الحافي]

لاهنت على القصة والقصيدة

وتقبل مروري

[راعي الشوشلية]

صح لسان قائل القصيدة وبيض الله وجهك

تقبل مروري ..

[النووي]

شكر لك يالنفيلي على المشاركة

[نايف المغيبي]

صح السان قائل هذه القصيده وبيض الله وجهك يالنووي على النقل

ولك تحيتي