 |
|
|
اختيار تصميم الجوال
 |
 |
 |
|
|||||||
 |
 |
 |
 « آخـــر الـــمـــشـــاركــــات » |
 |
| أدوات الموضوع | انواع عرض الموضوع |
|
|
|
|
24-Apr-2010, 09:13 PM
|
رقم المشاركة : 1 | |||||
|
موسوعة فواز الغسلان و 100 قصة من علوم الطيب والمرجلة
فـواز ابـن غسـلان يهـدي سلامـه والحمـدلله هــي بـدايـة كـلامـه نرجيـه يرحمنـا بـيـوم القيـامـه فـي ساعـة ماينفـع المـال والجـاه قلبـه يــروم البـاديـه والـبـداوه والناس فـي ميـزان حكمـه تسـاوه ويشهد لمن حـاز الصخـى والنقـاوه واللي زعـل مـن قولنـا مااترضـاه ان كان يزعـل عنـد قـول الحقيقـه محدن قـدر يرضـي جميـع الخليقـه وحطيت لاهل العـرف عنـدي وثيقـه من شان كـل النـاس تاثـق وتقـراه اليوم بعـض النـاس صـارت ذيابـه تبنـي بيوتـن كـان ساسـه خرابـه واللـي يريـده يكتبـه فـي كتـابـه ويطبع كتابه بالسنـه عشـر طبعـاه وانـا نويـت اكتـب حروفـن نقيتـه بالحفـظ واسفـاره تعبـت وشريتـه وعندي دليل اللـي جزمـت ورويتـه ودرب الخطـأ لازم بالاقـدام نـاطـاه ناطـى الخـطـأ لكنـنـا مانعـيـده ولاطعت شيخ(ن)طامعن فـي رصيـده واللي كذب بالقـول غصبـن نصيـده ولو يشتمن وسـط العـرب ماشتمنـاه واذا ثبـت لـي غيـر ماكنـت راوي راح اعترف دامـي للاصـلاح قـاوي ولاني على ذكـر الخطايـا قصـاوي والناس محـدن سالم(ن)مـن حكايـاه ولا اقول محدن يفهم الصـدق غيـري وابقى بوسط اهل المعـارف صغيـري والعلم مثل المـوج شربـه عسيـري ونرجـي ولـي العـرش رب البريـاه اذكـر روايـات علـومـه شهـيـره صارت لمن عاشوا بوسـط الجزيـره ومااقول انا ماصـار بالطيـب غيـره لكـن ذكـرت اللـي سمعنـا وقلنـاه الطيـب واجـد غيـر ماصـار معنـا وحبيت اعـد اللـي بصدقـه سمعنـا وهذا الـذي لاهـل المكـارم جمعنـا والصـدق ياصلنـا ولـو ماوصلنـاه اروي روايـات(ن) ثقات(ن)شـهـوده اعطت على صـدق الروايـه عهـوده ولانظلم اجـواد العـرب فـي لحـوده قـوم عطونـا ثـم قوم(ن)عطيـنـاه وعندي لهـا قلبـن فهيمـن وحافـظ ولسان مـع صدقـه فصيـح الملافـظ وعقلن لكذب اهـل الفراغـات رافـظ وكله من اللـي كـان ضقنـا دعينـاه وبعض العرب مقبـول للنـاس قولـه وسـارت قلـوب السامعيـن بقبولـه والكايـده يلقـى طـوارف حلـولـه ولا يكسبه رجلن على الكـذب مركـاه واللي روى علمن ولااحـدن درى بـه علمن كبير(ن)مثـل شامـخ هضابـه نقول يااهل العرف مـن ويـن جابـه كيف اختفى دامه مثـل ظلـع ابانـاه وكتابـة التاريـخ مـاهـي فـزايـع ولا فيه فرق(ن)بيـن شابـع وجايـع ولا فيـه غارات(ن)وكسـب وقـلايـع والظلم يورث داخـل القلـب حسـراه ونويت ارتبها علـى الطيـب ترتيـب اقوى المواقف وافضل الناس بالطيـب مواقفن مـن دون شـك(ن)ولا ريـب وجميعهـم بالطيـب حاشـوا مزايـاه هـذا وتفضيلـي لنـفـس الفعيـلـه ماهو لنفـس الشخـص والا القبيلـه كم واحد(ن)حـاز النـدى والفضيلـه ورقى جبـال المجـد لـو ماذكرنـاه وابعدت فيهـا عـن علـوم الحرايـب او ذكر نقـص النـاس والا المعايـب وذكرت فعل الطيـب وقـت النوايـب فيهـا لجيـل اليـوم حكمـه وعبـراه وشـاورت فيهـا كاسبيـن النفيـلـه اللـي يشوفـون المغـالـط فشيـلـه ولا همنـي كونـه مـن ايـا قبيـلـه يهمنـي صـدق الروايـه وذكــراه اعظـم مفاخرهـا خـذاه السويـطـي صنيتان جرحـه بالضمايـر محيطـي قلبـه بلاهـوب الوفـى يستشيـطـي ابنـه علـى جـاره تقـدم وذكــاه والثانيـه طيبـه خــذاه السبيـعـي اللي فعـل لـه فعـل ماهـو طبيعـي لاجل المهـادي والشـرف لايضيعـي مفرج شلـع راس الولـد ثـم دربـاه والثالثـه عمـران ولـد البجـيـدي ادخل دخيلـه عـن سيـوف العنيـدي وهـو يطلبـه دم الولـد ياعضيـدي عسى ولي العـرش بالطيـب يجـزاه والرابعـه طيبـه لصبـر المـهـادي مع جاره اللي فـي ردى البنـت زادي وقال اصبري والصبر درب السـدادي وصبر ثمـان سنيـن والظيـم ياطـاه والخامسـه شيلـة خـوي كسـيـري سبوعين ماهابـوا طريقـن عسيـري وفازوا بها الشلقان عقـب المسيـري وكسيرهم في زيـن الاشعـار جـازاه والسادسـه للـي بقـرن الشمـالـي ادخل عن الاتـراك مـن كـان جالـي والترك جيشـه مثـل وبـل الخيالـي وابن سميـر اعلـن مواقـف حميـاه والسابعـه شالـه حمـد ولـد عيـده نخـاه مربوطـن شكـى نـار قيـده وصار الثمن في كـل ماحاشـت ايـده من قوم ابن مرشد عسى الخير ملفـاه والثامـن اللـي قـدم الطفـل نايـف للذبح عن جـارن حريمـه ضعايـف سليمان قـال الطفـل نلقـى خلايـف وبنـي عطيـه طيبهـم طـال مبنـاه والتاسعـه طيبـه لشيـخ الظفيـري اللي حمـى ماجـد بسيفـن شطيـري راع البويـت اللـي مقامـه عطيـري دغيم ثنى دونه عـن القـوم وانجـاه والعشـر ابالظلعـان يرجـي خويـه كسيـر طـاح بسهـلـة جرهـديـه ربعـه تميـم اهـل العـزوم القويـه شهرين لين الله مـن الكسـر شافـاه حادي عشر للي عطـى الشـاة ذيبـه ذيبن كبيـرن والدغيـري رضـي بـه ابـن سعيـد شـاع بالنـاس طيـبـه يوم العـرب بالجـوع تبلـش بدنيـاه ثانـي عشـر للـي بليلـه يصيحـي للي وقع مـن جـوع بطنـه طريحـي يـوم المجاعـه والزمـان الشحيحـي ابن مهيد اللـي علـى الطيـب نـاداه ثالث عشـر للعوهلـي مـع جريحـه تسعيـن يـوم وكـل يـوم ذبيـحـه ربعه عتيبـه والصخـى فـاح ريحـه وهـذي سلـوم المرجلـه يالقرابـاه رابع عشـر طيبـه لشيـخ الشـرارت اللي هـوادي ضيفتـه روس خلفـات خلف رمى في مجحـم النـار طاقـات واكمل عشى ضيفـه ولا قـال حيفـاه وعقبه مشى من شان عشق الرويلـي محسن طواه العشـق وامسـى ذليلـي ونخـى خلـف راع المقـام الجليلـي ومشـى لعينـه بـس ربـي تـوفـاه خامس عشر للذيـب والطيـب فالـه من نقـوة العجمـان واهـل الجمالـه ومن طاب طيبه ياصلـه مـن خوالـه ماخـاف تهديـد المهنـدس وفرقـاه سادس عشر للي نقـض سقـف بيتـه حمـد كريم(ن)فـي بلـي ذاع صيتـه يوقد عشـى ضيفـه وفعلـه رويتـه وعقبه وقـع بيتـه ولاجـاب طريـاه سابع عشر للـي قعـد مـع خصيمـه عقيـل والمجـدور مـن دون خيمـه عقب العداوه صـار خصمـه نديمـه صعبن ولـد عمـه يـذوق المهونـاه ثامن عشر للـي عـرف حـق جـاره واسقى الغنـم مـن در غالـي بكـاره هجرس من التومـان والطيـب كـاره ساق الغنم والنـاس تمشـي بممشـاه تاسع عشر والجـار شالـوا شياهـه فوق الخيـول وجارهـم بـان جاهـه والحـرب ماتمنـع رجـال الوجاهـه مطارفة وايـل علـى الطيـب منشـاه وعشرين شيخن مات من صوت ناخيه فايز مع ابن سويـط والضيـم كاويـه وياغيبة ابـن هذيـل بالحـال تنهيـه وعقوب من غيضه على القبر خـاواه واحد وعشرين ابـن ناحـل وطاريـه لو ماكسب يعطـي ضعيفـه ويحذيـه شيخن ولايترك طريقـن مشـى فيـه واشعـار ابوماجـد بالامـداح تلقـاه واثنين والعشرين من شـان جربـوع مـن ملحتـه ذود المعاديـن مرجـوع وهي لقمتن ماتطرد الضعف والجـوع معـروف بسبيـع العزيـزه حـلايـاه وثـلاث والعشـريـن راع العطـيـه لنهيـت ولـد بريـك مالـه جـزيـه شيـخ الظفيـر اللـي كفوفـه نديـه لصديق ابوه اللي من الضيـم ينخـاه واربع مع العشريـن يرقـى سنـوده وعن غـرة الجـارات يلـزم حـدوده يقـول مثـل اللـي رضعنـا ديـوده طيبـه لابـن هـذال والمـدح يزهـاه والخمـس والعشريـن راع المسيـره صوب الكويت اللـي دروبـه عسيـره عجوز تبـي التمـر ياصـل صغيـره وطيب الصعيـدي راف بـه ثـم وداه خمسه مع العشريـن فـازت ربوعـه وجبته على الترتيب فـي كـل روعـه واللي يجي بالطيب فـي مثـل نوعـه ومن دون ترتيب(ن)ابي اذكـر حلايـاه وان طبت ياراسـي كسيتـك عمامـه لابـن سـرار اللـي شهيـرن كلامـه وهو من بني شهران رمـز الشهامـه وابنه عمرو جاء مـن خوالـه وداواه واللي حلـف بالله مـن شـان حصـه ولعيـون حصـه حالف(ن)ماتمـصـه هـذا الدريعـي كــان ودك تنـصـه الشيخ ابن شعـلان سـارت سرايـاه واللي مـن الجربـان قـاد المسيـره خمسين ذيب(ن)مـن حـدود الجزيـره وخذى بثار اللـي وقـع وسـط بيـره هايس ولا هـاب السبـاع المضـراه واللي قعـد بالـدار عقـب الجماعـه اللي مشوا والحرب يوضـي شعاعـه ابـن عقيـل اللـي خذتـه البتـاعـه من نقـوة السرحـان صـالا شظايـاه واللي كفـل بالطيـب رمـل القبيلـه وعشـاء الارامـل كافلـه كـل ليلـه ابالرمـل سـالـم فعـولـه جميـلـه من روس شيخـان الكـرام الطـوالاه والله ستر بالطيب عـرض المعازيـب ودهن كفوفه سمن من كثـرة الطيـب مـا حـط بكتـوف المعـزب كلاليـب المرتعـد ومطيـر بالطيـب كـافـاه واللي طـرد ذوده قبـل يـارد البيـر كله لاجـل يسقـي ركـاب المساييـر سواه ابن طـارش خـوي المناعيـر وطاح العشار من الذي طاب في مـاه وبمطير سـواه ابـن هدبـاء عيانـي مـع العتيبـي فـي قديـم الزمـانـي ولا واعذابـي كـان جـاري حدانـي قالـه سميـر وراعـي البيـر بـداه واللي حمس واحرق خياش القهـاوي ابـن لحيـدان التميـمـي شـفـاوي يـوم الدهـر يمنـع ردي الهـقـاوي منتوج صنعاء جابـه الشيـخ واغـلاه واللي نقـد فنجـال شيخ(ن)خطيـري من يـوم ذاقـه قـال هـذا دميـري هرجه رفع بالحيـل ضغـط الاميـري وابن ظويهر صـار صـادق وراعـاه وشيخ(ن)سمع نخوا رفيـق الشليمـي يبي النياق اللـي تقـل جـول ريمـي ماخوذ ينخـى لـه شجاع(ن)كريمـي وعبدالكريم اقبل على الـذود واعطـاه مثـل القريفـه قـال ويـن الحمـيـا ومطيـر ربعـه شـاع طيبـه بلـيـا والطيـب لـلـي راقــدن ماتهـيـا وراع الصخى ربـي يعينـه بمسعـاه وصعبن على اللي مايعرف العطـاوي شليويح ويلك كان صاحـت مضـاوي بالسلـم قلبـه للـعـذارى هــواوي وبالحرب ويل اللي على الخيـل لاقـاه وراكان ابن حثليـن فـوق الحصانـي اعطى رجـال التـرك درس ومعانـي ولا يشـرب القفـوات كـود الهدانـي يطرد بها اللي خانتـه عقـب فرقـاه وصـوارم الهيـلا فعولـه صعيـبـه ردو نياقـن عقـب ماهـي نهيـبـه حيثه حلب فـي راس تركـي حليبـه شيخن صواريـم الرجاجيـل تنصـاه واللـي بحايـل شـاخ فيهـا وطابـي وسمـوه بالشـدات سمـن العرابـي محمـد الطيـب كـريـم المـرابـي ابـن علـي ستـر الهنـوف المحنـاه ايضا الكريم اللـي بوسـط الجلاعيـد له مجلسن من جاه كنه ضحـى العيـد الدهمشي فوقي سميـراء تقـل حيـد الحب صاع(ن)والرطـب كـان وزنـاه وابن مغامـس جـاب تمـرة جنينـه والجوع وسـط الكبـد مثـل المكينـه وشاهد طريح الجـوع ظاهـر ونينـه واعطاه تمـر الطفـل والـرب كافـاه واللي دفع مدى العـرب لاهـل جـاره اللـي توفـى عقـب طيحـة جـداره ساق الديـه فـي طيبتـه واختيـاره عنـد الدواسـر بالروايـه خبـرنـاه واللـي قبـال البيـت مثـل النثيلـه مخلوطة(ن)مابـيـن بـنـه وهيـلـه حتى المعـادي قـال حربـه فشيلـه شيخ المناقر من بلـي طيـب الجـاه وابـن لهيلـم وقفتـه لابـن غسـلان اعطاه شاة الضيف لـو كـان زعـلان قال اسكتوا عن راعي الطيـب يافـلان لولاه ضايق مـا تقـدم علـى الشـاه وزيد العجاجي عقـب طيـب التميمـي اللـي جميلـه بالـزمـان القديـمـي انجى حلالـه مـن قـرار الخصيمـي وعادت جفيفاء عقب الامحال واحيـاه واللـي يهلـي بالبقـر وسـط ليلـه يظنها ضيفـن رمـى الجـوع حيلـه ابن فزيـر اللـي مثـل وبـل سيلـه من مزنة(ن)بالوسـم سالـت شغايـاه واللي بنـي لاجـل الكـرم حوطتينـي لاجل الضيوف اللـي يسـار ويمينـي بالمستـجـده والكـرامـه تبـيـنـي ابـن ربيـعـان التميـمـي تبـنـاه واللـي صبـر قـدام ضيـم القرايـب وماتوا عياله مـن عطيـب الضرايـب واخـوه راح وصابـرن للمصـايـب جديـع بـن قبـلان والعفـن يـفـداه واللي نقل بالطيب بعـض الحجيجـي اللـي ركايبهـم غـدى لـه هجيجـي وساروا حفايا تحت ريـح وعجيجـي واولاد الازمـل والركايـب عطـايـاه واللـي ختـم زيـن القوافـي بيائـي اللـي خيـولـه جـاهـزه للنـدائـي اعـاد ذوده مـع حلـول المسـائـي الغيهبـان ومـرة الطـيـب مـربـاه واللي يقيم اسبوع في مدخـل الشيـخ من شان رجلن من رجالـن مطانيـخ وحمى ظويهر عن سيـوف المناويـخ هـذا عبكلـي شيخنـا فـي حمـيـاه والشايـب اللـي ماتحلـل عظـامـه الشيخ ابـن هـادي عزيـزن مقامـه في مجـد قحطـان العزيـزه علامـه اقفـى علـى بيـض الفعايـل وخـلاه واللي عطـى وصفـه لكـل القبايـل اللي حمـى بيـض النعـام الطوايـل شيخ العريعـر مـن رفـاع الحمايـل مع ماجد اللي يطلـب العفـو باتـلاه واللي نخـى عـدوان شيـخ الطوالـه يبـي الكفيـل اللـي عليـه الكفالـه وعاقب منيـع وشـال كامـل حلالـه وسدد بريـك اللـي بالاشعـار ينخـاه ومقرود ربعه مـع شهيـر المغـازي ساجر فقـد طيـرن يـروم بالنـوازي وحتى السلوقـي راح ساقـه قـزازي وصبـر علـى جـارن بقـرده تبـلاه واللي مـن الاخـوان طـاع الكبيـري لو يضربـه زعـلان طيبـه كثيـري ومن ضربته طاح العصـا بالمسيـري وميزر خـذاه وقـام للاخـو واعطـاه وهذا الفديع اللـي فعـل مثـل فعلـه مع شالح اللي طيب ربعـه جمـع لـه خـادم لاخـوه وخـاط ثوبـه ونعلـه وشالح قبـل موتـه بالاشعـار ينعـاه والا فحيمان الحجـوري حمـى زيـد وخلاه يكمل حج فرضه ضحـى العيـد فك السجين اللي بسجنه شكـى القيـد ربعـه جهينـه بالملازيـم منـصـاه واللي مشى فـزاع مـن شـان عيـده اللـي عطـوهـا شايب(ن)ماتـريـده واللي نخت ضـاري تلاقـي عضيـده والشهم اخو صلفه مشى مـن حميـاه واللي من عياله شكى نـار الاتعـاس ودعى عليهم دعـوة تجلـب البـاس ومن دعوته طاحوا بقطـاع الارمـاس وجحيش سارت بين الاقـوام شكـواه واللـي ينـام بجنـب بنت(ن)عنيـده شهريـن والطاهـر يظـنـه ولـيـده مـع انهـا بالنـوم ماهـي بعـيـده ولد المفضـل ماكشـف عـن خزايـاه واللي عطـى بيتـه لجار(ن)ضعيفـي وعانـوه ربعـه بالحـلال الكليـفـي سواه ابـن جامـع وسيـع المضيفـي شيخ العوازم والصخـى مـن مزايـاه واللي عفى عن واحـدن جـاه حايـف يومه زبـن قبـرن لشيـخ الطوايـف قبر الصييفـي عقـب ماكـان خايـف وسبيـع ماتـوذي دخيلـه لـذكـراه واللي حرق من رحمته دفتـر الديـن للي هرب من خوف سجـن السلاطيـن الطـوب سواهـا وعنـدي براهـيـن وشعـر العبيكـه للشهـاده حفظنـاه واللي حمى النسوان عن نقرة الضيـق من نقرة المشهد علـى فكـة الريـق اربع بنات(ن)في وصـوف الغرانيـق وسليمان بن حتروش بالطيـب سـواه واللي عن الجـاره عفيـف اللسانـي وقامت تحـاول بـه وهـو مايدانـي اقصد بـه الطاهـر جريـس اليمانـي اللي رفض ياطى الخنى مـع رزايـاه واللـي لقـى حتفـه بمقتـل بنـيـه ومثلـه تمـوت المـهـرة الثابتـيـه يوم العـرب فيهـا النـدى والحميـه ماتـوا لموتـة واحـدن طـال مبنـاه واللي نجى من كيد رجلن غـدر فيـه وعـزي لمـن مثلـي ذلولـه تخليـه وقعـد لهـا باللـي حديـده مصفيـه وقطع فهد حبلـن عليهـا نقـل مـاه واللي حمى لاغلـى الرفاقـه حصانـه فـي حـل لغز(ن)للخـلاوي ضمانـه هـذا بريـك الاسعـدي فـي زمانـه وابن سويط اخبـر خصيمـه وخـلاه والا الصويـغ غـاب سبعـة عوامـي ورجع يبـي طفلـه وزيـن الوشامـي وساعة وصوله طـاح بيتـه هدامـي وماتوا وقلبـه جـر حسـره ولوعـاه واللي من الضيقه نخى قـال يادبـاس تركت زين الدرب وامشي مع السـاس ورجع له اللي يشبـه الطيـر قرنـاس واعـاد للشايـب مكـانـه ومـركـاه ومثله عقاب الخيـل كانـك تقصيـت وسعدون شيخ(ن)قال ياعقـاب ذليـت واذويت من كثـر العنـاء واستخفيـت وذاق العواجي زيـن عيشـه بدنيـاه وبنـي تميـم اللـي تشيـل البعيـري شاله هـل الروضـه بعزم(ن)كبيـري بعيـر ضيف(ن)طـاح دونـه ثبيـري وابوجري ضيف(ن)بالامـداح جـازاه واللي نخت ناسن علـى ذبـح ذيبـه اللـي كلـت وسـط الليالـي حبيبـه ثلاثة(ن)سـاروا لهـا فـي شطيـبـه واحد الثلاثـه صادهـا عقـب لقيـاه واللي لمـح داب(ن)بـراس الشطيبـي ينـزل عليـه الطيـر ظنـه عسيبـي داب(ن)عمـى قـدام عيـن الذويبـي وزاد اتكالـه فـي بديـع السـمـاواه واللي رحل مع صغـر سنـه لبغـداد واصبح لاخـوه بطيبـة القلـب كـداد ومن المرض ناصر ولد غيـث ماعـاد واخـوه عبـدالله بالاشعـار يـرثـاه والا المتينـه لـه حروف(ن)كريـمـه ارسل يدافـع عـن مكـارم خصيمـه وراع الكـرم يتـرك دروب الظليمـه وحامى عن اللي قـال ياكليـب يانـاه واللي تـرك ظبـي المفالـي طليقـه ذكـر وصاة(ن)شالهـا مـن رفيـقـه له في بنـي هاجـر عروق(ن)وثيقـه هـذا الخـلاوي مايخلـي وصـايـاه واللـي حمـى جـاره بنـار القوايـل اللي دخل من خـوف سلطـان حايـل وعاف البلـد لاجلـه وشـد الرحايـل الدوح مـن شيخـان عبـده ومجـلاه واللي لابن خشمـان سـاق النجايـب حيثـه تـرك لـه مجلسـه ياحبايـب زيد الخويـر اللـي فعولـه عجايـب في مجلسن للشيخ في عيـد الاضحـاه واللي مدح ناسن مثـل باشـة الـروم وياحمود يظهر لك صديقن من القـوم الاحمدي من حـرب بالطيـب معلـوم قافه سرى ذكره مـع اقصـاه وادنـاه واللي رفض يشرب على جمـة البيـر قبل الرفاقه خـوف بعـض المعاييـر ونار العطش في حاميـات المصاهيـر غريب مـن الشلقـان ياطيـب حليـاه واللي يقـول مـن القهـر زاد غبنـي وتوي لقيـت ظـلال راسـي وزبنـي حسينات مثل الـداب شوفـه رهبنـي والـداب لـو هـو ميت(ن)ماتمثنـاه واللي نزل من شـان بنت(ن)صغيـره في حفرة(ن)محدن يجي فـي محيـره والله فـلا صـارت بكـل الجـزيـره خالد ولـد سـودي سليـل الدعيجـاه والمنسلح رجل(ن)من اهـل القصيمـي ينصـف معاشـه للضعيـف اليتيمـي عشـرة عوام(ن)كاتميـنـه كتيـمـي ولابـان ليـن الله بعـفـوه تـوفـاه مرحـوم يانسـل الشيـوخ الكـرايـم ياللـي بذلـت المـال والعفـن نايـم الله يحـلـك عــد مـاقـام قـايـم وعسـى جنـان الخلـد داره وملفـاه وعجايـب الدنيـا بنـجـد العـذيـه سوالـفـن بـاقـدار رب الـبـريـه بالصـدق ترويهـا الرجـال النقـيـه وصدقه ثبت عنـدي ولا بـه مـراواه اعجـب عجايبهـا علـى ابالخسايـر انجب مـن الخفـرات سبع(ن)حرايـر وجابـن شيوخ(ن)ماتهـاب السعايـر والكل منهم شـاخ مـن طيـب يمنـاه الاوله جابت (مكـازي) علـى الطيـب اللي رمى شاته يبيها عشـاء الذيـب والثاني (الطيـار) سيـف المعاطيـب اسم(ن)وكل النـاس تسمـع بطريـاه والثالثه جابت على الطيـب (ساجـر) اللـي يغيـر بحامـيـات الهـواجـر وعقبه (ابن شامـان) سيـل المحاجـر اللي يصـب السمـن صافـي بيمنـاه والخامسه جابت (خلف نسـل ناحـل) شيخن يمينـه مثـل شهـد المناحـل وعقبه (جديع) اللـي يبـوج المراحـل جديع ابـن قبـلان بالصبـر مااقـواه والسابعـه جابـت محمـد بالاخبـار (ابن سمير) اللي حمى جيـرة الجـار مامثلها صـارت علـى كـل الاقطـار وابالخسايـر شـاد ساسـه ومبـنـاه ونسر(ن)بحايـل فـي نوايـف جبالـه اللـي نقـل كتـف الضحيـه وشالـه شيخ(ن)من الجربان واهـل الشكالـه ومن الجزيـره جابـه النسـر وألقـاه واللي فهـم تفكيـر خصمـه بحايـل سعدون قـال اخشـى كريـه المثايـل والخيـل بـدل كدشـهـا بالاصـايـل وقاله مبيريـك الـذي صـاب مرمـاه واللي بنومه شـاف شيـن المعـارك والصبح حط الوصـف كنـه مشـارك العرفجـي شيخ(ن)وسيـع الـمـدارك وصارت مثل ماقال في وصف رؤيـاه واللي لمـح زيت(ن)قطـر بالطريقـي من موتر(ن)والشمس صيفـه حريقـي وفهد الحمـادا لـه ضمير(ن)رقيقـي قـال ان هـذا مـادري فـي بلايـاه ومشى على دربـه لوسـط النفـودي ولقـاه عطلان(ن)عطـاش الكبـودي معـه بناتـه مثـل لـون الـورودي كانوا قريب المـوت لـولا الله انجـاه والشعـر كـان اول بطـرق الهلالـي قبـل يتطـور بالعـصـور التـوالـي ورقـى الخـلاوي مرقبـه بالعوالـي وبريك مع شايـع خـذو مـن ندايـاه واللـي بـدى القافيـن راع الحريقـي محسن وهـو قولـن ولا هـو وثيقـي ولا احدن جزم باللـي بداهـا حقيقـي ولا هي غريبه عند محسـن ومسـراه وجيل الذهب بالشعر جيل ابن لعبـون وابـن سبيـل والدويـرج بـلا هـون وشالح وتركـي والربيعـه وسعـدون والعوني اللـي شـب بالقـاف غـاراه وجيل ابن هـادي ذاع بالقـاف تاجـه وراكـان يضـوي بالقوافـي سراجـه وعبـدالله المسطـور يضبـط مزاجـه وفجحان له بالقـاف سجـه وروحـاه والشاعر اللـي نافلـن كـل الازمـان وغطى على شعر العرب وين ما كـان اللي نظم فـي كـل الابـواب قيفـان ولا تصلـح اشعـار المراجـل بليـاه هذا الفحـل بالشعـر نفسـه عزيـزه محمـد القاضـي مـرابـي عنـيـزه ربعه تميم ولـه علـى النـاس ميـزه شره علـى الدجـال لا بـان طريـاه وقصايد اهل الطيـب مثـل الجواهـر لا صاغهـا عقل(ن)بالاشعـار ماهـر مثل المطر ينزل مـن المـزن طاهـر والناس كل(ن)لـه هقـاوي وشوفـاه وقصيـدة النجـدي حصانـه عريبـي ومثلـه بديـوي بالمثايـل عتيـبـي وابن مهلهـل صـاغ قافـن عجيبـي ورميزان ابن غشـام والقـاف يزهـاه وقصيدة القاضي عسى الطيـب فالـه والابـل معلومـن بالايـدي عقـالـه خمس(ن)قليـل(ن) بالقصايـد مثالـه وباقي القصايد كالزهـر فـي شغايـاه وقصيدته في دلـة(ن) تقـل غرنـوق وريح القهاوي فايح(ن) يفضح السوق في مثلها ماهو مـن النـاس مسبـوق حيثه بنفـس الوقـت بالقـاف سـواه وجت لـه عنود(ن)لاختبـاره بياحـي وقالت ترى قلبي تقل سمـح ضاحـي يامن يلـم السمـح والسمـح راحـي قال المطـر يسقيـه والحصـد يقفـاه ومثله لابن مجلاد ياصف بهـا الكيـف وذعـار بعتيبـه بديـع التواصـيـف واللـي دلالـه كالبطـاط المهـاديـف ودغيم اللـي شاعـر الربـع ناحـاه وقامـوا بتقديـم الثـلاثـة فناجـيـل لشيخ الجموع اللي يقـود الرجاجيـل والفارس اللي يتعب الهجـن والخيـل وراع الصخى ربي مـن الفقـر ياقـاه وهايس عطى الاول لطيـب العقيـدي والثانـي المكـرم ونـاره وقـيـدي والثالـث الفـارس سطـام العنيـدي وذعـار خالـف بالفناجيـل وايــاه والاول اصبـح بيـن الاقـوام فـارس ثـم العقيـد اللـي يقـود الفـوارس وراع الصخى كفـه للامجـاد غـارس وهـذي تراتيـب العتيبـي ومــدلاه وابن عشوي بالطيب من روس قحطان حط الكريـم مقدم(ن)طـول الازمـان بقصة حريـم عيالـه اللـي بقيفـان والجايزه خاتـم علـى الـدرب لاقـاه وزيد الخويـر اعطـاه راع الشجاعـه ثم الكريم اللي عطى النـاس صاعـه سوالف(ن)للطيـب صـارت بضاعـه يـوم الـردي كل(ن)يسبـه ويشنـاه واللي بالاجرب صـار مذكـور سيفـه بالقـاف يظهـر للقـرابـات حيـفـه وطار الكرى من موق عينـن شريفـه باسباب من خالـف لتركـي وصايـاه وفيصل شرح غيظه على صاحب(ن)باق وقصره لهم عن لافح البـرد مشـراق ويقـول ذا قولـه وبالـرب وثــاق ويمدح تميـم اللـي للاتـراك مـاذاه والشيخ جاسم في قطـر لـه مكانـي وانا اقصد اللي يشتهـر بابـن ثانـي قصيدتـه باهـل البـدع بـه معانـي وفيها لمنهاج السلف خـوش شـاراه وعنده حزينـن قـال شعر(ن)حزينـا وحنـا شبعنـا بالعنـاء وارتويـنـا وحنـا علـى مرسـام بيتـه بكيـنـا هـذا محمـد والفياحـيـن منـشـاه واشعار غانـم يشعـل الحـرب قافـه وردهـان يطفيهـا بحلـم ولطـافـه ويجيبهـا العونـي ويلعـن سقـافـه قافه مثـل ضـرب المدافـع سمعنـاه وقصايـد الحكمـه والاجـواد كـاره ابوزويـد قــام يـرفـع شـعـاره وابن شريم اللي مشـى فـي قطـاره اللي بحرف الكـاف سـارت سرايـاه مثل بركات اللي علـى الكـاف شـده نصح(ن)بتجريـب الزمـان استـمـده والدسم نصحه صـوب الاخـوان رده غير الشـوارد فيهـا الامثـال حلـواه والا البـرازي فـي غرايـس منيـره يسمع لشيخـن بالجبـل بـان خيـره واعطـاه شـارات الزمـان الخطيـره وشافه وقال ابيـات شعـرن عجيبـاه ويانجد من سماك نجد غـوى اسمـاك واللي على الرجلين ماهـو ولا ايـاك فهد وطـى منهـا مشاويـل الاشـواك ابـن صليبيـخ الـذي ذاق مـكـواه والاشقر البيطـار نافـح عـن الـدار والسبع عمره ماولـد تيـس وجفـار واسكت فهد ياناس في زيـن الاشعـار لكن قصايدهـم كمـا المسـك طريـاه ومثله شكى مـن قـال شابـت لحانـا شابـت وحنـا مـا لحقنـا هـوانـا وفقـر القرايـا فـي نعالـه وطـانـا رجل(ن)من الاسيـاح يشكـي بدنيـاه امـا الغـزل باللـي جمالـه مليحـي هـذي لمحسـن قافهـا والوضيحـي وابن سبيل جـاب وصف(ن)صحيحـي لام العيون اللي تقـل وصـف ساعـاه وساكر نظم قاف(ن)لعن فيـه قطـاش يزعل على ما لون ويرضى على ماش وعقبه دعى له دعوة(ن)تقـل رشـاش باللـي ذبـح ناس(ن)تقيـم الصلـواه ايضـا وصوفـه للذلـول الاصيـلـه وابوزويـد لـه وصــوف جميـلـه لاشـك عايـد صعـب تسمـع مثيلـه في وصف زينـات الركـاب الاصيـلاه وابن دويـرج جـاب قاف(ن)طويلـي في وصف ريمن رمش عينـه ظليلـي اللـي رمتنـي بالمحـبـه عليـلـي مثـل الـذي قبلـي تعـرض للآفـاه اللي وقع من رمـش خاضـب كفوفـه ولاجل المحبه طـاح يشكـي حتوفـه مثـل الدجيمـا والمطـوع حسـوفـه ومخلـد نخـى وادرك حبيبـه بلامـاه واللي لبس من شـدة الوجـد خيشـه باسباب ريمن طاح من قصـف جيشـه وطاحـت حياتـه بالمحبـه غشيشـه محمـد العـمـار لا حــل طـريـاه واللي لاجل خله شرب كـاس الامـرار ونخى منير وصاح في زيـن الاشعـار ويامنير ماجاء لك عن التـرف ذكـار وذبح غريمـه وانتحـر عقـب بلـواه وثلاث الاخوه مـن عيـال الجلاعيـد واحد ورى الثانـي يموتـوا مشاريـد باسباب زين العين والـردف والجيـد وام الثلاثـه بالحشـى نـار شكـواه واللي شكـى همـه لورق(ن)تنوحـي يقول روحـي كـن روحـي تروحـي ابراهيـم بـن كنعـان قلبـه يفوحـي ناظر شريفـه والمـرض قـام ياطـاه وجتنا علوم رجـال طاحـوا ضحايـا ولا طـاح بـدروب المحبـه صبايـا باسباب ضعـف البنـت بيـن البرايـا ترضى وكل عهـود الاحبـاب تنسـاه واكثر فحول الشعـر لاهـل القصيمـي جابـت رجال(ن)شعرهـم بالصميمـي في وقتهم بالشعـر مـا لـه لطيمـي وثلاثة(ن)منهـم لحـايـل خذيـنـاه اول كسايبـنـا خذيـنـا السنـيـدي اللـي بجيرتنـا وطيـبـه سعـيـدي يقـول حايـل هـي هنايـا وعيـدي وحنا من صنـوف الحبابـه عطينـاه والاشقر اللـي ساكن(ن)فـي حشانـا اللـي بقيـفـان الحمـيـه كفـانـا الشاعـر اللـي بالـمـوده شـرانـا وحنـا علـى درب المحبـه شرينـاه ومحمـد العونـي شديـد النـخـاوي اللي كما ذيب(ن)على الجـال عـاوي قصايد(ن)تشعـل قــوي الهـقـاوي وصارت سبب سجنه وحزنـه وبلـواه وفي قرننـا الرابـع عشـر يالاكـارم جيل(ن)حوى عـدة فحول(ن)صـوارم وهو عندنا نسميـه جيـل الخضـارم واشعارهم في سهـل الالفـاظ تلقـاه مثل السديـري مـع رشيـد الزلامـي ومحمـد الديـري رفيـع المقـامـي والا الازيمـع فـي لذيـذ الكـلامـي مع زبن ولـد عميـر مابـه مـراواه وقصايد(ن)شاعـت لصقـر النصافـي وبدر الحويفي بالقنـص غيـر خافـي والا التبـانـا قاطعـيـن الفيـافـي والخس مع عادي وابن عـون ناجـاه والا الفيحانـي بالقصـيـد الثميـنـي اللـي كسـى قافـه بعقل(ن)رصينـي خالـد جمـع بالقـاف دنيـا ودينـي يشبه قصيـد العـود مطلـع ومنهـاه والجيـل هـذا جيـل بنـدر وكـادي اللي شهـد لـه حضرهـا والبـوادي ابن سـرور اللـي وطـى كـل وادي في وصف زينـات المواتـر وطريـاه وقصايـد النسـوان حرفـه نشيطـي مثـل الدقيـس وحبهـا للسويـطـي ومثله مويضـي ثـم بنـت السليطـي ندمت على اللي طاعها فـي وصايـاه وظويهـره قافـه سبايـب حـروبـه بنـت الشـراري للرجـال مهيـوبـه ومويضـي العجمـان قافـه عجوبـه وجديع لاجـل الشعـر يانـاس خـلاه والشبرميـه حـذرت ربـعـه الــذل جابت كلام(ن) كالرصاص ابهـر الكـل وبعذر السحاب اليـا تـرزم ولا هـل وفكوا دخيل البيـت حـوض المنيـاه مع نـورة الهوشـان شافـت قليبـه واللـي نبـي عيـا البخـت لايجيبـه صـارت مثـل للـي عسير(ن)حبيبـه من جملة امثـال الرجـال الشهيـراه والا الذي يشـرح همومـه والاسبـاب وقال ان هذا هو بلـى ابـوك ياعقـاب قاله نمر واليـوم فـي كـل الابـواب مايوم يمضـي كـود نسمـع بطريـاه مثـل الـذي يرجـي وليـه نوايـلـه اللي رزق داب(ن)عمى مـن فضايلـه لا طالعت بـرق(ن)ولا هـي مخايلـه وحجرف خذى منهـا دلايـل وعبـراه مع نـورة الهوشـان شافـت قليبـه واللـي نبـي عيـا البخـت لايجيبـه صـارت مثـل للـي عسير(ن)حبيبـه من جملة امثـال الرجـال الشهيـراه وراع الغلط يلقى الشماته مـن القـوم ومن طاوع الثنتين يصبر علـى اللـوم النفـس والحرمـه تخليـك مهـمـوم مع عبد ابـن هـذال والركـب خـلاه ومثـل الـذي ينـذر قضـاة القبايـل لا صار ميزانـه عـن الحـق مايـل وقاضي السماء يعلم جميـع الفعايـل والشيخ جاسـم قـال الاعمـال يلقـاه وتقـول للـي حـط للكـذب تمـثـال يظلم كرام النفـس ماضيـن الافعـال والقـد مـا لانـت عراويـه بتـفـال حكمه لابن لعبون مع شخـص هاجـاه ويقـول للـي طـاح والخيـر فـاتـه واصبح قريبـن ياعـرب مـن وفاتـه محـدن يسـد السيـل عنـك بعباتـه وبعـض البـلاوي ماتـرده بفزعـاه وتقـول للـي بالشرابـيـك بلـشـان اضرب على الكايد اليا صـرت بحـلان وعيبن على اللي يختفي عقـب مابـان لابـن رشيـد عبيـد يخبـر رعايـاه ومثله علـى المعنـى اذا كنـت داري والعمـر ماياقـاه كـثـر الـمـداري عن مقعد(ن)تصبح من العـز عـاري هذي لتركـي شيـخ نجد(ن)ومركـاه واللي يدوهج بالسهـل مـع جروفـه من دون حاجه تفرضـه لـه ظروفـه ومشيـك بلاحاجـه تـره قـل شوفـه ابوحمـد قالـه علـى حسـب رويـاه والصدق يظهر لك على كـل الاحـوال وماضاع وقت الصوم يظهـر بشـوال والناس تـدري بالجدايـد والاسمـال لابوطلال الشيـخ فـي شـرح بلـواه واضرب ولدك ان كنت تبغيـه يشفيـك ولـو زعلـت امـه لاتخليـه ياليـك وتيس(ن)يحطـه وال الاقـدار بيديـك بركـات قالـه فـي مثانـي وصايـاه ومن كدر الصافي شـرب مـن زلالـه والـدار تحمـي بالشواطيـر جـالـه وان كـان ماتـدرى عواقـب رجالـه قال الوبيـر البنـت يكشـف مغطـاه واللـي يباعـد عـن دروب الهوانـي ولا ياخذ الحاجه عقب شخـص ثانـي ولايشـرب القفـوات كـود الهدانـي لراكـان بـن حثليـن قافـه وحليـاه وهـو قـال قول(ن)لـلاوادم ذخيـره والهرج يغنـي صاملـه عـن كثيـره عـن عالم(ن)بالهـرج يكثـر هذيـره وياشين هرج(ن)زايد(ن)غـاب معنـاه واللـي يفكـر بالوقـوت الخـوالـي وانته تشـوف الهـرج مالـه مجالـي تـقـول لــه ياهـيـه ياهمـلالـي قاله جديع الشهم فـي وصـف دنيـاه واذا نصحنـا اللـي برايـه عصـانـا نقـول لـه لاشـاف صـادق هوانـا انته تقـول هنـا وانـا اقـول هانـا في قاف ابن سراح والجـوف مربـاه والنـاس بالهمـه وصوفـه بـعـادي والحر الاشقر لا لقى الجـول صـادي والتبع يفلس مـن عمـود الجـرادي هذي لابـن خربـوش راع الجزيـلاه واللي لقى عنـد الجماعـات غيضـه من عالم(ن)صـارت قلوبـه مريضـه شمس الخيـار ولا ظـلال الفريضـه هـذا المزينـي بالبيـوت الثميـنـاه واللي يبي يسلـم مـن النـاس كلـه مـدام قـرب النـاس للقلـب عـلـه ولا جنبـك شـر المخالـيـق خـلـه قضيـب قالـه والقصيـده ذكـرنـاه واللي يشوف الناس تحتـاج توضيـح والطيب كل(ن)نال مـن هبـة الريـح قسم(ن)وهو بيـن الوجيـه المفاليـح العنـقـري قـالـه لبنت(ن)تـهـزاه وعبيد عاش وشـاف جـور الليالـي الاسعـدي راع البـيـوت الجـزالـي والعـود يـوم انـه يجيـب العيالـي يبـي بتـال العمـر لـذه وطـربـاه والا الدقيـس ونصحـهـا للرفـاقـه ولا تستخيل البـرق لـو هـو شفاقـه ومـن لا يـودك نـور عينـك فراقـه بيتيـن تسـوى لـه قصايـد وقافـاه والثالـثـه تسلـيـم رب السـريـره ويالله عسى ماتكـره النفـس خيـره للـي جعـل رب البـرايـا ذخـيـره سبحـان رب العـرش رب السمـاواه وابوجـري زيـن المثـل داج سوقـه والعوشـزه ماينـزل الطيـر فـوقـه ولا بـه مقيـل لواحـدن بـان ذوقـه هذا الجنوبي صاغهـا فـي وصايـاه او راضـي القصـاد جـاب النصايـح يقـول شـاور مـن يحـوز المدايـح واترك كلام اهـل الـردى والفضايـح ومن شاور البايـه علـى قالتـه بـاه واللـي درس زيـن المثايـل دراسـه وراع الجحش يلبس مع الدرع طاسـه بوقتن به الحصنـي يـدور الفراسـه ابـو زويـد جابهـا طـاب ذكــراه والثالثـه قـالـه يـحـذر رجـالـه اللـي تهيـن النفـس ترجـي ريالـه تـر ربـع يومـن مقعـدك بالشكالـه تسوى حياة العفـن وسـط المهونـاه واللـي يهـدد واحــدن بالنـكـادي من عقب صبر(ن)مثل صبر المهـادي قـال الوعـد لاسـال بالغـيـث وادي هـذا اللميـع يهـدد اللـي تـحـداه وثوب المعـزه لاغـدى فيـك ضافـي تقـول بـاقـي عمـرنـا للـذلافـي واليا حصل عز(ن)مـع الكيـف كافـي زيـد الخويـر وقـال مابـه حسافـاه واللي يسيـر بـدرب ماهـو وكـادي يظـن فعلـه بالعـرب فعـل عـادي ويغويه عن نقـل الصميـل البـرادي وابـن سبيـل قـال للنـاس شوفـاه وان جيت تنصح واحـدن مـال شيلـه وتبيـه يفـزع للسيـوف الصقيـلـه والحـق ظلمـاء والمصقـل دليـلـه لظويهـره تشكـي طبـوع السبيـلاه واللي نشـد يبـي الكـرم والوقـاره تعطي وصوف الرجم فـي راس قـاره مـار البلـى دونـه جحـور وخبـاره هـذا الرويلـي ينـذر اهـل الرديـاه وراشد يقول الثوب لـو كـان خيشـه او عاش عمره ساكن(ن)فـي عريشـه شربه قراح الماء مع النـاس عيشـه لاصـار مكفـي الهمـوم الشـديـداه وان صار فيه امرن يجي منـه مثـلام وتبي العرب تسرع مع الطيـر لا حـام شـي يفـوت البارحـه كنـه العـام ردهان قاله واخمـد الحـرب واطفـاه واللي نخـى بالطيـب يبـي الرفاقـه يبـي الفـزع للقلـب حيثـه شفاقـه وما من ورى عوج النصايـب صداقـه يقولـه الهربيـد وجريـس شـاكـاه ومن لازم المشـراق فـوق الوسايـد يمـوت ماحاشـت يـديـه الفـوايـد ومن طاب ينخى في وقـوت الشدايـد هـذا الخـلاوي زيـن قافـه ومعنـاه واللي خذى زين المثـل دايمـن فـن وحصان طيبـه بالملازيـم مـا كـن واعرف ترى سن اللبـن يقلعـه سـن لمحمد بـن سعـود والزيـن يزهـاه وياحيف وان الحيف مايقري الضيـف من لابة(ن) لاغبـت عنهـم مواليـف وان جيت مجسلهم تجنـدت بالسيـف لسمير بـن زيـدان شيخـن عرفنـاه وكان القرابه في غثى البـال هانـوك تقلط على البارد وتنـزح عـن احـوك ولا ينكره بعـد الرفاقـه اليـا اوذوك يقولـه الـنـوري لنـقـوة دنـايـاه واللي مشى بالـراي عكـس المسـارا ماينفعـه شـور العـرب والنـصـارا واللي يضيـع الليـل يرجـي نهـارا ومن ضاع وقت الظهر ضاعت حلايـاه وابالشيـوخ افعـال غيـره حمـدهـا خلف اليا جاء الخيـل يقطـع جهدهـا والطيب واجـد ميـر هـذي وحدهـا يمـدح رجال(ن)طيبهـم طـال مبنـاه والله نشد ياحمود عـن معرفـة يـوم الاحمدي قالـه لاجـل يتـرك الـدوم وياحمود يظهر لك صديقن من القـوم وتاتيك من بعـض القرابـات غـاراه واللـي تسبـب فـي شباك(ن)تصيـده ومـن فعـل كفـه ذاق همـه وكيـده وكم لحية(ن)جاها خراهـا مـن ايـده بنت السليطـي قالتـه عقـب بلـواه واللـي تغـرب عـن ديـاره وريفـه والطيـر بالجنحـان محـلا رفيـفـه ويمنى بـلا يسـرى تراهـا ضعيفـه هذي لابـن روسـان عقـب القرابـاه واللي عطـى غيـره مـن الغانمينـي ولا يستعيـده فـي قسـاوه وليـنـي وحنـا عطيتـنـا عطـيـة غبيـنـي لهايس مـن المجـلاد وذيـاب راكـاه ومن قال انا البلـوى يلاقـي بـلاوي ويصير باقوالـه مـن الربـح خـاوي وقت الهـلالات الـذي صـار هـاوي وبعض الرواة لساجر الطيـب ينصـاه واللـي بصـدره حاجـة ماهرجـهـا ضايق ويرجـي مـن وليـه فرجهـا نقـول رجلـك بالوسيعـات سجـهـا قول السديـري للـذي عـاف دنيـاه ويقول تـر ظلـم القرابـات حسـاس وكان انهم كانوا سبب كـل هوجـاس مالك مشاريهـن علـى نايـد النـاس للـي ربوعـه دايـم الـدوم تشنـاه واللي يسولف فـي مجالـس هملهـا لو هي هروجـن مثـل ريحـة نفلهـا تسمج اليا عرضت على غيـر اهلهـا في شعـر قحطـان الجليلـه سمعنـاه واللي يذوق الجـور والوقـت واطيـه يبي لطيف القلب عن شـوف قاسيـه حيثه ليان ومـن لقـى الليـن يتليـه يقولـه الهجلـي لشيخـن تـرضـاه وحسد العرب مسبوك في ضامره سبك وان شاف طيبك بين الاقـوام حاربـك لافاعلـن فعلـك ولاهــو مجنـبـك هذا الزلامـي يخبـرك كيـف دعـواه سوالف(ن)للطيـب صـارت دلايــل وفيها لصـدق الهـرج قـول وفعايـل والصـدق واضـح ندعمـه بالمثايـل من راوي(ن)في مصنع الذهـن نقـاه جاب المثايل فـي جميـلات الالحـان اللي يناديـه العـرب يابـن غسـلان والله فـلا تـوزن حروفـه بالاثمـان ومن يبذل المعروف لـه يـوم يلقـاه ذكـرى لمـن ينشـر دروب المراجـل وقاسى طعونـن موجعات(ن)عواجـل من فـوق طعنـات العيـون النواجـل من رمش ريم(ن)عذبـه يـوم راعـاه موضوعنـا يمكـن يصيـر الاخيـري مـادام مالـي بالخلايـق نصـيـري الطيـب طيبـي والكرامـه لغـيـري وان طحت محدن قـال يالربـع ويـلاه ان طاب غيري ثاروا الربـع تصفيـق وان طبت انا تسكت جميـع المخاليـق وانا ادري انـه غيـرة ام المخانيـق وزادو عليهـا لاجلنـا عشـر غيـراه ياما وقعـت بوسـط ربعـي مريضـي ومن طحت عنده ثار مثل العضيضـي وان كان قلبي في حياتـه حضيضـي اكفـخ كمـا طير(ن)عجاجـه تقـفـاه ياسرعهم يانـاس فـي نشـر عيبـي زود(ن)على جحدان جهـدي وطيبـي مـا كنـي الا للجمـاعـه حريـبـي عزاه من حالـي مـع الربـع عـزاه اصبحـت كنـي للمخاليـق شمـعـه توضي وترسل من لظى النـار دمعـه ومحدن رمع جـرح المعاليـق رمعـه وحنا اليـا ضـاق الرفاقـه رمعنـاه اربعمائـة بيـت(ن) بكـل القـوافـي من ضامر(ن)قافـه عزيز(ن)وصافـي وعليـه ثوب(ن)باللوازيـم ضـافـي ووسط الجبل تبقى مدى الدهر ذكـراه والحمـد لله عـد مــا لاح بــارق واعداد نور(ن)من لظى الشمس شارق مـن خافقـن تكويـه نـار المطـارق ورقى جبال الصدق مـا هـاب مرقـاه منقووووووووووول |
|||||
|
|
|
|
|
|
|
|
|
|
24-Apr-2010, 10:51 PM
|
رقم المشاركة : 2 | |||||
|
سمعت الثلاث اجزاء كامله والصراحه من اجمل ما سمعت
انصح الجميع بأستماع هذه الموسوعه ولا هنت يا جبل حزنة |
|||||
|
|
|
|
|
|
|
|
|
|
|
24-Apr-2010, 11:23 PM
|
رقم المشاركة : 3 | |||||
|
جبل حزنه : مشكوووووووووووور على هذا الطرح الاكثر من راااااااااائع
تقبل مروري |
|||||
|
|
|
|
|
|
|
| العلامات المرجعية |
| يتصفح الموضوع حالياً : 1 (0 عضو و 1 ضيف) | |
|
|
 |
 |
العرض العادي
