وقفت على ارض الحدث ووجدت التالي

[مرزوق بن دحيم]

السلام عليكم ورحمة الله وبركاته

اخواني ابناء عتيبه تحية طيبه وبعد

لقد ذهبت لارض المزاين وشاهدت انه اشبه بمدينه انشئت في شهر
كانت ارض الحدث ارض قاحله على اطراف نفود السر
والان اصبحت وكانها اكبر من الرياض العاصمه فمن بداية نفود السر الى هجرة المحمدية ومن الخط القادم من لبخه وحويته الى خف الى اطراف النفود من جههة الخط القادم من خط الحجاز القديم والمتجه لساجر وعسيله شيء عظيم شي لا يصدقه عقل ان تقام مدينه بين يوم وليله
اشهد بالله ان حين ما رأيت هذا المنظر اانني وقف شعر راسي ولم اشعر بنفسي الا بصرخه كفو كفو عساكم على العز والقوه عساكم على العز والقوه ياربعي ياعصابة راسي ولم اشعر الا وانا نازل في الارض عن سياراتي .
ذهبت على الطريق الرئيسي للمزاين ووجدت مخيمات على احدث طراز
وكانها بنايات من ثلاث او اربعة ادوار بالحجم
ووجدت مخيمات تلي المخيمات الكبيره وكانك في احد المشاعر المقدسه
من كثرة تلك المخيمات يا اخواني يا عصابة راسي الحدث كبير والمناسبه
اكبر وانتم ولله الحمد كفو فقد رفعتو راس كل عتيبي بما رأيته
لله دركم وربي يحفظكم من شر ذي شر
تمثلت بهذه الكلمات

يامرحبا واهلا هلا اكباروصغار=ترحيبة الهيلا لمنهم لفوها
اضيوفنا نفرش لهم دار وقفار=ونجد العذية تحتفل كل ابوها
من بيت ربي للحساء كلها انوار=ومن الدحي للدنى الشمال اكتسوها
برقا وروق مطوعة كل جبار=تسعد لمن شد الرحال اقصدوها
الضيف يعباله من الكيف مقدار=والعود الازرق شامع في هواها
هاذي فعول اجدادنا سر واجهار=والله وهبها عيالهم وورثوها
اهل الكرم والجود حماية الجار=ربي بعزه عزهم وفعلوها
اخوان نوره خيرة الخلق الاخيار=برسالة الدين ودعاته حموها
وحنا لبو متعب دروع لها اوقار=والروح تحت اشارته وارخصوها
وسلطان سلطان الكرم واف الاشبار=له هيبة كل العرب اعرفوها
ابشرع ربي مع طويلين الاعمار=عم السلام وبالكتاب احتموها
واليوم يوم مزاينً فيه الاذكار=هاذي هوازن جاتكم شاهدوها
معهم حلالً مامشى وسط الاقطار=وعيالهم في وسطها واكرموها
سلايل محفـوظة كلـها اخيـار=تعجز هل اللجنه ليا شاهدوها
هيلا هل البل واكتبوها بالاسطار=بالكتب من عصر الجهل سطروها
ويا مرحبا واهلا هلا صغار واكبار=في محفل الهيلا لمن شرفوها

بيض الله وجيهكم على ما شاهدته ياخواني ابناء الهيلا فقد رفعتو راس
ابناء القبيله على هذا الحدث العظيم

اخوكم
مرزوق بن دحيم بن مرزوق العتيبي

آخر تعديل مرزوق بن دحيم يوم 18-Oct-2007 في 11:09 AM.

[زعام]

لاهــــــــــنــــــــــــــــــــــــــــــت..... ...

[صقر العوالي]

والله اني مثلك يامرزوق كفو ياربعي على العز
وصح لسانك

[الهيـ صقر ــلا]

الله يعز عتيـــــــــــبة اكثر واكثر وبالفعل المخيمات فخمة والاستعدادات جدا كبيرة
وراح تتعب القبايل الي ورانا بالمزاين ولا راح يوصلون مواصيل الهيلا
حتى من سبقنا ماقدر ولا فكر انه يسوي مثلنا

فمزاين عتيبة حدث جدا جدا ضخم والكل يترقبة
فتبرعات ابناء القبيلة جدا ضخمة وكانت اكثر بكثير بكثيـــر من المتوقع


وما اقول غير تسلم يمين الهيلا واهلها وانا احمد الله يوم انا عتيبي

آخر تعديل الهيـ صقر ــلا يوم 17-Oct-2007 في 09:56 AM.

[kodak]

اولئك ابائي فأتني بمثلهم ......... اذا جمعتنا يا جرير المجامع بيض اله وجيهم وعساهم على القووووه

[سعد العطياني]

بيض الله وجيهم ربي عتيبه

[ابو هايل]

والله ونعم بابناء عتيبة انا اشهد انهم بيضوها واصبح المزايين من اكبر المزاينات التي اقيمت ولو يستدعون موسوعة جينس كان سجلت المزاين ولايوجد من ينافسه

[غازي البقعاوي]

	تسلم يابن العم على هالمشاعر الفياضه والكلام الذي يخرج من القلب يصل الى القلب تحيتي لك واسمح لي بتكملة اخر بيت

التوقيع

قصيدتي ( برقا وروق عينان في راس ) http://www.otaibah.net/m/showthread.php?t=49814 شيلة مهنا روق وبرقا شيلة سعود الدلبحي لقصيدة الشاعر الكبير غازي بن عون الرويس لمتابعتي بتويتر Albagawi Ghazi@غازي جزاع العتيبي

[Man من العتبان]

مرزوق عساك على القووه وصح لسانك

والله اني على النار انتظر متى تجي رحلتي من الكويت الي الرياض ان شاء الله . . وشوف ربعي الهيلا

[عبدالله الجـــذع]

برقا وروق مطوعـة كـل جبـار&&&&&تسعد لمن شد الرحـال اقصدوهـا



وقف شعر راسي انا والله انكـ بطـــل ويسعدنــا ان من ابناء الهيــلا من هم من امثالكـ الغيــوريــن..


يعطيك العافيــه..

التوقيع

قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) . . قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم ! فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه ) . موقع يضم جميع القراء هنا