الرئيسية التسجيل التحكم


اختيار تصميم الجوال

العودة   الهيـــــــــــــلا *** منتدى قبيلة عتيبة > منتديات قبيلة عتيبة - الهيلا > شعراء قبيلة عتيبة

« آخـــر الـــمـــشـــاركــــات »
         :: خبر سار (آخر رد :نايف الثبيتي الروقي)       :: ياطيب راسك يالحافي (آخر رد :نسيب امطير)       :: ادارة منتديات عتيبه الهيلا تنعي فقيدها ... عين العقل ..( بندر الثبيتي) (آخر رد :العتيبي)       :: ناسي (آخر رد :الخضارمي)       :: مجالسيه من نظم والدي الله يطول بعمره . (آخر رد :عيضه العيسي)       :: للمجاراة …. (آخر رد :نظام ساهر)       :: الشيخ صعب الحداري (آخر رد :الجزوم)       :: اكتب ميزةوامش( تميز المنتدى عن غيره من المنديات الاخرى) (آخر رد :مطرح البعارين)       :: الشمري ضيف عندكم يالهيلا (آخر رد :ابو طارق الشمري)       :: الحفاة في فلسطين (آخر رد :بن دويش المطيري)      

إضافة رد
أدوات الموضوع انواع عرض الموضوع
غير مقروء 16-Feb-2008, 08:32 PM رقم المشاركة : 1
معلومات العضو
ابو كتيفه المحياني
عضو ذهبي

الصورة الرمزية ابو كتيفه المحياني

إحصائية العضو





التوقيت


ابو كتيفه المحياني غير متواجد حالياً

افتراضي ارجؤ التثبيت:كل ما يتعلق ببندر بن سرور من الالف الي الياء

والله ان تعبت يالربع تكفو التثبيت
بندر بن سرور سيرته وحياة وقصاائده...



السلام عليكم ورحمة الله وبركاته..

بندر الأسطورة :

شاعر مميز .. و شاعر فريد .. قل أن تشهد أرض الجزيرة مثله...


ليش أسطوري ؟

لأنه في الواقع ، ملأ الدنيا و شغل الناس . و اختلف الناس حوله اختلافا كبيرا . و تناقلوا عنه

الروايات الكثيرة، فيما يتعلق بموته و حياته و ميلاده و حياته و دراسته و تعليمه.

فلكل شخص رواية، و لكل شخص عنه انطباع.

مابي أطوّل عليكم، لأني مهما تكلمت عن بندر فلن أوفيه حقه، بل سأترك شعره يتكلم نيابة عنه.


فمن هو بندر بن سرور؟

هو بندر بن سرور بن خضير القسامي الروقي *******.

من مواليد القرارة أحدى توابع منطقة الدوادمي

ولد في عام الف و ثلامية و ستين هجري، 1360هـ في سنة عرفت بربيع ربلان

نترك بندر يصف نفسه بنفسه . يقول :



ماني وانا بندر براعٍ ولد راع ... .....انا الحصان اللي طوالٍ حباله
إبن سلايل خير من شالت القاع ... .المصطفى الهادي وديع الرسالة


ماني وانا بندر ببيّاع دمه ...... يقطعك يا بياع دمه و مهفيه
اللي يبيّع لابسات الأزمه .... ثورن يبي بيض العماهيج تغنيه


ماني وانا بندر بهيسن ولد هيس ... هيسٍ يدنع عند حرمة قصيره
ليا بغيت اجلس ترى لي مجاليس ... وليا بغيت انهج دروبي عسيرة


ماني وانا بندر بهيتٍ ولد هيت .........هيت مقابل خمّةٍ يكرهونه
من كثر ما جرّبت وأقبلت و أقفيت .... قولة هلا من لا يودّك مهونة


ماني وانا بندر على درب الأنجاس ... اللي قريبٍ تفلها من لحاها
أنا بدرب الصيرمي عدم الأجناس ..... زيزوم روق ليا تنصّت عداها


ماني وانا بندر بنصّاي جابان ..... شوخ الجموس مناقرين الحليلة
ليا صار لي لازم نصيت ابو فيحان ... شيخ الشيوخ مكمّلين الجميلة


عاش بندر رحمه الله طفولة فيها من القسوة الشيء الكثير . فبعد وفاة والده تزوجت

والدته رجلا اخر و انتقلت للعيش معه.

انتقل بندر للعيش مع أمه و زوجها في رواية، و جلس عند عمه اخو ابوه في رواية اخرى,

ولكنها-على كل حال- حياة افتقدت لحنان الاب و احتوت على ما تحتوي عليه حياة البادية

عادة من قسوة و ترحال خلف الماء و الكلأ. لكن هذا لم يمنع بندر من قول الشعر , و لم يمنع

الموهبة الشعرية من التفجر ابداعا على شفاه هذا الاسطورة:



صوتي وانا بندر طويل ليا بان ..... إن ما خشيت الرب ويش اختشي له
ما ينرمي قولن على غير نيشان ..... و من لا يثبّت حجته ويش هي له


درس بندر الابتدائية , و قالوا انه اخذ المتوسطة , ثم بدا بالبحث عن وظيفة , و لقى وظيفة

في الجيش السعودي و توظف فيها, و أرسلوه للكويت على أيام حصار عبدالكريم قاسم لها ,

و تدرج في الرتب لين وصل لرتبة رقيب في الجيش الكويتي.

و قد أثرت هذه المرحلة العملية على حياة بندر بن سرور الشاعر , و بندر بن سرور الإنسان.

استفاد من احتكاكه بالاجانب هناك و عرف شوي انقليزي , و لعلنا سنلاحظ بعض الكلمات

الاجنبية في شعره , و حتى بعض الكلمات المستخدمة في الكويت, و سنشير لها في موضعها.

يقول بندر في قصيدة لأحد دائنيه :


الدين واجد و الوظايف تعيسة ..... و العسكرية خلت الراس شايب


ولكن هذا الدين , و الشيب اللي بالراس من العسكرية , ما منعه لا يقول هالقصيدة اللي

تعتبر من احدى قصائد الاعتزاز بالنفس و الحكمة, اللي نبي نفرد لها بحث كامل :


أنا الذي ما ابدي على الناس سرّي ...... من خوف سودان الوجيه تحكي به

أصبر على ظيم الدهر و التعرّي ............ من شان من يرضى عليّ الغليبة

و ابعد مجالي عن عيال التزرّي ............. من لا هوى قلبي دواه المغيبة

واخاف لي من مجلسٍ ما يذرّي ............ في جانبه بومٍ حساسه صليبه

و سوالفٍ مابين بحث و تحرّي ............... يجرح فؤادي عيّه و ابتلي به

يرضيني المقسوم خيري و شري ........ سبحان من لا تعلم الناس غيبه

أحدٍ على ربعه يحب التحري .............. للشر بلاس و خيره بجيبه

هذاك يالربع انا منه متبرّي .......... لو عضّني ناب الدهر ما انتخي به

من خوف يضحك لي و هو يستغرّي ....... يفتل حبال السّوْ ما يندري به

يفرح عليّ بكل شيٍّ يمرّي .......... و ان شاف يمّي خير عنّي نهيبه



قم سو فنجال ترى الشاي لبتون ... و الما الشريعة و الهوى مستهيدي


من الشوارد في شعره رحمه الله , هو تكرار كلمة معينة , أو جملة معينة في العديد

من أبياته الشعرية

متفاوتة بين المدح و الفخر و النصح و الدعاء و الغزل . مثل ما مر معنا في أول الابيات, جملة

" ماني و انا بندر " تكررت في ست قصايد , و مثلها العديد من القصايد و المقاطع اللي

نبي نعرض لبعضها بإختصار.

مقطع " الله من عين " تكرر في بداية ثلاث قصايد :


الله من عينٍ ليا عسعس الليل ... ........عافت لذيذ النوم ما تهتني به
يا وين انا القى من يحب التعاليل ..... يبدى بزين القول والا ابتدي به


الله من عينٍ تزايد صلفها ...... بيّن كداها بالعروق الصخيفة
كم واحد له حاجة ما صرفها ...... يصد عن صرّافها لا يظيفه


الله من عينٍ طرقها صواديف ... ....عميت و يبسن العروق الصخافي
شفت الوزا بالعين من عرض ما شيف ... شفته و غيري ما فطن له و شافي


أما مقطع " يا مل قلبن " تكرر في بداية قصيدتين الأولى في الحكمة و الثانية في الغزل


يا مل قلبن كل ما مات همه ...... دارت دواليب الدهر لين تحييه
فرّاق شمل الناس عيّا يلمه ....... وقتن يشيب الراس من شاية فيه


يا مل قلبن تلّه الود تلّي ...... تل الرشا من فوق ملحا جلاله
في غربها تسعين فري و مشلّي ...... تجفل ليا سمعت ظريس المحالة
من واحدن طرق عليّه يهلّي ..... لحق بواقِ القلب مع ما جرى له



و اما " انا اللذي شفت الوزا " تكرر كثيرا , و أشهر المقاطع كانت في الحكمة :


أنا اللذي شفت الوزا ياسماعيل ..... طاوعت نفسي لين شفت الغليبة
النفس طير و الخطايا محابيل ...... و الناس روّاي الحديث تحكي به


وانا الذي شفت الوزا يا سليمان ...... برد الشتا و القيظ اكلني لهيبه
مانيب اهين النفس لو كنت جيعان ...... ما يدنع الا ال*** عقب انزي به


و لعل من اشهر الجمل , هي " يا سهيّف الذرعان " اللي مع " ماني و انا بندر

" تكرروا بشكل أوضح من غيرها

يقول بندر في سهيف الذرعان متغزلا و واصفا فرته :

يا سهيف الذرعان انا منك مخطور ..... مثلي و مثل اللي غدى له بديرة
فرتن مخيف و حدّه الحمل و الجور ...... زاع أسود الما لين ولع انبيره

سهيف الذرعان متغزلا فيه و واصفا طيره:

يا سهيف الذرعان زين الدلالي ..... قلبي تغير ما سمعتي صريره
صرير فرخٍ حده اقطم كحالي ...... طقه مقافي ريش و اخلف مطيره


يا سهيف الذرعان ويلك من العار ..... حتى أيش لو لعنت ماني بملعون
يستاهل اللعنات ثارٍ ولد ثار ........ اللي ليا جا باخر الوقت ممهون


يا سهيّف الذرعان مافي وسواس ..... لي حاجة بالعرش و أسعى وراها
اسجد لقادرها على غفلة الناس ........ أساله الجنة و نكمل عطاها

و للابيات هذي قصة سنتطرق اليها ان كان المقص ما ناشها:


يا سهيّف الذرعان مانيب مرجوج ........ رجتني الايام غدرٍ و حيلة
يا بنت لولا الذي على تاسع الفوج ....... لاترك نجد و عزوة بالقبيلة


يا سهيّف الذرعان لو قلت لا باس ...... مانيب من يجري الخبيث بوريده
كم فرجةٍ من خوفها الراي ينحاس ...... على عيال البوم عسرٍ مديده



اللي يتضمن بعض الاشارات الى الفرت و الوانيت. اللي أظنهم من متلازمات القصيدة

لدى بندر بن سرور , كما كان الشعراء القدامى يبدأون قصائدهم بوصف مركوبهم ,

من جمال أو خيول , فإن بندر قد ابدع في هذا السياق.

ذكر بندر بن سرور رحمه الله في شعره الكثير من الأسماء , فـ من منيرة , و سارة ,

إلى ميثا و حصة . فهل شاعرنا حب كل هذولي ؟ و هو اللي تزوج مرة واحدة

و فشل زواجه ؟؟ أم ان الأسامي هذي تمويه , لتغطي على الاسم الحقيقي كما هي عادة الشعراء؟؟؟

ان كان ابو نورة قال لعيون سارة تشرق الشمس و تغيب , فـ بندر قال فيها:


عز الله اني عن هوى البيض تايب ...... لكن ردتني على القول سارة

لا وا هني من لا طرت له عجايب ....... و عيونها اللي للمهاوين إشارة


أما منيرة , قال فيها :

يا راكبين أكوار شيبن محاقيب ...... اللي عليهنّه من البعد غيره

ضد السلاح و ضد كل المناصيب ...... ودّوا سلامي فوقهنّه منيرة


و ضيحة لها حقها بعد:


عز الله اني جزت عن كل ما اقول ..... لا شك ردتني على القول ضيحة

يا شيخة الخفرات من زين و دلول ...... من مات من سبّتك ربه يبيحه


واذا كان محمد عبده جا ببنت النور , فإن بندر بن سرور سبقه بأمها :

يا بنت ياللي صوتوا لك بام النور ...... نادوك يا ام النور و اسمك منيرة

لولا الجديل اللي على المتن منثور ...... والا لريم الصيد صرتي خشيرة


و برضه منيرة :

اخذ القلم و اكتب يمين و شمالي ......... ثم أطول التاريخ و اكتب منيرة

و اكتب ترى بالشرق مابه رجالي ...... الا الحسد و مغامزن بالقصيرة


حصة:

على شان " حصّة " جعل يسقيهم الوبّال ...... ليا عوّدت مالي و مال الحبردية



ميثا و الغرابي :

ياليتني سيّرت يم الغرابي ....... من شان " ميثا " شوفها رحمة لي

ابو جديلٍ ماشطه بالخضابي ........ زوده على حد الردوف متدلّي

والعين عين اللي يويق الهضابي.. ... حرّ على كل الحرار متعلّي

و الخد بارق مستهل السحابي ...... و كلامه أحلى من حليب المتلّي



يا زينه :

يا زين فنجال على نومة الناس...... ... زرع اليمن و اللي مسوّيه عيده

يبري العماس اللي فضى خوتة الراس ..... روابع يقفي و يقبل بريده



أما في هالبيت الغزلي , يلاحظ تأثر الشاعر في بيئته , و يبدو انه قاله يوم كان

بالكويت , " ثاني إعدادي " :

يا بجاد لو صادفت وِرعٍ صدفناه ...... على طلوع صفوف ثاني إعدادي

ابو جديل يوم تدلج زواياه ................ سبّاح غبّات مع الموج غادي

يمكن يصبّون الذهب من شفاياه ........ والا بخده يزرعون ال**ادي


هذي اللي اعجبته ولا يعرفها :

يا بنت ياللي عينها عين شيهان ...... حرّ قطامي فعوله عطيبه

والقرن ذيل اللي تشعشع للاكوان ..... بنت الاصيل اللي طويلٍ سبيبه

و الردف يطوي الثوب و العود ريّان ..... و الخد بارق مزنةٍ مستجيبة

أسايلك بالله خلاق الانسان ....... الله عليتس انتي من أيّا عتيبة ؟؟؟



يا بنت ياللي عمرها صدر و ردوف ....... بيض محاجرها و حلو نباها
ودي بشوفك مير يوم اقصر الشوف ...... عيني بعد هاك الرمد قل ماها



الفزعة:

يا علي صوت بالقلم و اشعل الليت ........ افزع لقلبن كاثراتن شطونه



أما بالنسبة للسيارات في شعر بندر رحمه الله , فإنه قد وصف في الفرت ما لم يصفه

غيره , في مناسبات عديدة و في أبيات متنوعة

نترككم مع بندر و معشوقته الفرت ...

من فوق فرت يوم يرخي المتوني ...... جول القطا اللي واردن عقب مرواس

من مارده يا عبيت شابت عيوني ...... و من مصدره يا عبيد شاب أسود الراس

قصيدة يتوجد فيها على معشوقته بفرت :

الا وا وجودي وجد من صك دونه باب ....... بقفل اعجمي مغلقات مساميره
عَدَو به على اللي كنه النسر بالمرقاب ..... على الجمس الأصفر كاملات شراشيره
معه فرت خمسة طن ياخذ مية ركاب ...... من المال عيّن ينقلنّه تغاييره
دخل هو و حِمله للحكومة بغير حساب ...... و راعيه عشر سنين و يعاد تقريره
على اللي كواني كيّة العظم بالمشهاب... ... على أقصى عراوِ القلب محمي مناشيره
عشيري ورا الكوده وانا من ورا مشعاب.. ... بعيد قريب تعيب يا هون تيسيره
ولا يوصله كود " فرت " عليه اسطاب...... ... ليا حاسب السوّاق تقدح مواخيره
صنايع بياطير الكفر لابسين الكاب ........ عصاة اليهود اللي مشاريبها البيرة


ألا يا نديبي فوق فرتٍ ورد من شرق ...... على راس قيره للعليمي تعاشيقه
من الوارد اللي جمركه عند راعي عرق ...... على المطرق مجبور ياخذ قماريقه
..


اما في هذا البيت , فكما أسلفت , تأثر الشاعر في بيئته عندما سافر للكويت ,

و واضح أختلاطه بالغرب

و تأثره باللغة الانقليزية هناك .. فالمقصود في كلمة " ويله " هي " كفراته "

, حيث أن ويل بالانقليزي تعني كفر

راكب اللي يوم طب مع النفودي ...... كن صلفات الهبايب عج ويله

صوت سيره يوم غنّى بالعمودي ... ...صوت ذيبن وايق براس الطويلة


من فوق فرت ما يشيل الصقاقير ....... من زود فنّه صافيات بلوفه

بعريبيا ما رهّموا له مسامير ....... من دولة النجمة مبادي حروفة


يا هل الونيت اللي على مدقره ميم ..... نقل الرياض الخط ما توصلونه

صنّاعته مخطين ملّة ابراهيم ......... حمران رومٍ لونهم مثل لونه

والله لو أمسك طارته يا مغانيم ....... ما عاد أقلّد دولةٍ يصنعونه


راكب اللي يعجب اللي يوم حافه ..... زين صوته بالسيور المعدنية

زيّن الصناع شغله بالكيافة ......... ناسجٍ حوضه على ذوق الحنيّة
يوصل اللي بان بالقلب أختلافه ...... عيّت الأيام تسمح لي مجيّه


الله على اللي يوم يفتل عموده .......... يطلع ثرى ارضٍ بعّد القيظ ماها

ليا أونس ثقيل الترس يرخي عضوده ...... شيهانة ترخي المتون لعشاها



في مدح الشيخ سعيد بن مبارك السالمين المنصوري من العين

يا اهل الونيت اللي تزايد عويله ....... مكينته ذيب النصارى شغلها

حدّه وقود النار و أبعد مقيله ......... شرقٍ يريد العين و أدنى جبلها


راكب اللي من حفيزه للحدودي ... عَقّب العشرين طبلون اميتينه

فرت نوع كلاسيكي ماله طرودي..... أبيضٍ في البيت الأبيض فارقينه

يرفعنّه نايماتٍ بالعمودي .............. و الهوى و النار يرخنّ المكينة

يوم مرّ خريص مع عرق النفودي .........قاومه صوت القيامة في المدينة


يا منير دوك الفرت و اخذ الفواتير ....... افحص عليه و دخله بالكراجي

اللي يبى البنزين ركّب مواصير ........ و اللي تبيه النار ركّب بواجي

قصة خط على فرت من الشام :

من بلاد الشام جينا بالمكينة ......... فوق فرتٍ ما تخثع بالطماني
يحتدي مثل الجمل تسمع رطينه ..... مع طمان القاع مثل الثعلباني
والشـُفير من المدارس مطلعينه ..... عن ظلام الليل شب الكهرباني
كل ما جاه تل يلعن والدينه.......... باليمين اللي على كل اليماني
ما تجيه يسار رجله شوف عينه ..... غير يسرى الطار شيٍّ بالاماني
يوم قال له الخوي عاشت يدينه ..... شد رجله للكمك واحد و ثاني
يالله انك تنصره من نصر دينه ........ إن عطى له مع غبا ولا بياني
قلت يالمطنوخ أنا عيني حزينه...... من شراب اللف أبيه و عنك كاني
قد رمى بالكيس قدمي قال وينه ..... دوك ما بالجيب عن شيٍ لهاني
قلت ثالث قال يالله لا تهينه ......... قلت خامس قال يطلب نقل ثاني
قال واحد و الكمك واسمع حنينه... ... كيف ما ترضى عليّه بالهواني
قلت واحد و الكمك ضام المكينة ....... قال لي من يرحم القاسي لياني
قلت والله يرحمونه صانعينه ......... قد زعلت من اللهيب اللي حداني
قال ما ناثق بمن هم متقنينه ....... عن مشاور غير عرفي قد كفاني
قاطع عرقين مادري وين وينه ...... قد وصلت الأرض و اسمع صوت ثاني
قلت دوك اللف خابوا شاربينه ......... غطّني عن شوف شي ما خفاني


راكب اللي مخ رجليه خنزير و هوا ...... أشهب في مقدمه باقين و عكس تاج
متر في مترين مستبرم كله سوا ... ....حايفه حطاب ما سمكره راعي الكراج
إن نعشته بالثلاثة مع اللفة عوا ........ عوي ذيب محتدينه مربية النعاج
ثابت ما يختلف كلما لف إنزوا ....... و ارتفع ثم ارتخى مثل طايرة المراج
كن ضرب المرو في الويل قدام و ورا ..... ضرب هملول البرد و ان تقفاه العجاج
منوة اللي مشفقن لهله و لهم نوا ........ من بعد طول المسافة يبي فلّة الحجاج


و في القصيدة السابقة يلاحظ أيضا تأثره , فنجد " ويل " مرة أخرى , و نجد الميراج ,

الطائرة الحربية المعروفة

واهني من ظفّ عفشه و لمّه للسفر ...... فوق هافن من قطع وارده يقطع رجاه
يوم لزّه بالثلاثة مع العرق الحمر ........ شال صدره من عوا الذيب ما تفرق عواه


يا اهل الونيت اللي يشق الدهو شق ..... يصفر صفير مفجّرات السراعة
اما اركبوني يالنشاما بلا حق ....... ولا اوصلوا مرزوق منّي وداعة
.
من الفرت الى الدوج :

الا يا نديبي فوق دوج عليه شراع ..... ما قال انفخ التشريق جا في مواصيره
ليا هبّت العليا و قام العجاج و راع ..... يهيضك مع السكة تثاوع معاصيره
صنايع يهودٍ لا يبدّل ولا ينباع ......... يقربك من دار و يقلعك عن ديرة
بعد طلّعوه مجَيّكٍ ما يبى المرجاع ....... سمع من وراه الفوج غنّت مواطيره
ليا دق سلفه قام حسّه يرجّ القاع ...... ما جاه المعاون يشتغل في مساميره
عطاه الثنين و زاد له بالأبنص و فاع ..... رزيمه رعد مزنٍ تهلّع دناقيره
خرط له بثالث عقب نشّه بعزم و زاع ..... و شتل له برابع ما يضيّع تغاييره
ليا شال عزمه ريّحه وامنٍ مارتاع ... ..مسك مع يمين الخط و يلدّ لانبيره


اشرب من ابو بس و أنسها نس ...... نس المهرب مع خطوط الجزيرة
ليا من عطى له ثالث قام يضرس ....... خفر السواحل في طريقه خطيرة
شدة قصير ولا يمر المهندس .......... توّه جديد و عالمٍ به خبيره
يسري من الحدّين و يصابح الرس ..... عليه بندر ما يخونه ضميره
جاب البضاعة من مغانيه بالدس ...... ماهوب شاةٍ ميتة في حظيرة
يالله يا منشي السحاب المطمّس ...... تفرج لمن مثلي عيونه سهيرة


الله على اللي شد ماهوب جابان ...... أبو ثلاث حلاق إس و حنيّة
اللي انبيره يعلن الحرب فتّان ........ بينك و بين اللي بعيدٍ نويّه
ملفاك زيزوم المشاكل كحيلان ...... مهوب ذاك اللي طبوعه رديّة


ألا يا نديبي فوق من ينطح التهريب ....... ليا عد مية قام يلعب دركسونه
أبي ابعد عن الشرطة و افارق جنود الذيب ...... لدارٍ يبيدن الونيتات من دونه
و يا حن قلبي حنّ فرت بعد توضيب ...... تحت خارجي ما طفت نار غليونه


الله على اللي كن سلفه ليا نيش ........ خطو المحالة مغردٍ من رشاها
يلحق فروخ مصخرات ابرق الريش ..... شقر الوحوش اللي عزيزٍ غذاها

يا عبيد غنّن سيور الهاف ... لا يا بعد كلّ من غنّا
عرق الابيتر رماه خلاف ... ما طب له واحدٍ منّا

ياهل الونيت اللي نوى مشتل البيب ...... ما دق صدره بالخطوط الغزيره
يوم يتخضّع في محير الاداعيب ........ يشدي تخنّع جادلٍ في حريره
لا تجربونه ما يبي الفرت تجريب ..... قد جرّبه في البيت الأبيض خبيره

راكب اللي زوّد اليابان فنّه ....... و اخترع فيه الدبل ضد الحتيفة

الله على اللي يهيض القلب منهاجه ...... من مصنع البيت الأبيض ورّده زيني
ليا عوت قربته ارتفع تاجه ....... ما عاد ابي اللي مع الطرقة يخاويني

يا راكبن من فوق صافي البلوفي ........ مقعد انبير الزيت نيم الحرارة
فرّاق ما بين القلوب الولوفي ....... فرتٍ كما وبل السحايب غباره

يا اهل الونيت اركبوني واصل تيمي ...... ما توصلون الغريب اللي خِرِب فنّه

وجدي عليها وجد من هرّب الجمس ...... في حملته يا عبيد سبع المثاني
يوم الطرد غدت ثلاثه كما الخمس ........ قامت تقطّع قربته جدّ عاني
مدّوا له الدربيل مع طلعة الشمس ....... و جاه العريف و حدّره لسفواني

يا وجدي على شاهي , لاهوب بنتليز ولا ربيعي :

يا عبيد يا وجدي على شاي قبل امس ...... شاي مزج يا عبيد بالزعفراني
مصلّحه مركوز الانهاد بالخمس .......... راعي ثمانن كنها القحوياني

و ننتقل من السيارات و شجون السيارات , إلى الحكمة و العظه , اللتي بجانب السيارات,.

اشتهرت في شعر بندر و أبدع في أخراج درر الحكمة و نظمها

في الكثير من المناسبات ..


كان الرجال اللي مضوا يصدقوني ...... وحدك ولا خوة مغاريف الانجاس
طوال الظهور مخيبين الظنوني ........ جرّارة الطرقة سرابيل الأكياس
البوم بيت البوم ما يفلحوني ........ ما طلّعت سود التنك فض و نحاس


و هنا ينصح امرأة تريد الزواج , مبينا لها صفات الزوج الصالح :


حتى أيش لو يفرش لك القاع زلّي ...... من لا يخاف الله حرامٍ حلاله
عليك باللي للجماعة يهلّي ... ...اللي كما النثلة منارة دلاله
بالرجل شايتين حداهن يدلّي ...... و ان كبهن ماهوب ويّا الرجالة
ليا صار ما به دين مع زين دلّي ... ..جعله من الدنيا تقطّع حباله


يقول بندر من خيار الدلايل ..... ما كثّر الخالق بخلق الأجاويد
كثّر بخلق اللي هداهم ظلايل ... ما غرّت اللي يبدي الخلق و يعيد


كم واحدٍ بين العماهيج هذّار ......... مغترته نفسه بكبر الظلالي
يبلس على ربعه و يدنع بالاسوار ..... و يعد نفسه من حساب الرجالي
كفه بخيل و قلبه انجس من الفار ..... أسود طرف و أدغم من السرمدالي
هذاك بِعدِه خير ما كنت ابي اختار ...... اجزاه بالصدات و ابعد مجالي
وليا وطتني غبر الايام بأزوار ...... غيري جماعة ما وطتني لحالي
شفت الوزا و اشتلت لي منه قنطار ..... وليا عدلته شرق للغرب مالي
حرام للفنجال سوقه ليا فار .......... إلا على اللي يرخصون الريالي


خطو الولد يا مال قصف التماهيل ..... يشرح عيوب الناس ما شاف عيبه
يفرح ليا شاف المجالس هراميل ..... و يكره ليا شاف المجالس مريبه
ما شوّقنه طيّبات التماثيل ... مع شايبٍ قد بيّن الوقت شيبه
ماهوب شايب شيّبنّه غرابيل .. عيد يقفي به و عيدٍ يجيبه
أنصحك يالللي تايه بالدواليل ... إن تاه فكرك تاه مسرى النجيبه
احذر تصلّي بالهدوم المسابيل ... و احذر تخاوي اللاش تابع نسيبه

أنصحك ياللي غرّته ما عرفها ....... شيبا تشيّب ما يحوّل رديفه
رديفها يركض و يركز هدفها ...... وقت يقص العظم من حد سيفه
و ان جت بك الدنيا و جابك صدفها ...... لا تغتزي باهل النفوس الضعيفة
وانصحك نفسك لا تسقّط شرفها ...... ترى بعض بيض المجالس مجيفة


من القصائد المشهورة لبندر , و كلها حكمة, و كل بيت منها يحتاج لصفحات لشرحه :

يالله يا جال الأمور المهمة ........ تجلى وهق قلب برى حال راعيه
البر دجته و البحر رحت يمّه ....... أدرج سبب حظ على الله مساعيه
يوم إن ولد اللاش رزقه على أمه ....... رزقي على اللي ميّت القشع يحييه
ماني وانا بندر ببياع دمه .......... يقطعك يا بيّاع دمّه و مهفيه
اللي يبيّع لابسات الأزمه ... .........ثور يبي بيض العماهيج تغنيه
يزعل ليا جت ليلة الدول يمّه ....... يرضى بسوق المال بأخيه و أبيه
خطو البخيل اللي يكبّر معمه ........ يقرا الكتاب و واجب الله مخليه
أما هرج له في رفيقه بنمّه ............ والا عطا و أمه تضيّع هقاويه
يا مل قلب كل ما مات همّه ............ دارت دواليب الدهر لين تحييه
فرّاق شمل الناس عيّا يلمه ......... وقتن يشيب الراس من شاية فيه
أحدن ينام و حط راسه بكمه ........... و أحد تخم النوم عينه و تخطيه
و أحدن يحاول بالردى بنت عمه ....... و أحدن يحاول ستر عذرا عوانيه
تخالف الأنظار شرقن و يمّه ......... كلٍ هدف رايه من الناس مرضيه
أنشدك ياللي كل شي تتمه ........ تقرا الكتاب كل فرض تصليّه
ويش القليب اللي عميق مجمّه ....... ما سرّ غرسه ماه عطشى سوانيه
سم السبب يا عارفن عنه سمه ...... سم السبب يا عارفه قبل اسميه


والله يا لا لا كلمة قيل ذلّيت ....... لاترك مقاصى اللاش نقص و مهونة
لا شك ضرّاب المثل به تقدّيت ....... من حرّك المجنون ناطح جنونه



قال يوصي رشيد :

يا رشيد يوم أتعبتني بالتناشيد ....... خذ لك من الدرويش **دة قصيده
ليا عبدت الله ولا أشركت تعبيد ....... ترى محمد صفوة الخلق سيده
و ترى أبرك الحاجات يوم صدف عيد ...... جمعة اسبوع و صادفت يوم عيده
و اذكر لك الاجواد صد و صواميد ..... و انذال لا صدت ولا من صميده
و اذكر لك اقشر ما على السيد و البيد ..... اللي طمع بنت القصير الحديده
فضح قصيره عنده انه كسب فيد ...... سولف بها للناس خطو البليدة
سولف بجرحٍ ما لجرحه تضاميد ...... زوّد لجرحه جرح ينزف صديده
ليا وطاك اللي وطاني تراديد .......... رد السؤال ولا تخبر بريده
اضرب ثلاث بعشر و اجمع تفاريد ....... و فرق على العشر القليد بقليده
واللي بقى لو تفرقه للمواديد ........... كم تفرقه بين الوديد و وديده
أنا الذي قد مرني سلك تجنيد ........... خدمت به سنين عديده
مرحول هم و كل شي له أجيد ......... اجيد زين و شين و الهم اصيده
اسمع صرير القلب بين الجواريد ........ حدّنه الاضلاع و اسمع صريده
صرير فرخ حده اقطم صواريد ........ اول طرد قرناس ثاني حريده
هذا و انا شفت الوزا و التزاهيد .......... لا اقول حي ولا تحت قبر ريده
والله ما أهني قاضي العمر ترغيد ...... ابن اللئيم اللي حياته رغيده
أهنّي القلب الخطا بالمراقيد ......... و ضب الخلا لو ياكل رديده


ما يطلع القرناس من عش بطّه.... ... و الجبو ما يحيي النوامي شفيطه
ليا صار من ربعك اقيشر و نِطّة .. ...هزّ المحالة لين يفرط شريطه
تراه ما ينفع عساها تلطّه ........ خيال دجل و مثل عنزٍ ربيطة



مقتطفات من شعر بندر


يا راكبن حمرا من الهجن سرسوح ......... سرسوح جيان الخلا دربوها
تلفي على اللي للمهمّات ناطوح ......... اللي ليا جت قالةٍ صار أبوها

هذا البيت شطره الثاني سمعت مثله مع شاعر حديث ..

نمر النمارة كامل العرف زحزوح....... حلحيل حايل حيلةٍ حايلوها




هات الربابة و اخكر الشاي يالثور ...... انته حشرك بليس و انا هواوي
مقيالنا في سدرة طورها طور ........ يسوى حياة اللاش *** القهاوي



و هذه بعض الأبيات قالها بندر في الدخان

شي بقلبي واهجه مستمري ......... لولا أزرق الدخان يطفي لهيبه
سلّط على الدخان لو هو مضرّي ..... له حزّةٍ عند احتكام المصيبة


يا منير عمّر لي من التتن معمار ...... يبري الغليل اللي على الكبد كالي
والا رفعت الصوت و أبديت ما صار ..... من شان تدري ويش ولّى بحالي


أشرب من ابو بس و أنسها نس .. نس المهرب مع خطوط الجزيرة


ياما رميت الكيس بين الشراريب ... و اليوم أدوّر ما لقيت اتعميرة


ما يفيد اللف لو يالع و أكنه .. ماش مثل اللي قراطيسه نظيفة


ارم البكت و اجدع الكبريت يالريمي.. ... تطري و مما طرى لي زادني ونة
الله يغربلك تصحيني و انا نيمي ....... مانته بلاعوب عطني والعب الشنة


يالله يا جال الامور المهمة .......تجلا وهج قلب برا حال راعية

البر دجته والبحر رحت يمه ......يقطعك يا حظ على الله مساعيه

يوم أن ولد اللاش رزقه على أمه .....رزقي على اللي ميت القشع يحييه

يامل قلب كل ما مات همه ......دارت دواليب الدهر لين تحييه

فراق شمل الناس عيا يلمه .......وقت يشيب الراس من شاية فيه

أحد ينام وحط راسه بكمة......واحد تخم النوم عينه وتخطيه

واحد يحاول بالردى بنت عمه..... واحد يحاول ستر عذراء عوانية

ماني وانا بندر ببياع دمه..... يقطعك يا بياع دمه ومهفيه

اللي يبيع لا بسات الازمه .....ثور يبابيض الرعابيب تغنيه

يزعل لياجت ليلة الدوريمه .....يرضى بسوق المال فخوه و فابيه

خطو البخيل اللي يكبر معمه ......يقرأ الكتاب وواجب الله يخليه

إمر هرج لك في رفيقه بنمه ....والاعطا وامه تضيع هقاويه

أنشدك ياللي كل فرض تتمه..... تقرا الكتاب وكل فرض تصليه

ويش القليب اللي غميق مجمه .....ما فاد غرسه ماه . عطشى سوانيه

تخالف الانظار شرق ويمه .....وكل هدف رآيه من الناس مرضيه

سم السبب يا عارف عنه سمعه .....سم السبب يا عارفه قبل اسميه



عـز الله انه هال ما طال ياسعيد..........زل الشـهر والوقــت طــــــوال بديده

اللي من اول للخلايق مـــواســيد........اســقــي غــريــر الهـم لـو يستفيده

قم يا رشيد الحق واقول يا رشـيد..........الله عــليك انـت مـن ايـا بـديـــده

اما البديده منك عــند المواعيد ..........ولا هـــمومــك مــن حيــاتك زهـــيده

ابستفيدك كان جــــــربت افــيد.......تــنام واســمـك حـول الاســمر رشـيده

لي قــصة يشهد بها راضــع الديد .....يعـدهـاغـيـب الســـراب الطــريـــده

طويلة عريضــــــة با لتماجــيد .........يــفرح بهـا الطـيب فعــول مــجــيده

طــويلة عـريضــــة بالمناقــيد..............يفــرح بهـا النمام شــيـن العقـيـده

جار الزمان وعاونوه الحـواقــيد .........اللــي لهم مـن قــبل ذلـك حــقيــده

يا رشــيد يوم اتعبتني بالتناشيد .......خـــذلك من الـدرويـش **ــدة قصــيده

واليا ذكتر الله وكثـرت تمجيــد ........تـــرى محمد صــفوة الخلـــق ســـيده

ترىابرك الحزات يوم صدف عيد ..........جمعة اسـبوع وصـادفـت يوم عـيده

أذكر لك الأجواد صـد وصـواميد..........وانــــذال لاصــدوا ولا مــن صـــميده

واذكرلك اقشــر ماعلىالسيد والبيد ......للي طــــمع بنت القصــير الحــديده

فضحــة قصيره عنده انه اكسب فيد .....ســوالـف بهـا للناس خطــو البــليده

سولف بجرح سال جرحه تضـاميد............زود لجرح الجـرح ينــزف صــديده

من لا ســتر خـــلآت غـرات اجاويد ..........هـــذاك نــقــال الخـبيثات بـــيـده

وليا وطاك اللي وطـاني تراديــد ..........رد الســؤال ولا تـحـــيــر بــريــده

وانا الذي قــد مرني سـلك تنجيد .........خــدمـت بــه عــدة سـنين مــديـــده

مرحــول هم وكل شـي لــه احــيد .........احـيـد زيـن وشــين والهـــم احــيده

اسمع صريرالقلب بين الحواديـــد .........حــــدنــه الضـلاع واســمع رديـــده

والله مأهـــني قاضي العمرترغيد...........ابـن اللئـيم اللـي حــياتـه رغــيده

اهـني ال*** الحجل بالمــراقـيد .......وضــب الخـلا لوكان يا كــــل رديــده




لما جا بندر من الكويت , اشتغل بالأعمال الحرة , و أصبح يشتري السيارات من الخليج

و يبيعها بالسعودية , و عاش حياة ترحال و تنقل مر بالعديد من المصاعب الصحية و الاجتماعية ,

و خاض مع من خاض في أمور السياسة اللتي لم تكن من العقل و الحكمة في شيئ

مرض و شاب و هو لم يزل صغيرا , و يروى عنه أنه ذهب لتركي بن ربيعان لزيارته ,

ففتحت الباب بنت ابن ربيعان لبندر , و عندما سألها

ابوها من عند الباب , قالت , هذا المرجوج بندر . فرد عليها بقصيدة مطلعها :

يا صخيّف الذرعان مانيب مرجوج ........ رجتني الايام غدرن و حيلة
يا بنت لولا اللذي على سابع الفوج ....... لاترك نجد و عزوة بالقبيلة

و يعني اللذي على سابع الفوج , تركي بن ربيعان , الفوج السابع

استمر على هذه الحالة, ما بين " شي بقلبي واهجه مستمري " , و ما بين " قلبن برى حال راعيه "


(صواديف)

الله من عين طرقها صواديف
عميت ويبسن بالعروق الصخافي
شفت الوزا بالعين من عرض ماشيف
شفته وغيري من فطن له وشافي
وقت تغير فيه حتى العواصيف
جا في عواصيف الرياح أختلافي
شره قناطير وخيره مقاطيف
يفطن له اللي يرضع الديد غافي
كم واحد جاله زمانه على الكيف
واغترته نفسه يبا الجود وافي
يطلع مطاليع العلا بالسواليف
بين العذارى عد روحه سنافي
يفرح بهرج بالقفى يكره الضيف
قتات والقتات بالنار هافي
يعلق قصيره علقة النار بالليف
عي ولد عي زنوده ضعافي
ان رخصت الحذوه توفي عن الحيف
وان غليت الحذوه مشى اللاش حافي
يرقد ويلحق والدينه تخاليف
دايم ومرقد ميت النار دافي
هو مادرى ان الجود يبغى تكاليف
سهر الليالي مقبلات مقافي
يبغى يدين للعطايا مغاريف
ويبغى رجول ماتمل الوقافي
والصبر بنحور السنين الشواحيف
اللي قساها مثل حد الرهافي
مايقدرون الجود سود الأطاريف
مشاركة بيض النسا باللحافي

يقدر عليه اللي حكم نجد بالسيف
واودع مباغيض القبايل ولافي
عبد العزيز اللي يبث المصاريف
يجدع قناطير الذهب بالفيافي
يمشي على دربه جموع مراديف
نو تحدر ماه والجو صافي
يشدي لواقيط الزبيدي بعد ريف
ومما كسى البيدا تفيد الضعافي



(سر ياقلم)

سر ياقلم مالي على الصبر طاقه
صبري تعدى الحد ماعاد ينطاق
أكتب لمثلي قصته واشتياقه
في خطك الواضح على بيض الأوراق
قصة حزين صافي الحر ذاقه
الي ذكره ماصارله خاطري ضاق
باقو به الأصحاب والوقت باقه
وصار الضحيه بين بايق وبواق
يمشي وهو ماحس في كسر ساقه
امسى على ساقين واصبح على ساق
هذي سواة الوقت شين اصطفاقه
الوقت لو يصفى لك ايام دراق
الله خلق خلق تحب الباقه
كما خلقله خلق ما عندها اخلاق
احدا يعيش ابخير وحدا ابفاقه
وحدا يعيق ايام وايام ينعاق
وحا معه حكمه وصبر ورواقه
سبحان منهو للمخاليق خلاق

لاكن يامن معك عقل ولباقه
ابنشدك كان انك للأمثال تشتاق
صادق رجال يعرفون الصداقه
يقفون صفك يوم يبسات الأرياق
ومن يرغب فراقك فعجل فراقه
جاز الذي يجزيك أفراق بفراق
تعلم التعشيق قبل السواقه
لاتحسبنك بالدركسون سواق
وزقك يجيك دون تحضر بطاقه
وعند الله المعبود تقسيم الارزاق
يقوله اللي جاير الوقت عاقه
ولازال في غيبوبة الهم مافاق
من العتاقه بادين بالعتاقه
ولي يوده صار شوفه بالشفاق
ولا قال هذا القول قصده طفاقه
ماقال هذا القو الي من نار الاشواق


(الشاور غشاني)

من بلاد الشام جينا بالمكينه
فوق فرت ماتخثع بالطماني
يحتدي مثل الجمل تسمع رطينه
مع طمان القاع مثل الثعلباني
والشفير من المدارس مطلعينه
عيدهي يجدعه جدع الحصاني
قذلة الطربوش ناطلها يمينه
عن ظلام الليل شب الكهرباني
ماتجيه يسار رجله شوف عينه
غير يسر الطاركي باليماني
يوم قال له الخوي عاشت يمينه
شد رجله للكمك واحد وثاني
يالله انك تنصره من نصر دينه
ان عطى له مع غبا والا بياني
قلت يالمطنوخ انا عيني حزينه
عن شراب اللف ابيه وعنك كاني
قد رمى بالكيس قدمي قال وينه
دوك مابالجيب عن شي لهاني
يقصد الكبريت معي منه عينه
قد منا تلت غراميل متاني

قلت ثالث قال يالله لاتهينه
قلت خامس قال قير يطلب نقل ثاني
قالت واحد والكمك ظام المكينه
قال لي من يرحم القاسي لياني
قلت والله يرحمونه صانعينه
قد زعلت من اللهيب اللي غشاني
قال ماتاثق بذمه مقننينه
عن مشاور غير عرفي قد كفاني
قاطع عرقين مدري وين وينه
قد وصلت الأرض واسمع صوت ثاني
يوم يرفع موخره قو المكينه
يرتخي صدره وانا الشاور غشاني
قلت دوك اللف خابو شاربينه
غطني عن شوف شي قد غشاني
قال عن وقلت بأيا لحينه
قال قل ناسي خوي مانساني
قلت عاش الشيخ واللي ناجبينه
عادة الطيب اليا جا الجد عاني



(صدر وردوف)

يابنت ياللي عمرها صدر وردوف
بيض محاجرها وحلو نباها
ودي بشوفك مير يوم اقصر الشوف
عيني بعد هاك الرمد قل ماها
سويت لي يابنت بالعين معروف
بأسباب رجل بعدتها خطاها
والا ترى قلبي ليا اصطك بالجوف
اومى بحالي لين تابس عصاها
( لاتجربونه)

ياهل الونيت اللي يبي مشتل البيب
مادق صدره بالخطوط الغزيره
يوم يتخثع مع محير الأداعيب
يشدي تخثع جادل في حريره
لاتجربونه مايبي الفرت تجريب
قد جربه بالبيت الأبيض خبيره
عدوه لابن حزام سيد اللواعيب
لعاب زينات البيوت العسيره
ثم قل لقاعد مانبي منه تدريب
الوقت دربنا على كل سيره
لو كل من قاد السبب يعلم الغيب
ياما كرهت النفس من باب خيره
ان قفت الأيام ماها مغاريب
واليا اقبلت يازين صافي غديره
قل له رميت الكيس بين الشواريب
واليوم ادوج مالقيت اتعميره




(لاتسقط شرفها)

الله من شي بحالي نحفها
من مالجى بالقلب حالي نحيفه
من كثر ماتكتم تزايد تلفها
بين كداها بالعروق الصخافي
كم واحد له حاجة ماصرفها
يصد عن صرافها لايضيقه

يخاف لايقضب نديم طرفها
قلبه صدى واطراف جسمه نظيفه
والله خلق بيد الذلول وعسفها
للي يبي المنهاج مثل القطيفه
والفضل للي مدها ماقصفها
وانهج من الدار المحل للمريفه
وانصحك ياللي غرته ماعرفها
شيب تشيب مايحول رديفه
رديفها يركض ويركز هدفها
وقت يقص العظم من حد سيفه
وان جتبك الدنيا وجابك صدفها
لاتعتزي بأهل النفوس الضعيفه
وأنصحك نفسك لاتسقط شرفها
ترى بعض بيض المجالس مجيفه




(خبيث التجاره)
لاوالله الا طولن بالوقوفي
عيا يحملهن خبيث التجاره
بفلوسنا ياعبيد ماش معروفي
متى نجي ياعبيد مع خشم صاره
ياركب من فوق صاف البلوفي
مقعد امبير الزيت نيم الحراره
فراق مابين القلوب الولوفي
فرت كما وبل السحايب غباره




(شيب الفلاحي)

بديت ذكر اللي بسط سبع بوتاد
واللي رفع سبع بليا عمدها
والكار للي صار غيث للأجواد
لاقبلها صارت ولا من بعدها
زايد على كل العرب بالوفاء زاد
ساق المراجل لين وقف عددها
حلحيل حلو مر زراع حصاد
كبد يداويها وكبد لهدها
ولي عجوز من ورى شط بغداد
سمت على شيب الفلاحي ولدها
تبغاه يطلع مثل زايد ولا فاد
ماكل من هاز الطويله صعدها
ياشيخ انا جيتك على غير ميعاد
من خوف روحي لايجيها وعدها




(صنايع يهود)

الا يانديبي فوق دوج عليه شراع
ماقال انفخ التشريق جاء في مواصيره
ليا هبت العليا وقام العجاج وراع
يهيظك مع السكه تزاوغ معاصيره
صنايع يهود لايبدل ولا ينباع
يقربك من دار ويبعدك عن ديره
بعد ماطلعوه مشيك مايبي المرجاع
سمع من وراه الفوج غنت مواطيره

ليا دق سلفه قام صوته يرج القاع
ماجاه المعاون يشتغل في مساميره
عطاه اثنين وداس بلأبنص وفاع
رزيمه رعد مزن تهلع دناقيره
خرط له بثالث عقب نشه بعزم وزاع
شتله برابع مايضيع تغاييره
ليا شال عزمه ريحه آمن مارتاع
مسك مع يمين الخط ويلد لأنبيره
نص جو سمنه مايبطنج مع الأرواع
منصيه شيخ ماتبطل جزازيره
على سلم جده مايشاور ضعيف الناع
يدلك بفعله كاثرات دواويره




(حج الجمل)

انا ليامني نويت افتل البيت
فتلت والشعار ما ينقضونه
بينت راسي للمغني وغنيت
وين انت ياللي مرمسات ديونه
حج الجمل ياهل المثايل وحجيت
والناس راس العبد مايقطعونه
دوك السويتش وشغل الفرت يابخيت
وارد حفيز وكاملات فنونه





(عجل على المسجد)
ياكثر يافيحان صبر صبرناه
امس الشهر عديت باقي اسبوعه
لاتغبط اللي صار زوده بدنياه
يتبع هوى نفسه وغير طبوعه
مخطي طريق الحق غاد بعمياه
يجمع وصخ مال زوال نفوعه
اغبط تقي صار زوده بتقواه
عبد لصوت العبد يرخي سموعه
يفرح بصوت منادي الحق ناداه
عجل على المسجد بطيْ ركوعه
والا ترى الدنيا حدود مسماه
لابد مايقفي وتقفي زروعه



(رجتني الأيام)
ياسخيف الذرعان ماني بمرجوج
رجتني الدنيا بغدر وحيله
يابنت لولا اللي على تاسع الفوج
تركت نجد وعزوة بالقبيله
لاشك حاديني على نجد هيدوج
مسقي الفيافي لين يدرج مسيله
تركي ليامن الليالي غدن عوج
حمله عتيبه كلها ماتشيله
يرسي كما مينا البواخر على الموج
ومنين ماصك البحر يرتكيله
مادام تركي حي ماودي ادوج
وان غاب غبت من الرجوم الطويله


(انحاس بالي)

انحاس بالي يامحمد وصديت
من كثر الصدات قلت شطونه
ماني وانا بندر بهيت ولد هيت
هيت يجامل خمة يكرهونه
من كثر ماجربت واقبلت واقفيت
قولة هلا لمن لايودك مهونه
سلط على النصراني اللي لقا الزيت
لعل نبع الزيت يعمي عيونه
لاشك تحتاج المراجل شفاليت
تحتاج شي يقصر النذل دونه
عزم على الفرجه وقطع الخلا الميت
حتى عيال البوم مايقطعونه
ثلاث*من كل المعاني تنقيت
واللي بقى كل الملا يقدرونه
مابغى جزاهن غير من خالق البيت
عمالهن للناس ماينفعونه



(دوك الفرت)
يامنير دوك الفرت واخذ الفواتير
وافحص عليه ودخله بالقراجي
اللي يبي بنزين ركب مواصير
واللي تبيه النار ركب بواجي
واليا ستعد وصخر البعد تصخير
تصخير شيهان لفرخ الزراجي
حده على اللي مايعد المخاسير
ركاز عمدان الخشب للنعاجي

ثم قل لبو بندر ترى وقتنا غير
تبدلت سحب المطر بالعجاجي
قومه عتيبه شيوخهم مابهم خير
لايدعي بشيوخ شيوخ الخراجي
نبكي سيوف سمرت نجد تسمير
تسمير عود الساج في عود باجي
حدن محمد ابن هادي ورى النير
والفرم محسن عقبنه سواجي
ربع رسو بين الحفيفين يامنير
ماسلمو لمدور الباج باجي
رحنا ندوج ونتسمى مناصير
نمشي على البيدا بليا مزاجي
متى يجي في نجد بعض التغايير
حتى يجي للصابرين انفراجي
يا ناس خلوني علي الارض لا طير
لين اضبط البراد واكل اعلاجي
اعلاج راسي حبتين بقصدير
الي عليهن رسمهن بزدواجي




(بالسلك يندار)

يامنير عمر لي من التتن معمار
يبري الغليل اللي على القلب كالي
ولا رفعت الصوت وابديت ماصار
من شان تدري ويش ولا بحالي
مكفاك مني سجتي بعض الأمرار
انهج جنوب وحاجتي بالشمالي

اركض مع الدنيا كما ركض دوار
ياما كسب زندي وياما غدى لي
الله على اللي عايروها بالامتار
طراز بنج شغلت بالعدالي
زادو هواها واطعموها من النار
حتى امبير المنجضع عد صالي
نشت سما ماجربوها مع القار
طارت مطير الطير ربع الكحالي
تلفي على اللي في طرف هجر سنجار
يشدي جبل سنجار بين الجبالي
باطراف بيته للمواجيب شنكار
معلاق كبش عند راعيه غالي
ثم قل لبو بندر ترى الوقت دوار
يفطن تراني منفعه لو شكا لي
ان زان وقته صار بالسلك يندار
وان شان قص مروبعات الحبالي
كم واحد بين العماهيج هذار
مغترته نفسه بكبر الضلالي
يبلس على ربعه ويدنع بالأسوار
ويعد نفسه من حساب الرجالي
كفه بخيل وقلبه انجس من الفار
اسود طرف وادغم من السرمدالي
هذاك بعده خير ماكنت بختار
اجزاه بالصدات وابعد مجالي
ابعد مجال الرجل عن كل هذار
واصبر على الصكات والعمر بالي
وليا وطني غبر الأيام بأزوار
غيري جماعه ماوطني لحالي
شفت الوزا واشتلت لي منه قنطار
وان جيت اعدله شرق للغرب مالي

عبر على الدنيا من العسر لايسار
ماظنتي فيها حرام وحلالي
حرام للفنجال سوقه ليا فار
الا على اللي يرخصون الريالي
وانا اللذي ماقول في نجد شعار
وان كان به شعار محد حكى لي




(ذباحة التيس)

ياعنك ماتغنيك ذباحة التيس
ربع السعد مادام حملك خفيفي
واخير من هاك الوجيه المفاليس
البعد عن معروفهم لو تضيقي
يلحقك منهم بعض الأيام تنجيس
تاطا النجس لو كان ثوبك نظيفي




(يامشتري حظ)
يامشتري حظ جزى منه راعيه
ياسايم حظي تراني سموحي
ارخص عليك البيع ماني بمغليه

واشرط عليك انه سدوح لدوحي




هذه قصيدة قالتها ام بندربن سروربعد وفاته


( الضلع القصير)
طويت حبل الياس يابدر دونه
وجاني عليه من الأذى ماكفاني
في الليل جسمي مقلقاته همومه
والعين تسهر ماتذوق المنامي
عليه روحي يابسات شنونه
وحره على الضلع القصير كواني
امشي وقلبي يابسات غصونه
ومني صناديق الضماير حطامي
بلا مرض حالي تقول مهيومه
والكبد صامت عن لذيذ الطعامي
اللي عليه القبر ركزت وسومه
ولاعاد يمحى وسم حزنه دوامي
يابدر متى الوسم تدخل حتونه
من نو مزن مانشا بالغمامي
ابيه يزي القبر ماء مزونه
يزيه ربان السحاب الهشامي


أنا الذي ما ابدي على الناس سرّي
من خوف سودان الوجيه تحكي به
أصبر على ظيم الدهر و التعرّي
من شان من يرضى عليّ الغليبة
و ابعد مجالي عن عيال التزرّي
من لا هوى قلبي دواه المغيبة
واخاف لي من مجلسٍ ما يذرّي
في جانبه بومٍ حساسه صليبه
و سوالفٍ مابين بحث و تحرّي
يجرح فؤادي عيّه و ابتلي به
رضيني المقسوم خيري و شري
سبحان من لا تعلم الناس غيبه
أحدٍ على ربعه يحب التحري
للشر بلاس و خيره بجيبه
هذاك يالربع انا منه متبرّي
لو عضّني ناب الدهر ما انتخي به
من خوف يضحك لي و هو يستغرّي
يفتل حبال السّوْ ما يندري به
يفرح عليّ بكل شيٍّ يمرّي
و ان شاف يمّي خير عنّي نهيبه


الا وا وجودي وجد من صك دونه باب
بقفل اعجمي مغلقات مساميره
عَدَو به على اللي كنه النسر بالمرقاب
على الجمس الأصفر كاملات شراشيره
معه فرت خمسة طن ياخذ مية ركاب
من المال عيّن ينقلنّه تغاييره
دخل هو و حِمله للحكومة بغير حساب
و راعيه عشر سنين و يعاد تقريره
على اللي كواني كيّة العظم بالمشهاب
على أقصى عراوِ القلب محمي مناشيره
بعشيري ورا الكوده وانا من ورا مشعاب
بعيد قريب تعيب يا هون تيسيره
ولا يوصله كود " فرت " عليه اسطاب
ليا حاسب السوّاق تقدح مواخيره
صنايع بياطير الكفر لابسين الكاب
عصاة اليهود اللي مشاريبها البيرة
ألا يا نديبي فوق فرتٍ ورد من شرق
على راس قيره للعليمي تعاشيقه
من الوارد اللي جمركه عند راعي عرق
على المطرق مجبور ياخذ قماريقه

يا رشيد يوم أتعبتني بالتناشيد .. . خذ لك من الدرويش زبدة قصيده
ليا عبدت الله ولا أشركت تعبيد .. . ترى محمد صفوة الخلق سيده
و ترى أبرك الحاجات يوم صدف عيد ... جمعة اسبوع و صادفت يوم عيده
و اذكر لك الاجواد صد و صواميد .. . و ؟؟؟؟؟ لا صدت ولا من صميده
و اذكر لك اقشر ما على السيد و البيد ... اللي طمع بنت القصير الحديده
فضح قصيره عنده انه كسب فيد .. . سولف بها للناس خطو البليدة
سولف بجرحٍ ما لجرحه تضاميد .. . زوّد لجرحه جرح ينزف صديده
ليا وطاك اللي وطاني تراديد .. . رد السؤال ولا تخبر بريده
اضرب ثلاث بعشر و اجمع تفاريد . .. و فرق على العشر القليد بقليده
واللي بقى لو تفرقه للمواديد . .. كم تفرقه بين الوديد و وديده
أنا الذي قد مرني سلك تجنيد . .. خدمت به سنين عديده
مرحول هم و كل شي له أجيد . . اجيد زين و شين و الهم اصيده
اسمع صرير القلب بين الجواريد . .. حدّنه الاضلاع و اسمع صريده
صرير فرخ حده اقطم صواريد .. . اول طرد قرناس ثاني حريده
هذا و انا شفت الوزا و التزاهيد .. . لا اقول حي ولا تحت قبر ريده
والله ما أهني قاضي العمر ترغيد ... ابن اللئيم اللي حياته رغيده
أهنّي القلب الخطا بالمراقيد .. و ضب الخلا لو ياكل رديده
ما يطلع القرناس من عش بطّه .. . و الجبو ما يحيي النوامي شفيطه
ليا صار من ربعك اقيشر و نِطّة .. هزّ المحالة لين يفرط شريطه
تراه ما ينفع عساها تلطّه . .. خيال دجل و مثل عنزٍ ربيطة


وهاذي بعض المقاطع

---------
يا بنت ياللي عينها عين شيهان .. . حرّ قطامي فعوله عطيبه
والقرن ذيل اللي تشعشع للاكوان .. . بنت الاصيل اللي طويلٍ سبيبه
و الردف يطوي الثوب و العود ريّان ... و الخد بارق مزنةٍ مستجيبة
أسايلك بالله خلاق الانسان . .. الله عليتس انتي من أيّا عتيبة ؟؟؟
------
يا زين فنجال على نومة الناس .. . زرع اليمن و اللي مسوّيه عيده
يبري العماس اللي فضى خوتة الراس ... روابع يقفي و يقبل بريده
----
يا بنت ياللي عمرها صدر و ردوف . .. بيض محاجرها و حلو نباها
ودي بشوفك مير يوم اقصر الشوف .. . عيني بعد هاك الرمد قل ماها

ماني وانا بندر بهيسن ولد هيس ... هيسٍ يدنع عند حرمة قصيره
ليا بغيت اجلس ترى لي مجاليس ... وليا بغيت انهج دروبي عسيرة


ماني وانا بندر بهيتٍ ولد هيت ... هيت مقابل خمّةٍ يكرهونه
من كثر ما جرّبت وأقبلت و أقفيت ... قولة هلا من لا يودّك مهونة


ماني وانا بندر على درب الأنجاس ... اللي قريبٍ تفلها من لحاها
أنا بدرب الصيرمي عدم الأجناس ... زيزوم روق ليا تنصّت عداها


ماني وانا بندر بنصّاي جابان ... شوخ الجموس مناقرين الحليلة
ليا صار لي لازم نصيت ابو فيحان ... شيخ الشيوخ مكمّلين الجميلة


ماني وانا بندر براعٍ ولد راع ... انا الحصان اللي طوالٍ حباله
إبن سلايل خير من شالت القاع ... المصطفى الهادي وديع الرسالة



صوتي وانا بندر طويل ليا بان ... إن ما خشيت الرب ويش اختشي له
ما ينرمي قولن على غير نيشان ... و من لا يثبّت حجته ويش هي له



وهذا احدي ابياته التي قالها في الكويت عندما شاهد فتاه في الصف الثاني اعداداي
يا بجاد لو صادفت وِرعٍ صدفناه ,,, على طلوع صفوف ثاني إعدادي
ابو جديل يوم تدلج زواياه ... سبّاح غبّات مع الموج غادي
يمكن يصبّون الذهب من شفاياه .. والا بخده يزرعون الزبادي


قصائد نادره لبندر

الختم والصورة




ياراكب اللي جديـد ويشتغـل تـوه
ماقط علي الثوينـي فـك ماطـوره
عصير مر القليـب والتانكـي روه
ملفك ماجد ربيع لاضيف أبو نـوره
شيخ تبات الظرايـا ماطفـي ضـوه
يوم أقشر الناس حذفه دون حنجوره
قل له تراني نويت الكتيـب بالخـوه
مليت ياشيخ من خوة هـل الكـوره
والله لاجى له من ورى نجد بعنـوه
لاجي بنفسي وأجيب الختم والصورة







الله عليك




يابنت ياللـي حـول فلـة خبيـان
الله عليك أنتـي مـن أيـا عتيبـه
لا ياعيون اللي على الطرد ولهان
حـرٍ قطامـي فعولـه عطيـبـه
والقرن ذيل اللي تشعشع للأكـوان
بنت الأصيل اللي طويـلٍ سبيبـه
والردف يطوي الثوب والعود ريان
والخـد بـارق مزنـةٍ مستجيبـه






تمر الفؤاد




والله لو أني بعض الأحيان أكنـي
نارٍ من الجمـرة تمـر الفـؤادي
لأغدى كما فرتٍ بقيـره يحنـي
حمله ثقيل ولا حصل له بـرادي
عليـك ياللـي بالمـودة شطنـي
ما شفت شكله مع جميع البـوادي
راعي جديـلٍ يمشطـه ومتثنـي
والعين عين اللي طلق في الهدادي







ذوق الحنيه




آه يافيحـان مـن بعـد المسافـة
بين نجد وبيـن ريعـان الحوّيـة
راكب اللي يعجب اللي يوم حافه
زين صوته بالسيـور المعدنيـة
زيـن الصنـاع شغلـه بالكيافـه
ناسجٍ حوضه على ذوق الحنيـة
يوصل الي بان بالقلب اختلافـه
عيت الأيام تسمـح لـي بمجيـه
شبه وضحى قيضت فوق اللصافه
ربعت بطبيـق وفيـاض الثنيـة
ماتلت راع الغنم مجيـف لحافـه
ثانية طق العصـى بـارد حتيـة
مع بلاوي زينهـا زود النظافـه
ماتمشـت بالرفـايـع 00......







معبد وجيه الناس




اليا صارما للشيخ بالسيف برهان
أتـرك رجـالٍ باللـوازم تجيلـه
ماني وانا بندر بنصـاي جابـان
كدوش الشيوخ مناقرين الحليلـه
إليا بان لي لازم نصيت أبو فيحان
شيخ الشيـوخ مكمليـن الجميلـه
دواس خطرات المشاكل كحيـلان
شيـخٍ إليامـس الحقـب ينعنيلـه
والحق حق وصرت للحق ميزان
ومن له ورايـه مطلـبٍ يدعيلـه
معبد وجيه الناس راضي وزعلان
ونزل السماء سبع الأراضي تشيله







يلعب هوى




راكب اللي مخ ساقـه خنازيـر وهـوى
أشهبٍ في مقدمه بارقيـن وعكـس تـاج
مترفـي متريـن مستبـرمٍ كلـه ســوى
حايفـه حطـاب ماسمكـره راع الكـراج
منوة الـي لأهلـه مشفـقٍ وألهـم نـوى
يوم يفتح خط بيـن أربعـه ثـور عجـاج
يوم يفتل للحرق والورق وسـط إنـزوى
ضد حرب وغرب والجمع ورجوم الحجاج
يـوم أحـده بالثلاثـة مـع اللفـة عـوى
عـوي ذيـبٍ محتدينـه مربيـة النعـاج
ثابت ما يحتـرك مرسـيٍ يلعـب هـوى
ارتفع جب ارتخى مثـل طايـرة المـراج
يرتفـع حطـاب بعصيـر لبنيـه رمــى
شرق غرب شمال بيمين الأبتل يـوم راج
عنبره والمسك سلطان من نـور السمـاء
والذهب خوذه وماء العود الأصلي يوم فاج







رستم قليبه




عز الله أني جزت ع كل ما قول
لاشك ردتني على القول ضيحـه
لا ياعيون اللي لياصـك بالجـول
منه أبرق الجنحان عجلٍ مطيحـه
ياعود ريحانٍ رفع غصنه الطـول
رستـم قليبـه مايهـون ضبيحـه
يوم استوى عوده على داير الحول
هجوا به التجار من زين ريحـه
ياشيخة الخفرات بالزين ودلـول
من مات من سبتك ربـه يبيحـه


الغزل عند بندر بن سرور

يعد الشاعر بندر بن سرور العتيبي واحداً من اشهر شعراء العامية في عصرنا الحاضر، ذلك راجع الى عدة امور من أهمها الظروف التي عاشها وعايشها الشاعر التي كان لها الدور الأكبر في تشكيل شخصيته وصقل موهبته الشعرية، اضافة إلى ما يتوافر عليه شعره من جزالة في اللفظ وقوة في السبك وسهولة في الحفظ، الأمر الذي جعل شعره قريباً جداً من متذوقيه وعشاقه، اذ حفظ شعره في الصدور ولما يطبع له ديوان شعري.
ولقد تعددت الاغراض التي طرقها شاعرنا، إلا أنه أكثر في شعر الحكمة، وذلك نتيجة لما واجهه في حياته من متاعب ومآس، جعلته يعيش حالة من القلق والترقب، تلك التي عاشها قبله شاعر العرب الأكبر أبو الطيب المتنبي، القائل:

على قلق كأن الريح تحتي
أسيرها يميناً أو شمالاً
وهو ما عناه بندر عندما وصف حياته قائلاً:


ما أكفاك مني سجتي بعض الأمرار
أنهج جنوب وحاجتي بالشمالي!!


هذا الشاعر الذي ذرع البيداء يميناً وشمالاً، وأكثر من الترحال، ولم يقر له قرار، ولما عاناه في حياته القاسية، قد يظن أنه أعطى صدوداً عن الغزل في شعره، وأنه لم يعشق، غير أن الحقيقة غير ذلك، فما هو إلا ذلك البحار الذي أنفق عمره في البحث عن حب وعن أحباب، كما يقول نزار!! إذ حمل بندر بين جوانحه قلباً أحب وعشق، وهام وجداً، فقال شعراً غزلياً رائعاً، إلا أنه لم يسهب في ذلك شأنه بذلك شأن صاحبه المتنبي القائل:


وللخود مني ساعة ثم بيننا
فلاة الى غير اللقاء تجاب

يتجلى جميل الشعر الغزلي عند بندر بن سرور عندنا يعلن في احدى قصائده عما يختلج في جوانحه من الوجد والهيام بقوله:

آه يا فيحان من بعد المسافة
بين نجد وبين ريعان الحوية!!


مطلع رائع يعطي انطباعاً وشعوراً بالغربة، ولكن ما أسباب ذلك الوجد؟!



يا صل اللي بان بالقلب اختلافه
عيت الأيام تسمح له مجيه
من يا ترى هذا الذي ادمى الفؤاد الأسير؟
شبه وضحى قيضت فوق اللصافة
ربعت بطبيق وفياض الثنية


نعم، إنه يحق لشاعرنا هذا التوجد على محبوبته، إذا ما علمنا أن الشاعر يعيش نجداً في حمارة القيظ، في الوقت الذي تقيض فيه جوهرة آماله في ريعان الحوية بالطائف!!
وفي قصيدة أخرى يتوجد الشاعر فيقول:


ألا يا وجودي وجد من صك دونه باب
بقفل أعجمي مغلقات مساميره!!
على اللي كواني كية العظم بالمشهاب
على أقصى عراو القلب محم مناشيره!!


والخطر هنا عندما يتمكن المحبوب من أعماق قلب المحب متجاوزاً شغافه، لذلك كان الوجد كبيراً لدى الشاعر، فهو ليس حباً عارضاً ، يزول بزوال سببه كما قال ابن حزم الظاهري!! إنه متمكن على الرغم من بعد دار المحبوب، يقول بندر عنه:


عشير ورا الكودة وأنا من مشعاب
بعيد قريب تعيب يا هون تيسيره!!

إنها صور شعرية متدفقة، تحمل إلى القلب والنفس ذلك الحزن العميق. ويقول:


ألا واهني اللي عن الحب ما قد تاب
وأنا تبت عنه وعدت له يا الله الخيرة!!


وفي قصيدة أخرى يؤكد في مطلعها على عزمه واصراره في التمسك الشديد بهذا الحب، يقول:






عز الله إني جـزت عـن كـل مـا أقـوللاشـك ردتنـي علـى القـول ضيحـه!!
ثم يسترسل في هذه الأبيات الغزلية الرائعة:لا يا عيـون اللـي ليـا صـك بالجـول
منـه أبـرق الجنحـان عجـل مطيـحـهيا عـود ريحـان رفـع غصنـه الطـول
بستـم قليبـه مــا يـهـون ضبيـحـهيوم استوى عـوده علـى دايـر الحـول
عجوا بـه التجـار مـن زيـن ريحـه!!يـا شيخـة الخفـرات بالزيـن وادلـول
مـن مـات مـن سبتـك ربـه يبيحـه!!وفي براعة الاستهلال الغزلي، يقول بنـدر:
سرى البارق اللي روس مزنه تنصت الغالعلى هجرة ابن سنـون وادنـي الشبيكيـة
إليا عـودت مالـي ومـال الحبـر ديـةعلى شان حصة جعـل يسقيهـم الوبـال




ثم لماذا حصة بالذات، ولماذا لم تكن سعاد أو نادية!! يجيب بندر قائلاً:


تتل الضماير تل غرب على محال
تصافق به الجيلان ملح اجماليه

هذا هو المعيار الذي ميز حصة عن غيرها من بنات الحي!! ثم يستطرد الشاعر ليكشف لنا خاصية من خصائص عالم المرأة، فيقول:


اليا نقضت شقر على ردفها ميال
تخابط سبلهنه مطارق شراطيه
ألا يا عيون اللي مواكيرها بالخال
توايق رقايب نجد ما هيب بحرية!!

وليعلم أن «حصة» ليس الاسم الحقيقي لمحبوبة الشاعر، إنما هو قناع اتخذه لعلمه أن عاداته الاجتماعية تنهاه من أن يصرح باسم محبوبته!! ولعلنا من خلال هذه المقالة نخلص إلى القول إن الشاعر بندر لم يوقف حبه على امرأة واحدة.
إنما رأيناه يتعقب الجمال في كل مكان، رأيناه أولاً في ريعان الحوية بالطائف، ثم رأيناه في هجرة ابن سنون حول الشبيكية، وثالثة رأيناه يطلب الجمال وراء الكودة، حيث يقيم عشيرة، وأخيراً نجده في هذا البيت يقول:


ابغى الذي بين المضيع وعكاش
روقية تزها يديها الخواصير!!


لى ان توفاه الله عندما كان متجها الى صديق له , خارج مدينة الدوادمي ,

حيث أحس ببعض الالام و توقف على الطريق ليرتاح , و كانت هي النومة الأخيرة

رحمه الله رحمة واسعة و تجاوز عنه .
.
و نترككم ختاما مع بعض الأدعية البندرية التي وردت في قصائده :


يا رب تجعل لي من الذنب غفران ... ...يا بارجن لايوب عقب اتهليله

يا رب تجعل لي من الذنب غفران ....... يا بارجن لأيوب ممّا بلي به



يالله يا جال الامور المهمة..... .. تجلى وهق قلبن برى حال راعيه

البر دجته و البحر رحت يمه ........ أدرح سبب حظ على الله مساعيه


و اعوذ بك يا رب من سعي الافلاس ....... و انته رقيب النفس تعلم خفاها















رد مع اقتباس
غير مقروء 16-Feb-2008, 08:40 PM رقم المشاركة : 2
معلومات العضو
عبدالرحمن الهيلوم
عضو
إحصائية العضو






التوقيت


عبدالرحمن الهيلوم غير متواجد حالياً

افتراضي

مشكوووووووور يالغالي


اضغط على الصورة لرؤيتها بالحجم الطبيعي















رد مع اقتباس
غير مقروء 16-Feb-2008, 09:15 PM رقم المشاركة : 3
معلومات العضو
نايف بن صلال
عضو نشيط
إحصائية العضو





التوقيت


نايف بن صلال غير متواجد حالياً

افتراضي

ابوكتيفه لاهنت على النقل اشوف إن هناك تغيير في بعض الأبيات وقد تكون معذورا فيها لعدم ضبط معضم قصائد الشاعر بندر بن سرور ولكن البيتين اللي منها ياناس خلوني على الأرض لاطير لين أشرب البراد00الخ
لأول مره اسمع إنها لبندر بن سرور وقد كنا نسمعها ب- يارب ثبتني على الارض لاطير -لين اشرب البراد وأكل علاجي مع العلم بأن القصيده كانت لدي بخط اليد من احد أقاربه ولم تتضمن هذين البيتين-
هل أنت متأكد انها لبندر بن سرور ----ارجو الإفاده















رد مع اقتباس
غير مقروء 16-Feb-2008, 09:31 PM رقم المشاركة : 4
معلومات العضو
عبدالله بن دبيس العتيبي

رابطة محبي الهيلا

إحصائية العضو





التوقيت


عبدالله بن دبيس العتيبي غير متواجد حالياً

افتراضي

اخوي ابو كتيفه والله لم اترك حرف الا قرأته

سيرة جميلة كجمال شاعرها

قصائد عظيمه

واحاسيس كبيره

اخوي ابو كتيفه سجل احترامي واعجابي بك لانك ابدعت في اخراج بندر بن سرور بصورتة الجميلة

وانا في انتظار مزيدك عن بندر

وتقبل تحياتي















رد مع اقتباس
غير مقروء 16-Feb-2008, 09:32 PM رقم المشاركة : 5
معلومات العضو
اخو شطنى
عضو ماسي
إحصائية العضو





التوقيت


اخو شطنى غير متواجد حالياً

افتراضي

بيض الله وجهك يبو كتيفه على جمع قصايد

بندر بن سرور العطاوي زيزوم روق
بيض الله وجهك وجهود تشكر عليها وان شاء الله الادراه تعي القيمه من الموضوع وتثبته

لله درك يبندر















رد مع اقتباس
غير مقروء 16-Feb-2008, 10:00 PM رقم المشاركة : 6
معلومات العضو
ابو كتيفه المحياني
عضو ذهبي

الصورة الرمزية ابو كتيفه المحياني

إحصائية العضو





التوقيت


ابو كتيفه المحياني غير متواجد حالياً

افتراضي

يقول المصدر الي جبت منه القصيده انه دخل هذا البيت للقصيده ليبينون للناس ان بندر لم يكن في حلته الطبيعيه يوم كتب هذه القصيده
وا رجوك ان تسرد القصيده التي عندك















رد مع اقتباس
غير مقروء 16-Feb-2008, 10:20 PM رقم المشاركة : 7
معلومات العضو
عبدالرحمن الهيلوم
عضو
إحصائية العضو






التوقيت


عبدالرحمن الهيلوم غير متواجد حالياً

Wink

اقتباس:
المشاركة الأصلية كتبت بواسطة ابو كتيفه المحياني مشاهدة المشاركة
يقول المصدر الي جبت منه القصيده انه دخل هذا البيت للقصيده ليبينون للناس ان بندر لم يكن في حلته الطبيعيه يوم كتب هذه القصيده
وا رجوك ان تسرد القصيده التي عندك
(( ماكل ماينقل سليم !! لازم ينقكح ويجهز !! والرجال مات الله يرحمه !! ارفعها















رد مع اقتباس
غير مقروء 16-Feb-2008, 10:59 PM رقم المشاركة : 8
معلومات العضو
محب الهيلا
عضو ممـــيز

الصورة الرمزية محب الهيلا

إحصائية العضو






التوقيت


محب الهيلا غير متواجد حالياً

افتراضي

مشكور وماقصرت















رد مع اقتباس
غير مقروء 17-Feb-2008, 12:41 PM رقم المشاركة : 9
معلومات العضو
ابو براك

رابطة محبي الهيلا


الصورة الرمزية ابو براك

إحصائية العضو






التوقيت


ابو براك غير متواجد حالياً

إرسال رسالة عبر مراسل MSN إلى ابو براك
افتراضي

مشكووووووور أخوي ابو كتيفه المحياني


على المجهود الرائع

وبيض الله وجهك

ويستاهل التثبيت

وأنا عندي سؤال

كيف مات بندر بن سرور

أنا سمعت أنه مات مقتول

هل هذا صحيح أم لا

وإذا كان غير صحيح

ياليت تبين لي سبب موته

والله يرحم الشاعر بندر بن سرور

ويغفر له ذنوبه















رد مع اقتباس
غير مقروء 17-Feb-2008, 02:51 PM رقم المشاركة : 10
معلومات العضو
ابو كتيفه المحياني
عضو ذهبي

الصورة الرمزية ابو كتيفه المحياني

إحصائية العضو





التوقيت


ابو كتيفه المحياني غير متواجد حالياً

افتراضي

اسمع القصه الاول تقول مات وهو ذاهب لبيت صديقه خارج الدوادمي
2-تقول انه مات بالمستشفي بالئبره ضربينه والائبره سامه من الحكومه لانه يحرض علي الانقلاب وقصائده سب وممنوعه يقول بندر
متى يجي في نجد بعض التغايير
حتى يجي للصابرين انفراجي
والقصه الاوله اقرب ان تكون الحقيقيه والله يعلم















رد مع اقتباس
إضافة رد

العلامات المرجعية


يتصفح الموضوع حالياً : 1 (0 عضو و 1 ضيف)
 
أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا يمكنك اضافة مرفقات
لا يمكنك تعديل مشاركاتك

BB code is متاحة
كود [IMG] متاحة
كود HTML معطلة



الساعة الآن »12:50 PM.


 Arabization iraq chooses life
Powered by vBulletin® Version 3.8.2
.Copyright ©2000 - 2024, Jelsoft Enterprises Ltd
اتصل بنا تسجيل خروج   تصميم: حمد المقاطي