الرئيسية التسجيل التحكم


اختيار تصميم الجوال

العودة   الهيـــــــــــــلا *** منتدى قبيلة عتيبة > منتديات قبيلة عتيبة - الهيلا > شعراء قبيلة عتيبة

« آخـــر الـــمـــشـــاركــــات »
         :: للمجاراة …. (آخر رد :نظام ساهر)       :: الشيخ صعب الحداري (آخر رد :الجزوم)       :: اكتب ميزةوامش( تميز المنتدى عن غيره من المنديات الاخرى) (آخر رد :مطرح البعارين)       :: الشمري ضيف عندكم يالهيلا (آخر رد :ابو طارق الشمري)       :: الحفاة في فلسطين (آخر رد :بن دويش المطيري)       :: وثيقة ثابت بن عواض العيلي النفيعي العتيبي- 1288 هجري (آخر رد :نواف العيلي)       :: أنا كل ماحطيت لي فالمراح نياق (آخر رد :حفيد المسنحاني)       :: كفاكَ اللهُ في المستهزئينا (آخر رد :امير الصفوى)       :: ياطارشٍ عندنا من فوق عرماسي (آخر رد :امير الصفوى)       :: هنا وهناك (آخر رد :مطلق الثبيتي+)      

إضافة رد
 
أدوات الموضوع انواع عرض الموضوع
غير مقروء 17-Aug-2006, 05:54 AM رقم المشاركة : 1
معلومات العضو
سهم العضيان

رابطة محبي الهيلا

إحصائية العضو





التوقيت


سهم العضيان غير متواجد حالياً

إرسال رسالة عبر مراسل MSN إلى سهم العضيان
افتراضي خلف ابن هذال هذا حقك (ارجوا التثبيت)

يالربع من الغريب اننا لم نذكر لخلف بن هذال الشيء الكثير وهو علم من اعلام قبيلتنا حفظها الله وهاذي نبذه صغيره عن شاعرنا العلم وتقبل التحيه ياابو هذال واخواني الاعضاء والمشرفين والزوار::

خلف بن هذال



البطاقة الشخصية
الاسم : خلف بن هذال بن محمد بن سمران الروقي العتيبي

تاريخ الميلاد: 1363هـ 1943م.

مكان الميلاد: ساجر

العمل: ضابط في الحرس الوطني برتبة (عميد)


ميلاده ونشأته

كان لمدينة "ساجر" في عام 1363هـ فرحة استقبال الصرخة الأولى لهذا الشاعر البدوي البيئة والنشئة ، معاناته بدأت منذ سنيه الأولى وتحديداً في الثامنة من عمره حيث توفي والده، ولظروف الحياة ومتطلبات الرزق عمل وهو صغير في السكة الحديد في المنطقة الشرقية براتب ثلاثة ريالات.
تخطى شاعرنا حدوده الإقليمية عام 1379هـ متجهاً إلى الكويت ليعمل في الجيش الكويتي لمدة أربع سنوات، ولكن لحبه للوطن وداعي الشوق للأهل عاد عام 1383هـ ليقابل الشيخ تركي بن ربيعان "أمير الفوج التاسع رحمه الله" ويخبره الشيخ تركي بأن الفرقة الأولى للحرس الوطني لديها حفل على شرف صاحب السمو الملكي الأمير عبدالله بن عبدالعزيز ويطلب منه تجهيز قصيدة لهذه المناسبة لتكون هذه القصيدة نقطة التحول في حياة خلف بن هذال، حيث إن الأمير عبدالله بن عبدالعزيز أعجبته هذه القصيدة ليمنح الشاعر خلف مكافأة تتمثل في تعيينه برتبة جندي في الحرس الوطني وذلك في عام 1384هـ.
القصة الكاملة عند التحاقة بالعمل

التحق كجندي بأولية الحرس الوطني وعمره 14 عاما وذلك عام 1377ه وعمل في البدع والوجه واملج وكان احد المرابطين على شاطئ املج المطل على البحر الاحمر اثناء العدوان الثلاثي على مصر عام 1956م، واستمر لمدة عامين، ثم ترك العمل وسافر للمنطقة الشرقية وعمل في السكة الحديدية براتب يومي قدره ثلاثة ريالات.


يقول الشاعر خلف بن هذال عن هذه المرحلة (في كتاب دولة ورجال) لقد كانت منعطفا في حياتي وتمثل محطة هامة لن انساها واتذكر عندما جاءنا المدير وقال انتهى العمل ليس لكم مكان في الشركة, بعدها عملت في ميناء سعود لمدة عام ثم اتجهت للكويت عام 1379ه مع مجموعة من اقربائي وعملت كجندي في الجيش الكويتي واتذكر حركة عبدالكريم قاسم حيث كنت احد المرابطين على الحدود الكويتية العراقية واستمريت قرابة اربع سنوات, ثم عاد للمملكة عام 1384ه واتجه للطائف والتقى بالشيخ تركي بن فيحان بن ربيعان رحمه الله امير الفوج التاسع عشر وذكر له ان الحرس الوطني سيقيم حفلاً بمناسبة تشكيل الفرقة الاولى وذلك على شرف صاحب السمو الملكي الامير عبدالله بن عبدالعزيز في الحوية واقترح عليه رحمه الله ان يكتب قصيدة لالقائها في الحفل والقى قصيدة جميلة نالت رضا صاحب السمو الملكي الامير عبدالله بن عبدالعزيز يحفظه الله الذي استدعاه بعد نهاية الحفل واثنى على القصيدة فطلب خلف من سموه الموافقة على التحاقه بالحرس الوطني وعين جندياً عام 1384ه.


وفي عام 1390ه طلب الالتحاق بدورة المرشحين الخامسة وقبل كطالب ودرس فيها ثلاث سنوات وتخرج عام 1393ه برتبة ملازم وتدرج في الرتب العسكرية حتى وصل الى رتبة (عميد) الآن.


وعن تجربته في الحياة يقول الشاعر الكبير خلف بن هذال: انها مليئة بالتعب والكفاح والتنقل من مكان إلى آخر, لقد فقد والده وعمره اقل من عشر سنوات وعاش يتيما يصارع الحياة بتقلباتها ومتطلباتها مما دعاه للبحث عن عمل وعمره 14 عاما، ومع تنقله الكثير من عمل لآخر ومن جهة لاخرى، إلا انه لم يشعر بالاستقرار الا بعد ان التحق بالحرس الوطني الباسل الذي بناه وشيده صاحب السمو الملكي الامير عبدالله بن عبدالعزيز حفظه الله.



علاقته بالشعر


اما عن علاقته بالشعر فيقول خلف: قد تستغربون انه ليس في اسرتنا شاعر ولم اتأثر بشاعر من قبل ولم اتعلم الشعر على يد احد,, بل كنت انظم ما كنت اعتقد انه شعر وعمري سبع سنوات عندما كنت ارعى الابل والغنم في ساجر، وفوجئت بأن ما اقوله من شعر يلقى قبولا عند الناس.
ولعل في حياة البادية والترحال والطبيعة والسفر والغربة والظروف الصعبة، اضافة الى العسكرية قد شكلت في داخلي هاجس الشعر فكان المتنفس هو الشعر,, واول قصيدة كتبها كان عمره 13 سنة من 30 بيتا كما انه كان مولعا بشعر القلطة (المحاورة) وهذا اللون من الشعر يصقل موهبة الشاعر وينمي البديهة وقوة الذاكرة وقدر له ان يشارك في قلطات مع كبار الشعراء انذاك مثل مرشد البذال مفرح الضمني لويحان ، مريسي الحارثي عوض الله بن سليم المالكي مفرح الهرشاني شليويح المطيري الجبرتي أحمد الناصر عبادل المالكي ثواب الجعيد محمد بن تويم البقمي وصولا الى شعراء الجيل الحالي المعروفين مثل: مطلق الثبيتي رشيد الزلامي المعنَّى البقمي فيصل الرياحي صياف الحربي مستور العصيمي,, وغيرهم.

أوبريت كتب في جنادرية 10 عام 1415هـ ( دوله ورجال )
يقول خلف ..أرى هذا الأوبريت بكل فخر واعتزاز.. فهذا الأوبريت يعتبر صفوة ما قدمه خلف بن هذال عبر المشوار الشعري الممتد منذ البداية.. وأنا أعتبر أن أغلى مكافأة تحققت لي هي كتابة هذا الأوبريت الذي أخذ زينته بعد أن عُلق على صدر هذا الوطن الغالي.. علماً بأن النجاح ليس محصوراً على خلف بن هذال بل يشاركني فيه الدكتور الملحن عبدالرب إدريس والفنانون المميزون محمد عبده، طلال مداح، سلامة العبدالله، عبدالمجيد عبدالله، راشد الماجد.



الحوليات التي ينتظرها الجمهور


اما عن الحوليات التي ينتظرها الجمهور في كل عام فقد بدأت عام 1385ه وألقى أول قصيدة له في منى في مناسبة الحج وكان حينها جندياً في الحرس الوطني أمام الملك فيصل يرحمه الله وتتكون من 70 بيتا ألقاها بعد الشاعر المرحوم احمد الغزاوي واستمرت قصائده في منى بشكل سنوي حيث القى حتى الآن 34 قصيدة في 34 عام, ولم ينقطع اطلاقا حتى الآن.


ويقول خلف أن قصائده تتراوح بين الأربعين إلى السبعين بيتا والمرة الوحيدة التي كتب فيها قصيدة جاوزت هذا الرقم كانت عام 1380هـ حيث نظم قصيدة نصيحة بلغ عدد أبياتها مائة بيت.


الشعر الغنائي

وأما عن الشعر الغنائي: فتجربته فيه قديمة وجديدة فقد كتب هذا اللون من الشعر اثناء وجوده في الكويت ما بين عام 1379هـ و 1384هـ, وبعد أن عاد للمملكة ترك هذا الجانب من الشعر إلا أن بعض الفنانين عادوا لتقديم بعض أعماله الغنائية القديمة مثل محمد البلوشي الذي أعاد أغنية يا نار شبي وعلي عبدالستار الذي غنى (يا حبيبي) وهناك عدد من الفنانين من المملكة والكويت طلبوا التعاون معه في بعض الأعمال القديمة والجديدة .




أهم أسلحة حرب الخليج


عندما قالت مجلة المختلف الكويتية بعد انتهاء حرب الخليج وتحرير الكويت ان اهم الاسلحة التي استخدمت في حرب تحرير الكويت لم تكن توماهوك ولا كروز ولا الشبح بل كان خلف العتيبي,, فهي لم تخالف الحقيقة فالمتابع لتلك الحرب بكل مراحلها يدرك حقيقة ما ذهبت اليه المجلة فبعد الهجوم العراقي على الكويت وتشريد اهلها نظم خلف قصيدته المشهورة (يا الله بامانك)، والتي رسم فيها بفراسة وذكاء شديدين مسار الأزمة وأكد ان الكويت عائدة لا محالة في وقت كانت كل التقديرات العسكرية المؤسسة والقائمة على استراتيجيات ودراسات تذهب بعيدا عن ذلك، بل واكد البعض ان تحرير الكويت يحتاج الى سنوات, وحده خلف بحنكة البدوي وفراسة ابن الصحراء رسم مسارا سريعا لما بعد الغزو.


وبتوفيق من الله عز وجل ثم بوقفة خادم الحرمين الشريفين المشرفة يحفظه الله وحكومة وشعب المملكة والدول الصديقه وتكاتف الدول العربيه حررت الكويت وعادت حرة أبية.


وعندما قام الشاعر الكبير خلف بن هذال العتيبي بزيارة دولة الكويت الشقيقة بعد التحرير واثناء لقائه بسمو الشيخ جابر الأحمد الصباح امير دولة الكويت أثنى سموه على دور خلف بن هذال كشاعر وكسلاح فاعل ومؤثر اسهم في رفع الروح المعنوية لدى الكويتيين.
وقال له الشيخ جابر انني عندما اتذكر قصيدة خلف بن هذال، تتداعى امامي على الفور وقفة المملكة قيادة وشعبا بقرب النصر وانني سأعود الى دسمان وهذا ما رواه ايضا سمو الشيخ سعد العبدالله ولي العهد وهذه القصيدة يعتبرها المراقبون الذين رصدوا حرب الخليج احد أهم محطات التحول في مسار الأزمة.


وقبل تحرير الكويت وبعد معركة الخفجي نظم الشاعر خلف بن هذال قصيدته الشهيرة (يا وطنا يا وطنا) التي القاها في كلية الملك خالد العسكرية امام سمو ولي العهد والتي حفلت بالمعاني الجميلة والقيم الاخلاقية والإنسانية بل إنها جسدت اخلاقيات وتعامل الجندي المسلم في الحرب وكانت ملحمة شعرية وطنية سكنت الذاكرة وحفظها الملايين.


وقفات شعريه مع خلف
يا زولٍ بوسط السوق شفتـه يمشـي يمشـي مـع طلـوع الشمسـي=لابـسٍ ثـوبٍ قصيـر ولا تعلّـم لبسـت البشـت الطويـل الضـافـي
آه وا عيني ويـا راسـي ويـا قلبـي وألا يـا حمـس كبـدي حمسـي=من محبة واحدٍ شفته ومن شفتـه وانـا عينـي تهـل ادمـوع دمٍ صافـي
صابني باربع خناجر كلهـن وسـط الحشـى نجـسٍ رمسهـن رمسـي=كل خنجر ما قضبها إلا حباسٍ صابهـا يضـرب بزنـدٍ جامـدٍ متعافـي
آه واويلاه يامن سنها يـوم احسبـوا لسنينهـا ماغيـر عشـر وخمسـي=صورة تخضع لها العشاق والخلق الجميل من العروش ينـزل الأشرافـي
طالبك يا سيد عيني لا تحيرني وتسهرني ترى نومي من امسـي عمسـي=ما دريت ان المحبة المحبة المحبـة المحبـة علـة دخـلا وسـمٍ خافـي
يا وليفي كف كف اكفاك من يكفي العيون السالمه من شر لطـم اللمسـي=كيف ترخص واحدٍ يغليك وانت منوّلٍ تعطف عليه وتاصله وتمده حقه وافي



................................................
انا ما ازهم ولا يزهم عليّه =مثـل نـاسٍ محبتهـم فضيحـه
أحب اللي سواليفه خفيّه=خفيف الـدم ابـو نيّـه صريحـه
ألا يازيـن ياكبـر الخطيّة=تشفقنـي ليالـيـك المليـحـه
عليك ابدع لحونٍ سامريّه=معانيهـا علـى حبـك صحيحـه
وانا قلبي معك صبح وعشيّه=و روحي منك ما هي مستريحه
ليا شفتك سقط ما في يديّه=أفز لشوفتك واصعـق بصيحـه
أموت ان كان ما تنظر إليّه=بنظرة عطف للنـاس الجريحـه
غشاك الملح و زياده شويّه=على فرقاك ما اسمع للنصيحـه
عيونك سود حوريه جريّة=وفي جسمك من الريحان ريحـه
ألا يا اسمر ترى النيه مطيّة=تبي تكسب على هجري مديحه
تفاجيني بحجـه جاهليّه=تـدش حمـى هـواي وتستبيحـه
تعديت الحدود وبرت فيّه=ورى نفسك على نفسي شحيحـه

................................................


سـلام و تحيـه يالـديـره الحـيـه=ياللـي قضينـا بهـا أيـام الاعيـادي
خضر ٍ ضواحيهـا والـرب حاليهـا=ما كفها الضلـع والعـرق والـوادي
العلـم مبداهـا والـعـدل يرعـاهـا=مصيو نة العرض من عصر الاجدادي
فيها حبيب ٍ لي بالـود صـاف ٍ لـي=أنـا مـراده وهـو غايـة مــرادي
عمري مشاركنـي بالعطـف مالكنـي=فيض و قيـس بعـد حـل بفـوادي
غصبن لك المنـه ياحـوري الجنـه=قم حط في رجلـي عقـال و قيـادي
النو م حاربني و السهـر صاحبنـي=دمعي على خدي أجـواز وأفـرادي
كفي على كفـي مجـروح و مخفـي=اخاف من هـرج عـاذل و حسـادي
هذي سنه هجري و الا عيان تجـري=و الفكر في و سط بحر الهواء غادي
ليلي مضى كلـه وانـا بطـار ٍ إلـه=سيـرة حبيبـي تغلـق و تنـعـادي
يامعطي الحسنـا حرقـت محامسنـا=ينقص على اهل الهوى بن و قنـادي
شفقن على الغايب قلبي منـه ذايـب=ذوب الحديـد ان تــولاه حــدادي
وجعان من حبه وأرجي شفـا طبـه=و الحب معروف من عصر شـدادي
لو صاحبي يدري عن ماحوى صدري=من هم وحـزون وغبـون وجهـادي
مـا كـان يشقينـي البعـد يكفيـنـي=القلـب مليـان مـاعـاد يــزدادي
لـو زاد يتكسـر جذعـه ويتخسـر= والشمـل مافرقـه غيـر الابعـادي


................................................
كـل مـاون قلبـي جاوبنـه الضـلـوع=من هنوفٍ سلـب عقلـي هـدب عينهـا
كن فـي عينهـا وإن ناضرتنـي جمـوع=حفرة المـوت فـي مقـرن حجاجينهـا
جاء نهار الخميس و فات يـوم الربـوع=والوعـد طـاف والاقــدام مشقينـهـا
حفيت اقدامنـا والعيـن تـذرف دمـوع=فرقا الاحبـاب لـو يـو ميـن ياشينهـا
يا مليح الكـلام و يـا حسييـن الطبـوع=صـورةٍ حافـهـا الرحـمـن يازينـهـا
فيك من ضبي نجد اوصاف واحسن رموع=وانتـم اللـي كبـود النـاس كاوينـهـا
ضامر البطن ما مسـة شقـاوه وجـوع=شجـرةٍ عـن سمـوم القيـض حامينهـا
فوق جمنٍ قـراح ٍ بيـن ذيـك الـزروع=ليـت مـن ذاق مـن خضـرة بساتينهـا
وان لحضني وانا ماشي عن الدرب اتوع=هـلـت العـيـن واختـلـت قوانينـهـا
القـدر نزلتنـي حـدر تسعيـن بــوع=تحت هيبتـك نعصـا الـروح و نهينهـا
يعجز اليـوم قلبـي مـن شبكـم يـزوع=شبكـة الـلـي مكسـرتـن جناحينـهـا
.................................................. ................

يقطعك يا حبٍّ توقـف علـى مـاش=و من حب حلوين المظاهر بلاشـي
اللـي يبيعـون المحبيـن بـبـلاش=حلوين الالسن و القلـوب الغشـاشِ
العرق لو يقصر عن المي ما ذعاش=و الشمس لو تغرب على الكون عاشِ
تفخر بزينك يوم تجفـل و تنحـاش=ما تدري اني منـك قانـع و ماشـي
من اولٍ عيني ترفـرف بالارمـاش=جفن غطا و الجفن الاخـر فراشـي
مطوعٍ لك قلبٍ ابيض مـن الشـاش=و مستدخلك بين الضلـوع الهشـاشِ
و اليوم اب أنقش سر حبك بمنقـاش=الله ولا حـبٍّ سعـى فيـه واشـي
................................................



تكهربني بنورك ياقمـر سبحـان مـن سـواك=وانا خطر ٍ علي اعوي عوى واجـاوب الذيبـي
والا ياجفن تنثرعبرتـك ياجفـن ويـش ابكـاك=ولوتبكـي نهارولـيـل ماتطـفـي لواهيـبـي
ولوتعرض على سبع الدول ماحد ٍ يعـرف دواك=جرالـي منـك ياجفـن العناسهـر وعواقيبـي
وانا عارف دواك مع الـذي لوغبـت ماينسـاك=خفيـف النـود مـن فرقـاه تقبلبـي وتقفيبـي
وانـاوالله يـاكـل المناماقدرعـلـى فـرقـاك=ولاغيـرك مـن الخـلان إلـى جيتـه يهليبـي
عجزت اعرف هدف سبة زعلك ولاعرفت رضاك=ابي منك الصراحـه وانـت فاهمنـي وتدريبـي
سلبت الحال واسهرت العيون وخاطري يهـواك=واصبت القلب يامطلـق عطيبـات المضاريبـي
مـضـت إيـــام مارحناولاجيناولاشـفـنـاك=دريت انـك عـذاب الـروح لاشـك ٍولاريبـي
عساناياحبيـب كـل ماجينـا البـلـد نلـقـاك=على شان المحبـه تتصـل شـرط ومواجيبـي
والا ياليتنـي كـل الدهريمنـاي مـع يمـنـاك=حلفت إلـك بيميـن اللـي يعلـم السروالغيبـي
نبـي منـك العهدلاعـاد تجفانـا ولا نجـفـاك=ابـي اكمـل مطاليبـك وكمـلـي ومطاليـبـي
واناقلبي وروحـي والعيـون ومابقـى يفـداك=جزا ً لـك ماملكـت فـداك يازيـن التعاجيبـي
شعرك اشقر وعينك ناعسه حـورا حلوماحـلاك=تحتك اخضـع مطيـع مريـع والاقدارترميبـي
رمتبـي تحـت اقدامـك مقاديـر ٍولاتخـفـاك=إلـى منـي ذكرتـك جرقلـبـي بالكواليـبـي

.................................................. .................................

يا عيد سود العيون استنكـرن منّـي=وشلون ابارجع وارجّع وقتي الماضي
اسأل عن حالهن مـا سائلـن عنّـي=الله يغربـل حيـاةٍ جوّهـا فـاضـي
يا عيد رمح الهوى بالقلـب طاعنّـي=والحب يمضي ورمحه بالهوى ماضي
يا عيد حدب الضلوع تصيح وتحنّـي=من عام الأول وانا صابر ومتغاضـي
يا عيد أنـا مولـعٍ بصغيـر السنّـي=والحال منّي قضى وأنا بعـد قاضـي
يا عيد لـي صاحـبٍ فاتـن وفاتنّـي=ولو مبسمه سمّ قبّلته وانـا راضـي
.................................................. ...........


سألت الليـل بعـد الليـل ولاأنا كيـف اتصبـر و ا تسـلا =فقلت اعطف لمن يرعى نجومك بجـاه الله عـنـي لا تـجـلا
تسلينـي وتنسينـي نـهـاري و تتركني وجرحـي مستجـلا =ثلاث ضلوع يشكـن الهضايـم علي المعلوق والقلـب ايتـدلا
ولا به ليل نامت فيـه عينـي و انا ما اذكر لهـا بالذمـه الا =ليا نامت تصحّيها حلـو مـيو ليّا صحيت تفيّضّ ثـم تمـلا
على ظبّيٍ تطاوعـه الجميلـه ليّا صكه هواء الغربـي تخـلا =من المو قع وخلا القفر خالـيعلى دربـه يتـلّ الريـم تـلا

.................................................. ...............



سوولي الكيف وأرهو لـي مـن الدلـه=البن الاشقر يـداوي الـرأس فنجالـه
كيفـن لنـا نحرقـه بالنـار ونـزلـه=و أليا انقطع لو وراء صنعاء عنينا لـه
البـارح النـوم ماغمضـت بـه كلـه=أراقب الصبـح جالـس واتحـرى لـه
ابحث شريطن مضـى وأطويـه وافلـه=وأقول مـن يحفـظ التاريـخ لأجيالـه
قـل للعراقـي يفتـش جعبتـه قـلـه=يلقى بها شـي مايطـري علـى بالـه
الهـم والغـم والطـاعـون والعـلـه=حقـه لحالـه كفايـه حـقـه لحـالـه
مـن صفعتـن بانـت بـهـا الخـلـه=يذكر هزيمة شهـر شعبـان و هلالـه
قام الثعـل يشتغـل ويشاغـل الشلـه=عزت وطـارق وعـد عـدي وأمثالـه
يذبح ويصلـخ يـده حمـراء ومبتلـه=شي يخلـي جبيـن الحـر ينـدى لـه
ياناس ياويـل مـن هـذا زعيـم إلـه=الشعب في وضع يؤسف له ويرثى لـه
شعبن شرب كره وأكل كره كـره ٍ لـه=يتفل على صورتـه ويـدوس تمثالـه
تبت يـدى ابـو لهـب تـب ٍ و تبلـه=واللـي معـه بالحطـب للقـوم حمالـه
مقبـل علـى طبختـن بالحيـل تعملـه=يو خذ بها الثار و الثورة تسـو ى لـه
حتى نسيبـه ولـد خالـه تحيـل لـه=لغم له الهليـو كبتـر وأنشـدوا خالـه
الله مايهـمـل الظـالـم ويمـهـلـه=وأن طال به عمر اخس شوي وأردى له
الحكـم منهـار والاحــزاب منحـلـه=ماخس مـن حالتـن فيهـا ولا حالـه
من ردى حظه في أهـل بيتـه يزولـه=صار الشجر قوم بعيونـه يـورى لـه
من كثر مايرتميـه يخـاف مـن ظلـه=و من يعلم الغيـب لـو عـدي قتالـه
صدام انا ابانشدك و ش انت حـي إلـه=مثلك بغبنـه يمـوت وموتـه اشوالـه
ماعاد تملـك مـن السلطـه خبـر لله=خارج عن السيطـرة دولتـك منزالـه
جمع عظامـك سـوات مجمـع الجلـه=واحرق بهـا مـادرى بغـداد برجالـه
الجيش يرزح تحت ضـل ٍ مـن الذلـه=والشعب مسكين تضحك بـه و تغتالـه
وإذاعتـك ياسويـد الوجـه منشـلـه=ماعنـدك ألا يـا لالـه يـا لالا لالـه
أي بله اسمعك زين أي بلـه إي بلـه=و ليـا تبيـن عـدو إلنـا وحنـا لـه
ماتـدري إنـا نعقـد الحبـل ونحـلـه=بالعسـر واليسـر حـلالـه وفتـالـه
نعسف الصعب ثم يجيك مزيـن ٍ د لـه=اديـب مايشتكـي عرقـوب جمـالـه
مانقتنـع بالهجـاد نصـبـح الحـلـه=مـع الغطاليـس رجلـيـه وخيـالـه
و الـدار ماهيـب يـاصـدام محتـلـه=ما استعمرت قبل حكم العـود وعيالـه
و اليوم عنها نسـن السيـف ونسلـه=من شذ وأخطى الطريق نصلح احوالـه
و الفهد تخسى عنه منـت بقبيـل إلـه=و طى ٍ برجله علـى غاربـك بنعالـه
منته بكفـوه ولا شـرواك كفـو إلـه=فهد يكـرم عـن المشبـوه واشكالـه
الفهد عز العـرب والعـرب عـز إلـه=وكم دولة ٍ تستغيث المـال مـن مالـه
العـادل العـدل والاسـلام شـرع إلـه=و لبيعة المسلميـن البيعـه أولـى لـه
و لا انت مهـزوم لا مذهـب ولا ملـه=مقطـع اربـع تطيـح بكـل محبـالـه
من مامظلـك تخـدع الشعـب وتظلـه=مفسد ويدعى عليك وفهـد يدعـى لـه
وين انت يلي له العـذرى تكحـل لـه=يقـوم لعيونهـا وتـشـوم لافعـالـه
من طيب ابوها تبي وصفه حلـي إلـه=يقلط علـى شوبـة البـارود وظلالـه
ابيـك فـي لازم ٍ قـدك وقــد إلــه=قمر عربسات يبرى لـك وتبـرى لـه
أمـر ٍ ضـروري و خلـك مستعدإلـه=منته مراسل تجـي و تـروح برسالـه
عنـدك مهمـه و قلبـك مابـرد غلـه=جدول مسيرك تعـرف العـام مدهالـه
اركب على اللي قنابلهـا مـلا السلـه=بمكبـرات الصـور بالـجـو جـوالـه
اخـذ المـدرج و تـل بريكهـا تـلـه=واخفقبهـا خفقـت الكـدري لمقيالـه
انحر بها خاين النهريـن وافطـن لـه=لاذكـر بالخيـر فـي حلـه و ترحالـه
حـدد مكانـه بتـل سكـوب و انزلـه=انـزل رويـدا رويـدا واكبـس الألـه
حربيـة ٍ عاديـه سـوداء تسلـل لـه=تسللـت مـن جهـة عمـان وجبالـه
جاته من الغرب عبر اجواء صديق إلـه=تحمـل علـى متنهـا حزنـه وسلالـه
ترسم هدفهـا علـى الليـزر وترسلـه=اشارة الضبط وبالمضـرب تهيـا لـه
ماتحملـه ترفعـه متـريـن وتهـلـه=مع ذرة الشمس في قصـره تحمـا لـه
تعطيـه ضربـه تـدك القبـو بالفلـه=و الشـر فالـه وفـال الله ولا فـالـه
من شـدة الانفجـار اقـول باسـم الله=تهتـز الاهـواز والبصـرة بزلـزالـه
في سبع الارض تحفرلـه وتدفـن لـه=من تحت الانقاض والانقاذ مـا شالـه
ياخذ سنه يلتهـب قبـره كمـا الملـه=ويذوب مع صنقل الساعـه و سلسالـه
ثم خل غيره يشـو ف و يعتبـر خلـه=و اللي يبي مثلهـا بالحـال تثنـى لـه
الضعف ما حطـه الطيـب سبيـل إلـه=قـد قيـل مـن لايعيـل تجيـه عيالـه

على الراعي سلام من الرعيه سنة الرحمن= من السنه سلام و للرعيه عاش راعيها
رعاه الله إمام المسلمين و للوطن عنوان= و رمز و نور نجد و عز حاضرها و باديها
حضرنا للتراث اللي يمثل ماضي العربان=و لا يبقى للأمة قيمةٍ من دون ماضيها
صحيح من قرا التاريخه يلقا به عربان و أوطان= قرونٍ حافله ما يمكن التاريخ يخفيها
هلا و مية هلا بضيوف حلوا في محل إخوان= تراحيب المضيف و بالضيوف الله يحييها
ملك و جنادريه و الأمان بديرة الإيمان= بلاد السلم و الإسلام و المعبود حاميها
بلادٍ تطعم الجايع بلادِ تكسي العريان= بلاد آمنه ما روّعت و الأمن كاسيها
و فيها قبلة المسلم و فيها من ولد عدنان=نبي قام و أدى رسالته بأسمى معانيها
دعا الأمه على المنبر سنين و علّم القرآن= لبر الوالدين أوصى و بالأرحام موصيها
و فيها شعب وافي و الوفاء ورثه من الجدان= على الشدات يرسي مثل ما ترسي رواسيها
و فيها من ملوك العرب من قادوا رسن و عنان=ميامينٍ تحت راية ملبيةٍ لداعيها
حموا شبة الجزيرة من جيوش الظلم و الطغيان=قياداتٍ تعاقب بأول الهجرة و تاليها
نفوز بشوف عبدالله و شوفه يرضي الزعلان= ليا شفناه كنا نملك الدنيا و ما فيها
تهاتف له جماهيره و تعزف له طرب و ألحان= أناشيد الفرح بحضور سيدها تغنيها
له بالفعل الجميل و له جزيل الشكر و العرفان= تحيات الثناء للقائد الأعلى نثنيها
تغشى سيدي بالورد و اليشموم و الريحان= على روس الأصابع صاحب الخبرة منقيها
تقدم في طبق لولو و بروازه من المرجان= هدية شاعر لمربي الأجيال مهديها
ملك نعم الملك شيخ الشيوخ مشيّخ الشيخان=ملك كل القلوب و يملك الغالين غاليها
فتح صدره و رحب بالجموع و شرع البيبان= تجي و تقابله و تروح مقنعها و مرضيها
تمد له القدح فاضي و ترجع بالقدح مليان= عزيز النفس وجه و جاه و القدحان ماليها
شجاع مع كرم و الظفر منجا و الكريم معان=عيون يذر فيها الشب و عيون يداويها
مواقيفه يسربها الصديق و تقهر العدوان= على وجه تباشير السعد تبدي مواريها
ملك مؤمن ملك مخلص ملك مدرك بطل ميدان= هذا صقر العروبه الساحه و مخليها
هذا المصلح هذا المفلح كلام الصدق بالبرهان=سياسة عبقري يرسم الخطة و يمضيها
ملك مد الجسور و خاطب العالم بكل لسان= طرح كل الدروس و من عظام الراس ممليها
تحرك و التقا بالشرق من ساسة دول و أديان=و له دينة و له رأي و علاقاتٍ ينميها
حكيم الرأي في حسم الأمور يقرر الميزان= ليا حطت موازين العرب من بين أيديها
يدافع عن عقيدة مالها في العالميين أثمان= كرامتنا عقيدتنا نموت و لا نخليها
علينا ما تهون و من تخضع للهوان يهان= يشوف الذل و يذوق المرارة عقب حاليها
تحدث عن قضية جوهرية جمدوها أزمان= فراعنة العذاب و بالخراب إبليس مغويها
رموها و تركوها المفسدين بسلة النسيان= تغط بنوم ما ندري متى الدنيا تصحيها
يسومون العرب بديارهم سوء العذاب ألوان= عساها للذهاب و يذهب المولى ذراريها
يحل أبها ما حل بقوم نوح ساعة الطوفان= تساوي بالسيفينة بأمر مرسيها و جريها
تعدي يالسفينه و أعبري بحكمة الربان= على بر الأمان مبرمج الرحله يقديها
حفظك الله ملك ياللي خذيت الشعب بالأحضان=قريب منه و كمومك على العورات مضفيها
على جنبك ولي العهد أخو نايف و أخو سلمان= رجل طيب و شخا و إن كبرت القاله يلاقيها
حجا الرملا رجاء الكهل الكبير مغذي اليتمان= تبارك ثم تبارك خطوةٍ سلطان يمشيها
عيال موحد الملك العظيم مشيّد البنيان=على الدين الحنيف يسير و النيه مصفيها
صبي توحيد و موحد و له قدر و مكان و شان=يقيم الشفع ثلث الليل و الآيات يتليها
صدق من قال خلص حاجتك بالسر و الكتمان= ليا بنات خصائص حاجتك وشلون تقضيها
شهر عبدالعزيز لما كره مثل أشقر الجنحان= مخاليبه من الفرسات أخو نوره محنيها
حمل روحه على كف شباب بزهرة الريعان= سواة مغامري من غير أبو تركي يسويها
يبي حلمٍ كبير و من وراه و دونه الفرسان= نشامى تجلتد و الموت الأحمر في يمانيها
ثلم حدب السيوف المرهفات و كسر العيدان= مداغيش العيال اليا اعتزت سكت عزاويها
هجد فوق الصويتيه و ريمه و الجمل ريمان= على ظهور الأصايل يأخذ الصحراء و يطويها
هجيج من المضحا للمعشى كنها غزلان= يسوج بطانها ببطونها و الليل ضاويها
عرايب من ركايب و الركايب من ركاب عمان= تقول إن الوحوش مع الخلا الخالي تباريها
ما جاته بالسوالف و العوافي جت بصفق أكوان=معارك طاحنه و العج شمس الظهر غاطيها
تزوع أبها العقول الراسيه و تشيّب الولدان= بها سود النواصي عوّدت بيضٍ نواصيها
جلا وجه الحياة و غاب وجه الفقر و الحرمان=و أزال الخوف و أعلن دولته و أصبح مسميها
و أببعث من فؤادي ما أختزن شوقي من الوجدان=على قوم توارت في سنه ماني بناسيها
فقدنا بالخليج و بالجزيرة للديار أركان=سلاطينٍ تساقط كيف ما نحزن و نبكيها
رحل عنا أربعه و الأربعه عدل و عطا و إحسان= من الدنيا خلت و لا تخلت عن مباديها
فهد و شيوخنا جابر و ابن راشد و ابن سلطان= رجالٍ سطروا لشعوبها مجد يكفيها
رجال الخير و التدبير و التطوير و العمران= بنت بلدانها بنيٍ يخلها بأساميها
ألا يالله تجزا المحسنين العفو و الغفران= تلهمها و الصواب و من عذاب النار تنجيها
إله الكون تمنحنا مزيد الصبر و السلوان= بعدهم و أنصر الحيين و أدحر كيد أعاديها
كريم القوم لا كرمته ملكته لك يصير مدان=هل المعروف لو هي بالقبور الذكر يحييها
و إن أكرمت اللئيم و طال عرفه صد عنك و خان= عليك يدوّر العثرات و الحسنات غاويها
و من لا يذكر الله و يتذكر ما فعل شيطان= ردي الحظ دايم للأذى نفسه معنيها
تحملنا و لا عاد نتحمل و المغطى بان=مبيتة الخدع في حقدها و الحقد معميها
و من ينوي لنا بشر هذا جاهلٍ غلطان=و نقول إله جاهل و الجهالة لا تطريها
و لا نجهل و إلا يجهل علينا كاينٍ من كان= ماهي بعلوم جهال حجاويها تسليها
و لا ضاعت حقوق و لا طلب من حقوق إنسان= حقوق الناس قبل حقوقنا حنا نبدّيها
صحافات تصدر بالفلس و الخزي و الخسران=بضاعه فاسده خسران بايعها و شاريها
دعايات تروجها العدا بالزور و البهتان=خرافه في صحافه مع مهب الريح نرميها
يبرّي ذمته من قال أنا صاحب قلم فهمان= يفكر في الحقائق و يتحقق قبل يبديها


السلام ولا سهى القلب عن ذكر الاله= ربنا اللي نزّل اقرا و علّم بالقلم
جل شانه في جلاله تبارك في علاه=منفرد بالغيب يعلم ولا غيره علم
نسأله عفوه و لطفه صمد ما احدٍ سواه= صوّر الانسان وانشأ وجوده من عدم
نطلبه الجنة و نرجيه من النار النجاة= في نهارٍ فيه خصمٍ اذا خاصم خصم
فوق عرشه مطّلع يستجيب لمن دعاه= ناصر المظلوم منزل عقوبة من ظلم
القمر خمسة عشر مستهلٍ في سماه= في جماله في كماله تهلل و ابتسم
و الوطن بايدي امينة تربّت في حماه= ذخر فتّاك الركايب اليا ازبد و التطم
البطل يذكر و يشكر على سعيٍ سعاه= بالعزيمة جاب ما غاب يوم انه عزم
اعلن الوحدة بيومٍ ملى الدنيا صداه= رُسمت الخطّة على عين رسّامٍ رسم
ثبّت المبنى على ساس يرحم من بناه= صرح شامخ ما تزعزع كيان ولا انقسم
المؤسس من نشد عنه تكفيه الرواة= و اسأل التاريخ و الوسم و أسم اللي وسم
استرحنا تحت امانه و نمنا في ذراه= تو ذقنا العافية تو ما ارتد النسم
البشير يجيب بشرى و يفرح من نصاه= ابشروا بالخير و الشر ولّى و انهزم
الوطن عهدة فهد ما مشى الوالد مشاه= حارسٍ مامون دون المحارم و الحرم
له علينا مبايعة و الولاء والله ولاه= من وفى بالعهد للفهد والله ما ندم
يوم جندنا المبدا رفيعٍ مستواه= نخدم الاسلام و لخادم الكعبة خدم
مرخص الغالي لشعبه وهذا من وفاه= رافع المبنى للاوطان يبني ما هدم
مكرمٍ يعطي و نعطي العطايا من عطاه= كاسب المعروف رجل المروة و الكرم
الكريم ليا حلب في قدح فاضي ملاه= راعي الكرما فهد و الفهد حر و شهم
دين ما مثله ترعرع و حلّق في صباه= يافعيٍ ينزع الحق وان غار انتقم
طلعته طلع السعد نادرٍ يحمد ثناه= بالشجاعة و البراعة تحلّى و اتسم
داهية وله الدواهي تخضّع من دهاه= ما تردد في قراره , ليا قرّر حسم
الوطن ينخى فهد وا هني اللي نخاه= نخوته في ساعة الضيق نخوة معتصم
الوطن يندب فهد في رجا الله ثم رجاه= ينقذه من غدر قوم و عميلٍ متهم
للوطن حنا فدا و الملك حنا فداه= الزعيم اللي عن الدين فسّر و احتزم
يا ملك نِعم الملك يا ملك نخوة و جاه= بالممالك يا ملك كنك الطودة الاشم
عادتك يا ثالم السيف من روس الطغاة= يا عساه الكسر سيفٍ يعلق ما انثلم
خل شامان يعلج لا ترده في خباه= لين يروى من حجامة سقيم ما احتجم
عند باب الحكم سيّاف و الحكم اصطفاه= من تهاون و استمع شور غيره ما حكم
المواضي تنشر العدل و تعمر الحياة= يستتب الامن بالسيف و ذراعٍ عسم
حفلنا الليلة يليق بمكانة من رعاه= نايب القايد ولي العهد راعي الشيم
مرحبا باللي حضر و اسعد الباري مساه= ركن نجد و ركن من يزهمه وقت الزهم
شيخنا عدل المناكب وقاه الله وقاه= سلمه ربي لخدمة بلاده و العلم
في سبيل العز بالعز معقودٍ لواه= ذم الهيجا ليا عودوا خلف الزخم
طيب الذمة كساه التواضع و اكتساه= ما تباهى و افتخر بالتبجّح و الفخم
ان زعل نزعل و نزعل و نرضى من رضاه= وان تألمنا تألم و شاركنا الالم
له عهود وله جنود تقدّر له غلاه= في لزومه يتبع الصف صفٍ منتظم
سيدي يزهى بك الشعر ما مثلك زهاه= شاعرٍ ينظم من الشعر و اسمع ما نظم
مخلصٍ يبعث شعوره يا عله يا عساه= يشبع المعنى و يحظى برغبة محترم
سرت بالتوفيق و يسير من سارت خطاه= في طريقك يمسح الدرب عن شوك السلم
ابو خالد كم يتيمٍ تبناه و رباه= متّعه عن والدينه و سلّي و انسجم
يرحم المحروم سلطان و يخفف عناه= سخرة الرحمن والله يرحم من رحم
طال عمره ما يسويه من خيرٍ كفاه= عن صواديف الليالي و دسعات الرمم
ما يخطط للعروبة يثير الانتباه= يا رجال ان الفرص يوم تسنح تغتنم
انظروا بالوضع و استمعنوا ويش السواة= لا يضيع الراي و نضيع و يطيح الهرم
يجري الماء من تحتنا نراه ولا نراه= العرب تسبح على امواج بحرٍ ما هضم
العليل ان طوّلت علته يصعب دواه= يسهر الممروض و يموت من طول السقم
و الورم يكبر و ظني طبيبه ما احتواه= كل ما ينزع ورم بالجسد يطلع ورم
الوطن ماهو بمرتع خراب لمن بغاه= نحتميه وقد حميناه من روم و عجم
نتفانى له و نملى المقابر في ثراه= و الذوايد من نصيب الحنادي و الرخم
من توهق بمغزانا لعن غزوٍ غزاه= ارضنا ما للعدو فوقها ماطا قدم
الوطن منّا و فينا ولا نلحق جزاه= الامان و لقمة العيش من حمر النِعم
امة التوحيد حنا وحنا اهل الصلاة= و الزكاة و رمز الاسلام من بين الامم
لو طغى راعي الهوى ما مشينا في هواه= ما نطيع افكار ملحد ولا نعبد صنم
من يقابلنا بحجّه نحجّه و نعصاه= بالدليل نخاطب الناس لا ولاّ نعم
ما طرقنا بالاذاني لوشوشة الوشاة= قافلين الباب عن كل كذابٍ هيم
قامت ارباب السوابق تستّر بالعباه= عن عباة الدين يخسون هافين الذمم
كيف رب البيت ما يدري الا عن عشاه= هو تعشا ! هو تغدا ! على رز و لحم
و الخطر و الموت بين الغرف يطحن رحاه= ما وعى في مرقده لو يشرّك له لغم
الابو مسؤول عن ما يدبّر من وراه= سارحٍ في غفلته لا هموم ولا همم
لو يضيّع شاه كدّر على اهله و إقصراه= و الشباب يضيع و يقول ما ضاعت غنم
الولد يطلع ولا قيل وش اسم زملاه= اجتماع الذل و العار و التفكير اهم
صنّع التخريب شين الطبوع ومن خزاه= انطلق به و انتحر بعد ما ظن و زعم
انه اقرب للنبي وانه اقرب من عصاه= من هباله في خيال الشهيد ليا هجم
الشهيد اللي عن الدار ياقف ويحماه= من يمينه في صدور العدا يرسل سهم
كان ما للجاه لحدٍ يرده عن خطاه= ما بقى عاقل ولا صار للدنيا طعم
غايب الاحساس يذهب حياته في شقاه= لشقي ما يدرك الحلم خيبة من حلم
مس سرج ابليس و اطلق عنانه و امتطاه= بالخراب الخايب اما سرى ولا جهم
منحرف مفسد . مراهق موجّه من اعداه= غرّروا به و اغدروا به عساهم للوهم
امسحوا مخّه و ساقوه عكس الاتجاه= و اصبح المخدوع و امسى عمى و ابكم و اصم
العمى عمى البصيرة هذا والله عماه= العمى ماهو كفيف البصر دين و قسم
بس في فعل الردى من امره ومن نهاه= الغبا واهل الغبي لو يفهّم ما فهم
رايحٍ للهاوية سرمدة ليلٍ سراه= يسري المنجوم و يكذّب انه ما انّجم
الهدف مشبوه و المشتبه بيّن رداه= للخساسة طافي النار سلّم و استلم
خارج الملّة مرق يوم ربي ما هداه= بالمصايب و الكوارث نسف كل القيم
تاجب اللعنة على محدثٍ جانا بأذاه= نشهد انه خان بامانته و اجرم و اثم
ومن أواه ومن رضي فعلته تبّت يداه= وجهه اسود كحت و اسود من الفحم
ما درى كبش الفدا لو يقادي للذكاه= والكلام بخاتم الانبيا تم و ختم



ياما حلا المسرى بعيد عن الأنذال= في ليلتن يطربلها كل ساري
مسرا مع الفج الخلا عز وجلال= متشطرن ماخضت في عرض غاري
على خطات مشومرن يقطع اللال= تدفن مداهيله هبوب الذوراي
أجمع من البل عشر وتصير وبال= وأختر فحلها مع جنبها يباري
البل لها في مهجت القلب منزال= منايح القصار سفن الصحاري
مراجلن يشقابها كل رجال= أفلاس بايعها نواميس شاري
يكفيك ابن هندي ومسلط وهذال= ومن شمر العاصي وبرغش وضاري
لقيت في الوحده سكون وسعت بال= بعيد ماعندي من الهم طاري
ارجع الذكرا على روس الاجذال= وأمرح خلا بين الحجل والقماري
ماهمني جمع المرابي للاموال= عزيز لو امسيت جيعان عاري



الذود يا هذال يسخم حنينه= مابين شبك و بين قصر و دماله
و ام الحوير عندي اليوم شينه= رد الحوار و فك عنها الشماله
العين يوم تشوف ريمه حزينه= يسرح بها قلبي و يضوي لحاله
و الفاطر العوجى عليها غبينه= ان رجعت للحوش جبن ونذاله
سقها برفق و خلها في سكينه= تمشي و يسقيها المطر من خياله
من حاجرن تنطحك ريحت غرينه= شال العدف و الريح تطرق زلاله
ان عاش راسي يالخلا تاصلينه= و تبدلين السر قفرن بداله
يازين شوف العشب الاخضر يا زينه= قبل شهر شعبان ينقز هلاله
حوايج العطار بطراف لينه= شمال اعويج و الخشيبي شماله
و الذ واطيب من عطور المدينه= ما ساق فيها شاري العطر ماله
بالروض كني جالسن في سفينه= ترقد مخازرة السلق في ظلاله




قالو ارقد قلت انا وين انا وين الرقاد= الرقاد لخفرت ن ظامر ن سرجوفها
وشبها من رايب العين مطفي الزناد= دقست ن ما ميز الناس وش معروفها
طافي ن كن على وجهه رماد= من رداه يخاشر البنت في مصروفها
كيف ابرقد واحتجب عن نسانيس البراد= لفحت الغربي يسر الحشى هفهوفها
والفحل يراعى مع المعاشير طرق بلا قياد= فارس ن يحما طربها ويمن خوفها
احمدالله زال همي وحققت المراد= طبت والفرصه تطوف الردي ويطوفها
من طبيعت كل طيب يجهز للجهاد= والرجال الاقويا تلتفت لضعوفها
ساعتن في جو خالي من ايام الاعياد= والفياض يعط ريح النفل بحروفها
والدلال مساطره خاثر ن فيها القناد= والقصص والسامريه تشيل صفوفها
ناقتي ماتدخل السوق لو زازد المزاد= لو هل الربطات جتني تشيل اولوفها
لو يصبون الذهب صب ومهار ن تقاد= ما أرخص البل والنفوس شفوفها
يحسبون الارض خصبه قبل زرع وحصاد= السنين تسن فوق الرقاب سيوفها
ماصفت للأنبيا والملوك وقوم عاد= كم قصور ن شيدت وارجمت بسقوفها
الاناسه والهوى والمحبه والوداد= طاعت الله والمراجل قضبت شعوفها
ونستي ملحى من البوش غاربها سناد= فا هق ن سنامها ناشبن ن بردوفها
بالخضيرا راسها كنها تطرد جراد= يخزي الشيطان يوم العيون تشوفها
والاذاني بالصناقر كما الشلف الحداد= افطس ن عرنونها ظافي ن غضروفها
ذيلها أبتر خوش عذروب والعرقوب عاد= من شدت نداف قطن ايديه تحوفها
والعضود مشمره عن مذكاها بعاد= يوم أحلي باب عجلان بين أكتوفها
كتفها عن وركها عشرت اشبارن وكاد= والخفاف من الفحل والوصوف وصوفها
هضبت ن متحنطره دامس ن فيها السواد= قطعت ن من ليل تدفن يديك بدفوفها
ديرتن متنقله من بلاد اليا بلاد= التزرا في درها والذرا من صوفها
زاد من غابو مديده ولا في البيت زاد= عاطفه من عطفها ماتخيب ضيوفها
هي معاش اجدادنا والعصب والأقتصاد= أهلنا قد حسنت في الحياه اظروفها
ينطحك ريحت عبسها مثل ريح الزباد= كن مسك القيصريه بعث من جوفها
تقهر الأعدا نهار المزايد والعناد= كضمت من غبنها وأصفقت بكفوفها



سألت الليل بعد الليل ولا= أنا كيف أتصبر وأتسلا
فقلت أعطف لمن يرعى نجومك= بجاه الله عني لا تجلا
تسليني وتنسيني نهاري= وتتركني وجرحي مستجلا
ثلاث ضلوع يشكن الهضايم= علي المعلوق والقلب أيتدلا
ولا به ليل نامت فيه عيني= وانا ما أذكر لها بالذمه ألا
ليا نامت تصحّيها حلومي= وليّا صحيت تفيّض ثم تملا
على ظبّيٍ تطاوعه الجميله= ليّا صكه هواء الغربي تخلا
من الموقع وخلا القفر خالي= على دربه يتلّ الريم تلا



تلاوعني الفرقى وانا ما قبل اللوعه= و من لاعته فرقى الحبايب بكى منها
يهج الحشا و الجفن ما جفت دموعه= و ابا اشتم محبة بعض الاصحاب و العنها
عسى الله يروع اللي يسبب لي الروعه= متى الريح تحملني و اواطن مواطنها
و متى ربعي الغياب تلتم بربوعه= و اقبل خدودآ باسود الرمش دافنها
دقاقة ملامح تفرع البيض مربوعه= و من حذقها في ردن ثوبك تكفنها
أولع شموع الوجد و أطفي شموعه= و أنا والهواء غبه و تلطم سفاينها


انا واليل خلان ورفاقه= أخذته عشق وأخذني عشَاقه
افيضله ضناين مابروحي= ويفتحلي على الغيات طاقه
ألاياليل وش عندك وعندي= يقوله من تكدرله مذاقه
عيونه من غرام الشوق تهمل= عبايرها على ذيك الدقاقه
وأنا بنهايت التسعين هجري= إلى خلن عجزت أقوى فراقه
إلى عام وثمان شهور كني= كسيرن عيب الجبار ساقه
يفزع بالصياح هجوع ناسٍ= لهم بالنوم والراحه علاقه
ألاياليل وش عندك وعندي= أنا وياك لا عادت صداقه



اخذت من روحي لروحي نصايح= ثلاث يرضن النفوس الضياقي
جمع الحطب ومعلقات الذبايح= وحذف النشامى للغتر والطواقي
بقفرن خلا عشبه بالازهار فايح= غصن الخزاما له بلاخر مراقي
تلقى ام سالم تجر له بام النوايح= يطيب مع طيب الربيع التلاقي
بين اربعت جدران ماني بطايح= قطع الخرايم جبرت عظم ساقي
في نون عيني بارق الوسم لايح= كن السحاب تسل فيها السناقي
ان عودو لغب المطر عودو للفلايح= ماني بفالحن يعدل سواقي
عودت للي يكسبن المدايح= فيهن طرب قلبي ولذة مذاقي
سود البكار مكرمات المنايح= هذي ضوت خلفا والاخرا ملاقي
ملحا نتفاهق للصميل ويتمايح= تركي على كبد الحسود العراقي
خلوني اقضي باقي العمر سايح= ما دام للعمر المطرف بواقي
امشي تحت المزون الروايح= هذا هواي وطربتي واشتايقي
يرتاح بالي يوم اوده واصايح= وابسط فراشي في مبارك نياقي
انحاش عن ناسن تسوي الفضايح= عاشت بسو اخلاق كذب ونفاقي
ناس تسرد للمشاكل شرايح= تثير من بين الاخوان الشقاقي
كل الحياه احلام والعمر رايح= طرقي بهالدنيا وغيري طراقي





هلي بعيد و ذقت هجر و عواقيب= يا أكالة الخنزير مانتم هلٍ لي
أهلٍ محبتكم دعاية و أكاذيب= تتكهنون ان الهوى صافيٍ لي
في محفظتكم فرحتي يا معازيب= رسالةٍ عنوانها من محلي
عطوني اقراها و أوسع لها الجيب= جيب القميص لحملها ما يملي
مكتوب يطلع لي بطيه مكاتيب= و لعل مكتوب الحبايب يسلي
من دمع عيني ما قريته بترتيب= ساعة نشرته قمت أرحب و أهلي
و أشوف يا مكتوب فيك التعاجيب= المنشي أصبح ما قطع عبرةٍ لي
لكن يا ترحاب و أجمل تراحيب= و اللي نقص من شرحكم جايزٍ لي
لنا يا دو خالد عليكم مطاليب= أخباركم باقلامكم ونسةٍ لي
و ان سلت عني مستقيمٍ على طيب= أرعى حقوق الله و أكبر و أصلي
عن فرض ربي ما أتهاون ولا اغيب= مكة و أنا بانجلترا قبلةٍ لي
في واجب الدنيا بذلنا التسابيب= و خدمة حبيب المملكة غايةٍ لي
و عبدالله أرسلنا لكسب و تجاريب= يبي رجالٍ بالعمل تستقلي
إن ما وفينا معه حياتنا عيب= أحسن نروح مع البهايم نفلي




قالو توادع قلت ياصعب الوداع= وشلون أوادع من معه قلبي وديع
قلبي معه والسر من فرقاه ظاع= صحيح من يفقد زمام امره يضيع
الى ذكرت الخد والسود الوساع= تسابقت غارات عبراتي جميع
اصبر على الهجران قدر المستطاع= أحمل همومي للخلا وأشري وأبيع
أبيع شي بالجواهر ما يباع= بعته رخيص وضاق توي كل ريع
بين الرجا والياس يشتد النزاع= بعده دهر ومشاهده لي ربيع
تستدرج الأيام مفتول الذراع= من حيث لا يعلم ويرمي بالسريع




يقطعك يا حبٍّ توقف على ماش= و من حب حلوين المظاهر بلاشي
اللي يبيعون المحبين ببلاش= حلوين الالسن و القلوب الغشاشِي
العرق لو يقصر عن المي ما عاش= و الشمس لو تغرب على الكون عاشِي
تفخر بزينك يوم تجفل و تنحاش= ما تدري اني منك قانع و ماشي
من اولٍ عيني ترفرف بالارماش= جفن غطا و الجفن الاخر فراشي
مطوعٍ لك قلبٍ ابيض من الشاش= و مستدخلك بين الضلوع الهشاشِي
و اليوم اب أنقش سر حبك بمنقاش= الله و لا حبٍّ سعى فيه واشي















رد مع اقتباس
غير مقروء 17-Aug-2006, 06:05 AM رقم المشاركة : 2
معلومات العضو
أبو نجر النفيعي
مشرف سابق

الصورة الرمزية أبو نجر النفيعي

إحصائية العضو






التوقيت


أبو نجر النفيعي غير متواجد حالياً

افتراضي

لاهنت ياسهم العضيااان

عز الله انك ماقصرت



تقديري















التوقيع
.....




رد مع اقتباس
غير مقروء 17-Aug-2006, 06:35 AM رقم المشاركة : 3
معلومات العضو
سهم العضيان

رابطة محبي الهيلا

إحصائية العضو





التوقيت


سهم العضيان غير متواجد حالياً

إرسال رسالة عبر مراسل MSN إلى سهم العضيان
افتراضي

تشكر على المرور الطيب يا ابو نجر وانت اللي ماقصرت بمرورك
وتقبل التحبه















رد مع اقتباس
غير مقروء 17-Aug-2006, 10:04 AM رقم المشاركة : 4
معلومات العضو
طلاع الكريزي
عضو ماسي
إحصائية العضو





التوقيت


طلاع الكريزي غير متواجد حالياً

افتراضي

بيض الله وجهك وماقصرت

ياسهم العضيان لاهنت















رد مع اقتباس
غير مقروء 17-Aug-2006, 10:13 AM رقم المشاركة : 5
معلومات العضو
سهم العضيان

رابطة محبي الهيلا

إحصائية العضو





التوقيت


سهم العضيان غير متواجد حالياً

إرسال رسالة عبر مراسل MSN إلى سهم العضيان
افتراضي

وجهك يا طلاع الكريزي
وتشكر على المرور واتمنى من الاداره التثبيت
تقبل التحيه















رد مع اقتباس
غير مقروء 17-Aug-2006, 11:44 AM رقم المشاركة : 6
معلومات العضو
ابومحمد2007
عضو
إحصائية العضو





التوقيت


ابومحمد2007 غير متواجد حالياً

افتراضي

تشكر علي الموضوع الطيب الجميل ياسهم العضيان
والاجمل انه في شاعر معروف امام الجميع
تحياتي لشاعرنا خلف بن هذال العتيبي
تقديري لسهم العضيان















رد مع اقتباس
غير مقروء 17-Aug-2006, 12:31 PM رقم المشاركة : 7
معلومات العضو
مرزوق حمدان العتيبي
مشـرف عام

الصورة الرمزية مرزوق حمدان العتيبي

إحصائية العضو





التوقيت


مرزوق حمدان العتيبي غير متواجد حالياً

افتراضي

...
.

بيض الله وجهك ياسهم العضيان
وابو هذال كتب عنه الكثير في هالمنتدى لو تتبعت
المواضيع السابقه لوجدت ذلك ..
وهو يستاهل اكثر ..















التوقيع
اضغط على الصورة لرؤيتها بالحجم الطبيعي
فدوة ٍ للمصطفى روحي وماتملك يميني = كيف (لا) واللي خلقني حط حبه في كياني
حط حبه في كياني ماتغيّره السنيني = وانثني من دون عرضه بالذراع وباللساني
اضغط على الصورة لرؤيتها بالحجم الطبيعي


اضغط على الصورة لرؤيتها بالحجم الطبيعي



@Marzouq_MHD
رد مع اقتباس
غير مقروء 17-Aug-2006, 12:47 PM رقم المشاركة : 8
معلومات العضو
الشاعرالساهر
عضو نشيط
إحصائية العضو






التوقيت


الشاعرالساهر غير متواجد حالياً

افتراضي

الف شكر لك
فعلا مجهود طيب
ومعلومات كامله عن الشاعر خلف بن هذال


الف شكر















رد مع اقتباس
غير مقروء 17-Aug-2006, 01:44 PM رقم المشاركة : 9
معلومات العضو
نديم الروقي
عضو
إحصائية العضو






التوقيت


نديم الروقي غير متواجد حالياً

افتراضي

بيض الله وجهك

ياسهم العضيان

وفيت وكفيت

في شاعر يستحق منا الشي الكثير

الف شكر لك















رد مع اقتباس
غير مقروء 17-Aug-2006, 02:44 PM رقم المشاركة : 10
معلومات العضو
أبو مرحبا
مشرف عــام

الصورة الرمزية أبو مرحبا

إحصائية العضو





التوقيت


أبو مرحبا غير متواجد حالياً

افتراضي

نتمنى لشاعر الكبير : خلف بن هذال العتيبي التوفيق



سهم العضيان


لاهنت طال عمرك















التوقيع
اضغط على الصورة لرؤيتها بالحجم الطبيعي

اضغط على الصورة لرؤيتها بالحجم الطبيعي

اضغط على الصورة لرؤيتها بالحجم الطبيعي

إن قلَّـت الوزنـه وربعـي مشافيـح ** أخلـي الوزنـه لربعـي واشـومـي

اضغط على الصورة لرؤيتها بالحجم الطبيعي
رد مع اقتباس
إضافة رد

العلامات المرجعية


يتصفح الموضوع حالياً : 1 (0 عضو و 1 ضيف)
 
أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا يمكنك اضافة مرفقات
لا يمكنك تعديل مشاركاتك

BB code is متاحة
كود [IMG] متاحة
كود HTML معطلة



الساعة الآن »09:12 PM.


 Arabization iraq chooses life
Powered by vBulletin® Version 3.8.2
.Copyright ©2000 - 2023, Jelsoft Enterprises Ltd
اتصل بنا تسجيل خروج   تصميم: حمد المقاطي