..
..
..
..
..
..
..
..
..
..
..
..
..
..
..
السلام عليكم ورحمة الله وبركاته
اسعد الله اوقاتكم بكل خير احبتي ..
حقيقه بأني خصيت منتديات الهيلا بهذه القصيديتين الغاليه على نفسي
وهذا شرف لي احبتي ...
في حفل عيال العم الاد عاصم في مخيم الشيخ ابا العلا
تشرفت بإلقاء هذه القصيديتن واتمنى ان تحوز على اعجابكم ..
القصيدة الاولى كُتبت على عجاله عندما كان سمو سيدي صاحب السمو
الملكي الامير / تركي العبدالله الفيصل على هام السحب على الطائرة
الخاصة
للشيخ / عبدالله مانع ابا العلا
كتبت هذين البيتين واتمنى ان تحوز على رضاكم
بعنوان
الغيم
الغيم فوق الغيم صورة عجيبة = قدام عيني جات يا اهل التفاكير
الشعر ياتي طيب والا غصيبه = نركي على المحراف لعيون الامير
ياتركي الفيصل جدودك عريبة = جدودك تعدت حد كل الاساطير
يهقى وهقواته فلا هي قريبه = ويسطى وسطواته مثل هدة الطير
شرفتنا ماهي عليكم غريبه = وفرحتنا ياشيخ نسل الاباطير
يابندر المانع ولا فيه ريبة = القاف لاجله قدم عيني طوابير
قد قلت هذا الغيم عزن وهيبه = تزين لا من لاح كل التعابير
وتشرفت ايضا بإلقاء هذه القصيدة عن مزاين العتبان
بعنوان
صف السرايا
بديـت بسـم اللـي كـفـل كــل مخـلـوق = ربـن علينـا مرسـل المـزن مـن فـوق
باسمه تعالـى نسهـج القـاف ويـروق = حقــــن عليــنا فالشـــعـــــر لا بدينــــا
يالله تـعـيـن الـلــي نـــوى للـجـمـالـه = قـسـمـي ولا يـقـبـل عـلـيـه الـوكـالــه
لـلـقـاف عــنــدي يـاخـويــي كـفـالــه = مــن فـضـل ربــي لا نطقنــا وفـيـنـا
اشوف لي غيمن كشـح فوقـه ابـروق = واجتاح صـدري مـن معانيـه طـاروق
هـذا الخبـر ياصاحبـي جـاك بصـدوق = واليـا بـدا الــلازم نـهـض لــه حديـنـا
سج البراري يالخوي من على الجيب =وجاوب قنيب الذيـب والغيـب فالغيـب
نـبـا المـزايـن ياعطـيـب المـضـاريـب = مــن شــان عزوتـنـا نهضـنـا وجيـنـا
من فوق لكزس لا مشـي يعـدل الخـط = وفـوق الـوعـر ياصاحـبـي ماتصـفـط
خـط وجـلـد فـوقـه لـيـا غـايـة الـشـط = يشفـي ورب الكــون لا مـــن سـريـنـا
في مزاين العتبـان والعـرف مضمـون = نصدح بعال الصوت والحرف موزون
اجـيــب مـحـرافـي واغـنـيـه بـلـحـون = دام الشـعـــــر مـنـه الجـزالـه خـذيـنـا
ورثـت قـاف العـود والـعـود مـرحـوم = قافه بصدري لا غشى صدري اهمـوم
اطرق علـى الطـاروق بالحـال ويقـوم = والـيـا وردنــا البـيـر مـنــه ارتـويـنـا
جاك الخبـر دونـك علـى محمـل الجـد = ومــزايــن الـعـتـبـان نـــــاره تــوقـــد
ماهـمـنـي لـــو هـــو عـلـيـنـا تـبـعّــد = بـامـر الـولـي جينــاه ســاعــة نـويـنـا
فــيــه البكــار اللــي تمــاري باهلهــا = نقـــــوة بخيصـــن مايـــدور بــدلــها
عليهـا الــوســوم وقد وسمها جمــلها = يازيـــن حــــول الـذود لحنن حزيــنـا
اليا تهيّــض واقبــــلت كنــــها الغيــــم = تزيــــح همــــه قــــدم عينــــه مقاديم
يشعب مواويلــه ويطـــرب معازيــــم = يقــــول عنها بالــــدهــــر مــــاسلينا
واليــــا نهض بــــراق ليله وســــرّى = ثـــم طــــاح همّــــاله وسيــــله تحرّى
صــــار الحـــيا للــذود قــر ومقــــرّى = يــــالله علــــينا بالسحــــاب اتحيــــينا
الذود جمّعنا علــى الطيــــب والخيـــر = والحــــال من فضله وجــــوده تياسير
والطيـر في جو السما حايــــم يطيــــر = وغايــــة مرادي يــــوم حنــــا التقينا
لعيـونكم نسـري مع اللـيـل بالخـيـل =ونشوف مبدا اسهيل فـي تالـي الليـل
والسـيـف معـنـا والمعامـيـل والهـيـل = فــضـــل مـــــن الله للهدا مـهـتـديـنــا
انــــا الحـمـيـانـي وغـنـيــت قــافـــي = وجــدي ثبيـتـي كالسـيـوف الرهـافـي
شــي ظـهـر للـنـاس مـاهــو بـخـافـي = واثبـاتـنـا يـاخــوك مـــاض السنـيـنـا
حـاضـر ومـاضـي للـشـدايـد عـقـوبـه = والـعـز والـنـومـاس بـشـتـه وثـوبــه
والـيـا حـضـر كــل الخـلايـق دروبــه = مـثـل العـلـم فــوق الـخـلايـق رزيـنــا
نسكــن ولا نــرضى بغيــر المشاريف = ومــن فضــل ربــي مالحقنا تحاسيف
منــّا هــل القــالــه ومـنّا العواريــف = ومــن تــاه بالـغـدرى يـبــا يحتـريـنـا
يـاعــزوتــي يـابـهـجـتـي يـاعـتـيـبــه = فالطـيـب طـيـب وفالـمـلاقـا مصـيـبـه
ياشيـب عيـن الـلـي غديـتـوا حريـبـه = وسـهـيـل نــــوره لـلـخـلايـق مـبـيـنـا
نفخـر ليـا صـار الخبـر حـول عتـبـان = للطيـب والنـومـاس يـاخـوك عـنـوان
ولا ضاقت الدنيا على الموت شجعان = الـــروح تـقـضـي والفـعـايـل بيـديـنـا
والـيــا عـطـانـا الله بـجــوده عـطـانـا = نـعـطـي ولا نـشـفـق نـــدور جــزانــا
الـخـيــر خــيــر الله ومـــنه اكـتـفـانـا=خيــر الولي من فــــوق منه اكتفيــــنا
انـتــم عـزايــا فـــي زمـانــن مـهــوّل = وانــتــم غــلايــا والــغــلا مـاتـحــول
فـــي حـاضــر الايـــام والا مـــن اول = صــدق الغـــلا فـــقـــلوبــنا مــاحييــنا
انتم على الهامه وتاجن علـى الـراس = ودروبـكـم لاهــل الـمــروات نـبــراس
واليـا بـدا المـوقـف يـدقـن الاجــراس =وصـف السـرايـا مــن يـسـار ويميـنـا
حـنـا تـحـت رايــة زعـيـم السلاطـيـن = افــديــه بـعــروقــي ودم الـشـرايـيــن
هذاك ابـو متعـب وفـي محجـر العيـن =طـاعـة مـلـك واجــب لـزومـن عليـنـا
غـلاه فـي دمــي مــع الـعـرق يمـشـي = وصورته في عيني علـى حـد رمشـي
مـن صغـر سنـي ليـن ينشـال نعـشـي =سبحـان مـن يـزرع غـلا الطيـر فيـنـا
الطيـر ابـو متعـب عـسـى الله يخلـيـه = حاش الـمـراجـل والفـعـايـل بـايـاديــه
صقر العروبه من علـى الـروح ابديـه = غالـي ولـه فالقـلـب حـصـن حصيـنـا
الـيـا بــدت خـلـه تـرانـا عـلـى صــف = في صف ابو متعب لنـا بالدهـر شـف
فـي مقـدم اجيوشـه ولا نقبـل الخلـف = عـتـبــان بــامــر الله دنــيــا وديــنـــا
وختامهـا صلـوا عـلـى خـيـر مـرسـل =مـحـمــد نــبــي الله بـالـحــق مــنــزل
ومــن كـوثـر الجـنـه برحمـتـك ينـهـل = شـفـيـع يـطـلـب رحـمـتـن تحـتـويـنـا
وسلامتكم
اصدق التحايا ..
اخوكم
طــارق ابن عيـــضـــه الحميـــانــي العتيــبـــي
« آخـــر الـــمـــشـــاركــــات »
01-Nov-2007, 03:35 AM
قصيدتي في سمو الامير تركي العبدالله الفيصل ومزاين ربعي عتيبة ((حصري لمنتديات الهيلا))
العرض العادي
