اصغر عتيبي .. حذف غترته وعقالها

[رجا بن فهيد الهاجري]

قصيده مدح لعتيبه الهيلا بمناسبة مزاينهم


وهم يستاهلون اكثر من القصيد والكلام

ولكم حقٍ علينا

واسمحولنا على القصور

اقول فيها

بيض الله وجه من ساند الحفل ورعاه = اصغر عتيبي حذف غترته وعقالها
يعتزي في الهيلا اللي لهم وجهٍ وجاه = يفتخر بنسابها يفتخر بفعالها
من سلالة عود لطيب ماتقصر يداه = الظفر من قسمهم والسعد يبرالها
تكبر الدعوه على رجل ما حقق مناه = و تصغر الدعوه ليا جا لها حلالها
العتيبي حاز راس المراجل والغناه = تاركين ادقاقها ياخذون ااجلالها
كنه طويق المسمى وضلعان السراه = لو تزلزل لارض ما هزته زلزالها
ما عليه اخلاف دامه عتيبي ما علاه = الصعايب داسها والثقيله شالها
فيه طنخة حاكمٍ من رياجيل دهاه = والمعاميل النظيفه شرب فنجالها
شب ضوه والنشاما تذرا في ذراه = والطراقي مكرمه لا لفو منزالها
المزاين وسط نجد العذيه ما حلاه = المطايا اقطعو قيدها وعقالها
المزاين معتلي رافع الله مستواه = بالرجال الوافيه جمل الله حالها
المزاين مثل نجمٍ وعالي في سماه = بارك الله في جبالٍ يضل اضلالها
والغوالي قادها صوبكم نجد وهواه = الابل اللي في الجزيره قليل اشكالها
وبيض الله وجه من ساند الحفل ورعاه = ومن تغيب ما حضر حالته يرثالها

اخوكم / ابو زيد القحطاني

آخر تعديل رجا بن فهيد الهاجري يوم 28-Oct-2007 في 06:00 AM.

[مرزوق حمدان العتيبي]

...
.
صح لسانك ولاعليك زود يابو زيد
ونعم ٍ بك وبلابتك قحطان العريبه لاهنت ....

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني حط حبه في كياني ماتغيّره السنيني = وانثني من دون عرضه بالذراع وباللساني @Marzouq_MHD

[أبو الوليد]

صح لسانك يا بو زيد

قصيدة جزلة ورائعة

يعطيك العافية

التوقيع

https://twitter.com/abalwled عَظيمةٌ أنتِ يـا أرضَ الرسَـالاتِ = يا مهبطَ الوحي فِي خَتْـمِ النبـوَّات أنْتِ السُّعُوديَّةُ العَلْيَـاءُ فِـي شَمَـمٍ = تَعْلُو عَلَى كُلِّ مَنْ تَحْـتِ السَّمَـوَاتِ

[الذيب]

ابو زيد

لا فض الله فاك

وصح لسانك

ومشكور يالغالي على هذه القصيدة الجميلة

حياك الله يالقحطاني بين ربعك العتبان

والمحل محلك تامر فيه وتنهى

[العصيمي2007]

صح لسانك يابو زيد


وماعليك زود ياولد قحطان

[عاشق ساجر]

صـــــــــــــح لسانك ابو زيد وقرب خشمك ياخوك

تحياتي لك

[فارس الطايف]

صح لسانك ياصبي قحطان

وراعي وافيه لوافين

[رجا بن فهيد الهاجري]

صحت ابدانكم

والله لايهينكم جميع


وتستحقون اكثر والله يعز مقداركم ولا يفرقكم

[الـثـقـفـي]

مشكور اخوي ابو زيد على القصيده وبيض الله وجهك

[الحجازونجد]

صح لسانك ولاعليك زود يابو زيد
ونعم ٍ بك وبلابتك قحطان العريبه لاهنت