..أنـتـكــس ..!!

[عناد الشيباني]

السلام عليكم ورحمة الله وبركاته





يسعدني التواصل معكم بهذه الابيات البسيطه



..

لله في خلقه شؤؤن وتدابير=والادمي في دبرة الله مطوع.!
ماهو مخير حسب ماقدر ايسير=وصكات بقعا في زمنا تروع
أحدٍ ولو طالت عليه المشاوير=يثبت لشيل احمولها مايكوع.!
يزداد بالتقوى ويرضى المقادير=ويكب زاد اللهو لو هو مجوع
واحدٍ ليا صعبة عليه التفاكير=قامت هقاويه الردية تنوع.!
يقفي ويقبل والحصيل المخاسير=وقلبه عن دروب المعزه يتوع.!
والشرهه اللي تازن [ طويق و النير]=اسوقها والقلب منها ملوع
للي بغى يكسب معزه وتوقير = ثمّ انتكس.! من بعد ماهو مطوع

لـ [ ع ن آ د الـ ش ي ب آ ن ي ]

[فهيد مقعد الرويس]

ابداع لايستغرب

صح لسانك مدد

ياعناد

لـلـي بـغـى يكـسـب مـعــزه وتـوقـيـر
ثـمّ انتكـس.! مـن بعـد مـاهـو مـطـوع

الله يهدي كل من ضل طريق الرشاد ويثبت قلب صاحب الطاعه على الطاعه

تقبل اطيب تحيه

[ابوتركي العنزي]

بيض الله وجهك قصيده جزله هادفه

[عثمان الثبيتي]

صح السانك يامبدع

التوقيع

انكان طاب الوقت وانكان ماطاب=مايختلف نهج الشجيع وطموحه اما اقبلوني هكذا سلب وايجاب = والا ودعاً والعذر والسموحه اذا انقفل باب انفتح غيره ابواب = وكلً على ما قالوا ادرى بروحه

[مخلد منصورالثبيتي]

عناد صح لسانك واعتلى شانك

[بيت القصيدة]

صح لسانك ياعناد
قصيدة فالصميم

[متعب الند]

شهد انك شاعر...............وفارس شعر ............تقبل خالص تحياتي

آخر تعديل متعب الند يوم 12-Jul-2012 في 02:50 AM.

[عناد الشيباني]

المشاركة الأصلية كتبت بواسطة فهيد الرويس

ابداع لايستغرب

صح لسانك مدد

ياعناد

لـلـي بـغـى يكـسـب مـعــزه وتـوقـيـر
ثـمّ انتكـس.! مـن بعـد مـاهـو مـطـوع

الله يهدي كل من ضل طريق الرشاد ويثبت قلب صاحب الطاعه على الطاعه

تقبل اطيب تحيه

الابداااااااااااع في مرورك

يا فهيد صح بدنك

ولاهنت

.

[برقاء والسماء زرقاء]

صح لسانك ياعناد كساب الامجاد ، لي ايام عندي قصيدة لك بتلقاها إن شاء الله في منتدى حزامنا الجلاوي ، وصح لسانك مرة اخرى وعلى الاخرى عانك ، واسال الله لك التوفيق .

[راعي القوافي]

صح لسانك مدد بلا عدد ياعناد