حده بوحده يازبون المحاريف

[متعب الند]

بديت باسم مصرف الكون تصريف = الواحد القهار رب البريه
يالله يامنش السحاب المراديف = يامسقين روض الفياض الشفيه
عقب القساء ومخيمات الملاهيف = ينور نباته بالزهور العذيه
سبحانك انته ياعزيز التواصيف = ياعالماً غيب البحور المديه
ياناصر المظلوم عقب التخاليف = ياميسراً عيص الدعاوى القويه
فرجتها ياملحق الوسم بالصيف = لقلباً درس ماض السنين الخليه
ومن بعدها بكيف القاف تكيف =بمعنى جديداً مابعد قيل زيه
في صاحبنٍ يفرح الياشافله ضيف = وينطح مواقف للحمايا حميه
جيته ولاكنه عليه رضا ء الحيف = وانا احمد الله جات منه الرديه
الاوله يوم العداء تشرع السيف = للماقف الغصاب ماشال نيه
والثانيه وقت السجن راح ماشيف= ورسل تحيات الجفاء لي هديه
والله لواني حاضرله مواقيف = ياماقفي لحماه ولا المنيه
يوم المواقف للرجال العواريف = فرضن على الرجال في كل هيه
وفي اول زمانه حاصللي تكاليف= ندمان من فعلي وأخذت الجزيه
زلييت زله ماتفيد المحاليف= ولقوبها العذال دور النقريه
عشرة السنين يكسرون المجاديف = أهل النوايا السود ورين خفيه
من حقدهم في خاطري شفت ماعيف= وصديت مابغاء الناس تشره عليه
وقفيت عن محرف الهرج تحريف = راع النميمه والحلوف الجريه
ودنت نفسي بالدموع المذاريف= فرقاء ولد عمي عليه بليه
وانته نسيت ان العداء تشرب الكيف = في ماجرى تلقاء علومن هنيه
ماراح راح ولاعليها تحاسيف = داويت جرح القلب وجوت كيه
وسلم على اللي يكثف المدح تكثيف= كثير قول ولاجنينا حليه
فالمجلس الضافي يقول السواليف = والفعل ماشفناه غير اخرطيه
خلى شتات الربع بمن المعاريف = وبعد التحري أكتشفنا كذبيه
هذى جوابي جاك وسط المزاريف = اليابغيت الرجل كسر الحيه
ترى الحقد لملاعبات الغطاريف =والي يجريها عليه الحظيه
وانا غني ومرهين بالمصاريف = ومن فضل ربي ماعليه قضيه
ودياري من الطايف الى ايمن عفيف = وربعي اعزاز وساكنين اعبليه
واليوم مستانس على شاطي السيف = مالي عليك اليوم ولاالك عليه
وحده بوحده يازبون المحاريف = سفهت مرسالي وسفهك حذيه

[وصل الشهيب]

صح لسانك يامتعب

سرد جميل يتضمن عتاب محب بعيد عن التجريح

صح لسانك والله

تحياتي

التوقيع

ماعالج الجرح الكبير إلا صدور أمراً كبير=الأمر سامي واصبح كحيلان بولايه عهد حراً يموت وحر بالجنحان ينهض بالمطير=حمل الأمانه لو ثقيله قدها يابو فهد وصل بن وصل الله الثبيتي

[عزارم]

صح لسانك يا طيب

[مرزوق حمدان العتيبي]

..

.

صح لسانك يامتعب ..
.

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني حط حبه في كياني ماتغيّره السنيني = وانثني من دون عرضه بالذراع وباللساني @Marzouq_MHD

[متعب الند]

المشاركة الأصلية كتبت بواسطة مرزوق حمدان العتيبي

..

.

صح لسانك يامتعب ..
.

صح بددنك .................وتقبل تحياتي

[متعب الند]

المشاركة الأصلية كتبت بواسطة عزارم

صح لسانك يا طيب

صح بدنك ..............ويشرفني متابعتك ......تقبل تحياتي

[متعب الند]

المشاركة الأصلية كتبت بواسطة وصل الشهيب

صح لسانك يامتعب

سرد جميل يتضمن عتاب محب بعيد عن التجريح

صح لسانك والله

تحياتي

صح بدنك.... وصل الشهيب ...احيانن الرجال يزل زله على اعز الصحابه ويكبرها اطراف محايده وتصبح قضيه ..ويتفرقون ..خصوصاٍ اذى طلبته يسمح ورفض ..وصد عنك وهو عزيز....تحس بذنب ..ولاكن اذى جاء منه خطاء او جازاك بمثل ماجاء منك ترتاح ويبراء الجرح........ولاسالمن من الزلات غير المصطفى عليه الصلاة والسلام .....وتقبل خالص التحيه

[عايض جزاء العصيمي]

صح لسااااااااااااااااااااااااااااااااانك

[متعب الند]

المشاركة الأصلية كتبت بواسطة عايض جزاء العصيمي

صح لسااااااااااااااااااااااااااااااااانك

صح بدنك ...................وشكراً على المرور

[متعب الند]

القصيده ....................تحكي عن معاناه ...............وهي اذى زل الرجال على عزيزن من الصاحبه ولقوا المنافقين دربهم .....وعطاهم مجال وانت جلسة في خاطرك خصوصا اذى صد عنك ..لاطلب حق ولا سمح ..ولاجازاك بمثلها .... يعذبك ضميرك اذى كنت قليل تجارب ....


لاكن اذى جاء منه شين من الردى بسيط كنه محذيك هديه .... يطيح الفي خاطرك....


وشكراً ...تقبلوا خالص تحياتي..متعبب الند