بسم الله الرحمن الرحيم
السلام عليكم و رحمة الله و بركاته
يسعدني أن تكون هذه القصيده أول مصافحه لمنتديات عتيبه الهيلا ,,
بهجــة الــروح
تجـدد اشعـوري الصـادق و زفيتـه=بالمسك و العود و الريحـان و الكـادي
مع بهجـة الـروح والافـراح دليتـه=وشلته على صهوة الطيب مـن جيـادي
واحلا الخواطـر نطقهـا يـوم غنيتـه=لين استمـال القريحـه امـدح بـلادي
اللي بـدى للعـلا وابطـت مهاويتـه=يشوفهـا منوتـه وتشـوفـه الـبـادي
ومن السيف لـالسيف للحدين زاهيتـه=مفاخراً حسنهـا مـن الضلـع للـوادي
واماجـده ملكهـا مـن نجـد حاميتـه=ولعزهـا كـل يـوم يشـاف ميـلادي
وامداحها ما تعسر الرجـل فـي بيتـه=من كثرها !!! ما تبي صولات و طرادي
من يوم يهندب تجيـه افـواج ناصيتـه=و تقول لبيـه !!! لـو ماهمهـم ينـادي
دارً تحـلـت بـحـكـامً محلـيـتـه=بستـان الامجـاد و تاريـخً للاشهـادي
وماكر حرار السعود وصيتهـا صيتـه=ماغرد الطيـر و مـا عـادً الاعيـادي
اللـي سنـا دارنـا دايـم مصافيـتـه=والها مع ارض الوطن اليـوم ميعـادي
سلطان الاخيار حل اليـوم فـي بيتـه=ولبست لـه المملكـه أثيـابً جـدادي
احزام ابو متعب و درعـه و داهيتـه=ويمنا العطا و الندى و مغيث الاكبـادي
رجلً بذل فـي سمـو الـدار عافيتـه=تشهدلـه سهولهـا و طـوال الاوتـادي
وتشهدله الخوبـه و ضلـعً محاذيتـه=وتشهدله جنودنا اللـي تضـد الاعـادي
بالحزم و العزم و الاصرار واحديتـه=والنار و الكـار و البـارود و زنـادي
والطايـره فـوق و الدبابـه مقيـتـه=وقلـوبً اكفانهـا راحـات الايــادي
وتوحيدهـا بالمهـج تعيـش ساديـتـه=ياعاشتـه يافدتـه بخضـر الاكـبـادي
لو كبـر اللقمـه الحوثـي و حاثيتـه=ماهـم بالانـداد لا عدينـا الانــدادي
ولا هم بهمً يغـث الكنـق و حاشيتـه=طغمة صعاليك بين كهوف و اصفـادي
أشرقهـم الفيفـي برميـه وغاليـتـه=وفالجابري طاحت الجمره على الحادي
تصعلكـو حـول مركزنـا معاديـتـه=وصكـو علـى أمـةً ينخـون الاولادي
وجوهم على الصوت والموعد خراريته=ربعً تسوق العمار ان سمعـت منـادي
مثل الجهام الضوامـي فـوق جابيتـه=الجنـب فـالجنـب والشرهيـن ورادي
وّوردو علـى ماقـفً بقعـا محنيتـه=واخـوان شمـا فـزوعً والله الهـادي
وفكو حصار العـدى واقفـو مثاريتـه=مثل الوبارى مـع الصيحـان شـرادي
ياجعل يفـدى جنـود الـدار مهفيتـه=من لا حمد ماه وانكـر لقمـة الـزادي
جادو بـالارواح مـن حبـه مفاديتـه=وحلو الكرى بينهـم مـا عنـه نشـادي
كلـه لعينـا سلامـه مـن طواغيتـه=يامسـوي الكيـف زوَد كيفـك قنـادي
تجـدد شعـوري الصـادق و زفيتـه=بالمسك و العود و الريحـان و الكـادي
قصيدة / محمد بن موسى المقاطي . . .
« آخـــر الـــمـــشـــاركــــات »
04-Jun-2010, 08:58 PM
المشاركه الأولى "و بهجة الروح" . .
العرض العادي
