يا بحر والله ما شيّب روسنا غير الرّجالة ..!!

[وصل العطياني؟؟؟]

السلام علاكم

البـَحـَر والشّعـْر تربطهم مواثيق و زمالة=من يردّ الموج والشاعر ليا هبـّت هبوبه
يا بـَحَر لوّ أكتب أبياتي على موجك رسالة=بيت واحد من بيوتي يقلب أملاحك عذوبة
يا بَحَر يا ليتني باقي على طيش الجهالة=يوم كنت صـْغِـير ما اعاني من الدنيا صعوبة
الفرح عنده موظّفني ومعطيني وكالة=للضحوك وللمزوح ونزوة النفس اللعوبة
ويوم كمـّـل عمري العشرين قدّمـْت إستقالة=الفرح عيـّا اسلوبي لا يوافق مع اسلوبه
القوانين القديمة والمذاهب والأصالة=تلزم الرجـّال لوّ الحال ماشي دوب دوبه
يا بـَحَر والله ما شيّب روسنا غير الرّجالة=عيب نسكت وإن هَرَجْـنا كلمة الرّجل مْحَسوبة
يا موصّي . لا توصّي صاحْبـِك يلزم رياله=وش يسوّي بالفلوس اللي تبرّت من جيوبه
أنت وصـّـلْت النصيحة واتركه مالك وماله=الكرم ماهو مجـنَّب عنه لو إنـّه عقوبة
كمّ مرّة جاه حملٍ ما يطيقه وارتكى له=من عناده للحمول الجايرة ما قال توبة
لو تسلّف واجب ضْيوفه من هْنود البقالة=مع صلاة الظهر في جدّة وفي عزّ الرطوبة
لجل ما يدرون ضيفانه بحاله كيف حاله=مايجيهم غير مستانس ويضحك مع جنوبه
كرّم الله لحية اللي ضيفه يكرّم سباله=وسوّد الله لحية اللي يعطي ضيوفه ذروبه
البخيل تشوف وسم الضّيم حتّى في عياله=ما تقول الاّ مشَــلْوطهم على النار الشّبوبة
والكريم ليا عطى كنـّه ما يعطي من حلاله=لو طلبته ثوبه اللي لابسه يعطيك ثوبه
نعنبوا جدّ البخل واللي يحطّه رأسماله=البخيل بْخيل ما يعطيك حتــّى من ذنوبه .!

تحياااااااتي .

التوقيع

na111na@hotmail.com

[سلطان بن ثعلي]

الله الله


صح لسانك ياوصل وبيض الله وجهك


قصيدة جزلة من شاعر جزل


لك احترامي

[أخو جوزا]

صح لسانك يابو مشهور

[حسن إبراهيم الدجيماء]

طيب طيب ,,

كـــرّم الله لـحـيـة الـلــي ضـيـفــه يــكــرّم سـبـالــه = وسـوّد الله لحيـة اللـي يعطـي ضيـوفـه ذروبــه
البخيل تشـوف وسـم الضّيـم حتّـى فـي عيالـه = مـا تقـول الاّ مشَلْوطهـم علـى الـنـار الشّبـوبـة
والكريـم ليـا عطـى كنّـه مـا يعطـي مـن حـلالـه = لــو طلبـتـه ثـوبـه الـلـي لابـسـه يعـطـيـك ثـوبــه
نعـنـبـوا جـــدّ الـبـخــل والــلــي يـحـطّــه رأسـمـالــه = البخيـل بْخيـل مـا يعطيـك حتّـى مـن ذنوبـه .!

صح لسانك يابومشهور ,, أنا أشهد إنك داهية ,,

وبيض الله وجهك ,, في انتظار جديدك بشغف ,,

لازال لك محبين فلاتحرمنا ابداااعااتك ,,

الله لايحرمناااااكـ ,,

//

إحتراااامي ..!!!

[عبدالله بن طلال]

لله درك .. وصح لسانك ترليون ولا يكفون


اشهد بالله انك تجاوزت حدود الابداع .. الله لايضرك


تحياتي لك يالقرم

[فهد رشيد الزلامي]

يابحر لو اكتب أبياتي عى موجك رساله
بيت واحد من بيوتي يقلب أملاحك عذوبه

صـــــــــــــــــــــــــــــــــح
لــــــــــــــــــســـــــــــــانك

قصيده رائعه من شاعر جزل . تقبل تحياتي

[صـويب الرمـــش*]

انا اشهد انها ابيات جزله ,,, بيض الله وجهك
اطال الله في عمركـــــــ


تحياتي لكـــ ,,,,,

[علي فلاح العضياني]

الله الله


صح لسانك يابو مشهور



لا جديد عليك سوى الابداع و الامتاع



في انتظار ما تخطّه أناملك لاحقاً بكل شغف




تحياتي

التوقيع

(( رأس الحكمه مخافة الله ))

[بعيـد المرامع]

المشاركة الأصلية كتبت بواسطة وصل العطياني؟؟؟

السلام علاكم

البـَحـَر والشّعـْر تربطهم مواثيق و زمالة=من يردّ الموج والشاعر ليا هبـّت هبوبه
يا بـَحَر لوّ أكتب أبياتي على موجك رسالة=بيت واحد من بيوتي يقلب أملاحك عذوبة
يا بَحَر يا ليتني باقي على طيش الجهالة=يوم كنت صـْغِـير ما اعاني من الدنيا صعوبة
الفرح عنده موظّفني ومعطيني وكالة=للضحوك وللمزوح ونزوة النفس اللعوبة
ويوم كمـّـل عمري العشرين قدّمـْت إستقالة=الفرح عيـّا اسلوبي لا يوافق مع اسلوبه
القوانين القديمة والمذاهب والأصالة=تلزم الرجـّال لوّ الحال ماشي دوب دوبه
يا بـَحَر والله ما شيّب روسنا غير الرّجالة=عيب نسكت وإن هَرَجْـنا كلمة الرّجل مْحَسوبة
يا موصّي . لا توصّي صاحْبـِك يلزم رياله=وش يسوّي بالفلوس اللي تبرّت من جيوبه
أنت وصـّـلْت النصيحة واتركه مالك وماله=الكرم ماهو مجـنَّب عنه لو إنـّه عقوبة
كمّ مرّة جاه حملٍ ما يطيقه وارتكى له=من عناده للحمول الجايرة ما قال توبة
لو تسلّف واجب ضْيوفه من هْنود البقالة=مع صلاة الظهر في جدّة وفي عزّ الرطوبة
لجل ما يدرون ضيفانه بحاله كيف حاله=مايجيهم غير مستانس ويضحك مع جنوبه
كرّم الله لحية اللي ضيفه يكرّم سباله=وسوّد الله لحية اللي يعطي ضيوفه ذروبه
البخيل تشوف وسم الضّيم حتّى في عياله=ما تقول الاّ مشَــلْوطهم على النار الشّبوبة
والكريم ليا عطى كنـّه ما يعطي من حلاله=لو طلبته ثوبه اللي لابسه يعطيك ثوبه
نعنبوا جدّ البخل واللي يحطّه رأسماله=البخيل بْخيل ما يعطيك حتــّى من ذنوبه .!

تحياااااااتي .

ماهي عليك ..بغريبه يالاستثنائي..


وذكرتنا ..بابياتك ..

اللي مولّع بالضياع يـروح لـدروب الضيـاع
واللـي مولّـع بالمراجـل مـا يغـرّ دروبهـا


وليا تملّكْت الكـرم والحكمـة وطـول الـذراع
لا تشغلك نفسـك تـراك اعطيتهـا ماجوبهـا
والواحد اللي لا كريـم ولا حكيـم ولا شجـاع
مفروض يعطي ثوبه الحرمـة ويلبـس ثوبهـا



وأشهد بالله..انك ملكتها

شهادة عارف..وباخص

ماهيب خراص..وتواهيف..




دمت ياوصل..عالي..وغالي

التوقيع

تنويه ..وتنبيه ..مرامعي.. لوحظ في بعض المنتديات و من بعض الاخوه هداهم الله ..سرقة بعض مواضيعي في منتدى الهيلا..ونشرها في منتدياتهم ..بمعرف "بعيد المرامع" ..لإيهام القارئ والمتصفح ..بأنه صاحب الموضوع..والكاتب بعيد المرامع لذا أود التنويه .. بأني ..انا يا بعيد المرامع..ليس لدي اي معرف اخر..خارج موقع منتديات عتيبه الهيلا إطلاقاً.. B3EED_MRAM3@HOTMAIL.COM

[شامان الروقي]

صح لسانك يالعطياني قصيده جزله