دارت رحانا كان ما درات رحاك .. وبعيرنا شقران وبعيرك برك (حبيب وصياف ) - الهيـــــــــــــلا *** منتدى قبيلة عتيبة

ناصر التميمي · 22-Nov-2010, 01:27 AM

مسيتم بالخير جميعا ,,

هذي اول مشاركة لي وأحب ابتدي بقاف رائع للشاعرين حبيب العازمي وصياف الحربي

حبيب:
الليل يا صياف جاك القاف جاك .. مربوع والرابع مكمل مشترك * هات السوالف ثم تسمع ردها .. وألي عقد روس الحبال يحلها
دارت رحانا كان ما درات رحاك .. وبعيرنا شقران وبعيرك برك * من حلقها رديتها في خدها .. وألي عقد روس الحبال يحلها

صياف:
الليلة أنت يا حبيب وش بلاك .. نوب تطير ونوب تدخل في الشرك * أبعد عن السكين ولا حدها .. وألي عقد روس الحبال يحلها
تبا تطيح إن كان ما ربي هداك .. العين مثل الجمر والخشم انفرك * سد اللوازم يالعتيبي سدها .. وألي عقد روس الحبال يحلها

حبيب:
أنا بغيت أهرج معك وأضغط علاك .. لكن أشوفك منصرع ما تحترك * ميز يدينك زين قبل تمدها .. وألي عقد روس الحبال يحلها
أليا قربت النار لا تزحف وراك .. هذا سواة الي يحول في الدرك * وأليا تعزوى بحرب حنا ضدها .. وألي عقد روس الحبال يحلها

صياف:
من كبر قلبك واعذابك واعماك .. يالعازمي وش صغرك وش كبرك * الصبح عش القوم ولا غدها .. وألي عقد روس الحبال يحلها
جتك الليال السود وكلّت جداك .. طلعت راس أصبعك الأيمن وانحرك * ارفع رموش العين قبل تمدها .. وألي عقد روس الحبال يحلها

حبيب:
إن كان عندك مرجله والله عطاك .. انجر سفير الروم ولا ينجرك * اطرح عجوز ابليس وألعن جدها .. وألي عقد روس الحبال يحلها
قدام لا يلصق لسانك في جماك .. خذها نصيحه لا تطلع خنجرك * ترا العصا مترين وأنت قدها .. وألي عقد روس الحبال يحلها

صياف:
أليا طلبت السيف الأبيض قلت هاك .. وإن صار عندك خوف بسد نحرك * تطلع جبال النير ولا هدها .. وألي عقد روس الحبال يحلها
ما سال سيل العقربية والسماك .. يا شين عراك العيون أليا عرك * أخذ الرسالة يالغريب وودها .. وألي عقد روس الحبال يحلها

حبيب:
محد قال لك تلحق رشاك .. وش طيرك فوق الجبل وش طيرك * جمال أهل عسفان عافت بدها .. وألي عقد روس الحبال يحلها
عمك هذا عمك هنا عمك هناك .. أحسن طريقة في المطار يسفرك * لا تركز الماصه وتقعد سدها .. وألي عقد روس الحبال يحلها

صياف:
روحت للحربي وحصل لك دواك .. مدري تشيله في ايمنك ولا ايسرك * افعالنا عند الرجال نعدها .. وألي عقد روس الحبال يحلها
أثر علومك كلها حمض وراك .. لكن صياف السحيمي دبرك * الراس كاشف والقرون تكدها .. وألي عقد روس الحبال يحلها

حبيب:
يألي تبا تال العرب جا من وراك .. من العقيده مسفرة من ينصرك * حتى النياق تروح ما ترتدها .. وألي عقد روس الحبال يحلها
عز الله أنك شاعر صعب لقاك .. والعازمي سلط عليك وصخرك * حلحل صواميلك وزيد وشدها .. وألي عقد روس الحبال يحلها

صياف:
هذي دعاية جبتها بين زملاك .. تبا العجوز من المشاكل تسترك * وإن كان ما جاتك بخبز تردها .. وألي عقد روس الحبال يحلها
دورت للحربي ودورك ولقاك .. ماهي غريبه ينكرك ما ينكرك * الأرض نعرف وردها من مدها .. وألي عقد روس الحبال يحلها

حبيب:
تحمد الله يوم أبوها ما غزاك .. يمكن أبوها يالشبابي وفرك * هذي عجوز ولا قدرت تصدها .. وألي عقد روس الحبال يحلها
زلزل بك أرضك زلزله واصحى سماك .. من البداية للنهاية وأشكرك * والمعركة لابدها لابدها .. وألي عقد روس الحبال يحلها

صياف:
ما أرضى بكذبك يا حبيب من غلاك .. يا ليت راع الخنفرة ما خنفرك * ما للعجوز إلا عجوز نضدها .. وألي عقد روس الحبال يحلها

وسلامتكم ,,

آخر تعديل ناصر التميمي يوم 22-Nov-2010 في 01:36 AM.

ابن المحايا · 22-Nov-2010, 01:30 AM

بيض الله وجهك يالتميمي وحياك الله في منتدى الهيلا

واختيارك لهذا الطاروق الرائع انما يدل على ذائقتك وحسن الاختيار

تحياتي

ناصر التميمي · 22-Nov-2010, 01:34 AM

ووجهك يابن المحايا ,,

والله يحييك ويبقيك

شرفتني بحضورك الرائع ,,

الـحـنـشـ · 22-Nov-2010, 01:47 AM

الله يعطيك العافيه ياالتميمي والله يرحم شاعر الخليج ويعافي حبيب

فيه أخطاء إملائيه كثيره في كتابتك تغير معنى البيت

ابو فايح · 22-Nov-2010, 01:47 AM

الله الله

قاف رااااائع جدا

شد في الأخر قليلا

الله يرحم صياف ويطول عمر حبيب

وبيض الله وجهك ياناصر قاف يدل على ذائقتك المرتفعه

التوقيع

عالم تويتر

abofayeh@

ابو فايح · 22-Nov-2010, 01:50 AM

صدقت يالحنش فيه هناك بعض الأبيات ناقصه كلمات

نتمنى من الأخ ناصر إن كان الطاروق لديه صوتي

أن يحاول تصحيحها في رد مقبل لأقوم بتعديلها فالموضوع الأساسي

ناصر التميمي · 22-Nov-2010, 01:58 AM

الله يعافيك اخوي الحنش وبيض الله وجهك

اخوي ابو فايح

ووجهك ابيض وبارك الله فيك على التشجيع

بالنسبة للأخطاء الإملائية هذا القاف صوت وصورة وإذا فيه اخطاء علموني أعدلها في محفوظات جهازي