قصيده لشاعر مخلد القثامي العتيبي مدح شيوخ القبايل........

[محب الهيلا]

مخلد بـد حيـد طويـل الاشاذيـب=ذكر علـه وكلمـا بالحشـا جـاب
لو لا اني اجلا عن ضميري لواهيب=في كنة الغليون فـي راس مرقـاب
وملا وحي باكوار شيـب المحاقيـب=لغدا حريقة نار فـي راس مشهـاب
علـى عشيـر سدهـاك المراقيـب=عسلج وضلع هدان وكبـاد ونيـاب
ودعتـك الله ياشريـف الخراعيـب=يانافـل بالزيـن تلعـات الارقـاب
العين طفطـوف عـذى المشاريـب=في ماقع عسـر علـى كـل هيـاب
وانهيد خلي ماتعلـق بـه الصيـب=حمر ثمرهن توهن شـق الاسـلاب
يفداه من لـم الحطـب للخراعيـب=خطو السدوح اللي عيونه للاقـراب
يالجتي لجـة محـال علـى شيـب=شيب اعـداوه عفتوهنـه اصعـاب
تقفي وتقبل بـه طويـل المجاذيـب=في عيلهم طولـه ثمانيـن بحسـاب
ويالجتـي لجـة قطيـع مناهـيـب=في كنـه الجـوزا حداهـن ملهـاب
على القليـب يرشحـن المغاريـب=العـد مقطـع والحداديـر هـيـاب
او لجتـي لجـة نجـور تواعيـب=لجة نجور الحاج مـع كـل شـراب
او لجتي لجة مـع الغبشـة الذيـب=لجلاج ذيب يرفـع الصـوت قنـاب
يلومنـي بالحـب خطـو الدباديـب=خطو الدحوش اللي تعصا بمشعـاب
والحب ماعذرب شيـوخ الاجانيـب=ولا عاب ابن ظمنه وراكان ماعـاب
ولاعاب اخو نوره مروي المغاليـب=ولا عاب الدوشان عريبين الانسـاب
ولاعاب نمـر حصـان الاطاليـب=اللي عشق وضحا وابا زيد وذيـاب
ولاعاب اخو سكره حما الفطر الشيب=ولاعاب ابن حميد صنهات وعقـاب
اللـي يعزلـون امهـات الدباديـب=ام الجرس والطوق والعفر الاشبـاب
ولا عاب اخو ريا حما الفطر الشيب=اللي يفك الجاذيـه وقـت الانشـاب

و الذين تم ذكرهم هم :

1- فايز بن جريس بن ظمنه "شيخ الصعبه من بني عبدالله من قبيلة مطير "
2- راكان بن حثلين "شيخ شمل قبيلة العجمان "
3- اخو نوره محمد ابن رشيد " شيخ عبده من قبيلة شمر "
4- الحميدي بن فيصل بن وطبان الدويش و تريحيب بن شقير الدويش " شيوخ شمل قبيلة مطير "
5- حصان الاطاليب نمر بن عدوان " شيخ عشيرة العدوان من قبيلة بني صخر "
6- ابو زيد سلامه الهلالي " من شيوخ قبيلة بني هلال "
7- ذياب بن غانم الهلالي " من شيوخ قبيلة بني هلال "
8- اخو سكره خلف المور الهقيش " شيخ عشيرة الهقيش من قبيلة بني صخر "
9- صنهات بن حميد " شيخ شمل قبيلة عتيبه "
10- عقاب بن سعدون العواجي " شيخ ولد سليمان من قبيلة عنزه "
11- اخو ريّا هاجد بن رزيّن بن ظمنه " شيخ الصعبه من بني عبدالله من قبيلة مطير "


وهذه القصيده التاريخيه سيفتخر بها ولن ينساها ابناء الشيوخ الفرسان المذكورين ولا قبائلهم
لأن شاعر قبيلة عتيبه الكبير مخلد القثامي يرحمه الله مدحهم لا لأجل المديح فقط للإستدلال على ثوابت .

منقول

.
.
.
ولكم مني ارق التحايا والتقدير

[ابو محمد الدعجاني]

علـى عشيـر سدهـاك المراقيـب
عسلج وضلع هدان وكبـاد ونيـاب
ودعتـك الله ياشريـف الخراعيـب
يانافـل بالزيـن تلعـات الارقـاب
العين طفطـوف عـذى المشاريـب
في ماقع عسـر علـى كـل هيـاب



رحمة الله على مخلد القثامي والمسلمين اجمعين لاهنت يامحب

[محب الهيلا]

لاهنت على مرورك الكريم

[عتيبي مكة]

مشكور اخوي على القصيد المنقولة لشاعر الكبير مخلد القثامي
الذي لن ينساه الجميع

[نزهان الروقي]

الله يرحم اموووات المسلمين

[أبوضاري]

محب الهيلا
مشكور أخوي والله يرحم مخلد القثامي

[الخليدي القثامي]

الله يرحمة


ولاهنت على النقل

[برقاوي وروقي]

بيض الله وجهك على لقصيدة ولاهنت ومخلد القثامي الله يرحمه شاعر كبير ومعروف لجميع القبايل
ولك تحياتي

[الــعــد*** الــرهــاوي]

][`~*¤!||!¤*~`][مخلد القثامي رمز من رموز الشعر
وقاعده من قواعد الشعر الاصيل][`~*¤!||!¤*~`][

آخر تعديل الــعــد*** الــرهــاوي يوم 14-Feb-2009 في 03:08 AM.

[البحترى]

رحم الله الشاعر مخلد القثامى ومرحبا بالجميع اما الاسامى الصحيحه 1- الشيخ هاجد بن ظمنه فهو المعروف والمشهور وفى وقت مخلد القثامى وياخذ الدرمه على الحاج المار فى ديار بنى عبدالله من مطير وليس الاسم المذكور فى الترجمه السابقه اللى ماهو بامير ولا بالظمون شيخ بها الاسم كان عقب الانترنت والقصيده معروفه منذ القدم ان المقصود هاجد واخو ريا المقصو د فى القصيدة كذالك هاجد او ابنه سلطان كلام موثوق واكيد اما اللى مرر الاسم السابق وهو من خارج عتيبة فهو لا يخاف الله وشكرا