عغعغت

[فيصل المسند]

	[يقول من هاجوس قلبه يدله وعيني تخايل عاليات الشناخيف ودور على الطيب ووهف محله واحفظ على رفقة بعيد المشاريف رجل الرجال اللي يظلل بظله مثل الجبل ما زعزعته العواصيف عزيز نفس ما مشا بالمذله -رايات عزه يلعبن الغطاريف لاطالت أيام الدهر ما تمله تلقى النشامى له ومثله مواليف جالس عزيز ولايجي فيك خله وترى الجليس يمثلك بالتواصيف ترى الرجال رجال وبهم مفله أشكال تعرف أعزوم وتصاريف وكلٍ يسير وسيرته شاهد له وتبين من نيات قلبه طواريف يرسم على نفسه صحايف مجلة لو كان يخفي سيرته من العرب شيف ومن لا فعل ماب الشرف حاصلٍ له وقولٍ بلا فعلٍ حكايا ملاقيف والطيب يبغي واحدٍ عاشقٍ له يرفع خطاه العاليات المشاريف على العسر واللين متحملٍ له ومعسفٍ نفسه على العز تعسيف قلبه على كسب المراجل يتلة -تلة حبال مكسرات العصاريف ثلاث ترفع مستوى الرجل كله واليا حصل ثنتين جاله مواقيف ألوله يكسى بها طايع الله والله كريم وشرف الدين تشريف والثاني اللي تنعرف عزوةٍ له اليا قيل وين اللي يورد شبا السيف والثالث اللي ضيف داره يدله كريم سبلى يكرم الجار والضيف واللي جمعها كلها سجلت له عزٍ تقصر من فضاه المحاذيف تاج الفخر ماكل رجلٍ يشله الا الذي رجله تدك الشواطيف نوبٍ تجي ضده ونوبٍ أرضله ونوبٍ تحذف به على البر والسيف ونوبٍ عراقيب الليالي تمله ويصبح يصارع لفحة البرد والصيف وجهه على كسب العلا جابرٍ له لوكان ماها مايبل المغاريف راع الصخا رب البرى عاينٍ له ضيقات وقته من خرجها مناكيف

آخر تعديل فيصل المسند يوم 03-Nov-2008 في 11:05 AM.

[ابو محمد الدعجاني]

صح السانك وبيض الله وجهك

[نيزك]

سلمت أخي داهية العرب على نقل قصيدة الشاعر
شلعان ابن ظافر ابن فهيد الدوسري رحمه الله
وهو :
هو الشاعر الفحل شلعان بن ظافر بن فهيد الجماعين الوداعين الدوسري
الساكنين بمدينه السليل عاش ردحاً من الزمن في حياة الباديه متنقلاً في فلواتها القريبه من هجرة ( إحمام ) مع أهله وعشيرته ومع الابل حيثما حلت ورحلت وقد إكتسب شعره صفة مميزه من هذه الحياة البدوية.

وله قصائد في الحكمة وقصائد في الإبل رحمه الله
وسأورد ببعض هذه القصائد في ردود قادمه

سلامي لك

[فيصل المسند]

هلا اخوي نيزك
والشاعر شلعان شاعر قوي وشاعر معروف لدى الجميع
لك الف شكر على مرورك الكريم وتوضيحك الجميل
تقبل تحياتي

[اسير الضلام]

مشكور ويعطيك العافيه