مزاين الأبل ... للشاعر / كديميس العصيمي

[نامي]

اهل المزاين عاقبو شمخ النيب = وتكبدة فالمهرجان الإهانه
مابين تدريب ٍ ومابين تأديب = ومابين تقرير الحكم وامتحانه
وبين الشبوك وبين عوج المشاعيب = ومن لا لقي مشعاب بالخيزرانه
من الجفال عيونها كالمشاهيب = لياحضر جمهور راعي فلانه
اللي على صالون واللي على جيب = واللي معه سوطه ويشعب حصانه
والمنشدين يلحنون الهناديب = حتى تجي الشيله على الأصطوانه
في مهرجان ٍ فيه للضيف ترحيب = بين الحتيفه والزباره مكانه
لكن يوجد فيه عدة عذاريب = يشوفها المبصر ويسمع بأذانه
البذخ للضيفان عند المعازيب = والكفر بالأنعام والإستهانه
بأسم الكرم حطو وجاب ومواجيب = وزود البذخ من كثر حشو الإعانه
وكثر المهايط في كلام اللواعيب = وخسران من قلبه يقوده لسانه
والنجش والتطفيف بين الجلاليب = والمشترى والبيع يحتاج أمانه
ياليت لاجاء عرض حرش العراقيب = ليا كل ذود ٍ بأوله ترجمانه
يشرح معاناة أمهات الدباديب = بلسان حال الذود يشهر بيانه
ويجاب له قاضي ليا سأله يجيب = ونشوف من تثبت عليه الإدانه
للبل على الوبال عدة مطاليب = منهن محبتها وخالص حنانه
ويتبع هواها فالفياض المعاشيب = ليا كسى عرق شعبا قحويانه
البل سعدها بين عردان ومغيب = واليا اكتسى واد الرشا بسعدانه
وبين جبله وذقان وام المقاريب = والا الحوم لازيَنه ديدحانه
مثناة نجد ومرتع ٍ للحنازيب = اللي لها في مجتمعنا مكانه
كانت عدايلنا ومنها المناجيب = وكانت على قدر ٍ عزيز ومصانه
وندحم بها فوق العدود الأجانيب = ليا صار نسقي بالرشا مع شطانه
مثل قليب الأيسري فاللواهيب = ليا صار في حكي شربنا خشانه

كديميس صالح العصيمي

[عايض جزاء العصيمي]

صح لسان الشاعر كديميس مليون

والله انه صادق في ماقال

[أخو جوزا]

صح لســــــــــــــــــــانه

التوقيع

قال الله تعالى: ﴿وَالْعَصْرِ * إِنَّ الإِنسَانَ لَفِي خُسْرٍ * إِلاَّ الَّذِينَ آمَنُوا وَعَمِلُوا الصَّالِحَاتِ وَتَوَاصَوْا بِالْحَقِّ وَتَوَاصَوْا بِالصَّبْرِ ﴾

[سعد بن مطلق المقاطي]

صح لسان الشاعر الكبير كديميس صالح العصيمي شاعر المواقف


قصيده واقعيه 100/ والله يصلح شان الابل ويرحمه برحمته


والله يوفق الجميع الى طريق الصواب


نامي شكرا لك ونريد جديد ابو سلطان اولا باول لاتبخل علينا

التوقيع

ديــــــــــــــــواني

آخر تعديل سعد بن مطلق المقاطي يوم 30-Jan-2012 في 09:38 PM.

[الرأي الآخر]

صح لسانك يابو صالح


عز الله صدق


..

ألف شكر يانامي عل النشر،،

[نامي]

اشكر كم ولا هنتو



للتوضيح آخر بيت فيه خطأ


مــثــل قـلـيــب الأيــســري فـالـلـواهـيـب ...ليـا صـار فـي حـكـي شربـنـا خشـانـه


مــثــل قـلـيــب الأيــســري فـالـلـواهـيـب ....ليـا صـار فـي حـكـي شربـانـا خشـانـه

[عزارم]

الله الله



هذا القصيد يانامي اللي له طعم











صح لسانك ياكديميس لون الابل تنطق وتعبر عن حالها كان سمعت العجب صح لسانك يابو صالح الله يطول في عمرك ويعافيك شاعر مثلك ماسمعته شهادة حق والزور ننفاه ولك مني خالص الشكر والعرفان.




نامي شكرلك ياطيب

[محمد الذيابـــي]

..


صح لسااااانه ..



لا هنت...

التوقيع

التوقيع محمد الذيابـــي

[العصيمي خالد]

صح لسااااان ابو سطان ماقال لا الصحيح





مشكور على النقل يا نامي

[الباحث عن الحقيقه]

لكن يوجد فيه عدة عذاريب يشوفها المبصر ويسمع باذانه



شكرا للشاعر كديميس العصيمي وشكرا الاخ نامي