على قدر اهل العزم تأتي العزائم = وتأتي على قد الكرام المكام
الأمثال الأتية : ما يقدم في قوم الإ خيارهم ـ اطعن يا بو زيد والناس تكفيك ـ الماء ما يغطاه النثيل ـ ذكر الحياء والطيبين يبين
ترى أبو سعود مثل سهيل وقت أحسابه المعهود= يشوفونه ترى أهل اليمن ويشاف فالشامي
][`~*¤!||!¤*~`][القصيدة موجهه للشيخ/ زيد بن سعود الغربي الروقي العتيبي ][`~*¤!||!¤*~`][
ترى أبن حسين ليا منه بدى قاد المعاني قود = بعرف ومعرفه فالوقت ما غرته الأوهامي
يعرف الصائبه والزين ويجنب عن المنقود = ودائم في طريق أهل العرف ما فجر ألغامي
ألا يا زيد يأبن سعود ألا يا خيرة الماجود= عساك تعيش في خير وسعاده كل ألايامي
أقوله يا طويل العمر مالي غايه ومقصود = لكن أنته مثل هداج يشرب من ورد ظامي
ترى هداج تيماء صادراته ما ترد ورود= من أهل الإبل وألا شاوي وارد بالأغنامي
كبير الحظ مثلك دائم مرافق هبوب النود= وأله فضلٍ على المحتاج والجيران وأرحامي
بطيبك مالك ثلث البشر فالوشم بيض وسود= ألا يا ابو الرمل أبوكبار السن وأيتامي
يمينك بالكرم تنفق على رمل ويتيم وعود= وترى كل الرجال تجي لزيد بودن عزامي
ترى أبو سعود منصى قيض وألا في شتاء وبرود= كثير الناس ينصى زيد لو تعبن الاقدامي
شبيه سهيل ينفق في زمانه بالكرم ويجود= ويبشر بالثواب من الولي وبزود الانعامي
عساه يعيش في دنياه لا حاسد ولا محسود= يحفظه واحد رزقه لخلقه قسم أقسامي
كريم يرزق الثعلب ويرزق نسرها ووسود = وعباده تستعي وطوف كل فوقه أحرامي
ترى يا زيد حنا نفتخر بك فالقسى والكود = نماري بك ترى فحطان والعجمان مع يامي
ما بي تبكي عليك عيون وتحزن عليك خدود= بفضل الله عسى الله يحفظ المسلم فالإسلامي
عسى عمرك طويل تعيش فالدنيا بدون حدود = تربع بالمغاتير وشعل وسقوس وخيامي
ترى أبو سعود مثل سهيل وقت أحسابه المعدود= يشوفونه ترى أهل اليمن ويشاف فالشامي
أنا ودي يعين شيخ شمل في بني مسعود= عسى فالصحف تنشر غايتي وتذيع الإعلامي
وتصير أخبارها في نجد ينقلها حمد وحمود= ومرئيه ومسموعه وتصوير بالأفلامي
لجل ينهض بهم للعاليه والعاليه سنود= وهاذي رغبتي يا شيخ وأفكاري من العامي
ترى يا زيد ما بعد الحياه ألا القبر والدود= لحود مظلمه يا ويل عبادة الأصنامي
تراك أنته شجيع ورجل وافي ما عليك قيود= ولك سمعه تشرف عند محكوم وحكامي
تراها فرصه فالعمر فكر فالنقص والزود= وتحزم بالسويري والفشق حطوه فحزامي
وليا منك غزيت القوم أرفع بيرق العبود= واخذ رايك من أفكارك ولا تغديك الأحلامي
عدوك ما يحنب عنك لين تشممه بارود= وليا شمه يصيبه في زمانه نحاز وهيامي
وتحذر من أهل الكذب ونميمه وردي سدود= ترى هاذي صفات أهل الردى والميسم الحامي
ورافق كل صاحب دين وعرف ومعرفه مشهود= وجنب عن خسيس لا صلاة ولابه صيامي
ردي الناس في دنياه لا فاقد ولا مفقود= بهيمه في زمانه أن صحاء يا زيد ونامي
تمسك فالشجيع أللي يعرف الحق والمفرود= وليا منه مسك عليان حط براسه خطامي
ترانا للرفيق أللي سواتك نبذل المجهود = ولو حذف العدو يا زيد جاء خلفي وقدامي
ولو هي خيلت تبرق وحنت فالنصوب رعود = نحط أسيور فيدين اليتيمه وبخشمها زمامي
نحل عقودها لو الحبل في وقتها معقود = وناقف في طريق أهل الكذب وأهل النميمه وأهل الإجرامي
ألا يا ليت فالقرآن والسنه أمر موكود = نبي راعي النميمه والكذب يحكم بالإعدامي
نعرف أن الحظارم في المكلا وأهل صنعاء زيود= وأنا أعرف التهامي في تهامه دائم تهامي
ترى وقت الشدائد دائمٍ نقدح بكل زنود= وأبو عرام يربط عمته ويروح عرامي
وأختمها بذكر الله على وضح النقاء المجرود= عدد ما كتب في بيض الورق من رؤس الاقلامي
وعدد ما صلت أعباده فروض لربها المعبود = وعدد فالملعبه ما جر صوته أبن وسامي
«®°·.¸.•°°·.¸¸.•°°·.¸.•°®»الشاعر / الحميدي بن حسين الناصري السيحاني «®°·.¸.•°°·.¸¸.•°°·.¸.•°®»
.................................................. ............
« آخـــر الـــمـــشـــاركــــات »
04-Sep-2009, 03:53 PM
قصيدة في الشيخ / زيد بن سعود بن غالي الغربي
العرض العادي
