::: تغطية حفل الشيخ/ نايف بن ربيعان لقبيلة العصمة وعلى رأسهم العقايلة :::

[! محتميها !]

تحية عطرة



وأسعد الله جميع أوقاتكم بكل خير



في ليلة من أجمل الليالي ، ولقاء من أروع اللقاءات



تم بفضل الله مساء البارحة الخميس 18/1/1430هـ الموافق 15/1/2009م في قصر العرب بالعاصمة الرياض ، حفل أقامه الشيخ/ نايف بن عبدالرحمن بن ربيعان وذلك لتكريم قبيلة العصمة وعلى رأسهم الشيوخ العقايلة


وقد حضر الحفل الكثير من شيوخ وأعيان ووجهاء قبيلة العصمة كان على رأسهم الشيوخ العقايلة وعدد من شيوخ خوامس قبيلة العصمة


وقد حضر الحفل كل من:


الشيخ/ ذعار بن ناصر العقيلي امير مركز ام سريحة
الشيخ/ خالد بن محمد العقيلي امير مركز البدائع
الشيخ/ ماجد بن ناصر العقيلي
الشيخ/ عبدالله بن حماد العصيمي
الشيخ/ ضاوي بن زيد ابو كتيفه "شيخ العمرية بالحجاز"
الشيخ/ حمود بن حسن بن خيشوم "شيخ النباعين بالحجاز"
الشيخ/ رزاح الشويب الحلحلي "من أعيان وكبار الحلاحلة المعروفين"
الشيخ الشاعر/ غالب بن زيد ابو كتيفة
الشاعر اسد النباعين/ عبدالله بن دخيل الله بن دهيران
الشيخ/ مسفر بن عبدالله الوباري
العميد طيار ركن/ سعود بن عبدالله الوباري
الشيخ/ محمد بن ماجد العقيلي
الشيخ/ عبدالله بن ماجد العقيلي
الشيخ/ سعود بن عساف العقيلي
الشيخ/ محمد بن عساف العقيلي
الشيخ/ بدر بن جبرين العقيلي
الشيخ/ محمد بن جبرين العقيلي
الشيخ/ ماجد بن ذعار العقيلي
الشيخ/ فهد بن عساف العقيلي
الشيخ/ تركي بن ذعار العقيلي
الشيخ/ فهد بن ماجد العقيلي
الشيخ/ ناصر بن ذعار العقيلي
الشيخ/ نقاء بن حسن بن خيشوم
الشيخ/ أحمد بن ضاوي ابو كتيفة
المقدم الشيخ/ فيصل بن حسن بن خيشوم
الشيخ/ منصور بن ضاوي ابو كتيفه
الشيخ/ محمد بن ضاوي ابو كتيفة
الشيخ/ نزال بن سلطان ابو كتيفه

وعدد من اعيان وابناء قبيلة العصمة ممن لا تحضرني أسمائهم


وكان في استقبال شيوخ واعيان قبيلة العصمة الشيوخ الرباعين وجماعتهم ذوي ثبيت وربعهم الروقه حيث كان استقبالاً حافلاً يليق بمكانة الضيوف وكان على رأس المستقبلين

الشيخ/ نايف بن عبدالرحمن بن ربيعان
الشيخ/ بدر بن بندر بن ربيعان
الشيخ/ نايف بن هداج بن ربيعان
الشيخ/ مشاري بن هداج بن ربيعان
الشيخ/ علوش بن عقاب بن ربيعان

وعدد من الشيوخ الرباعين ممن لا تحضرني اسمائهم



وبدأ الحفل الخطابي بآيات من الذكر الحكيم ، تلاها بعد ذلك قصائد ترحيبية من الشعراء المشاركين


بعد ذلك طلب مقدم الحفل مشاركة شاعر المواقف و"ملك المنبريات" (كما أطلق عليه مقدم الحفل) الشيخ الشاعر/ غالب بن زيد ابو كتيفه الذي شارك بثلاث قصائد وهي:

الأولى: قصيدته في حفل الشيخ/ ضاوي بن زيد ابو كتيفه "شيخ العمرية بالحجاز".

لا اله الا الله اللي لا اله نده = جل شانه يمهل العالم ولا يهملها
الكريم اللي يمد ليا طلبنا مده = وامرنا في دبرته وارزاقنا كافلها
يا ضميري حد سيفك للمواقف حده = والحبال اللي توردك القراح افتلها
والكلام اللي يجمل يا ضميري بده = والعلوم الثانية بيبانها قفلها
الدرر من دونها جزر المحيط ومده = والصعاب اللي تهوشك دونها ذللها
واترك اللي عن لزوم الربع فيهم صده = والوجيه اللي تبشر بالسعد قابلها
احتزم للماقف الغصاب وانته قده = المواقف دين وانته ما خلقت الا الها
خابر طيرك يصيد الجزل يوم تهده = كل ما حول على الشرد يجيب اجزلها
والجبل والعالم اللي تتقي في سده = ورنيها لين اشوف وجيهها وازهلها
كل رجل من ثيابه يلبس اللي قده = لا يقصرها عن السنه ولا يسبلها
كان قصرها يجي للناس فيها لده = وكان طولها رثع فيها ولا جملها
والرجل ما ينفعه ما سوا ابوه وجده = كان ما تفعل يمينه فعل يعدّ الها
ذعذع الغربي وطيب العود ذعذع نده = والتحيه كل طلق حجاج يستاهلها
باسم قيف نعتزي به كل ما جا ضده = مرحبا ترحيبة ما ينطفي مشعلها
باسم قطمان المحازم طيبين المده = ربعي اللي تنطح القالات وتكملها
عزوتي يوم ان كلٍ يفتخر في بده = تفتخر بي وافتخر يوم اني امثلها
افتخر ويشوش راسي لين ياصل حده = كل ما اشوف القبيلة قايم محفلها
هذي جسور التواصل بيننا ممتده = يا عسى الرحمن ياصل كل من ياصلها
يا ركون عتيبه اللي بالفخر مشتده = يا عناوين المكارم كلها باكملها
يا ركون عتيبه اللي كل ريع تسده = فأول الدنيا وحاضرها وفي مقبلها
يا عتيبه ياهل الوقفات واهل الرده = يوم ساحات المعارك يشتغل معولها
ندحم الجمع الكبير ليا وقفنا ضده = والكبار من الهقاوي عزمنا ياصلها
عزمنا يوم السنين وجيهها مسوده = يضرب وجيه السنين العوج ويعدلها
كم عقيدٍ بالجموع يحدنا ونحده = لين قررها معزي واعتدل مايلها
يوم كل في هذاك الوقت شده شده = وقفة عتيبه مع ابن سعود من يجهلها
ايه ناصرناه نصرٍ كل رجل يعده = من بداية رحلته لين اكتمل جدولها
يا ابو متعب يا ملكنا فالرخا والشده = لك ولانا والسمع وكفوفك نقبلها
كلنا دون الوطن نار وعتاد وعده = دارنا تخسى يدين الغدر ما تاصلها
وابو خالد جعل ربي للبلاد يرده = من ثياب العافية ضافيٍ عليه اجملها
ابو خالد جعل عين ما تفيض بوده = ما يفارقها سهرها والرمد يكحلها

ثم بعد ذلك ألقى قصيدته التي ألقاها في حفل الشيخ/ حمود بن حسن بن خيشوم "شيخ النباعين بالحجاز"

الا يالله يامحيي الهشيم بقطرة الهملول =ليا منك امرته والرعد والبرق بمزونه
تسوقه قدرة الرحمن جايٍ له طفل وثعول= بتدبير العزيز المقتدر يمشي على هونه
يسوقه للديار اللي لها عشرين عام محول= ويغسل وجهها بعد الجفاف وينجلي لونه
الا يالله عسى كل البلاد برحمتك مشمول= وتفرج للحظر والبدو من قحطٍ يعانونه
طلبتك وانته اللي مالنا قوه بلاك وحول= كريم لانضب ماعون غيره جاد ماعونه
كريم ماوقف من دون بيبانه حرس وقفول= يمد ولا يرد ومدته ماهيب ممنونه
الا ياهاجسي وين انت طال الليل والمأمول= تجيب اللي فلاسفة القصايد مايجيبونه
واكيد الهرج له زبده واكيد الهرج له مدلول= وعن كم الكلام يكفي العقال مضمونه
ابن خيشوم كلمني على جوالي المحمول= يقول الماقف الغصاب مادونك ولادونه
وقلت ابشر وبشر ربعي الغالين عرض وطول= انا حالي ومالي في لزوم الربع مرهونه
حرام اني لاجي واترك وراي من الشغول شغول= حميّا والحميّا سنة للرجل مسنونه
ورجلٍ ما يقف من دون ربعه جنبوه الدول= عليه اللوم والفنجال للي يستحقونه
يقول حمود بن خيشوم وانا عن حمود اقول= ارحب وارفع الترحيب باسمه لين توحونه
ارحب باسم ربعٍ يرتفع راسي بهم ويطول= يطول الراس فوق الروس من فعلٍ يسوونه
وباسم شيوخنا اللي للقبيله جهدهم مبذول= سلايل طلمس اللي كل خلق الله يعرفونه
هلا يا سلالة محصّن على التكريم والكمول= هلا ياركن صرح ماتميل الريح بركونه
رباعينٍ لكم في صفحة الامجاد اسم وفعول= كتبها السيف يوم المشيخه بالسيف مقرونه
رباعين مواقفكم تهوّل في زمان الهول= تقول انه يهاب الموت منكم ما تهابونه
زمان فات يوم ان المشاكل حبلها مفتول= وناس ينقضون الحبل والثانين يلوونه
زمان فات يوم ان الحرايب سيفها مسلول= يسلونه رياجيلٍ من الشريان يروونه
حروب طاحنه ما ينشد القاتل عن المقتول= لكن عتيبه عتيبه عمى العايل وطاعونه
يسوقون الجهام وينزلون الوادي المسيول= بنمراً من جميع الشك والريبات مصيونه
نشدد من نزل به قدمنا ونحل فيه نزول= وهيبتنا تعدي القوم عنه ولا يمرونه
هذا العلم الصحيح وكل ما عكس الصحيح يزول= يقال او ما يقال مردده للي يقولونه
واكيد الهرج له زبده واكيد الهرج له مدلول= وعن كم الكلام يكفي العقال مضمونه

ثم بعد ذلك ألقى قصيدة وطنية تعبر عن نفسها

الشعر في غير الوطن ما احس لي يمه ميول = يصعب علي ويعمس افكاري ليا جيت انظمه
رغم اني ابذل كل جهدي بس مدري ويش اقول = كن المواضيع معدومه والقوافي معدمه
وليا كتبته فالوطن ينقاد لي مثل الذلول = ما يمدي الكاتب يحضر لي ورقته وقلمه
تزاحمت في خاطري لا شدّ جولٍ حل جول =يحضر علي البيت تلو البيت من حين ازهمه
والليله الموضوع شي ٍ ما تصدقه العقول = يا مكبره يا معبره يا مصعبه يا معظمه
ساعة تلقيت الخبر ويصيبني مثل الذهول = اصدقه واكذبه واقول لغزٍ ما افهمه
وادركت بانه لغز وان اللغز يوجد له حلول = وحنا سعوديين ونفك الرموز المبهمه
هذي دسيسه والدسيسه خلفها كلبٍ ختول = واللي ينفذها غبي لاوفق الله سهمه
بالله يهول اللي حصل الا يهول الا يهول = وش حلل النفس البريئه لليدين المجرمه
لاتدعون الدين وين الدين وانتم يالخبول = تحللون القتل فالاسلام والله حرمه
يابعدكم عن ما يقول الله وما قال الرسول = ومن الوجيه الخيره ياعنك مافيكم سمه
الله من زود الغبا والله من نقص العقول = مع ماتسوونه يهون المر ويهون طعمه
يضحك عليكم عابد الاصنام شراب الكحول = يقول هذي قنبله خذها لبيتك واهدمه
عدوكم يضحك بناب الغدر ولسان معسول = يبدي الصداقه والنوايا القشر تجري في دمه
يعزف مزامير الفساد الهيس ويدق الطبول = كله يبا ينشر فساده فالديار المسلمه
لكن يخسى ثم يخسى لا يطول ولا ينول = من ما يحب وما يريد الا تراب في فمه
يادارنا يا دارنا حنا الذي دونك نحول = في حزة ٍ فيها الولد يعرف وجوده وعدمه
يادار عيشي شامخه واللي يعاديك مخذول = عيشي بامان الله رغم عن خشوم الشرذمه
يا دار حكامك عيال العود ماضين الفعول = اهل القلوب الصامله واهل العقول الملهمه
عبدالعزيز اللي سرا مسرى الذيابه فالليول = يطى الحفى والشوك ما حط الحذا تحت قدمه
يوم القبايل تصطفق وتصول فالارض وتجول = ويصبح المسلم وتوخذ كل ذوده وغنمه
هاك السنه يوم الجزيره كنها الظبي الجفول = كل يبا الظبي الجفول ولا تجرا يلزمه
ما لزمه الا فارس الفريس عساف الخيول = اللي رفع راسه وجوّد للمراجل محزمه
عز الله انه داهيه ويهول وفعوله تهول = ماحدٍ حلم مثله وحقق حلمه اللي يحلمه
ومواصلين السير من عقبه رياجيل ٍ زحول = الحي يبراه السعد والميت الله يرحمه
مئه وخمس سنين نرقا ما نفكر فالنزول = كله بعون الله وتوفيقه وفضله وكرمه

ثم تجدد الإبداع مرة اخرى عندما طلب مقدم الحفل من أسد النباعين الشاعر الكبير/ عبدالله بن دخيل الله بن دهيران لإلقاء قصيدة من أختياره ، حيث القى قصيدتين أستمتع الجميع بجزالة الاسد الشعرية وخصوصاً عندما ألقى قصيدتة المشهورة وهي عرضة قبيلة العصمة "سلالة عاصم اللي ينتمي لعتابه" التي أعادتنا إلى الوراء لتذكر أيام مزاين قبيلة عتيبه الهيلا ومخيم قبيلة العصمه الذي أقامه الشيوخ العقايلة ، فيالها من أيام وياله من موقف


وهذه قصيدته الأولى وهي "عرضة قبيلة العصمة"

ياسلام الله سلامن وافتخر بالابه=لابتن يوم المزابى رجلهم ماهابي
واسمعوا قولي هذا ثم اكتبوه اكتابه=من لسان اللي حضر في ماقفه ماغابي
يوم ابن نبعان قال القول ثم غنابه=لاجل ربعي بادين في عالي المرقابي
عزوتي يوم المغازي دولة حرابه=تحتمي الماقف بفعل وترهب الاجنابي
خصمهم لاجت دعاوي مايقول الجابه=لوتسنوى له بفعل يعتبر كذابي
وصفهم بين القبايل مثل اسودالغابه=من نصاهم باللوازم كاسبن ماخابي
العقيلي راعين للحفل من ترحابه=من حضر في ماقفه واللي تاخر هابي
شيخ من جده وعز الياتعزوينابه=يشهد التاريخ واللي يعرف الانسابي
من سلايل عاصم اللي ينتمي لعتابه=يوم لضيا في يمينه وثق المضرابي
راعي الدرمه واخذها لين كلن هابه=غصب خلوها رجال تفتل الاشنابي
فعل جده في تغوث موثقن مخلابه=مع شريف الطايف اللي جمع الاغرابي
والقبيله عزها باللي يشرع بابه=دون ربعه للخصوم يكشر الانيابي
مثل اخو شيخه محمد يوم جات طلابه=يحتمى ربعه من الاجناب والاقرابي
يردع الي معتدي ولايحسب احسابه=لااعتزى يزمي كما ضلعن طويل ونابي
ونعم يالاد العقيلي فعلكم فزنابه=ابنوا البيت الكبير وشدو الاطنابي
قولنا قول الصحيح ولاتراجعنا به=للوطن عسكر جنود وننبذ الارهابي
وعاش ابومتعب ملكنا اللي تفاخرنابه=رافع الهامه زعيم مجري الهيابي
وعاش ابوخالد قضب سيف العدل بنصابه=قائد القوات حامي الدين والاعرابي

ثم بعد ذلك ألقى اسد النباعين الشاعر/ عبدالله بن دخيل الله بن دهيران قصيدته التي سبق أن ألقاها في حفل الشيخ/ ضاوي ابو كتيفه "شيخ العمرية بالحجاز"

مرحبا عداد ما هب ذاري كل نود = مرحبا في حلة اللي تميز بالوفاء
ضاوي اللي من على جده الاول يجود = شيخ ربعه لا دعانا نلبي للنداء
طبعنا عند المواقف عن الهقوه نزود = باللوازم للقبيلة نجي في المبتداء
يا رباعين السعد يا فهود من فهود = سجل التاريخ عنكم حروف وسطراء
انتم الماضي وحاضر ودمتوا فالوجود = اسمكم من فعلكم ذاع صيته واعتلاء
وانتم اللي ون بلونا مبيحت السدود = نذكر فعول الرباعين في رد البراء
ون رجعت لذكر ربعي ما عاد ابا شهود = عزوتي آلاد عاصم كعام للعداء
عزوتن لا جاء المزابا وعود براس عود = خصمهم لا شافهم ايتراجع ويهباء
عادة للآد عاصم عريبين الجدود = رجلهم في ماقفه لو يطول ابه المداء
والعقيلي شيخنا عادته يرقى سنود = شيخنا ومقدرينه لنا درع وذراء
ويا عتيبه يا جنود الإمام ابن سعود = انتم اللي تحت رأيه واخذ منكم ولاء
عادة العتبان عند المهمات الصمود = لا دعاء الداعي حضرنا جنود وعقداء
وادعوا الله يحفظ اللي عن الدولة يذود = ساهر ما نام لا رقدوا كل الملاء
الملك عبدالله اللي على شعبه ودود = عاش ابو متعب ملكنا وحنا له فداء

ثم توالت المشاركات الشعرية بعد ذلك ، وأقيمت أمسية شعرية شارك بها ثلاثة من الشعراء المبدعين وقدموا أجمل واروع القصائد الشعرية


ثم بعد ذلك ألقى الشيخ الفاضل الجليل/ عبدالله بن حماد العصيمي كلمة إرشادية نصح من خلالها الجميع وذكرهم ووعضهم فيها نسأل الله ان يجعلها في موازين حسناته.


ثم بعد ذلك أختتم مقدم الحفل البرنامج الخطابي لتلك الليلة التي كانت وسوف تبقى ذكراها من أجمل الليالي.


ثم تناول الجميع طعام العشاء.


وبعدها غادر شيوخ وابناء قبيلة العصمة قصر العرب مودعين بمثل ما استقبلوا به من حفاوة وترحيب من ابناء عمومتهم شيوخ قبيلة الروقه الرباعين وجماعتهم



وهذه صوراً تحكي لكم بعضاً من الواقع:




























تــــــابـــــــع

[! محتميها !]

ونقول بيض الله وجيه الرباعين على استقبالهم الرائع وكرمهم الغير مستغرب منهم ، وهذا إن دل فإنما يدل على ترابط ابناء القبيلة وشيوخها مع بعضهم البعض تحت ظل حكومتنا الرشيدة بقيادة خادم الحرمين الشريفين ملك القلوب الملك/ عبدالله بن عبدالعزيز ال سعود حفظه الله ورعاه.



وختاماً أتمنى أن تحوز هذه التغطية على رضاكم واستحسانكم



وتقبلوا خالص تحياتي وتقديري



اخــوووكـم/ ! محتميها !

[بدر الكريزي]

يستاهلون قطمان المحازم .. ولا هي غريبة على شيوخنا الرباعين ..


بيض الله وجهك يا محتميها ..

التوقيع

قرأت فيما قرأته من بلوغ المرام ., اللي ترك شيء لله ( عاضه الله بخير ) ., ., استغفر الله العظيم , و أتوب إليه ‘.

[سعد بن مطلق المقاطي]

الله يعطيك العافيه على التغطيه الطيبه

التوقيع

ديــــــــــــــــواني

[الرومي]

الله يجمع عتيبة على العز والمعزة ..بلا شك ان هذة الاحتفالات والدعوات والتكريم العام يصب في مصلحة ترابط القبيلة وتراحمها .

بيض الله وجيه الرباعين ويستاهلون العقايلة.

التوقيع

migeed33@hotmail.com

[مشاري]

حفظك الله يابو عبدالله

الله يعطيك العافيه يامحتميهااا...



تغطيه ولا اروع


تحيتي لشخصـك

[ابو فايح]

يستاهلون الاد عاصم
وبيض الله وجيه الرباعين ولاهو مستغرب منهم