ياليت شمر هلن لي ... دخيلهم ما يظامى!!

[عبدالرحمن الهيلوم]

هذه االابيات بالكامل ..دعواتكم
القصيده للشاعره :- رسوا المفرجية العوفية


عديـت بالمستقـلـي
مـن نايفـات العدامـا

عيال مفرج هـل لـي
دخيلهـم مـا يضامـا

وان جا سلفهـم يزلـي
ما يركبـون المسامـا

رصاصهـم مستجلـي
يكسر صليب العظامـا

يانجمة الصبـح ياالـي
سروا عليـك النشامـا

جيت المطوع يصلـي
صليـت معـه القيامـا

عديـت بالمستقـلـي
مـن نايفـات العدامـا

وآخيـل بـرق يسلـي
لا لاح وسط الظلامـا

وآخيـل بـدو تحلـي
ومرتّعيـن الجهـامـا

يارجم جعلـك مولـي
ياويل سهـل الكلامـا

ياخوي وآعبـرة لـي
منهـا عيونـي سقامـا

أبكي ولا أحدن فطن لي
راعي الهوى مايلامـا

جعل العجايـز تولـي
والعود ولـد الحرامـا

قد كدرو مشـرب لـي
يا ويلهم مـن الآثامـا

جيت المطوع يصلـي
وأدركت معـه القيامـا

سمعت انا صوت خلي
سلّمـت قبـل الإمامـا

ياضامر الوسط ياللـي
مـاذاق زاد ولا مــا

هرجه حديـث يسلـي
ريقه يـداوي السقامـا

شربـه حليـب يزلـي
مـن نابيـات السنامـا

مشيه مع السوق سلّـي
يشبه فريـخ الحمامـا

ياليت شمّر هـل لـي
دخيلـهـم مايضـامـا


-----------------------


سبب هذه القصيده بأنها انضامت وتمنت بأنها تنتمي للقبيلة،،

[@ـايل]

كفووو والله ونعم في شمر القوم الطنايا

وصح لسان الشاعره ويستاهلون المح شمر

اخوي الهيلوم اشكرك على نقل القصيده وقواك الله

التوقيع

شكر خآص للأخ العزيز (سمي جدي) ,,, للتواصل,,, hail-osaimi@hotmail.com الفيس بوك : هايل العصيمي انستقرام : hailosaimi تويتر : AlHooL@

[سهم جده]

يستاهلون شمر
وصح السان الشاعره
مشكور على النقل/عبدالرحمن

[محب الهيلا]

مشكور وماقصرت على نقل القصيدة

انا من زمان ونا ادورها

[عبدالرحمن الهيلوم]

مشكوووووووورين علي المرور يالغالين