لامــــــــــاتقـــــــــاعد

[هلال العتيبي]

أخوي صنداح الزلامي كتب لي بيت يقول
كل قصايدك غزلية؟ طيب ياصنداح هذي القصيدة كتبتها
في حفل تقاعد الزميلين المعلمين الفاضلين
الأستاذ يحيى الزهراني
والأستاذ عبدالله الصخيري
والصخيرات ينتمون لقبيلة ثقيف العريقة

يالله ياللي تنـزل الغيـث تنزيـل=رب الأراضي والبحـور وسماهـا
يرجع لك امر الكون جملة وتفصيل=ياعالـم بجهـر النفـوس وخفاهـا
توفق اللي جمّـل العلـم تجميـل=انهـى مشاويـره مثـل مابـداهـا
يوفّي الميـزان مايبخـس الكيـل=النفس فـي خدمـة بـلاده عطاهـا
يحيى وعبدالله كما البـدر وسهيـل=تقـدّي السـاري ويجـذب سناهـا
ماحوّلوا عن دوحة الشرع تحويـل=في ظلها فـي نورهـا فـي هداهـا
وابدأ با أبو فيصل عذيّ المناهيـل=جتـه المكـارم طايعـة واحتواهـا
لاهان ظَفرٍ ٍكمّـل المجـد تكميـل=أرسى عمد عال الحصـون وبناهـا
مثل القمر ينشاف لاعسعس الليـل=جملة دروب العـز يحـيى مشاهـا
لا ماتقاعد عـن علـوم الرياجيـل=نهر الكرم كـل المراجـل نصاهـا
بالطيب والمعروف يجري كما النيل =بحر الشيم طـب الكبـود ودواهـا
يسجـل التاريـخ للشهـم تسجيـل=مـواقـفٍ ياكثـرهـا يـاحـلاهـا
ان جاء نهارٍ فيه عدل وبـه ميـل=كـل المشاكـل قبـل تاقـع رفاهـا
يفضّل اصحابه على النفس تفضيل=يجحد هـوى نفسـه وينكـر آناهـا
في قصة العمران وسعـود تدليـل=علـى علـو الهمـة ومستـواهـا
له الثناء من روس ذباحـة الحيـل=الفتنـة بحكمـة وحنكـة طفـاهـا
حلحيل حـلالٍ وحـلالٍ حلحيـل=الرايـة البيضـاء ابـد ماطـواهـا
اليا ركا للحمـل مايرغـي شعيـل= لـو حملتـه حملـة قبيلـة قواهـا
تشهد له عتيبه وتشهد لـه هذيـل=طيبـه ومعروفـه تعـدى مـداهـا=
شيخ وعريف وشهم بالفطرة اصيل=مـن عـزوةٍ نفخـر بهـا ونتباهـا
زهران في الدنيا شموع وقناديـل=عاشوا مصابيـح الليـال وضياهـا
وعبدالله استـاذ الحكـم والتعاليـل=إشفاهـنـا بالإبتسـامـة مـلاهــا
سوالفه عذبة تسابق كمـا الخيـل=احلى الطرائـف والنـوادر رواهـا
راع الكرم في حلتـه والمعاميـل =ثقيف اساطير الكـرم مـا كماهـا
العود الازرق واشقر البن والهيـل=وهاك الحلال اللـي يـذّري ذراهـا
ترحيبهم يشفي النفـوس المعاليـل=نعم الرجـال اللـي ينشّـط نباهـا
وقبل الختام وكثرة القـال والقيـل= ننثـر لكـم ودّ النفـوس وغلاهـا
ولكم من الشاعر تحيـة وتبجيـل=اهل الثنـاء تحمـد وتعطـى ثناهـا
ومن زملاكم تـاج عـز واكاليـل=تعبير عن طيب القلـوب وصفاهـا
وصلاة ربي عد ماعـاود السيـل=علـى الديـار المسنيـات وسقاهـا
على النبي المصطفى صفوة الجيل=ماهبّت الغربي وذعذع هواه

ا

آخر تعديل هلال العتيبي يوم 14-Jul-2007 في 03:21 PM.

[ابوبجاد الرويس]

الله الله

صح لسانكـ

وبيض الله وجهكـ

[أبو نجر النفيعي]

..

هلال العتيبي ..

ابداع بلا حدود .. صح لسانك ..

وننتظر جديدك ..

.

اخوك

التوقيع

.....

[ابن زهيميل]

الاخ الفاضل........... هلال العتيبى

بيض الله وجهك قصيده جميله جداا

من شاعر جزل وفالك المليون ومافيك حيله يابن الحلال

[صنداح الزلامي]

بسم الله الرحمن الرحيم
أخــوي هلال بيض الله وجهك ولك مني جزيل الشكر على هذا القصيدة

ويستاهلون الزملاء هذا القصيدة الوافية من الرجل الوافي أتجاه زملاه

واعرف أن لولا ملاظتي عليك في الغزليات ما حصلنا على مثل هذه النوادر الجميلة التي كنت مخفيها عنا



أشكرك شكرن من مشاعر عميقه ** واشيد بك واشد لك يــــــد واقول

هذا الوفاء بين الرفـــيق ورفيـقه** واكثر من اللي قلت وش عاد با اقول

[هلال العتيبي]

المشاركة الأصلية كتبت بواسطة ابوبجاد الرويس

الله الله

صح لسانكـ

وبيض الله وجهكـ

اخوي أبوبجاد
صح نبضك
حضورك شرف للقصيدة وقائلها
تحياتي يالغالي

[هلال العتيبي]

المشاركة الأصلية كتبت بواسطة أبو نجر النفيعي

..

هلال العتيبي ..

ابداع بلا حدود .. صح لسانك ..

وننتظر جديدك ..

.

اخوك

اخوي الرائع
ابونجر
هلاوغلا
نورت متصفحي وانا اخوك
تحيااااااااااااااااااتي