قصيده للشاعر عبدالله بن محيا ورد الشاعر عمر الشلوي

[عبد الله الشلوي]

للوفاء بين الرياجيل عنوان ودليل=واشهد أن العز فالعمر هو ساس الحياه
والرفيق الي يعزك يبي رد الجميل =بيض الله وجه بجاد مع كل أخوياه
والله أنه بالوفاء مالقينا له مثيل =ومن يجازي راعي الطيب ما يلحق مداه
عن اهل الوفاء لا يهس ولا يعيل =موفيا حق المخوه ومالكني وفاه
ما حد سوى سواة الاصيل ابن الاصيل =بالعلوم الطيبه والمخوه والصلاه
وغيرها لا راح للصيد جاب النا الجزيل =مضربه كتف الغزيزه أليا جت فالفلاه
من السبور الي إليا ذل الذليل =جدهم قدم أهل الخيل فنحور الغزاه
الشلاوى فالمراجل لهم باع طويل =يوصلون الطيب دايم القمة منتهاة
روس قوم بالعطا ما يمدون القليل =ما كتبت المدح فيهم وأنا أدور جزاه
والله ومليون نعم يا منجيت الدخيل =في ذراكم يحتمي عن تفافيق الرماه
تحتمونه بالظفر والمشوك والفتيل =وكم عدون منتويكم ويتمتم نماه
بالعلوم الي تورخ ألجيل بعد جيل =ألكم التاريخ يشهد ويشهد من قراه
والسلام ختام قول ما دخل فيه الهزيل=من ظمير الشاعر الي تهيض فزملاه
تمت وصلوا عدد ما ثمرت خضر النخيل =على صفوة خلق ربي وصلى الله علاه

الشاعر عبدالله بن محيا العتيبي

أول الأقول قدام نبدا كل قيل =طلبة الله واحدٍ ماترجينا سواه
طالبك يارب طيب النبأ وأنت الوكيل =هي غناة الي يدور من الدنيا غناة
بعدها يا هاجسي ماش شئ مستحيل =الدروب ندلها وأنت ما تبغا وصاه
إن بغيت نقدح الزند في خشم الفتيل =وإن بغينا نستر الرأس في كم العباه
كل دعوى لا دعتنا نحايلها بحيل =وان عصت خاتم سليمان سد العصاه
مرحبا ترحيبة عد براق المخيل =لا سرى برقة وصوت رعده دندن وراه
مرحبا يابن محيا عدد ما سال سيل =مرحبا والمدح لا عد فالطيب زهاه
لا ذكرت الجدي أنا ما ني بناسي سهيل =والجدي وسهيل كلٍ تجلا في سماه
ما عليكم زود وعتيبه الهول المهيل =يا أهل التاريخ في نجد ولا فالسراه
أنت من قوم المحيا هل السيف الصقيل =من مداغيش الرجال الطحاطيح الدهاه
خيلكم تعرف ليا جرّها صوت الصهيل =قال ابن هدلان قولٍ ومثلي ما نساه
وأنت يا بن عبيد قدرك من الوزن الثقيل =يا خوي الجنب إلك عندنا وجهٍ وجاه
أشهد انك ما أنته بلا ذليل ولا بخيل = يوم خطو الاش وجهه مثل الصفاه
والسلام ختام والعذر كان صار ميل =اقبلوا عذري وعين الرجل دائم مرآه

الشاعر عمر بن دخيل الشلوي

آخر تعديل عبد الله الشلوي يوم 05-Mar-2014 في 12:59 AM.