القبائل التي تسكن منطقة نجد حاليا

[شاعر وادي عبقر]

بالعكس ياولد الصعيبي مطير فالرياض عددهم كبير واكثر من عنزه واكثر من قحطان

وارجع لمنتدي تميم عاملين احصائيه من خلال التيلفونات بالاسماء تراك نسيت قبيلتين وهم اكثريه فالرياض

الدواسر وتميم مناطق فالرياض قامت علي اكتافهم خصوصا الدواسر

عنزه شرق الرياض النسيم وحواليها لكن الرياض 3000000 نسمه فلا تحكرها علي قبيله

الدواسر

مطير

تميم

عتيبه

عنزه

قحطان

هولاء اكثر القبايل المتواجده فالرياض

وارجع للبلديات وشوف من هم الاعضاء فيها

تحياتي للجميع

[ولد الصعيبي]

وادي عبقر أنا ذكرت الاكثرية في الرياض وحددت الاربع اللي ذكرتهم وهم بينهم وبين الدواسر فرق ليس بالكبير والدواسر اعرف انهم كثرة في الرياض واتوقع انهم خامس قبيلة بعد مطير أما بالنسبة لعنزة فهم اكبر قبيلة بالرياض لثلاثة اسباب لاينكرها أحد


الاول

الوضايف العسكرية ومنها الحرس الوطني وهي اقل الاسباب لتواجد عنزة

ثانيا

تضم معها قبيلة لو نفردها عن عنزة لا صبحت من كبريات القبائل بالجزبرة العربية وهي قبيلة الرولة

ثالثا
النازحين من بادية سوريا والعراق ومايسمون بالمجنسين


ويجد سبب رابع لاكن لا اعتمد علية وهو ان عنزة اكبر قبائل الجزيرة العربية واعلم ان هناك من يعارض ولكن الحقيقة لاتخفى عن اغلب الناس

وبالنسبة لتميم هل نعتبرهم عوائل متحضرة ام قبيلة بدوية اذا اعتبرناها عوائل متحضرة فان جميع القبائل اللي ذكرت لها عوائل متحضرة كثيرة واذا اعتبرناها قبيلة بدوية فعددها قليل جدا وعلى حد علمي بدو التمايمة يشكلون 1% من تميم قاطبة وهم الشبارمه وبعض الاحلاف مع القبائل الاخرى

[شاعر وادي عبقر]

ارحب ياولد الصعيبي

عنزه مافي شك اكبر القبايل وكل قوم ولا عنزه هذا مافيه كلام

لكن كلامنا عن عنزه اللي السعوديه ام عنزه العراق وسوريا برا الحسبه

والروله تواجدهم في طريف والجوف والحره الشماليه

مافهمت الحرس الوطني ماذا تقصد

[الرومي]

المشاركة الأصلية كتبت بواسطة ولد الصعيبي

يأخوي دحباش وي أخوي سناعيس

أول شي السلام عليكم ورحمة الله وبركاتة

ثاني شي الموضوع للمناقشة ونحن أخوة فالاول والاخير مهما أختلافنا في الرأي

ثالث شي يأخوان الله يجزاكم خير دنيا وأخرة تعرفون قبائل البدو رحل ولا يلتزمون بمدينة معينة الا ان اتى الملك عبدالعزيز وأستوطنوا البدو تدريجيا أما بأنشئ القرى مثل الارطاوية وعروى ومبايض على بديت تأسيس المملكة أما طلب الرزق في انحاء قريبة من مقطان البدو او او أبعد ثم أبعد هذا ماحصل لقبيلة مطير وغيرها من قبائل البادية وانا هنا أذكر تواجد قبيلة مطير في نجد ولم اقل أنا هذة الديار لمطير فمثلا محافظات القصيم يعرفها القاصي والداني انها لحاضرة القصيم الذي يسمون الحضر لكن بسبب توطين البدو وبسبب طلب الرزق أصبح السواد الاعضم في منطقة القصيم لقبيلة حرب ثم مطير واصبحت حرب ومطير يتواجدون باكثرية في جميع انحاء منطقة القصيمهذا ماردت توضيحة ياخي دحباش وياخي سناعيس ....


وبالنسبة لاخي سناعيس للمعلومية الرياض بين اربع قبائل هم الاكثرية واذهب لجميع أحياء الرياض جميعها ستجدهم يتواجدون بكثرة وباعتراف الجميع والحمدلله اذا عديت عديت الصدق ولا السكوت خير
والقبائل هي بالاكثرية:-
1- عنزة والكل يعلم بتواجد عنزة بالرياض وباحياء خاصة بهم وانا مطيري واعترفت بأن عنزة ابر قبيلة في مدينة الرياض بالرغم كثافة المطران بالرياض

2- قحطان ثاني اكثرية بالرياض وقد تكون قريبة من عنزة وبفارق بسيط

3- عتيبة ثالث اكثرية في الرياض

4- مطير رابع اكثرية فالرياض

هذة الحقيقة يأخوان ومن يبحث سيجد الحقيقة


وقبائل الجنوب أكثر من عشرين قبيلة وبسب طلب الرزق اصبحوا يتواجدون بكثرة ولكن ليس بكثافة القبائل الاربع اللي ذكرت



وياخوي دحباش ارجو السموحة اذا أخطيت فالاول والاخير هذا موضوع قابل للخذ والرد



وشكرا.....

اخي ولد الصعيبي .
اسمح لي ان اقول ان ترتيبك للقبائل من حيث الكثرة في الرياض غير صحيح اطلاقا .

ياخي كيف تحط عنزة اكبر قبيلة في الرياض خف الله سبحانة .
اين عنزة في الرياض ؟؟؟؟؟؟؟؟؟؟؟
يوجد مجموعة عنوز في حي النظيم والنسيم
عنزة في عرعر وطريف والحفر هذا تواجدها الكبير.

اكثر قبيلة في الرياض بدون منافس قبيلة عتيبة والدليل هاتف التلفون فهي اكبر قبيلة وليس هناك منافس
ياتي بعد عتيبة في الرياض قحطان ومطير اعتقد انها متقاربة .
الدواسر متواجدين في احيا جنوب الرياض خاصة العزيزية والدار البيضاء .

التوقيع

migeed33@hotmail.com

[فهد العازمي العتيبي]

عتيبه اكثر قبيله في مدينة الرياض ... ومثبته بإحصائيه دقيقه ومحايده ... والعتبان منتشرين في انحاء احياء الرياض ... ولهم حواري بالكامل كلها عتبان وخاصة في احياء النهضه والخليج والروضه ... عكس باقي القبايل تجد تواجدهم بشكل فرادا وبقله او في حي معين فقط ... لكن العتبان مغطين الرياض كلها ...

التوقيع

للتواصل على تويتر https://twitter.com/falotaibi5115 ،،

آخر تعديل فهد العازمي العتيبي يوم 12-Feb-2010 في 08:24 PM.

[سناعس]

اولا انا لا اكلم عن تواجد سكاني انا اتكلم عن سيطرة قبيلة

ودامك ذهبتم بالموضوع للتواجد السكااني

اي كلام بدون مصدر كلام فاااضي

ولكن العقل يقول لو قلت الطائف طبيعي بتقول عتيبة او عفيف او الداودمي

لو قلت حفر الباطن اكيد مطير وشمر هذي بدون مصادر

لو قلت حائل اكيد شمر

لو قلت الرس او بريدة حرب اكيد

لو قلت القويعية قحطان اكيد



اما بالنسبة للمدن الكبيرة فهذي لازم مصادر واي كلام غير مثبت بالممصادر اهواء شخصية

وان كنت ارى روية شخصية للرياض

عتيبة ........قحطان..................عنزة ....................مطير

آخر تعديل سناعس يوم 12-Feb-2010 في 08:28 PM.

[فهد العازمي العتيبي]

قلت لك مثبته بإحصائيه هاتفيه في مدينة الرياض ... واصلا وانت مغمض بدون احصائيه وبدون شي ... انظر للدليل الهاتفي تجد الاكثريه عتبان وانظر لدليل اسماء الناجحين بالثانويه تجد الاكثريه عتبان وانظر للقروض العقاريه تجد الاكثريه عتبان في مدينة الرياض ... وغيرها الكثيررر ...

[دحباش]

ياخوان دام تحولتو على فاتوره الكهرب والاتصلات اكثر سكان الرياض البنقاليه يتواجدون بكثره في حي البطحاء وحراج ابوقاسسم صراحه قلبتو من السكان الاصليين الى سكان تجمعوا من اجل طلب الرزق ..
ولد الصعيبي تهورت في المره الاولى والمره الثانيه لاكن نفولك ((مسموح والعفو من شيم الكرام))ومن الباب هذاء انا اعتذر لااخي سناعس وارجو منك السموحه

[عتابه يارفاقه]

يا اخوان طال عمركم اتمنى ابعاد مدينة الرياض عن القبلية لانة عاصمة ويسكنه كل البشر
العنوز في الرياض على فكرة قليل واكثرهم مامعهم جنسية اذا مايحسبون
عتيبة وقحطان عددهم كبير في مدينة الرياض

[سدير]

كلامك غير صحيح وإحصاءاتك غير دقيقة
الدواسر أكبر قبيلة في الرياض ووسط نجد
أولاً ديارهم على خلاف باقي القبائل تجمع الحضارة والبداوة
وهي أكبر ديار القبائل العربية على الإطلاق فهي تمتد من بعد نجران بقليل إلى الخرج هذا بالنسبة لديار الدواسر التي تسكنها باديتهم المتحضرة
وقد إنتشر المتحضرون منهم في الشعيب وسدير والمحمل والقصيم
فهم يشكلون في الشعيب والمحمل وسدير جميع سكان بعض المدن والقرى والغالبية على معضمها
فقاعدتهم في المحمل ثادق وفخذ البدارين هم غالبية السكان ولهم إمارة ثادق منذ 400 سنه
وهم الذين أسسوا الصفرات وهم سكانها وأمراءها حتى وقت قريب
والدواسر الوداعين هم الذين بنوا دقلة والقرينة وهم غالبية سكانها والإمارة لهم
أما سدير فهم الغالبية على سكان عودة سدير والإمارة فيها للوداعين من الدواسر حتى زمن قريب
وهم الغالبية من سكان روضة سدير ولهم الإمارة في جلاجل وهم غالبية السكان
وللدواسر حاضرة كبيرة في المجمعة وحرمة
والبدارين هم غالبية سكان الغاط ولهم الإمارة فيه ( السدارى)
أما في القصيم فقد بنوا قرية الشماس قبل بناء بريدة بزمن وبنوا كذلك مدينة الشماسية وهم غالبية سكانها ولهم الإمارة فيها
ويتواجد البدارين كذلك في المذنب وبعض قرى القصيم مثل نبعه
أما في الرياض فهم الأكثرية دون منازع
فيبدوا أخي الكريم بأنك لا تعرف الرياض جيداً
فمن وسط الرياض تقريباً حتى أقصى شماله الغالبية على السكان دواسر
من بعد السليمانية شمال الأغلبية من المتحضرون من قبيلة الدواسر
حي الملك فهد أهل سدير وأغلبهم من الدواسر
وكذلك أحياء المرسلات والمصيف والمروج والنفل والغدير والمحمدية والرحمانية والفلاح والصحافة والياسمين وعقيق الموسى كلها أهل سدير والمحمل وغالبيتهم دواسر ويمكنك التجول في هذه الأحياء والسؤال عن السكان
هذا غير بادية الدواسر هؤلاء الحضر فقط
غير موالي الدواسر الذين لم نتطرق لهم
وهذه نبذة عن المتحضرون من قبيلة الدواسر في نجد
هذه إثنان وأربعون أسرة بعضها بحجم فخذ وكل هذه الأسر لا تمثل ولا 10% من المتحضرون من الدواسر في سدير والمحمل والشعيب والقصيم
ولا تشكل 1% من المتحضرون من الدواسر في مدينة الرياض فقط
غير المدن والقرى الأخرى
غير ديار بادية الدواسر المتحضرة في
وادي الدواسر
الخرج
السليل
الأفلاج
الهدار
ليلى
تمره
الهضب
الفرعة العليا
الفرعة السفلى
الخماسين
وغيرها المئات من المدن والقرى والهجر والمراكز في مناطق وادي الدواسر والشعيب والمحمل وسدير والقصيم والمنطقة الشرقية
الأسر المتحضرة من قبيلة الدواسر العظيمة في نجد :

1- السدارى أمراء الغاط ( من البدارين ) .
2-السويد أمراء جلاجل (من البدارين ) .
3 - العمران من عودة سدير (من البدارين) .
4 - العمر من روضة سدير (من البدارين) .
5 - السلمان من جلاجل ( من البدارين ) .
6 - الجلاجل ( من البدارين ) من أعيان جلاجل لهم ذكر مع غيرهم من أسر الدواسر في سدير والقصيم في عنوان المجد في تاريخ نجد .
7 - السويلم ( من البدارين ) أمراء ثادق ومنهم رئيس شؤون البادية المرحوم إبراهيم بن إبراهيم السويلم في عهد الملك فهد ومنهم أمير ثادق محمد بن سعد بن سويلم الذي قال فيه شاعر مطير يثني على كرمه ويوجه القصيده الى حنيف بن سعيدان أحد أمراء مطير وذلك بعدما علم بوفاته رحمه الله ورأى أهل نجد يشترون البن من سوق الكويت :
( ياحنيف علم راكبين الأشده ،،،،،، لا تشترو بن ترى بن سعد مات ) .
8 - التركي في حرمه ( من البدارين ) .
9 - الطريقي في الزلفي ( من الوداعين ) ومنهم وزير البترول السابق
10 - الحسين تولوا الإمارة في عودة سدير ( من الوداعين ) من آل شماس وهم من أبناء الأمير ( حسين بن سعيد ) أمير العودة ورئيس غزو سدير تكلم عنه الشيخ عثمان بن بشر في عنوان المجد في تاريخ نجد في أحداث سنة 1194 هـ حيث قال ( وفيها عاد الإمام عبدالله بن محمد بن سعود من إحدى غزواته وبقي معه أمراء الغزو فلما بلغوا ملهم رجع أمراء الغزو لبلدانهم فلما وصلوا شعيب العتك المعروف أحاطت بهم جموع بنو خالد بقيادة سعدون بن عريعر فحصل بينهم معركة وممن قتل في هذه الوقعة حسين بن سعيد أمير العودة رئيس غزو سدير وعبدالله بن سدحان رئيس غزو الوشم ) إنتهى .
11 - الدباس في عودة سدير ( من الوداعين ) ومنهم الشاعر ابو دباس وولده دباس أصحاب القصائد المشهوره .
12 - الفيصل في عودة سدير ( من الوداعين ) .
13 - الضويحي في عودة سدير ( من الوداعين ) .
14 - الراجح في عودة سدير ( من الوداعين ) .
15 - الشويش في عودة سدير ( من الوداعين ) .
16- السعيد في عودة سدير ( من الوداعين ) .
17 - الزيد في عودة سدير ( من الوداعين ) .وجميع الأسر المذكورة من وداعين العودة من آل شماس وفيهم إمارة عودة سدير منذ أكثر من 300 سنة إلى وقت قريب.
18 - العمير في بريدة من آل حجيلان ( من البدارين ) من قبيلة الدواسر وعمير هذا جد لهم ميزهم عن بقيه أسر الحجيلان الأخرى ببريدة ويعرفون هؤلاء بالحجيلان العمير منهم حجيلان بن عمير الحجيلان العقيلي المعروف توفي سنه 1385هـ رحمه الله .
19 - الفوزان في بريده والشماسية ( من الوداعين ) منهم أحمد الفوزان أول سفير للملكة في مصر ومنهم كذلك الفريق فوزان السابق الفوزان أول رئيس لسلاح الحدود في المملكة رحمهما الله .
20 - البليهي في القصيم ( من الوداعين ) ومنهم رجال مشهورون.
21 - الدخيل في القصيم ( من الوداعين ) في بريدة والشماسية منهم الشيخ جارالله الدخيل من كبار العقيلات وإبن أخيه سليمان الصالح الدخيل الذي أصدر جريدة الرياض ببغداد سنه 1910م وهو أول صحفي من نجد ومنهم عبدالرحمن الدخيل الذي اسس أول صيدلية في بريدة .
22 - العيسى من امراء ثادق ( من البدارين ) ويتفرع منهم أسر كثيرة منهم الجربا والأصقه في ثادق ولهم أبناء عم في الغاط والزلفي والقصيم .
23 - آل الشيخ في ثادق ( من البدارين ) .
24 - المنيع في الخطامة ( من البدارين ) كانت فيهم إمارة ثادق في بعض الفترات وهم عواسج .
25 - السلمه في الرياض ( من الغييثات ) ومنهم الشيخ محمد بن سلمه رئيس الشركة السعودية للصناعات الأساسية ( سابك ) سابقا .
26 - الفطاي في المحمل والشعيب ( من الوداعين ) وتفرعت منهم أسر عديدة ومنهم العالم الجليل محمد بن فطاي رحمه الله وهو اللذي قال عنه بن بشر في عنوان المجد في تاريخ نجد مايلي ( توفي العالم الجليل المشهور محمد بن فطاي عالم عصره وفقيه زمانه اللذي ترجع ملوك عصره الى مشورته تولى القضاء في عمان وهو من بيت حسب ونسب يلتقي نسبه مع الوداعين أهل الصفره والوداعين أهل عودة سدير والوداعين أهل الشماسية والوداعين أهل الشماس القدماء في بريده في جد واحد ) إنتهى كلام بن بشر مع العلم انه خصص لهذا العالم مالم يخصص لغيره من علماء نجد على مر التاريخ خصص له حوالي أربع صفحات من عنوان المجد في تاريخ نجد .
27 - السند والسيف والغصاب والدواي والخيطان أمراء الصفرات ( من الوداعين ) وغيرهم من حمايل الوداعين في الصفرات ومنهم رجال مشهورون وهم أبناء عم لوداعين العودة وبريدة والشماسية من آل شماس.
28 - الزومان أمراء دقله ( من الوداعين ) وفيهم خير كثير ومنهم رجال علم ودين وكرم وهم من آل شماس .
29 - المقرن والسلطان امراء القرينه وهم اللذين بعثوها ( من الوداعين ) من آل شماس ومنهم الشيخ الجليل رجل الاعمال السعودي الشيخ محمد بن صالح بن سلطان مؤسس جريدة الرياض ورئيس مجلس ادارة مؤسسة اليمامة الصحافية وصاحب مؤسسة الصالحية للتجارة والتوكيلات وشركة وردة الصالحية والعضو الفاعل في مجالس ادارات عدد من الجمعيات والمؤسسات التجارية والخيرية والمصارف رحمه الله وقد مُنح الراحل وسام الملك عبد العزيز من الدرجة الاولى خلال مهرجان الجنادرية وتسلمه من الملك عبد الله بن عبد العزيز .
30 - الهميلي في الشماسية ( من الوداعين ) ومنهم شيخ وداعين الشماسية في عصره الشيخ الأمير الهميلي وجميع أهل الشماسية وداعين من آل شماس وهم من أسسوها
31 - الغزي في الزلفي ( من البدارين ) وهم أهل علم وكرم .
32 - الشايع في الزلفي ( من البدارين ) ومنهم الشاعر المشهورأحمد الناصر الشايع.
33 - المطاريد أهالي الشماسية ( من الوداعين ) من قبيلة الدواسر .
34 - الحصين في مدينة بريدة من قبيلة الدواسرمنهم الشيخ عبدالرحمن بن عبدالله بن محمد الحصين يرحمه الله والمؤلف الشيخ أحمد بن عبدالعزيز الحصين .
35 - اللاحم في الشماسية ثم في بريدة وبلدان أخرى من الخماسين (من الوداعين ) من الدواسر .
36 - اليحيى في الشماسيه (من الوداعين ) من قبيلة الدواسر منهم العقيلي براك اليحيى ومنهم عيد الناصر اليحى تولى أمارة الشماسية فترة ومنهم الشيخ محمد بن عثمان اليحيى وعبدالرحمن اليحيى تولى الأمارة أيضاً ومنهم فضيلة الشيخ الدكتور عبدالرحمن بن عبدالكريم اليحيى وغيرهم من مشاهير هذه الأسرة .
37 - الصمعاني في بريدة وعموم أريافها (من الوداعين ) الدواسر وهم أسرة كبيرة متفرقة في معظم مناطق المملكة وخارجها وأغلبهم من العقيلات منهم عبدالكريم بن محمد الصمعاني شاعر وكاتب وكان عميد هذه الأسرة عقيل بن محمد الصمعاني مؤسس نقرة الصماعين غرب بريدة رحمه الله .
38 - السريع أمراء المعشبة ( من الرجبان ) .
39 - الحماد في روضة سدير ( من البدارين ) .
40 - الخميس والحمدان والصبيح والربيعة وغيرهم من أسر البير ( من البدارين ) العواسج وهم الذين أسسوا البير وفيهم إمارته والصبيح بعضهم من المشهورون في الكويت .
41 - الخميس في عودة سدير ( من البدارين ) .
42 - العودة في بريدة ( من الوداعين ) .

آخر تعديل سدير يوم 13-Feb-2010 في 12:46 AM.